ممكن أعرف احسن محل لدايت؟!!!!

[ذوق]

السلام عليكم ورحمة الله وبركاته

كيف الحال يالغوالي...عساكم على القوه وكل عام وانت بخير


ما ابي أكثر عليكم الأسأله ... خبركم الناس مستعيله مع مشاويرالعيد :telephone:

بس بغيت أحسن محل لأكل الدايت ويكون في الشهر ما بين 1000 حتى 1500 وأكلهم حلو .. لأن بصراحه هذي حدود أكلي في الشهر بحكم شغلي واكل المطاعم والكافيهات ... فأحطه في اكل صحي وايد أفود لي ...

وأتمنى الكل يفيد ويستفيد ...

الله أكبر الله أكبر ... لا اله الا الله
الله اكبر الله أكبر ... ولله الحمد
الله أكبر كبيرا ... والحمدالله كثيرا


أختكم

ذوق

[alrheeb2020]

الصراحه ماجربت ولا محل ..

ان شاء الله الاخوان بيقصرون معاك

[ذوق]

تسلم يالطيب....وشاكرتلك على المرور

[بنت ذياب]

ماجربت والله

بس عندج ,, دايت سنتر

يطرشون لج الاكل .. يوميا لين باب بيتكم

واعرف ثنتين .. جربوا ياخذون من عندهم

بس يقولون مااضعفوا

نفس الشي ,,

واكلهم زين مب شين

ووبالشهر 2500

وووبس :)

[ذوق]

لا هو مستحيل انهم ينزل وزنهم بدون مايخبصون لأني قبل كنت مشتركه معاهم واخبص لأن اكلهم مايشبعني بصراحه هههههههه

ويختج 2500 في الشهر وااايد جنه قسط سياره

شنو محلات الدايت غير الدايت سنتر .. اتمنى حد يفيدني

[حدالكلمه]

طيب شنهي محتويات الوجبة ؟؟؟

ياريت اللي يعرف يفيدنا --

[ذوق]

كل شي يا أخوي موجود من نشويات وبروتينات وسكريات الخ...ولكن بسعرات حراريه اقل

[بنت ذياب]

طيب شنهي محتويات الوجبة ؟؟؟

ياريت اللي يعرف يفيدنا --

ريوق

غدا

سناك

فاكهه

سلطات

:telephone:

[نمر بن عدوان]

نصيحة الدايت انتي تسوينة بنفسج الاكل العادي وكثري من عصير التوت والاناناس . وفي الليل قبل النوم كوب زنجبيل .

لاتاكلين وتنامين لان هذي اكبر مصيبة اقل شي النوم بعد اي وجبة ب4ساعات .

حركة الجسم مهمه وفي حركة ممكن تسوينها ونتي قاعده مكانج. تهزين بيدج المناطق الي فيها شحوم بسرعة ولمدة 5دقايق يعني اذا البطن تهزين البطن بيدينج بسرعة ولمدة 5دقايق اي وقت تكونين فيه مريحة قدام التلفزيون مثلا.

المشي او السباحة مع الدايت عشان مايصير ترهل . وكل عام ونتوا بخير

[ذوق]

تسلم أخوي نمر على المرور...بس للأسف اني بحكم شغلي ماعندي وقت حق اكل البيت ... أصلآ طلعتي وحده لين الليل ... فمضطره اني اشترك في دايت والرياضه الحمدالله كل يوم الصبح تمارين بس مافي فايده اذا الأكل دسم

وكل عام وانت بخير

[ذوق]

الله أكبر الله أكبر ولله الحمد

وينكم يا جماعه

[المجروح81]

عيدج مبارك
وكل سنه وانتي بخير
انا من رايي تعتمدين ع وجبه وحده في اليوم الا وهي يكون مشوي

مثل دجاج مشوي او كباب مشوي او اي شي مسلوق او سلطه خضرا

ويكون هاي غدا بس وبدون عشا
صدقيني راح تخفين انا كنت 94 وصار وزني 74
وحمدالله ثابت عالهالوزن ومحافظ عليه
رجعت اكل بس خفيف وترا الرجيم يعتمد اهم شي ع الاراده لازم تكون ارادتج قويه وان جسمج مب عاجبج صدقيني بمجرد تكون عندج الاراده بتسوين المستحيل

واسمحي لي عالاطاله اختي

[شموخ وبس]

في محل دايت في فريج بن عمران بس مادري كم بالشهر ونصيحه سويلج انتي مثلا الاساسيات اهيا لازم اتعاملين ويا خبز اسمر او توست اسمر -سكر سبليندا يعني بيباي حق سكر الابيض غير جذي كل شي تاخذينه لازم قليل الدسم من جميع منتجات الالبان- الحلويات والاسكريمات بعد بيباي واذا كلش اشتهيتي اخذي دارك شوكليت ومال الشيكر فري غير جذي الرياضه من مشي وقيره واذا رحتي النادي العبي الايروبيك حلو اذا عندج وقت والا سوي في البيت وخلصي بتجوفين اقل من شهر الا ومنطقة البطن مفشوشه

[الفولاذ]

سلام عليكم
احسن محل ووالله اني صادق
ولا لي مصلحة مع راعي المحل:tease:
يدش:nice:
خفي يدج عن لكل وخلي المحلات وانا اخوش وشوفي

[h2004]

انا جربت ثلاث محلات للدايت فاوصي بارخصهم واكثر مرونة واحدثهم وهو الكوفي دايت مقرهم عمارة روتاج الثانية التي بالقرب من شارات السد في الدور الثاني او الثالث فعندهم عرض الوجبات بدون فطور ب 1800 ومعاملتهم طيبة والنتائج على مدى التزامك وبالتوفيق

[La Bella]

بيرفكت ويت صوب السوق المركزي
الشهرين ب 750

[ذوق]

تسلموووون يالغوالي بس بخصوص أختي لا بيلا هذا بيرفكت ويت هل انتي جربتيه او سمعتي عنه لأني مابي اقط فلوسي على أكل غير مستساغ

ولج جزيل الشكر يالغوالي

[ذوق]

أخوي
h2004 هل تقصد الدايت كوفي الي يم طخه بيتزهت رمادا ولنوتر .. !!

تسلم على الرد

[ذوق]

ويسلمولي باقي الأخوان على الردود

[La Bella]

تسلموووون يالغوالي بس بخصوص أختي لا بيلا هذا بيرفكت ويت هل انتي جربتيه او سمعتي عنه لأني مابي اقط فلوسي على أكل غير مستساغ

ولج جزيل الشكر يالغوالي

هلا أختي أي مشتركة بالبرنامج

والأكل مش من عندهم هم يعطونج جدول تتبعينه تشترين الأكل من برع ولا تسوينه بالبيت

وعندهم منتجات مثل عصائر وشاي وبسكوت وكلها من بلغاريا وأماكن ثانية
وش رايج تبين أصور لج الصور؟؟

[عناد2009]

بيرفكت ويت صوب السوق المركزي
الشهرين ب 750

ممتاز ماعليه كلام يبيله اراده قويه اعرف وحده نزلت في 3 شهور حوالي 20كيلو ماشاالله

[مهره]

انا من راي دكتور نيوترشن ممتاز يعطيك نظام وتمشي علية واعرف ناس نزل وزنهم

موفق

[ذوق]

تسلمين يالغاليه..جان بتحطين الصور للأعضاء مابه خلاف...ولكن انا صعبه..يبيله اكل جاهز

ثانكس