بناتنا والمستقبل

[HENRY]

السلام عليكم
كنت مع الشباب بالمجلس وأنطرح موضووع الصراحه خلاني افكر فيه وااايد
كنا نتناقش عن الشباب في الوقت الحالي أذا عزم الواحد يتزوج يعزم على وحده عمرها
19 أو 23
يوم قت لهم الي عمرها 24 و26 جاوبووني بكل ثقه 24 و25 كبيره في العمر و قليل ألي يقبل يتزوج وحده عمرها 24 وطالع
ياجماعه شسااالفه
وعندي سؤال يطرح نفسه
وهل الاخوان وأولياء الامور راح يقبلون فكرة زواج بناتنا من الشباب السوري والفلسطيني والبناني والاردني وغيره من الجنسيات العربيه من أجل الستر
وشكرا

[Mozanee]

24 و25 كبيرة !!!!

الله يهديهم ,,,في بنات تزوجوا واعمارهم 30 وفوق وازواجهم ما سيق لهم الزواج ,,,

والشق الثاني من السؤال في بنات تزوجوا من جنسيات عربية لكن المشاكل كثيرة

والمستقبل مب مضمون وما في تسهيلات ,,

شكرا اخوي على الموضوع

[قهوة الضحى]

ودي نشوف راي شباب المنتدى عن بنات اللي اعمارهم 24 وفوق

موضوع حلو اخوي بالنسبة لي راي كبنت اشوف ال 24 احسن من ال19 ونازل
لانها صغيرة وماعندها خبرة كافية بالرغم ان في بنات صغار وعقولهم كبيرة وفاهمة
وبنات كبار وعقلهم عقول الاطفال مادري بالضبط شلون الشاب يفكرون
واكثر شي ينصح الزواج من ال20 وطالع لان جسمها نضج ويكون الحمل مناسب لها بهالفترة ونضج تفكيرها
بس عاد حرام مب لدرجة ينقال لهم كبار توهم بالعشرين

[المتضرعه لله]

اغلبية الطلاقات من اللي اعمارهم صغيره

والاربع عشرين وفوق هو الافضل لان عقليتها راح تكون تبحث عن الاستقرار والبناء عكس الصغيره

ومع كل هذا ماننسى ان كل شي قسمه ونصيب


والله يوفق الجميع

[بوخالد911]

ما فوق ال24 سنة

هو سن العقل والنضوج


والزواج من الجنسيات الغير قطرية لها عواقب وخيمة

نحن في غنى عنها

[وضحى قطر]

اعتقد برايي الشخصي كل واحد ياخذ وحده تقل عنه بـ 4 سنوات وما فوق مادري احس كذا افضل لما تكون اصغر منه بهالفرق او اكثر سواء كان عمرها 17 ولا 24 :)
اما عموما رايي انسب سن للزواج من ناحية البنات يكون سن الـ20 او 21 لا اصغر ولا اكبر بصراحه الاصغر للاسف اغلب بنات هالجيل تغيرت طبايعهم اللهم عافنا فيما ابتلاهم وصارعندهم عادي اما الاكبر فيسعوون مسعى الاصغر في سبيل الزواج


اما بالنسبة للي يقولون انه الصغار ما يبحثون عن الاستقرار ترى مهوب شرط في من الي فوق ال 24 فاقدين الحيا وطااايره عالزواج بدرجة افقدتها الحيا الي تملكه الصغار (( مع انه قل في بنات هاليومين))بس في شوييييية من الاصغر من ال24او الي فوق 24 فيهم حياا الحقوا عليهم ترى بينقرضووون خخخخخخخخخخ

[ANONYMOUS]

فوق 23 خلاص ماتنفع صارت عجيّز

:p

[Don't Try]

اذا لقيت واحد يدلعني دلع ابوي الله يحفظه افكر اتزوج هههههه والا بيت ابوي اشرف لي لو اوصل الــ 50 :shy:

[MaRuKoO]

اذا لقيت واحد يدلعني دلع ابوي الله يحفظه افكر اتزوج هههههه والا بيت ابوي اشرف لي لو اوصل الــ 50 :shy:





:secret:
......................................

