مــن ســافــر ×َ× اليــابـــان ×َ×

[armani**]

َ السلام عليكم ورحمه الله و بركاته ََ


في شخص يصيرلي يبي يسافر اليابان و عنده كم سؤال و بغيت مساعدتكم . :shy:

بغيت اعرف من سافر اليابان من زار اوساكا, طوكيو .

بغيت اعرف اذا سافر حد بالطياره كم ساعه ياخذ من قطر لليابان . اعرف شخص قالي اكثر من (15 ) ساعه صج الكلام هذا .

- شلون الجو في اليابان شهر 12 , لأن شهر 12 (( موعد سفرته )) .

و ين تنصونه يروح في اليابان .

و شلون اسعار الأكترونيات هناك لأنه يبي يشترى لابتوبات و كميرات و كمن شغله .

وين افضل الصرافات في قطر .

يعني اللي اتمناه نصايح من عندكم او من عند حد راح اليابان انته تعرفه , اي نصيحه .

انا الي أعرفه ان مافي ناس وايد سافرت اليابان , علشان جي سألتكم .

و سامحوني على الأزعاج .





و الف شكر مقدما لكم . :)

[خالي مشاعر]

انا ان شاء الله رايح شهر 12 بعد

برررررد
والطيران الروحة 9 ساعات ونص والرجعه 12 ساعة تقريبا

[وحيد-الشوق]

http://www.qatarshares.com/vb/showthread.php?t=121195

ان شاء الله يفيدك هذا الموضوع

ماعندي فكره عن اليابان بس اسمع انها غالية جدا واللغة عندهم مشكلة كبيرة يفتخرون بلغتهم مب مثلنا بلاد عربية والاغلبية مايعرفون عربي !!!

بس فعلا اليابان دولة جميلة جدا << خاطره يروح

[armani**]

انا ان شاء الله رايح شهر 12 بعد

برررررد
والطيران الروحة 9 ساعات ونص والرجعه 12 ساعة تقريبا



والله زين 9 ساعات متأكد اخوي اخر مره سمعت 17 ساعه لان اليابان واااااد بعيده . :secret:

[QUOTE=بس اسمع انها غالية جدا[/QUOTE]

تقريبا نفس اسعار قطر , والف شكر على الرابط هذا الموضوع قريته من 5 شهور , بس اليابان ما اخذت حقها في هالتقرير .

[مسباح عاج]

وين افضل الصرافات في قطر .

(شارع السد)
السد للصرافة
الجزيرة للصرافة
قطر والامارات للصرافة

(شارع النصر)
الدار لأعمال الصرافة

[armani**]

محد راح لليابان محد يعرف أحد راح هناك .
):

[armani**]

وين افضل الصرافات في قطر .

(( (شارع السد)
السد للصرافة
الجزيرة للصرافة
قطر والامارات للصرافة

(شارع النصر)
الدار لأعمال الصرافة ))



انزين عندكم فكره عن ترست للصرافه اللي في شارع حمد الكبير خلف بنك الريان .

[أغلى البشر]

السلام عليكم اخوي ارماني

انا توني راد من اسبوعين وكنت هناك في مهمة رسمية 3 اسابيع

الرحلة طبعاً على القطرية لمدينة اوساكا تاخذ تقريبا حوالي 12 ساعة ونص وبعدين لين طوكيو على الخطوط اليابانية jal او ana تاخذ ساعتين طبعاً اليابان بلاد روعة وناسها وايد طيبيين بس مشكلتهم اللغة الانجليزية
قليل اللي يتكلمونها.
بخصوص الجو طبعا احنا سافرنا بداية شهر 11 والجو كان روعة وفي ايام كانت تمطر طول اليوم بس رذاذ وفي الليل يبرد الجو يعني لازم يودي وياه ملابس شتوية

بخصوص الالكترونيات طبعاً اهم منطقة في طوكيو هناك هي (اكي هابارا) كلها مولات الكترونيات ومن اكبر المولات هو
Yodobashi -Akiba تقريباً عشر طوابق او اكثر بس اهم شي خل يسئل عر الفولت لانه عندهم 110 وعندنا 220 فولت .

وطبعاً في اماكن وايد حلوة يعني عندك برج طوكيو وايد يمدوحة مع الاسف ما كان عندي وقت اني اروحه.
وبعد عندك الديزني لاند في طوكيو وايد حلوة هم بعد ما كان عني وقت اني اروحها .
وفي شارع اسمه شنجو كله مولات رووووووووووعة وعالم خاصة في الليل وفي هالشارع مطاعم تركية وهندية وفي مطعم لبناني بس ما رحت له بالنسة لاسعارها انا اشوفها معقولة (مثلا انا كنت آكل مع ثلاثة من ربعي بحوالي 7000 لين 10000 لا تخاف (ين ياباني) تقريبا (220 لين 400 ريال)على حسب الطلب.

