@@ سيارة عائلية للسواق؟ @@ [الأرشيف] - منتديات شبكة الأسهم القطرية

مشاهدة النسخة كاملة : @@ سيارة عائلية للسواق؟ @@

بنـ الدحيل ـت

25-11-2009, 12:14 PM

شبح الصمت

25-11-2009, 12:34 PM

إخواني .. أخواتي

السلام عليكم

أبي رايكم بخصوص سياره للسواق ,

المطلوب :
تكفي 7-8 اشخاص
خراباتها قليلة
قطع غيار متوفرة واسعارها معقولة

جير اتوماتيك
الميزانية اقل من 100 الف ريال أو مائة ألف

وش تشورون علي ؟؟

الله يجزاكم خير

اختي لاند كروزر موديل 2005 او 2006 جي اكس ار بتحصلينه فالسوق من 90 لين 95 واذا تبين عندي في حولي جي اكس ار 2005 ابيض نظيف نظيف ماشاء الله عليه وماشي 150 الف عند رفيج رفيجي ويبي فيه 95 اذا ودج فيه قولي لي ..
اشتري راحت بالج مع تويوتا

لعريق

25-11-2009, 12:44 PM

مرحبــا اختي

في نظري اشوف السكويا انجح سيارة عائلية نزلت

لانها تكفي انها تيوتـا ومعروف عن التيوتا قطع غياره متوفره بكل مكان وسعره ثابت

بس عيبها سعرها غالي

السيارة الثانيه وهي الحل البديل (السوبربان الجديد) جمس او شفر

ميزت السوبربان اذا بتاخذينه مستعمل بيطلع وايد رخيـص وبتوفرين شي من المبلغ

انشالله افدتج وانشالله الاخوان مب مقصرين

بالتوفيق

خيال شمر

25-11-2009, 01:04 PM

أختي وكالة الشفر الي في الاند مارك مسوين عرض منزلين اسعار السيارات ينتهي قبل العيد بيوم يعني بكرة الخميس اخر يوم انا اشوفها سيارة ممتازة للعائلة زائد انج تشترين راحتج يعني السيارة بيكون عليها ضمان 3 سنيين ... والله يوفقكم

Thamer_Qat

25-11-2009, 01:18 PM

انا مع الأخوان في ان الشفر والجمسي حجم سوبربان هي سيارة العائلة الأولى
فيها جودة ومتانة و واسعة جدا ومريحه وماتصرف بترول وخدمة روعة سواء مناعي ولا جيدة
اركبي الاند كروزر واركبي السوبر وشوفي فرق الوسع والرفاهية
وسعر السوبر شفر 145 جديد طبعا هذا سعر خاص جدا لما تحاولين معاهم
اما الجمس فزيدي عشرة تقريبا يعني في حدود 160 وما ادري ليش اغلى مع انهم اخوان ونفس الشي!!
بس للأسف ماعاد فيه سوبربانات سواء مناعي ولا جيدة انا امس عندهم والموجود بس القصير تاهو او يوكن
وفيه 2 مرجعات في قسم السيارات المستعمله بالجيده2007 وشكلهم نظاف وعلى الضمان والسعر اقل من 100 بس ما انصحج بالمستعمل والسعر مايفرق وايد وتهنوا بسيارة جديده فيها ريحة المصنع وياعل راسج سالم الواحد اشكثر بيعيش
بتوصل دفعات 2010 في نهاية يناير سواء مناعي او جيدة وانا باخذ واحد للعيال انشالله
موفقين