[احلى دنياااا]

بصراحه انا احس اللي حولي اغلبهم ياخذون فوق ال20 والاغلبيه بعمر 24 و25 ومحد يشرط ان البنت تكون صغيره بالعمر بالعكس يشرطون اشيا ثانيه
احس هالعمر مناسب وفعلا حالات طلاق كثيره تصير للي ياخذون بنات صغار يعني تحت ال20
وحتى البنات اللي يتزوجون تحت العشرين تلاقيهم يتمنون لو عاشوا عمرهم وعقب تزوجوا

[هذلان]

السلام عليكم

اعتقد فوق ٢١ سنه البنت ماشي حالها و يختلف من عقليه لاخرى . اظفر بذات الدين .

والزواج من اجنبي صعبه و مثل ما قالو الاخوان عواقبها وخيمه .

اذا ماجاها نصيبها تعيش حياتها ستيره وجزاها الجنه .





اذا لقيت واحد يدلعني دلع ابوي الله يحفظه افكر اتزوج هههههه والا بيت ابوي اشرف لي لو اوصل الــ 50 :shy:


اذا هذي الفكره .. انصحج تظبطين من الحين مع دكتور اسنان و دكتور رمتيزم .

يكذب من يقول انا تزوجت وحده بالظبط مثل ما ابي و نفس الشي بالنسبه للبنت .
مستحيل الزوج او الزوجه يلقى الطرف الثاني كامل ١٠٠٪ من وجهه نظره و بعتقادي ان هذا الاختلاف ظاهره صحيه ولها مميزات منها تعلم طباع و تصرفات جديده من الطرف الاخر و تهذيب بعض العيوب الموجوده في كل من الطرفين .

والله يوفقج بزوج يسترج .

[~~ الدانـه ~~]

بالنسبه لوضعنا ونسبة الطلاق المرتفعه للسن مابين 18 الى 24حسب آخر احصائيه للطلاق


من محاكمنا اتوقع افضل سن للزواج يبدأ من 28 وكل ماكان اكبر افضل سواء لها او لزوجها


ماتصور بنت ال20 او حتى ال24 تعرف شسالفة الزوج وايش متطلباته


انا اقيس هالكلام على ظروفي لأني بهالسن ماكنت افكر غير بدراستي وامتحاناتي حتى هلي


مافكر فيهم بفكر بزوج ؟

[روح-قطر]

بااااااااااااااااااال لاول ما يفكر اصغر واكبر يتزوج وكلن ونصيبه الشباب ما خلوا شي مافكروا فيه


بالنسبه للزواج من الجنسيات العربيه عن نفسي ارفض بلا مشاكل وعوار راس

[Don't Try]

السلام عليكم

اعتقد فوق ٢١ سنه البنت ماشي حالها و يختلف من عقليه لاخرى . اظفر بذات الدين .

والزواج من اجنبي صعبه و مثل ما قالو الاخوان عواقبها وخيمه .

اذا ماجاها نصيبها تعيش حياتها ستيره وجزاها الجنه .



اذا هذي الفكره .. انصحج تظبطين من الحين مع دكتور اسنان و دكتور رمتيزم .

يكذب من يقول انا تزوجت وحده بالظبط مثل ما ابي و نفس الشي بالنسبه للبنت .
مستحيل الزوج او الزوجه يلقى الطرف الثاني كامل ١٠٠٪ من وجهه نظره و بعتقادي ان هذا الاختلاف ظاهره صحيه ولها مميزات منها تعلم طباع و تصرفات جديده من الطرف الاخر و تهذيب بعض العيوب الموجوده في كل من الطرفين .

والله يوفقج بزوج يسترج .








اترفع عن الرد اخوي واشكرك ،، بس ابوي ماعلمني اضبط مع حد وقلت لك يشرفني اقعد عنده عمري كله ^.*

[MoTeC]

اعتقد فهمتي غلط ولا شسالفه الرجال قصده من الحين خذي مواعيد للأسنان والرمتيزم
وبخصوص الزواج اذا قدرت اتزوج بتزوج وانا عمري 27~30
حالياً عندي اهلى اصرف عليهم ويادوب يكفي المعاش فـ ليش اتزوج واوهق بنت الناس معاي o_o هههههه
والله يوفق الجميع

[القرنفل]

