خدمات كيوتل .. خطأ في النظام .. أم مصيدة للعملاء

[فواز..]

1- اتصلت بخدمة العملاء في كيوتل 111 وطلبت تحويل باقتي الشهرية من ؟؟؟ إلى ؟؟؟
وبعد تقديم الطلب عرض علي الموظف خدمة 120 دقيقة مكالمات دولية بـ 100 ريال
فطلبت منه تفعيل الخدمة فقال بعد 10 دقائق تكون مفعلة
بعد ربع ساعة بدأت بإجراء بعض المكالمات الدولية
وعندما فتحت الإي كيوتل للتأكد من تفعيل الخدمة وجدتها لم تفعل وسعر المكالمات محسوب بالتعرفة العادية

ماذا يسمى هذا .. خطأ في النظام أم مصيدة للعملاء :anger1:

*****

2- اتصلت بخدمة العملاء واستوضحت عن الأمر فقال سيتم التأكد من طلبي للخدمة عن طريق الاستماع للمكالمة التي طلبت فيها تفعيل الخدمة
اتصل بي بعد قليل موظف من كيوتل وقال لا يوجد مكالمة طلبت فيها الخدمة
طلبت منه مرة أخرى تفعيل الخدمة لأني بحاجة إليها (120 دقيقة دولي مقابل 100 ريال)
وسألته عن طريقة معرفة انتهاء الرصيد وقلت له بالحرف
(إذا لم يتم ارسال رسالة تنبيه بانتهاء الرصيد أو إيقاف الاتصالات الدولية عند انتهاء الرصيد الـ 120 دقيقة .. فهي مصيدة من كيوتل للعملاء)
فقال: لا .. إن شاء الله توصلك رسالتين .. رسالة عند وصول مكالماتك إلى 80% ورسالة عند انتهاء الرصيد
وفعلاً تم تفعيل الخدمة .. ويوم العيد بعد صلاة العشاء توقف جوالي
راجعت الرسائل الواردة فما وجدت رسالة تنبيه بـ 80% ولا رسالة تنبيه بـ 100%
ودخلت على الإي كيوتل فوجدت محسوب علي مكالمات دولية بـ ؟؟؟ ريال
فذهبت وسددت جزء من الفاتورة وفتحت الجوال

ما ذا يسمى هذا خطأ في النظام أم مصيدة للعملاء :anger1:

*****

3- أرسلت رسالة إلى 92558 بـ ( A2*IMP*A100) كود تفعيل باقة المكالمات الدولية بـ100 ريال
فوصلتني رسالة من كيوتل (شكراً لقد تم تفعيل باقة دقائق المكالمات الدولية 100)
وبدأت اكلم دولي .. ولما دخلت على الإي كيوتل للتأكد .. وجدت المكالمات الدولية محسوبة بالتعرفة العادية

ماذا يسمى هذا .. خطأ في النظام أم مصيدة للعملاء :anger1:

[شيط ويط]

لاشك انه (خطأ في النظام) .. لانني اشتركت بمثل الطريقة اللي انت شرحتها .. وكل شي تمام .. المكالمات الدولية (صفر) ريال .. :nice:

[بوخالد911]

الله يعيينك ويصبررك

[فواز..]

لاشك انه (خطأ في النظام) .. لانني اشتركت بمثل الطريقة اللي انت شرحتها .. وكل شي تمام .. المكالمات الدولية (صفر) ريال .. :nice:

من يتحمل الـ ؟؟؟ ريال نتيجة الخطأ في النظام

[شيط ويط]

من يتحمل الـ ؟؟؟ ريال نتيجة الخطأ في النظام

المنطق يقول (كيوتل) ... لكن لا أدري عن (الواقع) :secret:

[..er..]

بتتعب معهم :)


الله يعينك


بس هذا مايمنع احد من الموظفين الي بكيوتل ومعانا بالمنتدى يشوف شالمشكله

[الـقـاسـي]

لاتعب نفسك قدام كيوتل انت الغلطان ..

بعدين مثل مايقولون بعض الاعضاء كيوتل والقطريه لو سرقوك - واهما محشموين طبعا مايسونها - لاتكلم ترى هذول شركات وطنيه مب شركات ربحية ابدا ابدا

[ضوى]

الحلو في الموضوع انك مناضل من الدرجة الاولى واصريت على استخدام الخدمة اكثر من ثلاث مرات وباصرار شديد بالرغم من ثبوتها لديك بأنها مصيدة للعملاء !!!

[بوخالد911]

لاتعب نفسك قدام كيوتل انت الغلطان ..

بعدين مثل مايقولون بعض الاعضاء كيوتل والقطريه لو سرقوك - واهما محشموين طبعا مايسونها - لاتكلم ترى هذول شركات وطنيه مب شركات ربحية ابدا ابدا

:nop::nop::nono::nea::pardon::con2::con2:

ابد

[كيلو حديد]

صار لي اكثر من اسبوع

ارسل مسج عشان اعرف كم عندي دقايق

كل الدقايق والرسايل تطلع صفر
انتظرت لين تم تجديد الباقه
بعد نفس الشئ

سالت رفيجي يقول راح لهم يقولون عنده رصيد
يرسل مسج الخدمه يطلع له نفسي كل شئ صفر
يتصل ع 111 يردون عقب عشرطعشر ساعه ويقولون ما عندك دقايق

اشلون تنبلع هالسالفه ...




