واخرتها مع هالمتسولين!!!

[ولد النواخذه]

بالامس توجهت مع زوجتي وابنتي الى عيادة الدوحة لمراجعة الطبيب واثناء القيام بالتسجيل اتت امرأة في وسط العمر واستأذنت زوجتي بكلمه على جنب واذا بزوجتي راجعه تخبرني بأن هذه المرأه تطلب المساعده بمبلغ 300 ريال لعمل تحليل في عيادة الدوحه!!!! كل مافعلته شخصيا هو انني ابتعدت بزوجتي من السيده المعنية ولم ترجع لمطالبتها مجددا...
هل من المعقول بأنها أتت الى عيادة الدوحه دون العلم بأسعتره وما يترتب عليه زيارة مستشفى خاص مثل عيادة الدوحه!! أرى ان مثل هالأصناف تستغل طيبة الناس وحسن نيتهم للنصب عليهم وأخذ هذه المبالغ بغير وجه حق وأنا متأكد بأن هنالك من صدق بموضوع مثل هذه السيده ودفع هذا المبلغ ولكن نحن نعيش في بلد كريم به ديوان أميري مفتوح يوميا تقريبا وبه جمعيات خيرية عده أبوابها مفتوحه امام الجميع واذا على الصحه فالدولة وفرت كل سبل العلاج بالمجان للجميع فلماذا يحتقر البعض أنفسهم بمثل هذه المطالبات التي تقلل من قدر الأنسان بغير وجه حق.
أتمنى ألا ارى من هؤلاء المتسولين مرة أخرى فهم يحاولون بشتى الطرق اثارة الحس الانساني لدى الشخص باسلوب رخيص للاسف...

[بوخالد911]

المفرووض ما تعطوونها شي

اسلووبي معاهم

هو

اسالهم من ووين انت او انتي

اقوولهم روحوا سفارتكم
وبس

[هدهد سليمان]

ممكن يكون هالشي صحيح ليش نسيء الظن .. لو عطيتها وراحت تعالجت لك الأجر ولزوجتك ولو عطيتها وما راحت هم لك الأجر يمكن تكون محتاجه وما عرفت شلون تتصرف وتكون سديت جوعها هي وعيالها وبعد لك الأجر .. الله يغني المسلمين جميعا بحلاله عن حرامه .. ونصيحه لوجه الله اللي عنده يعطي واللي ما عنده لا يفضح خلق الله !

[بويعقوب]

من زمان موجودين في عياده الدوحه

[اسير الاوهام]

عيادة الدوحة ؟؟؟؟
يعني ماتدري إن العيادة بفلوس .. ليش تروح ؟؟
شفيها المراكز الصحية .. أو مستشفى حمد ؟؟
لو كانت أجنبية بياخذون منها مبالغ رمزية ..

[حـــنـــان]

انا صادنى هندي عندة تقرير طبي ان واحد من اعيالة في حالة حرجة ..بس قلبي ماارتاح لة ابدا اشكرة مبين انة يكذب ...بس قلت اعطية لعلة يستعف عن السؤال ..مدري انا شذي صح ولاغلط

[طلعة الروح]

انا كذا مره اصادف متسولين باكستانين عند الـFamily Food Centre
فرع المطار، بس صج يبي لهم وقفه اولا: عينهم قويه ويحاججونك، ثانيا: اغلبهم جايين بدون عقود عمل واقامه غير شرعيه ثالثا: يوم تسألينه ليش تتسول يقولج زهقان وابي اسافر البلاد قتله روح سفارتك قام يماطل بالسالفه وواضح انها عملية تسول منظمة فأتمنى الكل يحاسب من هالجنسية بالذات........

[الصريحه]

ماادري انا بالذات اصادف منهم واجد في حياتي الخاصه وللاسف بعضهم وقت الاجازه تطلع من قطر مب اقل من 50000 الف ريال قطري وعلى قوله وحده منهم .
وهذا العلم عند الله ......................

[anything99]

انا اعرض عليهم ايصالهم لاقرب جمعية خيرية .. لاني اعلم ان هذه الجمعيات تطلب اثباتات وتعطي عن بينة وبقدر الحاجة او العلاج ....

[راعي البيرق]

بالامس توجهت مع زوجتي وابنتي الى عيادة الدوحة لمراجعة الطبيب واثناء القيام بالتسجيل اتت امرأة في وسط العمر واستأذنت زوجتي بكلمه على جنب واذا بزوجتي راجعه تخبرني بأن هذه المرأه تطلب المساعده بمبلغ 300 ريال لعمل تحليل في عيادة الدوحه!!!! كل مافعلته شخصيا هو انني ابتعدت بزوجتي من السيده المعنية ولم ترجع لمطالبتها مجددا...
هل من المعقول بأنها أتت الى عيادة الدوحه دون العلم بأسعتره وما يترتب عليه زيارة مستشفى خاص مثل عيادة الدوحه!! أرى ان مثل هالأصناف تستغل طيبة الناس وحسن نيتهم للنصب عليهم وأخذ هذه المبالغ بغير وجه حق وأنا متأكد بأن هنالك من صدق بموضوع مثل هذه السيده ودفع هذا المبلغ ولكن نحن نعيش في بلد كريم به ديوان أميري مفتوح يوميا تقريبا وبه جمعيات خيرية عده أبوابها مفتوحه امام الجميع واذا على الصحه فالدولة وفرت كل سبل العلاج بالمجان للجميع فلماذا يحتقر البعض أنفسهم بمثل هذه المطالبات التي تقلل من قدر الأنسان بغير وجه حق.
أتمنى ألا ارى من هؤلاء المتسولين مرة أخرى فهم يحاولون بشتى الطرق اثارة الحس الانساني لدى الشخص باسلوب رخيص للاسف...
عفوا اخوي انا منوجهة نظري الحالة فعلا انسانية كان بامكانك انك ماتعطيها الفلوس مباشرة وتروح مع مرتك للمختبر وتدفع هناك للمختبر ان كانت صادقة والله منعم عليك اما ان كنت متقدر فلا يكلف الله نفسا الا وسعها .
بس هذي وجهة نظري وتقبل مروري

[meme~qatar]

لا ... ابشرك في المستشفى الاهلي بعد
جاتني مرة قعدت حذاي في انتظار عيادة النساء والولادة في المستشفى الاهلي
وعندها بنت عمرها حول تسع سنوات
تقولي ابوها(ابو المرة موب البنت) في المستشفى مرقد ومحتاج تحاليل وماعندهم فلوس
والمبلغ 70 ريال عطيتها 100 .. الا تقولي انا قتلج المبلغ 170 ريال <<< ماتستحي تحاججني
وانا من النوع اللي ينحرج لازم اعطي ... بس هذي بالذات قتلها ماعندي غير 100 تبين ولا ...
قالت خلاص وجنه موب عاجبها
هذا بدل ماتدعيلي من الاول؟؟
ولو ماكنت خايفة على الياهل اللي في بطني جان راويتها شغل الله <<< لاتصدقون خوافة

وفي البيوت بعد ييون ويشترطون مبالغ واذا ماعجبهم المبلغ
يقولون جيرانكم بيت فلان عطونا ذاك المبلغ
ويسئلونك شنو تشتغلون ؟؟؟ علشان يطلبون حسب الوظيفة
مرة يات طرارة حق بيت رفيجتي سألتها وين يشتغل ريلج
قالتلها في مكافحة التسول خخخخخخخخخخ شردت خخخخخخخخخخخخ

[المرسى الأخير]

شكلهم هذولا عصابة منظمة

من فترة جاتني وحدة منقبه مبين عليها في العشرينات كانت تنتظرني اطلع من الصيدلية في مجمع الشفاء وقالتلي ولدي مريض ابغي اسويله تحليل غده فعيادة الدوحة وماعندي فلوس قلتلها بعيادة الدوحة ايش جابج مجمع الشفا ؟!! وتمت تقول ادري احرجتج وتحلف انها صادقه وتعتذرلي انها فعلا محتاجه وحبتني على راسي !!

وقتها قلت يمكن فعلا محتاجه واعطيها المقسوم وهي وذمتها ..

اليوم رحت مجمع الشفا الا لقيتها هناك تتمشى فالممرات .. عرفت وقتها انها متسوله وذمتها وسيعه

الله عليهم

[العلم الوكاد]

بالعكس انا اشوفهم هالسنة اقل

بس التسول الحين صح اقل

بس على مستوى

[~~ الدانـه ~~]

( وَأَمَّا السَّائِلَ فَلا تَنْهَرْ )




الأولى انك تساعده لأنه لولا الحاجه ماسأل أو ترده ردآ جميلآ فالله قال في سياق الآيه( وَوَجَدَكَ


عَائِلاً فَأَغْنَى ) يذكرك بحالتك قبل الغنى بأن تضع نفسك في مكانه فلا تنهره وترده يكفيه ذل السؤال


وانا كرأي شخصي ارى من اسباب زوال النعمه البخل وعدم الاحساس بالفقراء


والله مستغربه وين اخلاقنا كمسلمين ولا الاسلام فقط صلاة وصوم ، حتى لو شكينا ان


هالمتسول لايستحق ساعده وأجرك ماينقص منه شيء وعلى نياتكم ترزقون بتؤجر انك ساعدته


وبتؤجر على عدم نهره وبتزيد بركة اموالك .

