رسالة الى المسؤولين عن العاب دحل الحمام .. للأسف والله ..

[سوق واقف]

السلام عليكم ورحمة الله وبركاته


أخواني أخواتي الأعـــزاء ... اليوم الساعه التاسعه توجهت الى دحل الحمام مع الأسرة الكريمة لأنه اليهال قالوا يبى نبي دحل الحمام والنطاطيات ...المهم


والله شيء محزن .. راح اقولكم الموقف ولكن سأذكر بعض السلبيات أولا ...

1- النطاطيات قذرة قذرة جدااا ومخزنه ولم يتم غسيلها قبل وضعها للأطفال للأسف قذرة جداا لاتقولون أمس هواء ومطر لالالا قذرة جدااا


2- الشيء الثاني الدخول للنطاطيات 25 ريال للشخص سواء راح يلعب أو لا يعني حتى الأم والأب يدفعون ...


والشيء الي يحرق القلب .. أقسم بالله الذي رفع السماء بلا عمد ....الشخص المسؤول عن بوابة الدخول لن أذكر الجنسية

- كان يدخل ربعه من نفس الجنسية مجانا واحنا وقف لنا عند الباب وقالنا 25 ريال دفعت بس عقب صدته في زاوية قلت خل أب الطفل يدفع الي دخلته قالي ها قلته والله لو ما دفع بترجع الفلوس الي دفعتها ... قالي خلاص أنت أدخل بدون فلوس شوف والله حرام والله مب عشان فلوس والله العظيم


الشيء الثاني في العاب سيارات داخل 5 ريال والي ماسك اللعبة _ واحد من الجنسية (( أزيك يا باشا )) أقسم بالله كان يخلي الأطفال من نفس جنسيته يلعبون بدون ما يدفع خمس ريال

وكان يبي يدفع عيالي على كل لفة 5 ريال المهم خالة عيالي تهاوشت ويا الشخص قالت ليش تخلي الاطفال الي من جنسك يلعبون فري قالها خلاص خلي الأطفال يركبو ...

إلى متى ..

أنا ما أقول كلام من عندي والله العظيم هذا الي حصل اليوم ...
أريد رأيكم ...:anger1:

[Radnes]

وليييش تخلي خاله العيال تكلم الغريب كان كلمته انت :anger1:

[Don't Try]

الشكوى لغير الله مذله ،،

التلاعب في كل مكان جات على الدحل الحين ياخوي ،، خلها على الله

وبيجي اليوم اللي كل واحد يتحاسب فيه

اللي اكبر مني ومنك بيحاسبهم


والدنيا ماتسوى تحرق اعصابك ادري غيرتك عالبلد حدتك عالموضوع اللي انت تشوفه كبير وانا معاك 5 ريال و25 ريال اليوم بكره ملايين ينهبونها واحنا نطالعهم


الله المستعان

[سوق واقف]

وليييش تخلي خاله العيال تكلم الغريب كان كلمته انت :anger1:

انا كنت ماسك ولدي الرضيع وكان يصيح وكنت طالع لأني بودي الصغير السيارة عشان البرد

لاتحاتين خواتنا عن الف رجال

[هذلان]

يعجبني الي مايرضى بالغلط ولا يخلي حقه .

رقابه ني .. في البلديه قسم خاص بالحدائق وينه عنهم ؟

[بوخالد911]

هلا بك


الشي بالشي يذكر


مرة اقاموا سوق خيري بمدرسة بنتي

واللي كانوا يبيعوون ؛ على قولتك ازيك يا باشا !!!

كانت بنتي الله يحفظها بتشتري شي
قالها : ب 15 ريال

قالت : بس مكتووب عليه 10 ريال

قال : ومالووو خلااص ب 10 ريال !!!!
:anger1::anger1::anger1:

حتى ع بناتنا الصغار يبوون يقصوون عليهم

الله يفكنا من شرررهم ويقللونهم من ابلادنا

[روح-قطر]

الرقابه اهني نايمه يحتاج من يصحيها

[alrheeb2020]

والله مسخره وين المراقبين عن هالاشياء !!


يعطيك العافيه اخوي على الموضوع وعلى غيرتك ..

[ذهب]

هلكلام قلناه اكثر من مره ان المقيمين يعاملون هل قطر ابمكيالين

[@ كنترول @]

ليش ما كلمت الشباب اللي في إدارة الحديقة ..؟؟

[سلمى76]

الله يرحم ايام كانت النطاطات بتوضع طوال العيد

في الكورنيش والحدائق مجانا لكل الاطفال

[Om Majed]

جان كلمت إدارة الحديقه عن وصاخة الالعاب

[وتبقى الدنيا حلوه]

شدعوه لهل الدرجة

[القرنفل]

الله يرحمنا برحمته احنا الخليجين دايما مستغلينا في بلادنا وفي بلادهم :(

[عاشقة الطاووس]

حسبي الله ونعم الوكيل ،، زقوم في بطنه ان شاء الله هالفلوس اللي ينهبها .

يا خوي والله لازم تشتكي عليه ،، لاتقول اخاف ينقطع رزقه !!

لانه هو اللي قطع رزقه بنفسه ،، وما حافظ على لقمته ،،

لو يروح له ولد قطري ما عنده فلوس ويبي يلعب مستحيل يلعبه بلاش ،، شاطرين حق ناس وناس.

[بواردي]

اخوي سوق واقف ودام الالعاب وصخة ليه تخلي عيالك يلعبون فيها؟؟؟؟؟؟؟؟؟
ولعلمك ترى الشركة خاصة واسمها ( كيو ......)

واخبر اللي ماسك اللعاب سوداني
وعلى نياته

وبعدين اهوا حر يبي يدخل جماعته او يخليهم يلعبون

وجات على 25 ريال
ادري انك مقهور على الموقف مب على الفلوس

وانا لو بمكانك ما اروح للدحل

خلها لاهلها ولا تعور راسك

[طلعة الروح]

^
اخ بواردي مب حلوة كل ما شفنا شي غلط او مايرضينا نترك الموضوع ونقول خله يولي او خلاص لا تروحون هالاماكن بجذي انت قاعد تشجع السلبية والامبالاه على اللي قاعد يصير بسكوتنا وعدم اهتمامنا وانا اشوف انه الواحد يبري ذمته ويسوي الواجب هالقضيه مش تافهه كلش ولو انك تشوف انه 25 ريال مبلغ تافه بس القضية قضية حق اولا واخيرا هاي بلادنا واحنا مسؤولين عنها ومحد يبنيها ويخاف عليها غير عيالها وهاي اقل شي الواحد يسويه ترى..

[جمال اليافعي]

مثال بسيط خارج عن الموضوع " اذهبوا الى ادارة العمل فرع الصناعية وشوفوا المهازل عيني عينك من المسؤولين والموظفين , انتهاكت رهيبه لجميع قوانين الدوله "

[سوق واقف]

اخوي سوق واقف ودام الالعاب وصخة ليه تخلي عيالك يلعبون فيها؟؟؟؟؟؟؟؟؟
ولعلمك ترى الشركة خاصة واسمها ( كيو ......)

واخبر اللي ماسك اللعاب سوداني
وعلى نياته

وبعدين اهوا حر يبي يدخل جماعته او يخليهم يلعبون

وجات على 25 ريال
ادري انك مقهور على الموقف مب على الفلوس

وانا لو بمكانك ما اروح للدحل

خلها لاهلها ولا تعور راسك


عيالي ما العبوا في النطاطيات العبو في السيارات وخمس دقايق وطلعتهم على طول ... ولو أدري انه جذي ما دخلتهم اصلا

وبعدين مب حر يدخل الي يبغيه

[صقر عربي]

الشي هذا عادي على راعي الغتره والعقال بس
خير الكلام ماقل ودل

[حوت الأسهم]

والله اخوي الموضوع عن عدم النظافة شئ مؤسف لائنها بلتأكيد سوف تنشر الامراض وبخصوص الي يدخلون مجانا اكيد يعرفهم وعشان هيك بيدخلهم مجاني ونفس هلمثال كنت اشوفه في الملاهي في السيتي سنتر في الدور الرابع فوق , لاكن بدي احكيلك شئ انت ما تعرف انو صاحب المكان يدري انو بيدخل اصدقاء مجانا او بيلعبهم نفس الي بيكون في محل وصاحب المكان بيحكيلو ليك خصم خاص عشان تشتغل هني
والحمد الله علي كل شي

[doha1]

شي يفقع الكبد فعلا وماشفت من صور اكد كل حرف قلته

وين المسؤولين والله عن هالشي

الفلوس وتجميعها مب اهم من صحة اعيالنا

حسبي الله ونعم الوكيل في هالطمع

[ممنوع اللمس]

اخوي اذا الموضوع متعلق بشباب الحمايه ياليت اسامي اللي كانو عالباب وانا باخذ الاجرائات معاهم :)