وعليكم السلام ورحمة الله وبركاته

أولاً أشكرك على طرح هالموضوع المهم والحساس، من وجهة نظر المتجمع، فعلاً هو صار عيب يمكن الوحدة تتزوج وهي فوق الثلاثين، أو حتى ان الواحد ياخذ مطلقة أو أرمله، لهم فيها نظره تعجب واستنكار.
بس لما نتكلم من وجهة نظر الدين، فهذا حرام الي قاعد يحصل، يعني تخيل إختك، بنتك، أمك ... كلهم نسوان والله خلق النسوان يكملون الرجال والرجال يكملونهم النسوان، وحدة من اهلك لا سمح الله تأخر نصيبها، خلاص يروح عليها؟ تعيش باقي عمرها وحيدة؟ في زمن كله فتن؟
الرسول عليه الصلاة والسلام يانا بدين قويم، ولازم كل امورنا نردها للدين، وما نعتمد على العادات والتقاليد والافكار الدارجه.
انا اجوف ان المره مره، تحتاج زوج واسره، لو هي 18 ولا فوق الاربعين، والاسلام ما حرم عليهم الزواج، فلا يحرمون ما أحل الله.

[العلم الوكاد]

عمر الزواج ما كان يحكمه سن معين

والمسألة مسألة نصيب

متى ما قدر الله صار بغض النظر عن العمر

اما مسألة الزواج من اجنبي

فانا ضدها وبشدة

من غير ذكر اسباب

لانهم كثير

[القرنفل]

بالنسبه لوضعنا ونسبة الطلاق المرتفعه للسن مابين 18 الى 24حسب آخر احصائيه للطلاق


من محاكمنا اتوقع افضل سن للزواج يبدأ من 28 وكل ماكان اكبر افضل سواء لها او لزوجها


ماتصور بنت ال20 او حتى ال24 تعرف شسالفة الزوج وايش متطلباته


انا اقيس هالكلام على ظروفي لأني بهالسن ماكنت افكر غير بدراستي وامتحاناتي حتى هلي


مافكر فيهم بفكر بزوج ؟

بالعكس، بنات اليوم افهم من بنات امس،
وفي هالظروف والفتن المنتشرة أجوف أن من الافضل نثقفهم في الزواج،
ونعلمهم قيم الصبر والتضحية وإعطاء كل ذي حقه ونعلمهم على الاحترام المتبادل ونعدهم أحسن إعداد ونزوجهم، أحسن من أن يتمون في هالحال،
حيث ان كثرت الانحرافات والشعور بالوحدة واليأس بين شبابنا وبناتنا،
فنلقى آثارهم على الانترنت ونسمع عن قصصهم ونتعوذ منها،
وننسى أن هم منا واحنا منهم،

[w.qatar]

انا اشوف ان السن المناسب للبنات من 22 لين 25 تكون خلصت دراستها و تفرغت للمسؤوليات الجديده اذا اكبر من كذا احس انها كبيره واجد صراحه !!

[شيط ويط]

حلاته عمرها 15 سنه :)

[qtr1]

كل جيل وله تفكير والحمدالله ان كل واحد تفكيره على قده؟؟

[هذلان]

اترفع عن الرد اخوي واشكرك ،، بس ابوي ماعلمني اضبط مع حد وقلت لك يشرفني اقعد عنده عمري كله ^.*

شخبارج

[نظرة شجاع]

اذا لقيت واحد يدلعني دلع ابوي الله يحفظه افكر اتزوج هههههه والا بيت ابوي اشرف لي لو اوصل الــ 50 :shy:






وليه احد قالك ان احنا نتزوج عشان ندلعكم :)

اتمنا تاخذين كورسات عن الحياه الزوجيه عشان تعرفين واجباتك لان بجد كثير من البنات تدخل الزواج تفكر انها راح تحصل دلع وسفر وضحك وناسه وين قاعدين رحله هي ؟؟

وبالنسبه للعمر اشوفه من 19 الى 25 مناسب ولا يمنع اصغر او اكبر من ذلك

[طلعة الروح]

عمر الزواج المناسب للفتاة من 25 وطالع
والشاب من 30 وطالع
البنت في العمر تحسب خطوتها جيدا وتكون حاطه في بالها موضوع الاستقرار والأسرة بطريقة لا رجعة فيها ومبدأ التضحية والمثالية يكون عالي جدا في هالفترة من العمر
والرجال من 30 وفوق نظرته تكون فاهمه وواعيه اكثر من العشريني اللي لا زال في طور التجارب وحب التغيير والمغامرات......

مجرد وجهة نظر واتمنى محد يزعل منها..

[مرتبش]

احلى شي التعامل في كل حالة على حدى
شاب صغير عاقل ويشتغل خلاص اوكي مناسب للزواج
بنت صغيرة وراضية بالزواج خلاص زوجوها وعلى الله
وكل ما قل العمر احسن .. الزوج والزوجة ..ابرك لهم

[ANONYMOUS]

وليه احد قالك ان احنا نتزوج عشان ندلعكم :)

اتمنا تاخذين كورسات عن الحياه الزوجيه عشان تعرفين واجباتك لان بجد كثير من البنات تدخل الزواج تفكر انها راح تحصل دلع وسفر وضحك وناسه وين قاعدين رحله هي ؟؟

وبالنسبه للعمر اشوفه من 19 الى 25 مناسب ولا يمنع اصغر او اكبر من ذلك

هههههههههههههههههههههههههههههههههههههههههههههههههه

بيض الله وجهك على هالرد

على بالهم وناسه وسعة صدر

الله يغربل المسلسلات العبت ف عقول البشر

مادرو ان الزواج حك وصك

[ريم المدينة]

اي والله...

[Don't Try]

فهمتوني غلط :rolleyes2:

اقصد القى منه كل شئ حلو ويكون نفس ابوي ومن وجهة نظري كل واحد يكون ابوها مثلها الاعلى

متسامح ، محب ، يقدر كل شئ ، وفالمقابل له مني كل الاحترام والتقدير :shy:

بالعكس ماقصدت ابي اسافر واستانس وكل شئ

نكمل بعض مثل مايقولون

ممكن اتنازل عن شئ مقابل شئ ثاني


والحياة تنازلات وشيم واخلاااق


واشكر الجميع

[بوحارب]

بالنسبة لي افضل بو 19 لين 22 بس

اما طخة بو 24 وطالع اتوقع انها ما بسطت في بيت ابوها الا من سواد وجهها ( البعض )

واهم شي في زوجة المستقبل انها تكون حلوة وتعرف تسوي كرك

اما هذا ولا فبلا o - O

[هذلان]

بالنسبة لي افضل بو 19 لين 22 بس
اما طخة بو 24 وطالع اتوقع انها ما بسطت في بيت ابوها الا من سواد وجهها ( البعض )
واهم شي في زوجة المستقبل انها تكون حلوة وتعرف تسوي كرك
اما هذا ولا فبلا o - o

لا يالذيب قول غيرها .. بو حارب للاسف في مجتمعنا فيه كثير من العوائل الي ماينقصهم شي لا من زين ولا من تربيه ولا من اصل و فصل ،، يكون احتكاكهم في مجتمعهم محدود . يعني تلقى البنت تكون لها صديقه ولا ثنتين و هالصديقات يكونون من ايام الاعداديه ولا الثانويه . و قاعدين في بيوتهم ماجاهم نصيبهم لانهم ماطلعو ولا راحو مجمعات ولا لهم في الزيارات و الاعراس في كل وقت .

سبحان الله ملاحظتي المتواضعه الي شفتها ان البنات الزينات نصيبهم قليل .
و في الاخير كله توفيق من الله و قسمه و نصيب .

اتمنى التوفيق للبنات من النوع الي ذكرت و الله يستر عليهم و يوفقهم في الدنيا ولا الاخره

[Just a Gurl]

اما طخة بو 24 وطالع اتوقع انها ما بسطت في بيت ابوها الا من سواد وجهها ( البعض )


بل اشهالتفكير:(

[بوحارب]

هذلان & بس بنت

البعض وليس الكل

[عبير وردة]

عمر الزواج المناسب للفتاة من 25 وطالع
والشاب من 30 وطالع
البنت في العمر تحسب خطوتها جيدا وتكون حاطه في بالها موضوع الاستقرار والأسرة بطريقة لا رجعة فيها ومبدأ التضحية والمثالية يكون عالي جدا في هالفترة من العمر
والرجال من 30 وفوق نظرته تكون فاهمه وواعيه اكثر من العشريني اللي لا زال في طور التجارب وحب التغيير والمغامرات......

مجرد وجهة نظر واتمنى محد يزعل منها..

:nice::nice::nice::nice:

[بوحارب]

عمر الزواج المناسب للفتاة من 25 وطالع
والشاب من 30 وطالع
البنت في العمر تحسب خطوتها جيدا وتكون حاطه في بالها موضوع الاستقرار والأسرة بطريقة لا رجعة فيها ومبدأ التضحية والمثالية يكون عالي جدا في هالفترة من العمر
والرجال من 30 وفوق نظرته تكون فاهمه وواعيه اكثر من العشريني اللي لا زال في طور التجارب وحب التغيير والمغامرات......

مجرد وجهة نظر واتمنى محد يزعل منها..

بل بل بل بل ترى وجهة النظر غلط 100%

يعني الشاب طول هالفترة ( من مرحلة البلوغ حتى 30 سنه ) شلون شسمة هذي مادري شتسمونه

يعني الرجال بتكون فيه طاقة

مادري اشلون اشرح السالفة

بس فكرة الزواج من 30 سنة غلط في غلط

حلاته الشاب من 21 سنه والبنت من 19 سنه وطالع

والله يوفقني بالزوجة الثاني <<<< قربف طاخ طوط

[عبير وردة]

بل بل بل بل ترى وجهة النظر غلط 100%

يعني الشاب طول هالفترة ( من مرحلة البلوغ حتى 30 سنه ) شلون شسمة هذي مادري شتسمونه

يعني الرجال بتكون فيه طاقة

مادري اشلون اشرح السالفة

بس فكرة الزواج من 30 سنة غلط في غلط

حلاته الشاب من 21 سنه والبنت من 19 سنه وطالع

والله يوفقني بالزوجة الثاني <<<< قربف طاخ طوط

شفت شلون ؟؟؟ علشان تزوجت بدري في سن الواحد والعشرين مليت وبدك تتزوج الثانية :)
يعني لما توصل الخمسين حتعيش مراهقة العشرين هههههههه ......

[~~ الدانـه ~~]

لا يالذيب قول غيرها .. بو حارب للاسف في مجتمعنا فيه كثير من العوائل الي ماينقصهم شي لا من زين ولا من تربيه ولا من اصل و فصل ،، يكون احتكاكهم في مجتمعهم محدود . يعني تلقى البنت تكون لها صديقه ولا ثنتين و هالصديقات يكونون من ايام الاعداديه ولا الثانويه . و قاعدين في بيوتهم ماجاهم نصيبهم لانهم ماطلعو ولا راحو مجمعات ولا لهم في الزيارات و الاعراس في كل وقت .

سبحان الله ملاحظتي المتواضعه الي شفتها ان البنات الزينات نصيبهم قليل .
و في الاخير كله توفيق من الله و قسمه و نصيب .

اتمنى التوفيق للبنات من النوع الي ذكرت و الله يستر عليهم و يوفقهم في الدنيا ولا الاخره



الله يكثر الرجاجيل امثالك ياهذلان


هذا الرد المتزن الي يبرد الخاطر


ياليت (بعض الناس ) الي طايح تلبيخ في البنات يتعلم من اسلوبك :)

[امل الحب]

بالنسبة لي افضل بو 19 لين 22 بس

اما طخة بو 24 وطالع اتوقع انها ما بسطت في بيت ابوها الا من سواد وجهها ( البعض )

واهم شي في زوجة المستقبل انها تكون حلوة وتعرف تسوي كرك

اما هذا ولا فبلا o - O

يعتمد قياسك غالبا عالمجتمع المحيط بك .. لذلك بنيت وجهة النظر الغلط وتصورت وضع كلمة البعض انها بتكون شفيعة لاثبات وجهة نظر خاطئة للاسف.. :)




لا يالذيب قول غيرها .. بو حارب للاسف في مجتمعنا فيه كثير من العوائل الي ماينقصهم شي لا من زين ولا من تربيه ولا من اصل و فصل ،، يكون احتكاكهم في مجتمعهم محدود . يعني تلقى البنت تكون لها صديقه ولا ثنتين و هالصديقات يكونون من ايام الاعداديه ولا الثانويه . و قاعدين في بيوتهم ماجاهم نصيبهم لانهم ماطلعو ولا راحو مجمعات ولا لهم في الزيارات و الاعراس في كل وقت .

