اليوم عرفة ..... ام يوم المخالفات العالمي

[بواردي]

في يوم مثل يوم عرفة والناس صيام

نازلين صك مخالفات في خلق الله

والنصيب الاكبر في منطقة سوق العلي وعلى باقي الدواوير

اللي تعودنا منهم ينظمون السير ويمشون السييايير ويخففون الزحمة

اليوم كل واحد ماسكله قلم ودفتر

والمخالفات بالجملة ؟؟

طبعا الكلام مب للمرور

الكلام لحبايبنا في اللخويا

[yosif1]

الي يخالف يتحمل ذنبه
لخويا هاي واجبهم حفظ النظام

[سداوي&مدريدي]

بواردي انت مدريدي.. وعزيز وغالي على قلبي :shy:

يالغالي هذا شغلهم .. وصدقني مب معطينهم مخالفه الا وهم يستحقونها :nice:

والله يعطيهم الصحه والعافيه

كل عام وانت بخير :victory:

[سداوي&مدريدي]

شكلهم صاكينك بمخالفه :secret:

[الموضوعي]

المشكلة اننا نضطر للمخالفة بسبب عدم وجود مواقف وسوء تخطيط الشوارع وتنظيم المناطق ، ومدام لدينا وزارة بلدية وتخطيط تعيش في القرون الوسطى يديرها عدد من اصحاب الدماء الزرقاء وإدارة مرور انتهازية ستستمر المخالفات في الإزدياد

[بواردي]

المشكلة اننا نضطر للمخالفة بسبب عدم وجود مواقف وسوء تخطيط الشوارع وتنظيم المناطق ، ومدام لدينا وزارة بلدية وتخطيط تعيش في القرون الوسطى يديرها عدد من اصحاب الدماء الزرقاء وإدارة مرور انتهازية ستستمر المخالفات في الإزدياد

هذا هو مربط الفرس

يعني الحين سوق العلي

سوق في هالحجم وفي هالتخطيط اللي ما ادري بنغالي مسويه...

ياخذ كل هالسيايير وين الواحد يحصل له باركن يصفط فيه

والحبايب ما صدقوا على الله ولا القهر مخالفات حزام امان

يعني وينكم من زمان على هالمخالفات

والله بس شاطرين في هاليوم بالذات

[بواردي]

الي يخالف يتحمل ذنبه
لخويا هاي واجبهم حفظ النظام

ما قلنا شي
بس على الكل

وهالايام صارت المخالفة تعتمد على نوع الموتر والرقم

اذا هو ثلاثي مميز

والموتر لمبرغيني او بنتلي

يسوي نفسه ما يشوف او يطالع الساعة او يدور له فقير راكب له استاندر يطلع فيه حرته

[الجوكر90]

عادي متعودين

[QaTaR_OnE]

كل عيد جذي .. شكلهم يتصيدون حق الناس .. مب عارف ليش المرور جذي لازم يخربون فرحه العيد

والقهر يقولون هدفنا مب مادي .. مايعرفون ينظمون المرور بدون مخالفات ؟؟

[بومحمد911]

يا جماعة الخير يعني لازم اتحصل موقف جدام المحل واذا ما حصلت تخالف ليش انزين

الله لا يهينك في اماكن واايد حول سوق العلي توسع لسيارات كثيرة بس يبيلها شوي مشي

منها تحرك الدورة الدموية ومنها تتجنب المخالفات

وكل عام وانتم بخير

[السد]

عيدية العيد
جهز فلوسك
الله يعينك

[بواردي]

كل عيد جذي .. شكلهم يتصيدون حق الناس .. مب عارف ليش المرور جذي لازم يخربون فرحه العيد

والقهر يقولون هدفنا مب مادي .. مايعرفون ينظمون المرور بدون مخالفات ؟؟

اي اهم شي الرادارات المخشوشة

هاي مب اهداف مادية....

