بيروت

[فرحة الكواري]

السلام عليكم


عيدكم مبارك و عساكم من عواده


ياجماعة الخير ويا اهل الخبره في لبنان بغيت منكم مساعده


ان شاء الله رايحة لبنان بعد فتره وحبيت استفسر وين افضل مكان لحجز السكن فندق او شقق فندقيه ؟؟

وين تنصحوني .. انا افضل بشارع الحمرا

نصحوني في الكراون بلازا شرايكم او شي قريب منه


جزاكم الله خير

[مافيا قطر]

والله خيتوا الجو هسه هناك بارد وبدوا لبس كوى وتقيل

وان شاء الله الاخوان راحو يفيدونك ورحله موفكه فيها خيتوا

[Chambray]

اختي فرحة كل عام وانتي بخير وعيدكم مبارك
انصحج اختي بفندق الموفنبيك .. ثم فندق فينيسيا .. ثم فندق الحبتور .. ثم هناك شقق قريبه من السوليدير اسمها المركزية مونرو (www.monroebeirut.com)
وفي شقق ايضاً اسمها فونيكس .. حلوه بعد قريبه من عين المرسيه والحمرا

وبالتوفيق اختي

[فرحة الكواري]

جزاكم الله خير على الافادة

[عبدالرحمن]

اذا انتي من النوع الي تبين الفندق بس حق النوم وتحبين تطلعين طول الوقت وتمشين يصلح لج هالفندق
هو حليو واسعاره اخبر حلوه بس مب فخم يعني اتوقع له 4 نجوم وعلى قولتهم فندق مش حالك تحته على طول شارع الحمرا قهاوي ومطاعم وتمشي
اذا تبين فندق غرفه واسعه وشرحه وحلوه مالج الا الحبتور وخذيه مع الفطور(الترويئه) في اخر دور فوق المطعم ومنظر حلو اما الفخامة كلها والوبي الحلو هو فنيسيا بس غرفه تعبانه السويتات والغرف العاديه اما الاجنحه مادري عنها
اتمنى فدتج والجو بارد حاليا عندهم

[فرحة الكواري]

الله يجزاك خير اخوي عبدالرحمن

اكثر الظن كروان بلازا لان مهمتي اساسا في هالفندق - اريح لي وللوالد

يعطيك العافية

[eXpert*]

كراون بلازا حلو في الحمرا وكل شئ حولك .

واذا تبين شقق فيه شقق اسمها ،، اليجينت في الحمرا حلوه الشقق .

[قطري33]

كل عام وأنتي بألف خير وعيدج مبارك اختي فرحه
اعتقد الاخوان ماقصروا دلوج على اكثر من فندق وشقق
لذلك انا مشاركتي بقتصرها وبدليج على مطعم اسمه منير في منطقه جبليه اسمها برمانا من افضل المطاعم في لبنان .. اكله ممتاز وخدمتة ممتازه والمنظر من المطعم يرد الروووح ... ان رحتيه ان شاء الله بتدعين لي دعوه بظهر الغيب .
تروحين وترجعين بالسلامة انتي والوالد وموفقه ان شاء الله في مهمتج

اخوج/ قطري33

[فرحة الكواري]

تسلم اخوي اكسبيرت

[فرحة الكواري]

شاكرة لك اخوي قطري33

[Chambray]

اخوي قطري منير الي في برمانه حلو ، لكن في مطعم في جبيل اسمه لوكندا شمال بيروت
اكل رائع جداً جداً
http://www3.0zz0.com/2009/04/09/08/338284495.jpg

[خوخه وحلو]

ممكن عنوانه بضبط ضروري لاني ف لبنان وسالت عن المطعم مايعرفونه بليز

[تحداني]

.. سفره ممتعه ان شاء الله ..

عن نفسي سكنت في جونيه .." منطقه مسيحيه "
ومطله على البحر ..



مكان جدا رااااااااااائع ...


معظم الخليجين اجدهم في الحمرا ..
السوليدير ..
عاليه ..


ولكنها دائما مكتضه ..
وبارده جدا جدا هذه الايام ..



الله يسعدك يارب

[simsim1963]

ابعدي عن فندق كراون بلازا غرفهم كشرة وتعبانه واثاثها قديم والخدمه مب شئ عليك بروتانا في الحمراء احلى واحسن وقريب من كل شئ

[La Bella]

بالتوفيق

[الجبهان]

ان شاء الله يفيدوك الاخوان

[فرحة الكواري]

.. سفره ممتعه ان شاء الله ..
عن نفسي سكنت في جونيه .." منطقه مسيحيه "
ومطله على البحر ..
مكان جدا رااااااااااائع ...
معظم الخليجين اجدهم في الحمرا ..
السوليدير ..
عاليه ..
للكنها دائما مكتضه ..
وبارده جدا جدا هذه الايام ..
الله يسعدك يارب

الله يجزاج خير

تواجدي في شارع الحمرا افضل لي لان الورشة اللي بحضرها في هذه المنطقة والله المستعان لاني ماحب الزحمه والحشرة :(

وشكلي بجهز ملابس ثقيله

شاكرة لج تحداني على تواجدج ومشاركتج

[فرحة الكواري]

شكرا للجميع على مشاركتكم وافادتكم

الله يجزاكم كل خير

[HAMAD9030]

فندق فينيسيا وبس

[راعي البورصه]

كراون بلازا الحمرا من تجربه شخصيه
فندق هادي وكل شي عندج

[party]

دام عندج ورشه هناك

اسكني فيه ابرك لج لان اذا سكنتي بعيد مستحيا توصلين على الوقت من كثرة الزحمه بشارع الحمرا

لان شارع الحمرا كل شي فيه جامعات ومستشفيات وسوق ومطاعم

تخيلي الزحمه

الله يوفقج

[salman_qtr]

الله يوفقك اختي فرحه ... تروحين وتردين بسلامه

[فرحة الكواري]

فندق فينيسيا وبس

شاكرة لك

[فرحة الكواري]

كراون بلازا الحمرا من تجربه شخصيه
فندق هادي وكل شي عندج

جزاك الله خير طمنتني :)

[فرحة الكواري]

دام عندج ورشه هناك

اسكني فيه ابرك لج لان اذا سكنتي بعيد مستحيا توصلين على الوقت من كثرة الزحمه بشارع الحمرا

لان شارع الحمرا كل شي فيه جامعات ومستشفيات وسوق ومطاعم

تخيلي الزحمه

الله يوفقج

وهذا نفس كلام الأهل ومشيت عليه .. اريح لي

الف شكر على التواصل

[فرحة الكواري]

الله يوفقك اختي فرحه ... تروحين وتردين بسلامه

الله يوفق الجميع يارب

شاكرة لك

[مستر قطر]

افضل مكان بنسبه لي فندق فينيسيا الانتركنتنتال

[HAMAD9030]

حمدالله على السلامة متا الوصول من بيروت

[السهم الملتهب]

أنا مارحت لبيروت بس الربع

يامدحون الحبتور وفينسيا بس هالفندقين يمدحونها كثيرة

[اسما]

صحيح السكن بالحمرا متعب عجئة كتير