افضل طبيب عيون

[( الفهد )]

السلام عليكم ورحمة الله

ممكن اخوان الاعزاء افضل طبيب عيون

وكل عام وانتم بخير:)

[Mozanee]

دكتور رشيد في مؤسسة حمد لكن عنده زحمة ,,,, الله يشفي مريضكم ,,,

[غناتي1]

اذا فيك شدة تسافر سوريا فيه دكتور عيون ممتاااااز ومن واقع التجربه وهو خريج روسيا

وعليه زحمة واجد ومواعيده بعيده بس لاهل الخليج يعطون موعد قريب

بس بعد بتنطر الدور من كثرة المراجعين عندة -- وهو اسمه د- الجنيدي

اذا تبي عنوانه رقمه راسلني ع الخاص وما يصير خاطرك الا طيب

[وافق شنن طبقة]

فهد القحطاني ,,
عنده عيادة اظن في شارع النصر

الف سلامة لك اخوي

[فتى الدوحة]

فيه دكتور إستشاري مصري سامع فيه في مستشفى حمد
أسمه الدكتور عثمان عبدالضاهر محمد
أحد سمع فيه ؟

[black@white]

كل طبيب عيون له اختصاص معين حدد نوع المرض
الله يشفيك ويعافيك

[Northman]

فيه دكتور إستشاري مصري سامع فيه في مستشفى حمد
أسمه الدكتور عثمان عبدالضاهر محمد
أحد سمع فيه ؟

ممتاز ويعطيك شرح كامل وبالي تحتاجه
بس هو متخصص بالشبكيه

يعني كل دكتور وله تخصص معين

[الصاعق الحارق]

الدكتور يوسف بو الفين
قطري الجنسية
عن تجربة ومسوي عمليه عنده

[Mr.Mohammad]

بو الفين ممتــــاز اخـووووي..



الله يشفيك يالغالي..

[..er..]

الدكتور فهد القحطاني


عنده عياده في النصر


والله يشفيكم ويقويكم :)

[Media]

هلا الشيخ

ممكن تعطينا نبذه عن حالتك وباذن الله بنصحك بالدكتور المناسب لك.. انا عانيت كثير من عيوني ومريت كل الدكاتره اللي مذكورين فوق وللاسف محد فيهم نفعني، لكن يظل كل دكتور وله تخصصه لذلك اتمنى تخبرنا ولو شي بسيط عن حالتك ومايصير خاطرك الا طيب

[مستثمر 999]

د. عبدالرزاق ال ابراهيم العمادي

مستشفى حمد

وعندك المستشفى الأهلي ( المغربي ) يمدحونهم

واذا تسأل عن عمليات الليزك

د. مأمون الريفي البحرين والسعوديه
د. شريف شركة الجبر الدائري الثالت عند السينمات

[نجم سهيل]

السلام عليكم

سمعت انه أفضل مستشفى في العالم لطب العيون موجود في برشلونة بإسبانيا ..

ماتشوفون شر يالغالي

[السعدي999]

هلا الشيخ

ممكن تعطينا نبذه عن حالتك وباذن الله بنصحك بالدكتور المناسب لك.. انا عانيت كثير من عيوني ومريت كل الدكاتره اللي مذكورين فوق وللاسف محد فيهم نفعني، لكن يظل كل دكتور وله تخصصه لذلك اتمنى تخبرنا ولو شي بسيط عن حالتك ومايصير خاطرك الا طيب

اعتقد يسال عن الحبوب اللي تشبه الاكياس الدهنية التي تظهر وتختفي برمش العيون

[فهد111]

فهد القحطاني والدكاتره الي ذكروهم كلهم ممتازين بس انا اشور عليك بفهد القحطاني

[تـاجر الـذهب]

الدكتوووور فهد القحطاني والدكتوووووور العمادي

الكتور فهد الزين فيه وبكل وضوح يقول لك اذا مايقدر او مايعرف,
يحولك على الدكتور الي يتخصص في الشغله الي مايعرف لها الدكتور