الجوكر90

25-11-2009, 04:05 PM

بالتوفيق ان شاء الله

بو عيسى

25-11-2009, 10:20 PM

اختي مالج الا التويوتا وبالتوفيق

السد

25-11-2009, 11:57 PM

عليج اختي باليوكون xl فقط

زمن الغدر

26-11-2009, 12:05 AM

شفر 2009 مستعمل حده 100

شبربوش

26-11-2009, 12:14 AM

لا تفكرين في اي شي غير التويوتا

حتى لو كانت مستعمله

بنـ الدحيل ـت

26-11-2009, 08:02 AM

جزى كل من ساعدني واعطاني فكرة عن السيارات

أتمنى لو أعرف جميع أنواع السيارات لتيوتا العائلية

لأنني سمعت أن التيوتا تبقى سنين ما تخترب

وشكرا لكم مرة أخرى

بو عيسى

26-11-2009, 10:44 AM

جزى كل من ساعدني واعطاني فكرة عن السيارات

أتمنى لو أعرف جميع أنواع السيارات لتيوتا العائلية

لأنني سمعت أن التيوتا تبقى سنين ما تخترب

وشكرا لكم مرة أخرى

السياره العائليه والعمليه وبنفس السعر اللي طلبتيه الكروزر

biker

26-11-2009, 12:56 PM

السلام عليكم
انا اشوف هالسياره مناسبه للعائله وحق دريول وسعرها نفس ما طلبتي وتاخذينها من الشركه اصفار وعليها ضمان في حدود 100الف...اللاند كروزر رفيع ودبل وانتوا مالكم حاجه فالدبل ولا رفع الموتر ..اما التيوتا البريفيا تجيج متوسطه الارتفاع ومريحه وقطع غيار تيوتا متوفره يمكن فالجمعيه من كثرها..روحي معرض التيوتا اللي فالستي سنتر وشوفها عالطبيعه وجربي القعده فيها معا الوالده لان احيانا كبار السن ما يرتاحون حق الكروزرنفس والدتي هذا رايي المتواضع ويبقى القرار لكم..

بنـ الدحيل ـت

26-11-2009, 09:54 PM

جزاكم الله خيراً

هل هناك توضيح أكثر و أكثر عن ( راف فور )

أنواعه ، مواصفاته ، قوته ، الراحة ، السعة ، صرفية الوقود ، .....................

بنـ الدحيل ـت

26-11-2009, 09:59 PM

الرايــق

26-11-2009, 10:35 PM

سلام عليكم
يااخوان وأخوات

من منكم جرب قيادة سيارة الراف فور ؟

وياليت يعطينا انطباعه عن هذه السياره

من حيث الراحه /

هل هي مريحه داخل المدينه وخارجها ؟

والعزم والقوه

وهل تنفع لسبعة أشخاص ؟

سيارة عملية واقتصادية
لكن ما تشيل 7 اشخاص
وبصراحة انا مع الاخ الي اقترح البريفيا دام ان الدريول بيسوقها وبنفس الوقت مريحة جدا

وعيدكم مبارك

بنـ الدحيل ـت

27-11-2009, 12:19 AM

جزاكم الله خير

بكم سعر بريفيا ..؟

وبكم سعر راف فور ..؟

رنج سبورت

27-11-2009, 12:33 AM

جزاكم الله خير

بكم سعر بريفيا ..؟

وبكم سعر راف فور ..؟

البريفيا عائليه واعتقد سعرها بين ال100 وال120 حسب المواصفات

ابتعدي عن الراف فور

واذا ودج في سياره اكبر شوفي التاهو (شفر)

LiL iNVe$ToR

27-11-2009, 06:46 AM

راف فور صغييره وايد ..

عن نفسي انصحج بالتاهو او اليوكن اذا لقيتي مرجع مستعمل نظيف بيكون سعره فالميزانيه اللي حاطتها .. وابتعدي عن الكروزر التيوتا ..

biker

27-11-2009, 02:08 PM

راف فور سياره ..سبورت رياضيه يعني حق عائله صغيييره ..يعني ما يتعدون 4 ..واذا كانوا من اصحاب اوزان الفيل ..طبعا بيتراعصون ..فالركوب والنزول ..
بالتوفيق

بنـ الدحيل ـت

27-11-2009, 07:28 PM

طيب أقرب محل لتيوتا بالنسبة لمنطقة الدحيل

أين موقعهم ..؟

رنج سبورت

28-11-2009, 11:55 AM

طيب أقرب محل لتيوتا بالنسبة لمنطقة الدحيل

أين موقعهم ..؟

سيتي سنتر جنب السكيتنغ
وعيدج مبارك