[[[[[[[ جامعة الملك عبدالله بعد الكارثة ... صور ]]]]]]]

[Radnes]

[[[[[[[ جامعة الملك عبدالله بعد الكارثة ... صور ]]]]]]]


قالوا ( زوراً وكذباً ) سبب الكارثة هي المناطق العشوائية
طيب هل جامعة الملك عبدالله أيضاً من العشوائيات ؟
هل يعقل بأن هذه هي الجامعة التي كلفت المليارات ولا يوجد بها تصريف لمياه الأمطار ؟

أترككم مع الصور
وأترك التعليق لكم



http://farm3.static.flickr.com/2803/4134146053_dd4e7c83de.jpg


http://farm3.static.flickr.com/2534/4134913418_ac20e1eef5.jpg


http://farm3.static.flickr.com/2625/4134915028_a0132dae07.jpg


http://farm3.static.flickr.com/2614/4134918290_5723a31f52.jpg


http://farm3.static.flickr.com/2504/4134160205_9386dd18df.jpg


http://farm3.static.flickr.com/2567/4134928552_1109ea70a6.jpg

[روح الاطلس]

عندنا وعندهم خير .. لو جانا نفس قوة المطر اللي جاهم قطر بكبرها بتغرق ويبي لنا شهر على مانصرف الماي


اذكر نفس اللي صار بجده صار في الشارقة السنة اللي فاتت وغرقت وماتوا ناس

احنا كدول جافة ماتسقط عليها امطار بشده نصمم المدن بدون ماناخذ بعين الاعتبار اي امور طبيعية ممكن تصير لنا

[روح-قطر]

بااااااااااااااااااال يا كافي الشر عسانا مانغرق يارب بس صج كلام الاطلس ماناخذ احتياطات:(

يسلمووووووووووووووووووووووووووووو

[غير البشر]

للأسف كل دولنا جذي

احنا ينزل علينا رذاذ تغرق الشوارع هههههههههههههههههههه

واذا زاد اشوي اتحصل لابتوبي طاافح وفاتح موقع الشبكه ههههههههههههه

الله يكون بعونهم :(

يعطيك العافيه الشيخ على الصور :nice:

[black@white]

اللهم لا تعاقبنا بذنوبنا
هذا مطر السوء الذي ذكر بالقران جعل عاليها اسفلها
ولربما كانت هذه الجامعه هي السبب

[روح الاطلس]

اذكر السنة اللي طافت نزل عليها رشة مطر صارت بركة طين قدام شارعنا والسيارات تسبح وماراحت البركة الا لما جات وانيتات شفط وشفطت الماي

الله يستر علينا بس ترا رحمه من رب العالمين ان المطر ماينزل في الدوحه

[غزلان]

لاحول ولاقوة الا بالله

الدمار كبير

الله يعوضهم خير

[ساحل الشمال]

عندنا وعندهم خير .. لو جانا نفس قوة المطر اللي جاهم قطر بكبرها بتغرق ويبي لنا شهر على مانصرف الماي


اذكر نفس اللي صار بجده صار في الشارقة السنة اللي فاتت وغرقت وماتوا ناس

احنا كدول جافة ماتسقط عليها امطار بشده نصمم المدن بدون ماناخذ بعين الاعتبار اي امور طبيعية ممكن تصير لنا
وين مشاريع تصريف الامطار اللي انفقوا عليها مليارات ووين التخطيط الجيد للمدن ،، وين هيئات التخطيط والاستشارات العمرانية في دولنا ؟؟؟ ولا شاطرين بس يشترون الاراضي اللي فيها تصاريح للعماير والمحلات التجارية قبل الناس ما تدري ؟؟ . والله يكون بعون المتضررين ولاحول لهم ولاقوة بعد نزول الكوارث .

[وليف قطر]

الله يعينهم :(

شي يخوف و يعور القلب والله

اللهم إنا نسألك سقيا رحمه لا سقيا عذاب


مشكووره ع الصور ^.^

[بوخالد911]

الله يعيينهم

[جـــــراح]

في 1993 او 1994 نزل مطر غرقت البلاد

واذكر كان فيه مقطع كان ينعرض في التلفزيون طراد صغير في مدينة خليفة الجنوبية من تجمع المطر

[حليتان*]

بال صج جاتهم عاصفه الله يكافينا الشر

[alrheeb2020]

هع ..

لو نزل عندنا مطر نفس مانزل عندهم جان الله يستر ماتغرق قطر كلها ..

ويعطيك العافيه اخوي عالصور

[البركان]

ماعندكم تصريف امطار نفسنا بالكويت

[هذلان]

صور تذكرني بـ مسقط .. بعد الاعصار رجعت الفندق بعد شق الانفس فتحت باب الغرفه صار شلال في الممر . يعني غرفتي كانت بركه مصغره . و السبه سي فيو .
من بعد هالموقف ادور غرفه مطله على مطبخ الفندق :rolleyes2:

الريح و المطر احد جند الله . اللهم الطف بالعباد

شكرا على الموضوع

[ANONYMOUS]

حاشهم العافور :p

[ANONYMOUS]

ماعندكم تصريف امطار نفسنا بالكويت


وش فيها لكويت بعد غير التصريف الي ماعندنا

[Realistic]

مثل ما ذكروا الاخوه .. لو المطر الي نزل عندهم .. نزل عندنا.. جان شفتنا نتمشى بطراريد

السؤال هو : وين شبكات تصريف المياه ؟
ليش ماعندنا شبكات تصريف ؟
والشوارع الي فيها تصريف للمياه .. ليش الماي يتجمع في الصوب الثاني لفتحة التصريف ومايتجمع في فتحة التصريف؟
وليش وايد من فتحات التصريف سادتها الاتربه ( وين الصيانه الدوريه) ؟

بتقولون احنا من الدول الجافه وماينزل عندنا مطر !
طيب اذا نزل ؟ ننطر الناس تغرق وتتضرر بحجة ان احنا دوله جافه ؟ :anger1:





وش فيها لكويت بعد غير التصريف الي ماعندنا

فيها شوارع وجسور وانفاق احسن من الي عندنا :)

[ثاني]

ولا ياخوان ماتلاحظون ان شوارع الدوحة فيها (الله يعزكم) بواليع واجد . فمادري ايش فائدتها لما ينزل المطر

[اخر العنقود]

لا اله الا الله

[doha1]

لاحول ولاقوة الا بالله

الله يعينهم ويصبرهم

[kuwaiti]

الواحد يتحمد ربه لشاف مصيبه غيره
والله لايرويكم قوته
والله لو تحط الديره كلها صرف صحى مايمنع عن امر ربك
احنا فى الكويت وزاره الاشغال تشتغل للصرف الصحى كل سنه من شهر 5 لى 11 ولكن المطر لزاد وطول ماتتحمل الصرف الصحي لكمايات الماى الزايده
وشوف ربك شلون حمي الحجاج من الكارثه والسيول بجانب مكه من كل صوب