وبعدين وش مشكلة 111

والله من عيد الفطر وفي انه بالموضوع

نتصل بالنص ساعه ما يردون
نتصل ب 180 يردون على طول ونستفسر منهم يقولون
ان 111 مشغولين وعليهم ضغط
طيب ليش ما ياخذون بعض الموظفين ويحطونهم مع 111 دام مافي ضغط على 180

غير كذا والشي اللي يبط الجبد سالفة جميع الخطوط مشغوله يرجى الاتصال فيما بعد ويسكرون
تنطر نص ساعه و45 دقيقه ولا احد يرد


والله في انه بالسالفه

لا يكون فودا شاغله خطوطهم وملعوزتهم خخخخخ

[الهاجري_قطر]

يبه عليك بفودافون وبسسسس

[دار بومشعل]

كيوتل عندهم حب ادفع بعدين تفاهم الله يعينك وياهم

[الرويـس]

سؤال وياليت لو في احد من كيوتل يتفضل ويرد علينا

الحين انا يوم اوقع على الاستمارة اللي هي بمثابة عقد بيني
وبين مزود الخدمة ، هل يعتبر اي نقض لاي شرط موجود من
شروط الخدمة من احد الطرفين هو في صالح الطرف الثاني ؟

انا راح ابين العملية والمقصد بس بعد ما احصل رد :)

[الـقـاسـي]

اذا انت الطرف اللي نقضت الشرط من صالح كيوتل .. اما اذا كيوتل اللي نقضت الشرط بعد من صالح كيوتل ..

لان كيوتل شركة عملاقه ويخافون الله فلا توقع انهم بيظلمون احد العملاء القطريين بما انها شركة وطنية ..

[الرويـس]

اذا انت الطرف اللي نقضت الشرط من صالح كيوتل .. اما اذا كيوتل اللي نقضت الشرط بعد من صالح كيوتل ..

لان كيوتل شركة عملاقه ويخافون الله فلا توقع انهم بيظلمون احد العملاء القطريين بما انها شركة وطنية ..

هدي ياخوي يالقاسي
ثرى وان كنت على حق محد راح يسمع لك :)
دام انك شايل على جهة او طرف او شخص معين

ما كان الرفق في شيء الا زانة وما نزع من شيء الا شانه :)

[تحداني]

.. اي مشكله تواجهني
مع إختراع إسمه " كيوتل "



اتنازل عنه مقدما ..
ولا احب ادخل معهم في صراع وجدال طويل ..


لان النهايه ستكون حلول غير مرضيه ابدا ..
كل ما قلت لهم شئ ..

قالوا لي الكمبيوتر قال كذا ..
والكمبيوتر كتب كذا ..
والكمبيوتر .. حسب كذا ..



انا دائما اقول من المفترض ان التكنلوجيا تريح الناس ..
اما ما يحصل هو العكس يتعب الكثير من الناس ..

[الـقـاسـي]

هدي ياخوي يالقاسي
ثرى وان كنت على حق محد راح يسمع لك :)
دام انك شايل على جهة او طرف او شخص معين

ما كان الرفق في شيء الا زانة وما نزع من شيء الا شانه :)

ياخوك ماعندنا الا هالمنتدى نفضفض فيه ولا بننجلط من اللي نشوفه ..

[م. عبدالعزيز]

ابي اعرف شلون الموظف يقولك تم تفعيل الخدمه؟ انا مره كنت ابي اشترك والرقم 92558 مايستقبل الرسائل
قلت للموظف فعل لي الخدمه قال ما اقدر!! لازم انا اطرش مسج

المهم انه بعد ماعدلوا رقم 92558 فعلت الخدمه واستخدمت الدقايق وتوني البارحه مخلصها والغيت اشتراكي فيها من شوي..

كيوتل عرضهم زين .. يعني الدقيقه توصل 83 درهم لأي بلد بالعالم شي حلو ترا .. هم سووا اريح طريقة للاشتراك والغاء الاشتراك.. بس كرروا نفس الخطا اللي صار وياهم بالشهري وهو انهم نسووا يسوون خاصية لـ ( معرفة الدقائق المتبقية )

وبعد انا ملاحظ يحسبون المكالمات كل 15 ثانيه.. يعني لو تكلمت دقيقه و10 ثواني يسحبون 1:15
وبيكون عندك 45 ثانيه للمكالمة القادمه..

[بن علان]

وبعد انا ملاحظ يحسبون المكالمات كل 15 ثانيه.. يعني لو تكلمت دقيقه و10 ثواني يسحبون 1:15
وبيكون عندك 45 ثانيه للمكالمة القادمه..

بصراحة بيضوها كيوتل وين قبل الثانية محسوبة دقيقة .. اتمنى تكون حسبة 15 ثانية تشمل مكالمات الجوال الداخلية :)

[بواردي]

نفس الحالة
وانا اقرا الموضوع

قلت يمكن انا اللي نزلت الموضوع

ويوم تاكدت ان همام هو صاحب الموضوع
دريت ان السالفة نهيبة

لابارك الله في المسئولين عن هالسوالف

حرامية حرامية والقهر يقولون وطنية

ولكن فودافون مب احسن منهم

الكل يبي ينهب العميل

[فواز..]

نفس الحالة
وانا اقرا الموضوع

قلت يمكن انا اللي نزلت الموضوع

ويوم تاكدت ان همام هو صاحب الموضوع
دريت ان السالفة نهيبة

لابارك الله في المسئولين عن هالسوالف

حرامية حرامية والقهر يقولون وطنية

ولكن فودافون مب احسن منهم

الكل يبي ينهب العميل

الغريب ان الموظف يقول هذي الحالة نادرة
وما حصل أي أخطاء مع العملاء من قبل

أقول: فعلاً لا توجد أخطاء مع العملاء .. لكن توجد مصائد للعملاء :omen2: