موضوع للنقاش : هل ستحل البورشة الباناميرا محل المرسيدس cls ??

[السد]

بعد ما نزلت البورشة الباناميرافي الاسواق هل ستحل محل المرسيدس cls
اترك لكم الاجابة ..

[عبدالرحمن]

الله يهداك يالسد مافي مقارنة كلش شجاب لين جاب .......لا اسي ال اس ولا المرسدس بكبره ولا حتى البيم تقارنها مع البانميرا تبي تقارن قارن بالمزراتي 4 ابواب ولا ام 5 اوكي ممكن في مقارنة شوي
ام اسي ال اس كنت متوقع المصنع بيوقف انتاجة
البانيمرا تفجير صراحه وانا اعتبرها قنبلة بورش لعام 2010 وخصوصا التيربو الي عليها رنغات السبايدر

[LiL iNVe$ToR]

مب شرط ...كل واحد له ذوقه ورايه فالسيارتين ..

[ساحر برشلونة]

المقارنة ظالمة

الافضلية للبورش

[HEART_LION]

مافيه وجهه لمقارنه طبعا

[قطري فلته]

صراحه كان عندي كيان تيربو بعتها ومتحسف فيها واشلون هل القنبله بناميرا والله الى فرق بين وبين المرسيدس من داخل ومن برا رفاهيه موب صاحيه البورش وغير كذا العزم مش ممكن مششش ممكن

[قطري33]

مثل ماقالوا الاخوان قبلي كلن وذوقه بس انا افضل المرسيدس بشكل عام خصوصا موديلات الــ2010 خصوصا بعد الفيس لفت للــs والــcls والتغيير الكامل للــe class

[المريش]

صراحة البورش للي يلي يجمع بين الفخامة والسبورت
وانا واحد مجرب البورش والبي ام والمرسيدس
البورش سواقته ممتازة بس للي يحب السبورت
والمرسدس للي يبي الرزة سعره حلو للبيع
اما ألبي ام عني أحسنهم سواقة


والناس اذواق

[السد]

بانتظارالمزيد من الردود

[نيساني]

والله كل شي جايز!


ويسلمووووووووو

[أبو تميم]

السيارات أذواق اخوي السد ومافي شي يحل محل شي ....

[honey_uk]

وشهي اسعار البنميرا شباب ؟

[ALRAYYAN]

هههههههههههههه

عجبني العنوان .. موضوع للنقاش

عيدك مبارك يالسد

[بـن عدوان]

لا ياخوي ماعتقد، واللي سمعته انه الـ cls بيوفقون انتاجها ومادري من اللي بتحل مكانها.

بخصوص البانيميرا

موتر ماااااااااله حل والله

[ابوراشد قطر]

مافية مقارنه انتو شفتو شكل السيارة صراااااااااااحة عجيبة الله يرزقنا بوحدة نفسها قولو أمين

[السد]

هههههههههههههه

عجبني العنوان .. موضوع للنقاش

عيدك مبارك يالسد

عساك من العايدين السعيدين
وبما ان عجبك عنوان الموضوع
نتمنى ان تثري الموضوع
:nice::nice::nice::nice:

[Ţ σ σ t]

الصراحه انا ما أعلق على هالمواضيع وبالأحرى ما اقراها من اساسه

بس جذبني العنوان والسبب "سيارتي" cls

ماشفت البروش واتوقع انها رووعه بس لو تسألني اقول cls لانها سيارتي ومريحه جددددااااا

والسيرفس من اروع مايمكن والله اللي يركب مرسيدس الشركه ماتقصر وتدلعه أخر دلع <<< قصدي انهم واجد اوكي

وطبعا كل شخص وذوقه وكل سياره ولها ميزاتها وهيبتها

وعيدكم مبارك جميع :)

[ALRAYYAN]

عساك من العايدين السعيدين
وبما ان عجبك عنوان الموضوع
نتمنى ان تثري الموضوع
:nice::nice::nice::nice:

والله انا مال كروزرات يالغالي .. وجربت وسقت كل هالمواتر وماشاء الله مواتر حلوه

بس بين الالماني ماشوف احلى من المرسدس بانواعه

:nice:

[khalid-_-999]

والله انا اعشق المرسيدس بس البانميرا ما عليها كلااااااااااااااام واتةق انها احسن من المرسيدس

شوي هههههههههههههههه

[فــلان]

عيدكم مبارك و عساكم من العايدين الفايزين :)

http://www.theautochannel.com/news/2008/10/07/157820.1-lg.jpg

[simota uae]

اي مرسيدس اي بطيخ بالله عليك حد يقارن الارض بالسما

مشكلة الفلسفه

[علامة تعجب]

والله لا المرسيدس ولا البورش >>>لبنتلي<<<
من وجهت نضري الشخصيه بس البورش حلوه صراحه..,

[السد]

للرفع

[هاوي911]

صوووووووووووتي مع البورش

[وحيد-الشوق]

البورش ماعليها كلام لكن شوفها من عالجنب او من ورا تحسها بيجو مب بورش

المقارنه اشوفها شوي غير عادلة ليش ذكرت الcls فقط ياكثر مواتر المرسيدس عندهم قنابل كثيره مثل الs65 وال e63 والc63

صوتي بيكون للمرسيدس وتحديدا الفئة s

[kakashi]

حلت وخلصت

موتر تفجير الصراحه

[alkoos]

بالعكس شكلها وايد حلو ومن كل الجوانب ومن الداخل حدث ولا حرج وعتقد مافي مقارنه بينها وبين السي ال اس

[السد]

البورش ماعليها كلام لكن شوفها من عالجنب او من ورا تحسها بيجو مب بورش

المقارنه اشوفها شوي غير عادلة ليش ذكرت الcls فقط ياكثر مواتر المرسيدس عندهم قنابل كثيره مثل الs65 وال e63 والc63

صوتي بيكون للمرسيدس وتحديدا الفئة s

اخوي انا ذكرت المرسيدس cls بناء على ان موتر سبورت 4 ابواب

[TRAINING]

العيد عليكم مبارك
انا اقارن البورش مع البنتلي واهي الاحلى كفايه اتجي من اي صوب واتشوفها وتسحرك