لا ...واهم فاكهة كنت اسكت فيها جوعي المووووووووووز وطبعا الموزة الوحدة تقريباً 4 ريال قطري يعني سعر الكيلو عندنا (:

بالنسبة للعملة تتغير مرة فوق ومرة تحت على العموم ال1000 ريال قطري تقريبا من 41000 لين 45000 الف ين وانا افضل انه يصرف من الدوحة ياباني افضل من انه يشيل دولار (طبعا هذا نصيحة من الصراف في الدوحة ) انا صرفت من صرافة الدار اللي قريب سينما الخليج وصرفت ال 1000 ريال تقريبا 41000 ين ، امس كان ال1000 ريال 45000 الف ين يعني احسن

بخصوص التكاسي بصراحة غالية جدا فالمفروض يستخدم المترو .
طبعا استخدامها سهل اهم شي يعرف من اي محطة نزل علشان يعرف يرجع وطبعا اللغة الانجليزية متوفرة في المترو. طبعاً اذا سفرته طويله وبيقعد في منطقه وحدة ومكان شغله مو ذيك المسافه (يعني عشرة كيلو)فالافضل ياخذ سيكل .

المهم اذا بيروح مناطق خارج طوكيو بصراحة في اماكن وايد لانه اليابان وايد كبيرة احنا رحنا مناطق وايد منها كوماموتو و ميناماتا وكوكورو وكيوتو وهيروشيما (اهم شي يروح متحف هيروشيما وهو نفس المكان اللي انحذفت فيه القنبلة النووية )
واهم شي يصور الساعة اللي تحسب الايام من تاريخ حذف القنبلة اتذكر مصورها كان 23472 يوم)
وفي جزيرة تبعد 20 دقيقة من هيروشيما اسهما مياجيما وفيها طبعا الحياة على الطريقة اليابانية القديمة يعني فنادقهم تنام فيها على الارض وفيها حيوان معروف عندهم يشبه الغزال جدا اليف وتشوفه في كل مكان في الجزيرة وطبعا وااااااااااايد سياح من كل مناطق اليابان حتى طلاب المدارس يجون هالجزيرة

طبعاً احنا رحنا مناطق وايد بس كلها شغل وزيارات مصانع وبصراحة انا مصور الرحلة من اول يوم لين رجعت وودي انزل تقرير عنها بس ياخذ وقت لانه حجم الصور والفيديو حوالي 320 جيجا


وعلى فكرة ترى فعلا يمكن الناس تقول ان اليابان غالية .... بس في اعتقادي مب اغلى من اوروبا لاني رايح هناك واشوف انه مثلا الفنادق في اليابان ارخص ... ممكن التاكسي اغلا بس عندك المترو موجود

وحبيت اقول لك اذا كان رفيجك شغلة خارج طوكيو ترى من الصعب انك تلاقي مطاعم عربية او هندية او تركية
وخاصة اذا ما كان يحب الأكل البحري مثلي لاني عانيت خارج طوكيو اذبحونا بالسوشي مالهم (:


على العموم اسمحلي طولت السالفة ....(: واذا تبي اي خدمة ثانية انا حاضر باللي اقدر عليه .

والله يوفق رفيجك وصدقني انه بيستانس انشاء الله

أخوك أغلى البشر

[وطن]

أغلى البشر
دخلت اليابان في خاطري
عاد انا احب السوشي
بس مو كل يوم
بتلوع جبدي

[The Master]

احم احم....
هلا ومرحب اخوي ارماني

ابشر بعزك...ماطلبت شي...
انزلك تقرير عن اليابان...كنت هناك لمده شهر...
وكنت في طوكيو...

واخوي اغلى البشر ماقصر...
وان شاء الله باحط تقرير بالصور...

وان بغيت اي شي الحين...على ما انزل التقرير...يامرحبا بك...حاضرين

[بوعمير]

اخوي انا اللحين في اليابان (زيارة عمل) وتحديداً في تاكاماتسوا، من ثلاث ايام كنت في طوكيو واوساكا، ومدة الرحله على القطرية 9ساعات ونص تقريباً، الاقلاع من قطر دائما الساعه 12 و 50 دقيقة ليلاً توصل مطار اوساكا الساعه 4 و 20 العصر بتوقيت اليابان(صلاة المغرب الساعه 4 و28 ) وفرق التوقيت 6 ساعات، الجو اللحين برد ( الحرارة من 11 إلى 3 درجات ) وأحياناً امطار وبعض المناطق فيها ثلج بس طوكيو واوساكا مافيها ثلج، بالنسبة للصرافة عندك الفردان بتعين عنده ين ياباني وتقدر تستخدم الصراف الآلي الي في مطار اوساكا، البلد من أغلى البلاد، الشعب طيب ، وعيبه انة ما يتكلم انجليزي إلا في بعض الاماكن مثل الفنادق 5 نجوم ، والمشكلة الرئيسية بنسبة لي الأكل، وكل ما اسافر اليابان اودي معاي اكل قواطي (معلبات)، اي خدمة ثانية انا في الشوفة.