والله لو انا في الاخويا او المرور
وبغيت اخالف واحد
بطلع له مليون مخالفة
اقل شي بقول له عدم الالتزام بالخطوط الارضية
ليش تدوس على الخط في الشارع:nice:

[Bu Rashid]

صج هاي شغلهم ولكن الناس تبي تقضي اشغالها
يرحمووون من في الارض يرحمهم من في السماء

مشكووور اخوي بورادي وعيدك مبارك

[بواردي]

يا جماعة الخير يعني لازم اتحصل موقف جدام المحل واذا ما حصلت تخالف ليش انزين

الله لا يهينك في اماكن واايد حول سوق العلي توسع لسيارات كثيرة بس يبيلها شوي مشي

منها تحرك الدورة الدموية ومنها تتجنب المخالفات

وكل عام وانتم بخير

يعني شرايك ابركن في البراحة جدام حديقة اللقطة واتمشى لين تميمة ...؟

يبيله الواحد يحط له سيكل اسبير في الموتر

ويصفط في مكان وبعدها يتل السيكل ويكمل مشاويره

[بواردي]

صج هاي شغلهم ولكن الناس تبي تقضي اشغالها
يرحمووون من في الارض يرحمهم من في السماء

مشكووور اخوي بورادي وعيدك مبارك


هلا بورشود كل عام وانت بخير
وعساك من عواده

صدقت يعني هم مايعرفون ايام العياد والناس تركض بتخلص مشاويرها

ولكن اهم شي الدفتر ينترس

[alrheeb2020]

هذا هو مربط الفرس

يعني الحين سوق العلي

سوق في هالحجم وفي هالتخطيط اللي ما ادري بنغالي مسويه...

ياخذ كل هالسيايير وين الواحد يحصل له باركن يصفط فيه

والحبايب ما صدقوا على الله ولا القهر مخالفات حزام امان

يعني وينكم من زمان على هالمخالفات

والله بس شاطرين في هاليوم بالذات


الله يعينك ..

امس مريت سوق العلي ..

ولا كل واحد سافط في صوب وزحمه مووووت ..

يعني نفس ماقلت سوء تخطيط ..

لكن ليش احنه نروح في اخر لحظه ليش مانروح قبل علشان تفادى الزحمه ..

ويعطيك العافيه

[بواردي]

الله يعينك ..

امس مريت سوق العلي ..

ولا كل واحد سافط في صوب وزحمه مووووت ..

يعني نفس ماقلت سوء تخطيط ..

لكن ليش احنه نروح في اخر لحظه ليش مانروح قبل علشان تفادى الزحمه ..

ويعطيك العافيه

حبيبي انت

معسكر في المنتدى 24 ساعة مشاء الله عليك

والله ياخي انت تدري دوامات واشغال يعني الواحد ما يمديه يخلص شغله في الوقت اللي يبيه

[doha1]

ياشيخ انت تتكلم عن افراد جايتهم اوامر من فوق يعني مابيدهم شي الا اذا بيتقاضون

بس مايقدرون يتقاضون عن كل شي خاصه اذا احد الضباط موجود

[MeMe MoOoON]

اهو صج انه هذا شغلهم بس اكثر الاماكن عندنا صج مافي مواقف كافيه ويضطر الواحد يسوي هالشي يعني وين يقط بنفسه

[مافيا قطر]

لانه الشباب الصراحه مصخينها ويسدون الشارع وظاربين مخفى كامل

وكل واحد يتمشى شوى شوى تقول الشارع له وهاى واجبهم

[قناص قطر]

السلام عليكم

الزحمه سببها سوء سواقه مب سوء تخطيط

بقولك موقف صار للسايق اللي عندي صاف الموتر بموقف

وتخيل بكل وقاحه جاء واحد وصف وراء مخالف وقفل الموتر وحرك اتصلي السايق

قلت له انتظر تخيل والله 40 دقيقه والرجال مب مفتكر بالسيارات اللي صاف وراهم

واقسم بالله هذا لو صاف وراي 5 دقايق بس لافرغ الشوزن بمخه

قلت ادب و قلت عقل

وتقول دفتر وقلم

ناس ما تستحي لا تحترم لا قانون ولا تحترم رجل المرور

[مسكين]