[المها قطر]

والله انا هندي عند الكاشير اليوم صادفني يعرض لي ورقة وتوة بيتكلم ويخربط الا اشر لة اص ولا كلمة
ما شفت الا اغبرتة طار لانة كذاب وحرامي والحرامية مايتعاملون الا بهذة الطريقة
لا حد يقص عليكم يا جماعة خلة يروح الجمعيات الخيرية
ياجماعة والله مب بخل بس اكرة ماعلي الاستغفال لاهل قطر ومن ورانا يضحكون علينا

[الرايــق]

اكثر من واحد اشتكى بخصوص هالشي وبنفس المكان
طيب وين ادارة المستشفى عن هالامر؟؟

على العموم ..
مكافحة التسول
4714220


ويعطيك العافية

[رهج السنابك]

شخصياً اشوف

اني لو اعطيت المتسول باخذ اجر سواء كان نصاب او مش نصاب
وان كان نصاب هو بياخذ الاثم لكن انا باخذ الاجر

يعني في الحالتين باخذ الاجر وعسى الفلوس في جهنم المهم الاجر نستبخل نقط 500 ريال في انسان ومانستبخل ندفع ألوف في نعال ندوس بيه اوسخ شوارع !!


صحيح ان الفقير طبيعي مايتواجد بأماكن مثل العيادات الخاصة والمراكز الحكومية موجوده لكن ليه ادخل في نوايا الاشخاص دام سألني بعطيه اللي يرضي ضميري وبنفس الوقت صدقة وترا الصدقة تجوز حتى على الغني

[~~ الدانـه ~~]

شخصياً اشوف

اني لو اعطيت المتسول باخذ اجر سواء كان نصاب او مش نصاب
وان كان نصاب هو بياخذ الاثم لكن انا باخذ الاجر

يعني في الحالتين باخذ الاجر وعسى الفلوس في جهنم المهم الاجر نستبخل نقط 500 ريال في انسان ومانستبخل ندفع ألوف في نعال ندوس بيه اوسخ شوارع !!


صحيح ان الفقير طبيعي مايتواجد بأماكن مثل العيادات الخاصة والمراكز الحكومية موجوده لكن ليه ادخل في نوايا الاشخاص دام سألني بعطيه اللي يرضي ضميري وبنفس الوقت صدقة وترا الصدقة تجوز حتى على الغني


ياعيني عليج


الله يتمم عليج هالنيه الطيبه ، قلتي الي ماعرفت اقوله


فعلآ المفروض ماندخل في نوايا الاشخاص ونتعامل بدينا واخلاقنا وضميرنا

[HIGHNESS]

سبحان الله نفس الموقف ونفس المكان .. وصادفتها نفسها في مكااان ثاني ... اللي يحز بخاطري الكذب والاستغفال ... ومن شخص لشخص تصير الااااف .. وبنفس الوقت يخربون على المحتااج الحقيقي ... كلنا نبي الاجر من الله والحمدلله نعرف نعطي وندل اماكنهم لكن هذه الطريقة مرفوضة ولا اقبلها ابداً ...

[مسباح عاج]

تنص المادة رقم (278) من قانون العقوبات على :
( يعاقب بالحبس مدة لا تجاوز ثلاثة أشهر، كل من يتسول في الطرقات ، أو الأماكن العامة ، أو يقود حدثاً للتسول، أو يشجعه على ذلك.
ويجوز بدلاً من الحكم بالعقوبة المتقدمة، الحكم بإيداع المتسول إحدى المؤسسات الإصلاحية التي تخصص لذلك ) .

وعلى من يجد متسولاً ان يُبلغ قسم مكافحة التسول بإدارة البحث الجنائي لإتخاذ الاجراءات القانونية اللازمة
وهاتفهم هو 4714220

[غير البشر]

تبون احسن حل عندي سوووو نفسي :shy::shy:

جاتني وحده اتقولي ممكن 200 ريال حق التحليل قلت لها ان شاء الله ابشري

انا جالس هنا جيبي لي الفاتوره او الوصل وابشري فالج طيب

ولاشفت رقعه وجهها مالت عليها :nice:

[TRAINING]

مادري الي اشوفه رد من البعض انه مبلغ بسيط 500 ريال
اذا كل متسول 500 عزالله مافيه رواتب عندنا وبعدين مع الي يقلون شنو جايبهم العيادات الخاصه
نفرض انه اقريبه لهم اوكي
اوديهم لين الطبيب المعالج وادفع لهم اذا ابي ادفع لهم او اعطيهم المقسوم اذا كانوا يستحقون
وانا صادفني منهم واييييييييييييييييييييييييييييييييييد ونفس الناس يعني اتقولون شغالين اهناك يطلع راتب مدير ادارة خخخخخخخخخخخخخ
انا اشوف يرحون حق الجهات المختصه بالمساعدات افضل

[روح-قطر]

بصراحه زادوا مو مسأله نيه مسأله ليش يسالون القطريين بس انا حصلت وحده بعياده الشفاء ونفس الحاله نقصتني فلوس وعطيتها وعقبها لقيت وحده معاها والمشكله من خذت مادخلت العياده تمت واقفه عند الباب وعقب طلعت اللي معاها والمشكله متنقبات..

