مواقف سوق واقف

[abo rashid]

السلام عليكم و رحمة الله و بركاتة
مواقف سوق واقف
اليوم و مع فرحة العيد قلت اروح سوق واقف و اتطمش على السوق وافرج عن نفسي و عن اعيالي
دخلنا المواقف و بعد عناء الانتظار و لفينا شوي و المسؤل واقف و قلت لة ياخوي
ليش اددخلون السيارات و مافية مواقف صكرو البوابة عشان محد يدور و يدور و اخرتة ما يحصل لة موقف , الاخ يقول لك 10 دقايق ادور فها موقف
المهم لفيت كم مرة ما حصلت شئ و قررت اطلع من المواقف رحت عند بوابة الخروج و عطيت البطاقة الموظف تدرون ايش قال لى 3 ريال قلت لو اني صاف السيارة معلية لكن ما فية موقف
واحسب كم سيارة صار لها مثل اللى صار لي
و بعدين المواقف قراقير اللى عندة سيارة كبيرة يتوهق و خاصة ؟؟؟؟؟ عشان ما يزعلون
الله المستعان
:telephone:
لقد اسمعت لو ناديت حيا ولكن لا حياة لمن تنادى

[هام السحاب]

هاذي يسمونها ضرائب بس بأسلوب راقي

[..er..]

ابوراشد

اول شي كل عام وانت بخير


وعيدك مبارك


ومن ناحيه المواقف صدقني صارت علي اكثر من مره

والمشكله سيارتي جمس وطويل وام الوهقه :(

واخذ عشر لـ ربع ساعه وانا افتر ادور موقف وماحصل

واذا طلعت قالت لي الموظفه ادفع

طيب ادفع ليش وانا ماوقفت

قلت هذا الي صاير الي يدخل يدفع 3 ريال على الساعه

اوكي ساعه انا ماخذت عشر دقايق ليش ادفع

وصدقني بنتعب واحنا نصارخ ونصايح :(

[abo rashid]

هاذي يسمونها ضرائب بس بأسلوب راقي

هلا
هذي الاشياء بس على اهل قطر و باقي الناس سلام و سلام

[abo rashid]

ابوراشد

اول شي كل عام وانت بخير


وعيدك مبارك


ومن ناحيه المواقف صدقني صارت علي اكثر من مره

والمشكله سيارتي جمس وطويل وام الوهقه :(

واخذ عشر لـ ربع ساعه وانا افتر ادور موقف وماحصل

واذا طلعت قالت لي الموظفه ادفع

طيب ادفع ليش وانا ماوقفت

قلت هذا الي صاير الي يدخل يدفع 3 ريال على الساعه

اوكي ساعه انا ماخذت عشر دقايق ليش ادفع

وصدقني بنتعب واحنا نصارخ ونصايح :(

من العايدين الفايزين

اعتقد ان المسؤلين من كثر ما يسمعون الشكاوي يقولون انتو اهل قطر كلة تشتكون و بس ما يعجبكم شئ و كفاية الماء و الكهربة ببلاش

[سوق واقف]

موضوع جميل صحيح كلامك

أتمنى يسووون نفس دبي البوابة ما تفتح لين ما يفضى باركن واول ما يفضى تضغط وتاخذ كرت واذا مافي باركن تحصل شاشه مكتوب فيها فل

والمواقف ضيقة كلش..

[مسباح عاج]

السلام عليكم ،،

تم تجهيز ساحة جديدة للمواقف ، ومواقفها بالطول في موقع قسم شرطة العاصمة سابقاً
لها مدخل أول شارع حمد الكبير من صوب الكورنيش ومدخل من ناحية وزارة الخارجية
وتتسع لحوالي 200 سيارة تقريباً
ولكن هل بتكون مجانية أو برسوم مثل المواقف الباقية .

[ولد الشقب]

مب ضيقه الا قبر............................

[سوق واقف]

السلام عليكم ،،

تم تجهيز ساحة جديدة للمواقف ، ومواقفها بالطول في موقع قسم شرطة العاصمة سابقاً
لها مدخل أول شارع حمد الكبير من صوب الكورنيش ومدخل من ناحية وزارة الخارجية
وتتسع لحوالي 200 سيارة تقريباً
ولكن هل بتكون مجانية أو برسوم مثل المواقف الباقية .

يالغالي والله أنا ضد أنها تكون مجانية والله أتمنى الدخول مجانا وكل ساعه 4 ريال مثل دبي

لأنه والله أذا مجانية لو نموت ماراح نحصل باركن ,,, والله أنا أذا أروح دبي أفضل موقف بشرة دراهم بدل الدوارة عشان احصل باركن .

وجهة نظر

أمس رحت واول مرة احصل موقف في سوق واقف تدري ليش لأنه خلاص كل واحد يجي يخلص شله ويطلع مب يصف ويطلع مع ربعه

[دكتورة روح]

الله يعينكم والله

[بن داوود]

نصحيتي للجميع الي يبي يروح سوق واقف يروح في سياره كروه او لموزين او يخلي حد يوصله

[yosif1]

نفس المشكلة مواقف ستي سنتر

[غناتي1]

لقد اسمعت لو ناديت حيا ولكن لا حياة لمن تنادى

[بوهلال]

الله المستعان

وان شاء الله ينتبهون للشي هذا

[doha1]

ماااااااااااااافي فايده الله كريم

[mabayo11]

عيب عليهم ...

[mabayo11]

بعدين لو المواقف كبيرة ممكن أدفع اما مواقف حق بانشيات ماادخل لو شنو

[Chambray]

في نظام في اوروبا مطبق
كل سيارة فوقها نظام ليزر يحس ان في سيارة جدامه ، ومربوط مع جهاز الكمبيوتر
إذا امتلاء الموقف يقولك ( ممتلئ ) ومايصير تدخل من الاساس !
لكن إذا في مواقف يقولك كم موقف متوفر !!

اعتقد مواقف سوق واقف بحاجة إلى موقف ذو ادوار متعدده تحت الارض .. لايقل عن 7 ادوار بنفس مساحة المواقف العلويه

[البارح]

صدقت في كل كلمه

[HEART_LION]

المفروض الرسوم تكون بالساعه وتبتدي بعد ربع ساعه نفس المطار استغربت من نظامهم اذا دخلت تدفع 3 ريال اقل شي وهالشي صار معاي

[Realistic]

في نظام في اوروبا مطبق
كل سيارة فوقها نظام ليزر يحس ان في سيارة جدامه ، ومربوط مع جهاز الكمبيوتر
إذا امتلاء الموقف يقولك ( ممتلئ ) ومايصير تدخل من الاساس !
لكن إذا في مواقف يقولك كم موقف متوفر !!

اعتقد مواقف سوق واقف بحاجة إلى موقف ذو ادوار متعدده تحت الارض .. لايقل عن 7 ادوار بنفس مساحة المواقف العلويه

ليش ليش نروح بعيد ؟؟
في مكان اقرب من اوروبا ومطبق هالشي

دبي .. دشوا اي مجمع من المجمعات اليديده .. وبتلاقون هالشي

[دلوليانوز]

اعتبرها صدقة..كافي الضيقه والصراخ...كل شي متعب

[بوخالد911]

صار لي هالشي
رحت السوق ولا لقيت موقف

ودفعت 3 ريال

قلت للموظف ما لقيت موقف !!

قال : بكلام مكسر وهو لابس قطري : تعال من وهل !!!

[وحيد-الشوق]

نصحيتي للجميع الي يبي يروح سوق واقف يروح في سياره كروه او لموزين او يخلي حد يوصله

افضل راي ونفس الكلام قلته لكذا شخص

لكن من الي بيخلي موتره وبيروح كروه او لموزين !!!

تعبنا من هالسوق مب كافي الي داخل الحين المواقف بعد

[حقيقه]

خخخخخخخ مافيه الا تحجز مواقف الـ vip بمية ريال

انزين

الصراحه اكره شيء مواقفهم الكريهههههههه صغيره صغيره
انا الصراحه اصف بموقفين << اذا حصلت موقفين .. لانه اخاف عقب اتوهق وماقدر اطلع الموتر

[alrheeb2020]

موضوع جميل صحيح كلامك

أتمنى يسووون نفس دبي البوابة ما تفتح لين ما يفضى باركن واول ما يفضى تضغط وتاخذ كرت واذا مافي باركن تحصل شاشه مكتوب فيها فل

والمواقف ضيقة كلش..



هالكلام الزين ..


الله يعين بس ..

سوء تخطيط بالقو مواقف سوق واقف ..

[جوال 11]

تذكرون قبل فترة كانوا بيركبون عدادات للمواقف في الأسواق وعلى الكورنيش وجاء الأمر بالرفض نفس الفكرة كانت لسوق واقف كل سيارة ولها عداد خاصة بها لتصريف المخزون من العدادات السابقة ولكن جاء الرفض أيضا وتم عمل بوابات ، لماذا هذه الخسائر ؟ من الأول ركبوا بوابات وبس وتكون المواقف واسعة .

[ابن الجزيرة]

نفس الموقف حصل لي قبل اسبوع ..

دخلت من البوابة الشمالية وضيعت الوقت باللف وقررت الخروج الموظف يقول ادفع 3 ريال ودفعت بعد كلام

يبدو لي ان الموضوع فلوس وبس يعني المواقف صغيرة وعيب عليه اللي عملها بهذا الشكل

المفروض عند امتلاء المواقف ان يوقفوا الدخول اكان ذلك الكترونيا او بواسطة الموظف الواقف على الباب


المفروض هذا الامر يوصل لمن يهمه الامر لانه من المعيب ان تظل الامور هكذا

[طلعة الروح]

حلوه هذي ادفع 3 ريالات صفيت ولا ما صفيت
صج شر البلية مايضحك الحين لو كل واحد من رواد السوق لو دار عالباركنات وماحصل ورفض واحتج على ال3 ريالات كان عدلوا نظامهم وسنعوه بس السكوت مع قلة الفعل مصيبه
وشكرا اخوي صاحب الموضوع على التنبيه..

[abo rashid]

موضوع جميل صحيح كلامك

أتمنى يسووون نفس دبي البوابة ما تفتح لين ما يفضى باركن واول ما يفضى تضغط وتاخذ كرت واذا مافي باركن تحصل شاشه مكتوب فيها فل

والمواقف ضيقة كلش..

ان شاء الله بعد كم مناقصة و سرقة

:secret::secret::secret:

[abo rashid]

هالكلام الزين ..


الله يعين بس ..

سوء تخطيط بالقو مواقف سوق واقف ..

هذا الكلام يتوجة الى المكتب الخاص :eek5::eek5:

[abo rashid]

بعدين لو المواقف كبيرة ممكن أدفع اما مواقف حق بانشيات ماادخل لو شنو

:nice::nice::nice:

[كازانوفا]

عشان لا ترفعون ضغطكم واعصابكم تنهاااار بلااااش الروحه على سوق واقف وخلها للى فكر بفكرة الفلوس

[qtr1]

هاذي يسمونها ضرائب بس بأسلوب راقي

:nice::nice:والله كريم يابو راشد

[برزان1]

في مواقف مطار الدوحة الدولي لك 15 دقيقة بدون رسوم
ليه ما ياخذون في مواقف سوق واقف بهذا النظام؟