يالربع المعقول معقول

وربي بعض الشرطة ماعنده ثقافة وفهم لتحرير المخالفة وأنا مرة في معرض ناقشت مسؤولين من المرور ووجدت أن لهم توجه غير الموجود في الميدان باضرب لكم مثال

سوق واقف الحين الواحد كم بيسوق الواحد فيه بين هالأزقة والممرات !! تصدقون بالله أن الشرطي يحرر مخالفة حزام الأمان !!!!!! وويييييييييين مخه أبغي اعرف مايشوف الواحد مربووووط في هالممرات مايقدر يمشي 30 ويعطي مخالفة !!!!! قلت للضابط في المعرض قال لو عطاك مخالفة تعال لي !!! قلت وين النص اللي يثبت غلطته ولا القانون مطاط يقدر الواحد يفعله ويقدر يهمله بسم التقدير الشخصي


بعض المخالفات نعم يستحق مرتكبها المخالفة لكن فيه بعضها غير معقوووووول

[بوخالد911]

لا تبوق ولا تخاااف


امشي عدل يحتار عدوك فيك

[وليف قطر]

مافيه شك ان هذا شغلهم .. وانهم ما يتبلوون على حد

بس المفروض .. يراعون الزحمه و العيد .. و ما يكون فيه تشديد ع الأقل اليوم بس


لكن الكلام ما يفيد .. خللّص اليوم

و اللي أكلها .. أكلها :nice:

[الدوحي7]

من الفراغ الى هم فيه يصكون العالم مخالفات،،حقك بتاخذه في غير هذا اليوم، وانا اعتبر المخالفات المبالغ فيها ظلم لناس،،

[QaTaR_OnE]

يالربع المعقول معقول

وربي بعض الشرطة ماعنده ثقافة وفهم لتحرير المخالفة وأنا مرة في معرض ناقشت مسؤولين من المرور ووجدت أن لهم توجه غير الموجود في الميدان باضرب لكم مثال

سوق واقف الحين الواحد كم بيسوق الواحد فيه بين هالأزقة والممرات !! تصدقون بالله أن الشرطي يحرر مخالفة حزام الأمان !!!!!! وويييييييييين مخه أبغي اعرف مايشوف الواحد مربووووط في هالممرات مايقدر يمشي 30 ويعطي مخالفة !!!!! قلت للضابط في المعرض قال لو عطاك مخالفة تعال لي !!! قلت وين النص اللي يثبت غلطته ولا القانون مطاط يقدر الواحد يفعله ويقدر يهمله بسم التقدير الشخصي


بعض المخالفات نعم يستحق مرتكبها المخالفة لكن فيه بعضها غير معقوووووول


نفس الشي في مواقف المجمعات اللي ماتقدر تمشي فيها حتى 20 واقفين ويخالفون .. ولو تروح على الخطوط الخارجيه ماتحصل ولا شرطي

مانقول الا الله فوق كل ظالم واللي وضع قانون المرور

[عضو المنتدى]

أخوي .. واحد من اللخويا سجل علي مخالفة بالغلط ...

وتعبت وانا أركض وراهم لإلغاء المخالفة

بس النقيب ما يبغي يعترف بغلطته سمعني قانون جديد أول مرة أسمع به حتى

لا يتهم ربعه بالغلط !!

المهم لم تلغي المخالفة .

أحنا مب ملحقين مخالفات شرطه المرور بقوانينهم وجاو الحين اللخويا بقوانين جديده

الكل يحط قانون ويمسك القلم والدفتر و يوقف على الشارع ... بدلا من تنظيم السير .

.

[العلم الوكاد]

صبرا جميل والله المستعان

[ابو عادل]

اي اهم شي الرادارات المخشوشة

nice:
هاي اللي يذبح !!!!!!!!!

يعني دامكم خايفين على الارواح ليش خاشين الرادار خلو الناس تشوفه عشان تخاف وتهدي

حاجه تأرف :(

[ولد النواخذه]

القانون يظل قانون سواء يوم عرفة او اي يوم اخر والجميع لازم يلتزم ومايتذمر

[المغروره]

سلامي عليهم الخوووووويا خلهم يمشون هالي يخبطوون ويوقفون غلط
تحياتي لهم