ماهي أسرع طريقة للحصول على بطاقة انترنت مسبقة الدفع .. محتاجة مساعدتكم ضروري؟؟

[twilight]

ماهي أسرع طريقة للحصول على بطاقة انترنت مسبقة الدفع .. محتاجة مساعدتكم ضروري؟؟

بليز محتاجة هالبطاقة ضروري

ماعندي لا بطاقة فيزا ولا ماستر (متعقده منهم أخذت مرة وخلاص ماراح أعيدها)

معظم البنوك من شروطها أن يكون عندك بطاقة أساسية ماستر كارد أو فيزا وأنا ماعندي وما أبغي أعمل

أبغي بطاقة كذا مؤقتة وبليميت قليل . أبغي اشتري شغلة ضرورية ب 15 دولار

اللي يعرف مكان أو بنك ممكن يطلع لي هالبطاقة بليز أشيرو علي

وااللي يساعدني له دعوة بظهر الغيب

[مزيون الدوحه]

شركة المجموعه
واعتقد ثاني يوم تستلمين البطاقه


وموفقه ان شاء الله

[s4qatar]

التجاري والدوحة

[م. عبدالعزيز]

امم اذا بتشترين فقط هالشغله الوحيده وماراح تشترين شغله ثانيه، عيل شوفي لج اي حد تعرفينها تستخدمين بطاقتها وعطيها المبلغ كاش..

اما اذا بتشترين فيه وايد خيارات ، وشوفي هالمواضيع

http://www.qatarshares.com/vb/showthread.php?t=308560&highlight=%DD%ED%D2%C7
http://www.qatarshares.com/vb/showthread.php?t=296685&highlight=%DD%ED%D2%C7
http://www.qatarshares.com/vb/showthread.php?t=278345&highlight=%DD%ED%D2%C7

[سـهـم دايـخ]

روحي للمجموعه الفرع الرئيسي (المطار مقابل برج عبدالغني) وادفعي 100 ريال تأمين و 100 ريال رسوم سنوية وبيعطونج بطاقه ماستر للانترنت وانتي واقفه .. تقدرين تعبينها قد ما تبين كل ما تخلص .. يعني بطاقه انترنت تعبئه .. وما يبون منج غير صورة بطاقتج الشخصية .. وبدون فوائد

تحياتي

[م. عبدالعزيز]

روحي للمجموعه الفرع الرئيسي (المطار مقابل برج عبدالغني) وادفعي 100 ريال تأمين و 100 ريال رسوم سنوية وبيعطونج بطاقه ماستر للانترنت وانتي واقفه .. تقدرين تعبينها قد ما تبين كل ما تخلص .. يعني بطاقه انترنت تعبئه .. وما يبون منج غير صورة بطاقتج الشخصية .. وبدون فوائد

تحياتي
بس المشكله لو دفعت مبلغ معين ، راح تتعبى البطاقة اليوم الثاني الساعه 8 م !! ما ادري اذا هالنظام للحين عندهم ولا

[فيصـــل]

عساج من عوّاده اختي

لوّل كانوا ibq يوفرون خدمة pre paid visa لكن وقفوها الحين

وسمعت ان المجموعه عندهم الخدمه .. حاولي تستفسرين منهم

والله يوفقج يارب

[سـهـم دايـخ]

بس المشكله لو دفعت مبلغ معين ، راح تتعبى البطاقة اليوم الثاني الساعه 8 م !! ما ادري اذا هالنظام للحين عندهم ولا

اخوي تعبئة الرصيد في السستم عندهم تكون كل يوم في المساء .. بمعني لو فتحت البطاقة الصبح او دفعت مبلغ التعبئة الصبح .. بيكون المبلغ في رصيد البطاقة مساء نفس اليوم .. اما اذا دفعت مبلغ عشان تعبي البطاقة في المساء .. فبيدخل المبلغ في رصيد البطاقة ثاني يوم المساء

تحياتي

[twilight]

الله يجزاكم خير ويوفقكم دنيا وآخرة أخواني

مزيون الدوحة
s4Qatar
م. عبدالعزيز
سهم دايخ
فيصل

[twilight]

