{ قد حسيـت انك غريـب ..؟! ..~

[البنـدري]

السلام عليكم ورحمة الله وبركاته

غبت كم يوم ورجعت حسيت اني بحالي غريب :weeping:

بسبب هـالشعور اللي صادني هـ اليومين بالمنتدى..!

قد حسيت انك غريب بين أهلك وعائلتك..؟!

قد حسيت انك غريب بين ربعك وأصدقائك..؟!

قد حسيت انك غريب بين زملاء العمل والدراسه..؟!

قد حسيت انك غريب في المنتدى :telephone: ..؟!


ليـش..؟! ومتى..؟! وشـ نوع الشعور اللي صادك..؟! وكم استمرت..؟!

تحياتي القلبية


أي نسيت :)

كل عام وانتوا بخير :shy:

[PRINCESS]

عيدج مبارك ياعسل
مفتقدتج والله
انشالله يارب عروسه:)

حبيت اعايدج ولي رجعه بعدين:nice:

[Mozanee]

ممكن كل شخص يحس بالغربة اذا قعد وسط ناس ما تحترمه ,,, مثلا الملتزم يقعد وسط ناس تعاديه

بسبب دينه والتزامه ,,,, ممكن تشعر بالغربة وسط ناس أخذلوك وقت اللي كنت محتاجهم ,,,,

تقبلي مروري

[وليف قطر]

وانتي بخير وبصحه وسلامه يالبندري

وبخصوص هالشعور .. فالحمدلله ما قد مر علي ..

وبالعكس .. شاللي يخليج تحسين هالاحساس ..

يعني غبتي يومين ورجعتي مو مقياس انا موقع بكبره تحسين نفسج فيه غريب

و مثل ما قولوا .. ما غريب الا الشيطان .. وانتي اخت عزيزه


وعيدج مبارك

^_^

[Mozanee]

وليف قطر;وانتي بخير وبصحه وسلامه يالبندري

وبخصوص هالشعور .. فالحمدلله ما قد مر علي ..

وبالعكس .. شاللي يخليج تحسين هالاحساس ..

يعني غبتي يومين ورجعتي مو مقياس انا موقع بكبره تحسين نفسج فيه غريب

و مثل ما قولوا .. ما غريب الا الشيطان .. وانتي اخت عزيزه


وعيدج مبارك


وكل سنة وانتو طيبين




^_^


مب الموقع بكبرة و بس,,, قول العالم بكبرة اذا ما في ناس متفق معاها وتحبك وتفدرك

وتسامحك اذا اخطيت ,,,,

والله يزيل عنج الوحشة واحساسج بالغربة ,,كله كم ساعة وبيرد كل شي على طبيعته ...[/b]

[غزلان]

الحمد لله اختي مامريت بهالشعور بالعكس الكل اخوان وخوات

[alrheeb2020]

ممكن كل شخص يحس بالغربة اذا قعد وسط ناس ما تحترمه ,,, مثلا الملتزم يقعد وسط ناس تعاديه

بسبب دينه والتزامه ,,,, ممكن تشعر بالغربة وسط ناس أخذلوك وقت اللي كنت محتاجهم ,,,,

تقبلي مروري


:nice::nice:

[PRINCESS]

عدنا:nice:
هههههههههههه<<<<سبيس تون
حبيبتي شلون تشعرين بغربه وكلنه نحبج واني اولهم؟؟؟
راح ازعل منج والله:anger1:
هذا شعورج ممكن يكون ناتج من شي ثاني..
اقصد انو انتي ممكن تكونين متضايقه وجاج هالاحساس:(
شوفي ياعسل...
اخذيها نصيحه مني..
اولا مافي شي يستاهل نتكدر عشانه
ثاني شي ياورده كلنا هنا اهل واخوه واصدقاء..
اني من امل من كل شي حتى من نفسي تلاقيني ادخل المنتدى وانسى كل شي...اضحك وانكت واعصب واتفلسف:shy:
من جد الاقي نفسي هنا...احس بالكل بدون استثناء اهلي...اختلف واتفق معاهم بس مثل العسل عندي...
وثالث شي يالبندري....شعرتي بشي اسمه غربه الروح؟؟؟
هذا الشعور قاتل....الله لايشوفج...
انا اعاني منه ومن سنوات....هذا الشعور تعيس بشكل مااكدر اوصفه حتى...لا تقولين انج غريبه بوسط اهلج...ولا تقولين غريبه ببيلدج..او غريبه بوسط المجتمع الانت بي....هذا نوع من الغربه..يخليج تشعرين انو كل هالدنيا ماتملي عينج..ولا يحلى بعينج شي...
اني مااريد ولااحب اكدر خاطرج او خاطر اي حد..
بس كتبت لج هالكلام..
عشان تعرفين انو في ناس يعانون من شي اقوى من الاشياء الذكرتيهم..ومنهم انا....بس....من النادر اني ابين هالشي..
كوني دائما اقوى من الظروف..
صدقيني بتهزميها في النهايه..
:nice:اسلفج نظارتي الورديه اللي اشوف فيها الدنيا؟؟؟:nice:

[black@white]

كل عام وانتي والجميع بخير
احيانا يحس الانسان فعلا بالغربه بعد انقطاع عن ناس يحبونه ويحبهم وذلك عندما لا يستطيع توصيل شعوراو فكره لهم يحس ان في اشياء حدثت او مرت بدونه ويحس بانه عاجزاو متاخر باللحاق بهم
اعتقد انها شعور عادي ويمكنك بالتواصل ان تشعري بانك صاحبه البيت ولستي بضيفه او غريبه
ويا مرحبا بك

[المغروره]

والله احسن اني غريبببببببببببببببببببببببببه ببلادي
تدروووووووووون ليش لان الاجانب بكل مكاااان وانا بلادي غريبه
تحيااااااااااااااتي

[حـــنـــان]

الحياة كلها غربة ...ساعات يجينى هذا الشعور اقعد ابكي ابكى ..والحمداللة على نعمة الايمان هذا هو اللى يصبرنا على الوحدة


ليس الغريب غريب الشام واليمن....ان الغريب غريب اللحد والكفن

[The Master]

احم
وانتي بخير وصحه وسلامة خيتو المرسى
عساك من العايدين يارب....(ها بشري كم عيديتك؟؟) ما وصيك النص بالنص...واذا بتزيدين ما في اشكال...ماراح اردك...احم

نرجع للموضوع...
الغربه...الشعور انك غريب وسط هلك وناسك...اييييه شاقول ولا شاقول...

في قلبي كلام كثير...بس احيانا تحس لما تكتب...محد يقرا اللي تكتبه...يمكن لانه طويل...يمكن لانه معقد...يمكن يشوفونه ماله اي داعي...يعني ماعندك سالفه تتعب نفسك في الكتابه..."البعض"

على العموم
اختصر لك شعور انك غريب...

"لما تشوف اللي تعرفهم..هلك...ربعك...جماعتك... عايشين حياتهم (بدونك)...هذا شي طيب...
لكن انت تشوف ان هذا شي غير عادل...مب حسد...لكن ودك تكون مهم بينهم...يستشيرونك...يسألونك...ياخذون رايك...تتدخل بينهم وتقول لا وتقول اي...
القصد...لك مكانك بينهم...
طبعا مافي اي خطأ من هالشعور...من صوبهم او صوبك...هذا هو الواقع...الناس تعيش بك وبلياك...
جماعتك لغبت عنهم نسوك...
ربعك لغبت عنهم قل الطاري...
هلك لغبت عنهم طاريك موجود...لكن عايشين عايشين...
طبعا المثل يقول...اللي بعيد عن العين بعيد عن القلب...

الا لشخص واحد...هو اللي تبقى مكانتك موجوده في قلبه وين مارحت وين ماجيت...
"شريك حياتك"
"الزوجه" الزوج"
هالاثنين...مايقدرون يغيبون عن بال بعض...

عشان مانطول ونزهق العالم...
كل عام وانتي والجميع بخير يارب...
وبجد اشكر اللي طرشوا لي رسائل خاصه بالمعايده...بجد والله اسعدتوني...بارك الله فيكم...
ولاهنتوا جميعا...

اللي فوق...تفكيري انا...ووجهة نظري...
واتمنى انها توصل الفكره...خاصه من شخص عاش ٦ سنين غربه...يعني مش محض تأليف واكل حب وكرك...(شنسوي نكسر الخاطر يابالفيت...احم)

لاهنتي على الموضوع

[عاشق الشهادة]

الف الحمد لله على سلامتك اختي البندري وكل عام وانتي والمسلمين كافة بخير