سبحان الله ملاحظتي المتواضعه الي شفتها ان البنات الزينات نصيبهم قليل .
و في الاخير كله توفيق من الله و قسمه و نصيب .

اتمنى التوفيق للبنات من النوع الي ذكرت و الله يستر عليهم و يوفقهم في الدنيا ولا الاخره

:nice::nice:

رد متزن بارك الله فيك

[هذلان]

بل شيرقدني الليله نفختوني :nice:

هي قناعات يا جماعه و الاختلاف في الرأي لايفسد للود قضيه :)

[الرويـس]

غريبة مسألة احتكار الاعمار :)

في الأول كان الشخص يحرص على البنت اللي عمرها صغير
بحكم ان الشخص هذا مثل ما يقولون راح ( يشكل البنت ) على يده
مايدرون ان الشخص هذا ( تشكيلته ) غلط ، ففي الحالة هذي اعتقد
من المفترض انه يدور على اللي يشكل حياته حياته هو وفق ترتيب معين
من الفتاة.

مسالة الزواج مسألة اصبحنا اليوم ننظر لها على انها ( طوق ) نجاة
للحياة من مغريات الحياة كما يدعي البعض ، وهي كذلك
غير ان البعض اصبح يرمي بأن حياته التي كان يقضيها باللعب واللهو
في امور لا ينبغي له القيام بها ، لابد وان تنتهي بالزواج رغم انشغاله ايضا
بلعبه ولهوه ، وينتظر الأن الزوجة التي سوف تكون ( زوجة عفيفة طاهرة شريفة)
وتكون بمثابة ( موتر الدوام ) اللي يبي يمشي فيه رغباته الاساسية . والموتر الكشخة هو مال
الطلعات

طبعا اللي تاب تاب الله عليه :) بس اللي ماتاب لا يتوقع انه راح
يحصل وحده (على هواه) ، يعني يتحمل:) ويتحجج في عمر معين
يظن ان هالعمر للحين مش (متفتح)
محد ياهل في هالزمان


بالعاميه
عليك بالبيت الطيب ، ولا تهتم بالعمر
ثرى مسألة الزواج مش نهاية القصة ولا يحكمها عمر :)

[Don't Try]

لا يالذيب قول غيرها .. بو حارب للاسف في مجتمعنا فيه كثير من العوائل الي ماينقصهم شي لا من زين ولا من تربيه ولا من اصل و فصل ،، يكون احتكاكهم في مجتمعهم محدود . يعني تلقى البنت تكون لها صديقه ولا ثنتين و هالصديقات يكونون من ايام الاعداديه ولا الثانويه . و قاعدين في بيوتهم ماجاهم نصيبهم لانهم ماطلعو ولا راحو مجمعات ولا لهم في الزيارات و الاعراس في كل وقت .

سبحان الله ملاحظتي المتواضعه الي شفتها ان البنات الزينات نصيبهم قليل .
و في الاخير كله توفيق من الله و قسمه و نصيب .

اتمنى التوفيق للبنات من النوع الي ذكرت و الله يستر عليهم و يوفقهم في الدنيا ولا الاخره



رد مميز الصراحه وراقي ،، عجبني :victory:

مب مساع هديت فيني :rolleyes2:


موفق يارب

[بوحارب]

شفت شلون ؟؟؟ علشان تزوجت بدري في سن الواحد والعشرين مليت وبدك تتزوج الثانية :)
يعني لما توصل الخمسين حتعيش مراهقة العشرين هههههههه ......

ما مليت وهالشي طبيعي انه الواحد يفكر في ال 2 وال 3 وال 4

حلال مب حرام :nice:

[بوحارب]

يعتمد قياسك غالبا عالمجتمع المحيط بك .. لذلك بنيت وجهة النظر الغلط وتصورت وضع كلمة البعض انها بتكون شفيعة لاثبات وجهة نظر خاطئة للاسف.. :)




البعض البعض يا بنت ;)

[تحداني]

.. للأسف الشديد ..
ضاعت مفاهيم الزواج الحقيقي...
لدى الكثير من الشباب والفتيات ..





اصبحت الفتاه تنظر للرجل على إنه



" فانوس سحري " جاء ليحقق كل أحلامها ..
وكأنها خرجت من بيت أبويها ..
بلا طعام وبلا ملابس وبلا ابسط الماديات ..