يمكن تكون أسهل طريقة بالنسبة لي إن أفتح حساب توفير في بنك الدوحة أتصور هاذي أوفر طريقة
صعب علي أروح المجموعة

[سـهـم دايـخ]

يمكن تكون أسهل طريقة بالنسبة لي إن أفتح حساب توفير في بنك الدوحة أتصور هاذي أوفر طريقة
صعب علي أروح المجموعة

مادري اذا يصير يعطونج بطاقة فيزا او ماستر بعد ما تفتحين حساب توفير ..!!!

بالتوفيق

[twilight]

اتصلت سألتهم قالو لي أن من أهم الشروط إن يكون عندي حساب توفير وما يشترط يكون عندي بطاقة ماستر او فيزا أساسية

[سـهـم دايـخ]

نصيحه اخويه..

روحي بنك يهودي ولا تروحين البنك اللي كلمتيه ..

وروحي المجموعه افضل من الاثنين .. لا طالب ولا مطلوب .. احط فيها 100 واشتري ب 100 .. احط فيها ريال واشتري بريال .. ومرتاح ومريح .. ولا سارق ولا مسروق..

والله من وراء القصد .. وهذي نصيحتي بعد خبرة وتجارب عديده مع بنوك كثيره في قطر .. (حاليا عندي 3 بطاقات فيزا وماستر .. وقبل كان عندي 5 بطاقات)

بالتوفيق

(نقطه مهمه : المجموعه فاتحين على فترتين صباحية ومسائية .. اما شسمه فيفتح فتره وحده ولازم تروح لهم الصبح)

[شيط ويط]

وين حسابج ؟؟ .. اذا في مصرف قطر الاسلامي .. تقدرين تطلعين بطاقة فيزا خاصة للانترنت اللمت فيها 1000 ريال وتقدرين بعد تدفعين فيها فواتير كيوتل وكهرماء ومخالفات المرور وتجديد البطاقات الصحية ...إلخ عن طريق الانترنت .

[ثاني]

وين حسابج ؟؟ .. اذا في مصرف قطر الاسلامي .. تقدرين تطلعين بطاقة فيزا خاصة للانترنت اللمت فيها 1000 ريال وتقدرين بعد تدفعين فيها فواتير كيوتل وكهرماء ومخالفات المرور وتجديد البطاقات الصحية ...إلخ عن طريق الانترنت .

متاكد ان الفيزا حقت المصرف الأسلامي خاصة للإنترنت ؟

ويليت احد يعطينا معلومات عنها

[شيط ويط]

متاكد ان الفيزا حقت المصرف الأسلامي خاصة للإنترنت ؟

ويليت احد يعطينا معلومات عنها

اينعم اخوي انا عندي وحده .. لي طلبت الفيزا قول لهم ابي اللمت بس 1000 ريال .. وبس عقب تقدر تشتري منها في النت .. وتدفع فواتيرك عن طريق الانترنت .. يعني تستخدمها داخل الدوحه وبرا الدوحه .. انا عندي وحده واشتري منها وادفع فواتيري .. وطبعا مستحقات الفيزا تنسحب تاريخ 20 من كل شهر .. :nice:

[بو سالم]

ابعدوا من البنوك الربويه الله يجزيكم خلكم مع الاسلامية

[أسد الجزيرة]

اينعم اخوي انا عندي وحده .. لي طلبت الفيزا قول لهم ابي اللمت بس 1000 ريال .. وبس عقب تقدر تشتري منها في النت .. وتدفع فواتيرك عن طريق الانترنت .. يعني تستخدمها داخل الدوحه وبرا الدوحه .. انا عندي وحده واشتري منها وادفع فواتيري .. وطبعا مستحقات الفيزا تنسحب تاريخ 20 من كل شهر .. :nice:


انا سألت موظف الفيزا في المصرف الاسلامي عن الفيزا قالي انه رسومها 200 ريال في السنة و 3 % على كل عملية شراء

[twilight]

فعلا وأنا بعد سألت المصرف اليوم وقالو لي إني لا زم أدفع رسوم سنوية على البطاقة 200 ريال
يعني كأني ماسويت شي

وبالنسبة لبنك الدوحة ترى فيه فرع إسلامي
بس الأخو سهم دايخ ينصح بالمجموعة

[twilight]

بس أبغي أعرف بطاقات الصراف الآلي العادية اللي مالت البنوك يكون مكتوب عليها Master Card
أو Visa Electron
حد عنده فكرة ممكن نستخدمهم للشراء عن طريق الانترنت؟؟؟؟؟؟؟؟؟؟؟

[تحداني]

.. مساء الخير على الجميع ..


بطاقه المجموعه من افضل البطاقات استخداما ..
واجراءاتها جدا بسيطه ..

00 ا ريال رسوم الاشتراك ..
100 ريال تأمين آخر السنه ..



وستعمل البطاقه بعد استخراجها بــ 24 ساعه ..


جملك الله برضى الرحمن

[twilight]

الله يجزيك خير أخوي تحداني الزمن

[شيط ويط]

انا سألت موظف الفيزا في المصرف الاسلامي عن الفيزا قالي انه رسومها 200 ريال في السنة و 3 % على كل عملية شراء

200 ريال رسوم اصدار اول مره وعقب 200 ريال للتجديد كل سنه .. اما 3% اخوي اسمح لي الموظف غلطان .. 3% على عملية السحب من جهاز الصراف (ATM) .. مش على كل عملية شراء :nice:

[twilight]

بس أبغي أعرف بطاقات الصراف الآلي العادية اللي مالت البنوك يكون مكتوب عليها Master Card
أو Visa Electron
حد عنده فكرة ممكن نستخدمهم للشراء عن طريق الانترنت؟؟؟؟؟؟؟؟؟؟؟

[سـهـم دايـخ]

بس أبغي أعرف بطاقات الصراف الآلي العادية اللي مالت البنوك يكون مكتوب عليها master card
أو visa electron
حد عنده فكرة ممكن نستخدمهم للشراء عن طريق الانترنت؟؟؟؟؟؟؟؟؟؟؟

لا اختي ما ينفع تشترين بها من الانترنت

[شيط ويط]

بس أبغي أعرف بطاقات الصراف الآلي العادية اللي مالت البنوك يكون مكتوب عليها Master Card
أو Visa Electron
حد عنده فكرة ممكن نستخدمهم للشراء عن طريق الانترنت؟؟؟؟؟؟؟؟؟؟؟

اذا البطاقة الجديدة اللي عليها (سيم) .. اي تقدرين .. بس مب في كل المواقع .. انا جربتها قبل لا اطلع الفيزا في موقع امازون دوت كوم .. وقدرت اشتري فيها

www.amazone.com

بس عيبها مقيده بالرصيد اللي في حسابج .. وغير كذا الخوف انها تتعرض للقرصنه .. بعكس بطاقات الفيزا اللي فيها لمت محدود بمعنى لو تعرضت للقرصنة المبلغ يكون محدود .

[شيط ويط]

لا اختي ما ينفع تشترين بها من الانترنت

بطاقة المصرف اقدر اشتري فيها (atm) مب (فيزا)

[سـهـم دايـخ]

بطاقة المصرف اقدر اشتري فيها (atm) مب (فيزا)

عندي المصرف ولا قدرت اشتري فيها ولا قدرت اسدد فيها فواتير عن طريق الانترنت ..