شاطر شاطر في الكشف

[وافق شنن طبقة]

د. عبدالرزاق ال ابراهيم العمادي

مستشفى حمد



من تجربة ايضا جيد جدا ,,

[The MooN]

اذا فيك شدة تسافر سوريا فيه دكتور عيون ممتاااااز ومن واقع التجربه وهو خريج روسيا

وعليه زحمة واجد ومواعيده بعيده بس لاهل الخليج يعطون موعد قريب

بس بعد بتنطر الدور من كثرة المراجعين عندة -- وهو اسمه د- الجنيدي

اذا تبي عنوانه رقمه راسلني ع الخاص وما يصير خاطرك الا طيب

سلام جميعا
متل ما قلت اخي بسوريا في اكتر من دكتور كويس د. الجنيدي واذا ليزك وعمليات تصحيح النظر الدكتور: هاني مسعود وبعطيك رقمو وانا شخصيا مجربتو

وبالتوفيق ودوام الصحة نشالله

[ابن الذيب]

الدكتور يوسف بوألفين
عن تجربه

[( الفهد )]

يعطيكم العافية وهلا بكم .. الامر بسيط والحمد لله .
التهاب في جفون او رموش العين .

رد عني بالتحيه والسلام= قلت له يازين تهناك السلامه

نظرته فيها محبه واحترام= قد سحر عقلي بحسنه واحترامه

هز رمش العين وبدى بالكلام= ياحلاته بالفصاحة في كلامه

[وطن]

خطاك الشر اخوي :)

[( الفهد )]

خطاك الشر اخوي :)
بارك الله فيك اختي وطن .

[غزلان]

الدكتور فهد القحطاني زين الأسبوع الى فات رحت له كانت عيوني حمرا شوي قال لي انه التهاب بسيط ,,وصف لي علاج والحين كل شي تمام الحمد لله

ماتشوف شر ان شاء الله

[البركان]

تعال الكويت يالفهد وان ماشالتك اشيلك بعيونى

ودكاترة العيون وااااااااجد

[Google]

السلام عليكم ورحمة الله

ممكن اخوان الاعزاء افضل طبيب عيون

وكل عام وانتم بخير:)

من أفضل دكاترة العيون عالميا دكتور أسمه كوخ في مدينة بون بألمانيا وله عيادة خاصة مقابل الملحق الطبي في بون ولو تتصل على الملحق الطبي راح يفيدك اكثر. والله يشفي مرضاكم ومرضى المسلمين يارب

[بنت العلي]

بو الفين

وسلامتك ....ما تشوف شر ان شاء الله

[( الفهد )]

تعال الكويت يالفهد وان ماشالتك اشيلك بعيونى

ودكاترة العيون وااااااااجد

زاد الله فضلك اخوي البركان
الموضوع بسيط التهاب في الجفون

[( الفهد )]

الدكتور فهد القحطاني زين الأسبوع الى فات رحت له كانت عيوني حمرا شوي قال لي انه التهاب بسيط ,,وصف لي علاج والحين كل شي تمام الحمد لله

ماتشوف شر ان شاء الله
الشر ما يجيك اختي

[( الفهد )]

من أفضل دكاترة العيون عالميا دكتور أسمه كوخ في مدينة بون بألمانيا وله عيادة خاصة مقابل الملحق الطبي في بون ولو تتصل على الملحق الطبي راح يفيدك اكثر. والله يشفي مرضاكم ومرضى المسلمين يارب
بارك الله فيك اخي العزيز.

[( الفهد )]

بو الفين

وسلامتك ....ما تشوف شر ان شاء الله
مشكورة اختي .

[كازانوفا]

الدكتور عثمان مصري متخصص بالشبكيه ودكتور ررااااائع وممتاز ربي يشفي جميع مرضى المسلمين :(

[كازانوفا]

امي عندها مشكله واختى مدحت بالدكتوه مها والدكتور عثمان لانهم تخصص بالشبكيه واختى شغاله هناك
ادعو لامي بالشفااااء