دون النظر ... الى الرجل على إنه شريك حياه ..
وزوج تكمل معه باقي حياتها ..
ورجل يستحق أن يطلق عليه " بابا " بمعنى الكلمه ..



والرجل أصبح ينظر للفتاه على إنها ..

شعر طويل - وجسم مرسوم - وعيون عسليه ..
وطباخه .. وشئ يحتفظ به في المنزل .. وشئ ليس له الحق ..
لا في النقاش ولا حتى في ابداء الرأي ..

وظيفتها فقط ان تهز رأسها دائما ..بالقبول ..



المسأله أكبر وأعقد بكثير من العمر ..
وهل هي في الخمسين ام في العشرين ..
او في الاربعين ..





ولذلك .. نرى يوميا ...
تزداد حالات الطلاق المعنوي ..
واستمرار التواصل الجسدي فقط ..





ونخرج في نهايه المشوار الى نظريه
" سوء الإختيار "
ووقتها لا ينفع الندم لأن هناك شئ اغلى من كل التضحيات ..
الا وهم الأبناء ..





الله يسعدكم يارب ..
ويرزقكم زوجات وازواج .. كما تتمنون ..

[meme~qatar]

بالنسبة لي اشوف العمر المناسب للزواج في هالزمن هو 20 وطالع
حتى لو كانت تدرس تكمل بعد الزواج عادي كلها سنتين وتخلص<<<<<عن تجربة
ومادامت الوحدة على قيد الحياة فهي صالحة للزواج <<<< بزوج يناسبها بالعمر
وارى ان الشاب يتزوج اول مايطلب من هله الزواج
لانه ماطلب الزواج الا وهو فعلا محتاج للزواج حتى لو عمره 18
طبعا فهمتوني
يعني بعد 16 سنة بيكون عمر ولدي 18 بزوجه واستوي جدة صغيرونه<<< خيالها واسع ههههه
شكرا لموضوعك القيم

[Don't Try]

لولا تعدد الاذواق لبارت السلع >> داخله عرض :telephone:

[doha1]

ما فوق ال24 سنة

هو سن العقل والنضوج


والزواج من الجنسيات الغير قطرية لها عواقب وخيمة

نحن في غنى عنها



:nice::victory:

كفيت ووفيت بوخالد

وكل ما العمر زاد كل ما العقل زاد نضوج وفهم للحياه من حلوها ومرها

والزواج من الاجنبيه مكلف بعواقب لايحمد عقباها

يازين بنت البلاد لو عمرها 80 اهم شي بنت البلد :)

[Don't Try]

ننتظر راي الباقي =)

[سداوي&مدريدي]

.. للأسف الشديد ..
ضاعت مفاهيم الزواج الحقيقي...
لدى الكثير من الشباب والفتيات ..





اصبحت الفتاه تنظر للرجل على إنه



" فانوس سحري " جاء ليحقق كل أحلامها ..
وكأنها خرجت من بيت أبويها ..
بلا طعام وبلا ملابس وبلا ابسط الماديات ..


دون النظر ... الى الرجل على إنه شريك حياه ..
وزوج تكمل معه باقي حياتها ..
ورجل يستحق أن يطلق عليه " بابا " بمعنى الكلمه ..



والرجل أصبح ينظر للفتاه على إنها ..

شعر طويل - وجسم مرسوم - وعيون عسليه ..
وطباخه .. وشئ يحتفظ به في المنزل .. وشئ ليس له الحق ..
لا في النقاش ولا حتى في ابداء الرأي ..

وظيفتها فقط ان تهز رأسها دائما ..بالقبول ..



المسأله أكبر وأعقد بكثير من العمر ..
وهل هي في الخمسين ام في العشرين ..
او في الاربعين ..





ولذلك .. نرى يوميا ...
تزداد حالات الطلاق المعنوي ..
واستمرار التواصل الجسدي فقط ..





ونخرج في نهايه المشوار الى نظريه
" سوء الإختيار "
ووقتها لا ينفع الندم لأن هناك شئ اغلى من كل التضحيات ..
الا وهم الأبناء ..





الله يسعدكم يارب ..
ويرزقكم زوجات وازواج .. كما تتمنون ..

صح لسانج :nice:

[مسكين]

عقل البنت أهم من عمرها ... بس من الأفضل تكون اصغر من الرجل