بس شكل بطاقاتهم ناس وناس .. وانت من الناس اللي موفقين ان شاء الله :tease:

[twilight]

أحس ضاعت علومي

الله يجزيكم خير ... شكلي بنتظر لين يوم الثلاثاء عشان يفتحون وبشوف

[MoTeC]

انا عن نفسي عندي حساب توفير كل شهر احول عليه 1000 ريال و هالحساب سجلت فيه عن طريق باي بال وكل الامور سهالات طبعاً البنك هو قطر دولي الاسلامي والمواقع اللي شريت منها كلها تقبل الباي بال طبعاً ماقد جربت شي ثاني مع العلم اقدر ادرب لان البطاقه نفسها مكتوب عليها visa elctron :)

[twilight]

فيه مواقع مكتوب إنها ماتقبل غير الفيزا والماستر كارد فهل هاذي البطاقة ينطبق عليها هالشي

[Oracle]

فيه مواقع مكتوب إنها ماتقبل غير الفيزا والماستر كارد فهل هاذي البطاقة ينطبق عليها هالشي

نفس السؤال؟
أفيدونا أفادكم الله

[twilight]

??????????????????????????????

[بـن عدوان]

بطاقة المجموعة تعتبر ماستر كارد وهي مقبولة في كل المواقع، باستثناء المواقع اللي الطلب فقط يكون في امريكا ..

[classic2004]

طيب واللي يبي يطلع فيزا امريكية وهو في الدوحة ..
للمواقع اللي ما تقبل الا فيزا امريكية
شيسوي ..

[شيط ويط]

عندي المصرف ولا قدرت اشتري فيها ولا قدرت اسدد فيها فواتير عن طريق الانترنت ..

بس شكل بطاقاتهم ناس وناس .. وانت من الناس اللي موفقين ان شاء الله :tease:

ابد يالغالي مافيها ناس وناس .. البطاقة اللي عندي نفس اللي عندك .. ماقدرت اشتري منها في موقع (إي بي) او (بدز دوت كوم) .. لكن قدرت اشتري منها في (أمازون دوت كوم) .. يعني جربتها في 3 مواقع اضبط معاي في موقع امازون دوت كوم .. وموقعين رفضوها .. لذلك حاول تجربها في موقع امازون دوت كوم .. واذا عندك مشكله في طريقة الشراء او التسجيل انا مستعد اعلمك طرش لي ماسنجرك وخطوة بخطوه معاك لين يوصلك الغرض للدوحه وبنروح نستلمه مع بعض :nice:

اما سالفة تسديد الفواتير اتفق وياك انا ماقدرت اسدد فيها فواتيري (هالكلام اول ما استلمت البطاقة الجديدة ) ولين اتصلت على كيوتل احسب المشكلة من عندهم قالوا لي راجع البنك الظاهر يبي لها تفعيل .. كلمت البنك وقالوا لي ماتقدر تسدد فيها فواتيرك لان الموضوع يبيله اجراءات او تفاهم مع الجهات الحكومية ومن ضمنها كيوتل عشان عشان تكون البطاقة صالح للاستخدام في تسديد الفواتير.


تحياتي لك

[STAR]

بعد إذن صاحبه الموضوع

الحين شنو الأفضل المجموعه والا بنك الدوحه؟
ومقبولين في كل المواقع؟

[twilight]

أخوي شيط ويط تتوقع أجرب اشتري من بطاقة الصراف atm وأشوف ؟؟؟
عندي بطاقة Atm للمصرف والوطني والدولي
؟؟

[شيط ويط]

أخوي شيط ويط تتوقع أجرب اشتري من بطاقة الصراف atm وأشوف ؟؟؟
عندي بطاقة Atm للمصرف والوطني والدولي
؟؟

بطاقة المصرف في موقع امازون دوت كوم .. اي ماعندك مشكله .. لكن الموقع يشترط يكون عندك (بريد في امريكا) .. وعشان يكون عندك بريد في امريكا .. تقدر تفتح لك حساب عن طريق ارامكس في قطر يعطونك عنوانين واحد في امريكا وواحد في بريطانيا .. وبسعر 128 ريال تدفع مره وحده .. وعقب ما يوصل الغرض لحسابك (عنوان بريدك) في امريكا .. يطرشونه لك على ارامكس في قطر .. ولين يوصل الغرض اهنيه يتصلون عليك عشان تستلمه .. وتدفع رسوم الشحن من امريكا لين قطر :nice:

[twilight]

أنا أبغي استخدمها في موقع آخر بس إن شاء الله تضبط الأمور

جزاك الله خير على الرد