ونفس الحاله بالمول لقيت وحده ماعندي بس صج في بوكي مافي فلوس لاني اعتمد عالبطاقه قلت لها ماعندي تمت تحن وكلت جبدي قلت لها تبين اطلعلج البوك قالت خلاص خلاص..

السؤال نفس ماقلت ليش مايسالون الاجانب ليش توجههم للقطرين؟؟

[بوحارب]

اي حد يطلبني من هالمتسولين ارده وحتى لو يصيح قدامي

اللي يبي يتبرع فيه جمعيات خيرية في الدولة وهي الأدرى من المحتاج ومن مب محتاج

نصيحة لا تاخذكم العاطفة مع هالأشكال!

[ولد النواخذه]

مرحبا جميعا

أولا احنا ماعطنا الي اطلبت أي مبلغ لأني شبه متأكد أن الي طلبت المبلغ لم تحتاجه لأي نوع من الكشوفات الطبيه, ثانيا لمن يقول بأن من المفترض أن ندفع بنية حسنة بغض النظر أن كان الطالب للمبلغ محتاج من عدمه هل نحن مغفلين بهذه الطريقة بحيث أن هؤلاء المتسولين يلزموننا بدفع مبالغ محدده بالنصب على المواطنين بهذه المبالغ الكبيرة فلو نجحت هذه السيده في اقناع 5 الى 10 اشخاص يوميا سيكون مدخولها ليس أقل من 1500-2000 ريال يوميا وعليكم الحساب شهريا او سنويا وهنا أنا لست بحاسد ولكنها قمة النصب والاحتيال بتقمص دور المسكين المحتاج انسانيا فلماذا يكون المواطنين عرضة لأمثال هؤلاء, رسالتي هي يجب أن لانكون متساهلين مع من يحاولون استغفالنا واستغلال حسن نيتنا ورقة قلوبنا وان نرشدهم للطرق الرسمية للتعامل معهم ان كانوا صادقين سواء الجمعيات الخيرية أو مجلس الأسرة أو غيره من سبل لم تقصر دولتنا الفتية عن انشاءها.
هذه وجهة نظري الشخصية ولعلمي بان البعض من هؤلاء المتسولين ليسوا صادقين وأحب أن أنوه أننا في بلد يقدم الكثير سواء للمواطن وغير المواطن لتأمين حياه مرفهه للجميع واستغرب بأن يكون هنالك من يلجأ للتسول ودمتم سالمين.....

[بوخالد911]

تبون احسن حل عندي سوووو نفسي :shy::shy:

جاتني وحده اتقولي ممكن 200 ريال حق التحليل قلت لها ان شاء الله ابشري

انا جالس هنا جيبي لي الفاتوره او الوصل وابشري فالج طيب

ولاشفت رقعه وجهها مالت عليها :nice:



يا جامد يا عرباوي


خوووش طريقة والله

:nice::victory::victory::victory::nice:

[دكتورة روح]

الصراحة ذكرتوني من اسبوعين تقريبا
جاتني وحده عند صيدلية البتيل في شارع سلوى
وتقولي انا مسكينة محتاجة فلوس للتحليل حق امي وتاشر لي على المجمع الطبي
اعتقد مجمع قطر الطبي .. المهم قلت لها طيب كم تبين قالت 300 قلت لها ماعندي الا حول خمسين
بشتري دوى ولدي وبعطيج الباقي قالت اوكي مو مشكله بشوف غيرج من الطيبين ..الخ
صرفت وعطيتها الخمسين الا قلت لها امج شفيها قالت لي عندها ربو ويسوون لها تحليل وقامت تخبص شوي بالحجي دريت .. قلت لها انتي من وين ؟؟ وكلامها ولهجتها عمانية الا تقولي انا من السعودية بس مواليد الدوحة .. المهم عطيتها الخمسين ماوعيت الا رايحة مسرعه صوب كورلا يديدة واركبت وشلي عليه
قلت وووين التحليل والمجمع وامها والسيارة راحت مسرعه جنها تقولي لا تلحقيني ..
موب انقهرت حسيت نفسي مغفله وحطيت في بالي اني لي بغيت الاجر في جمعيات خيرية هي ادرى وين الفقارى وانا انشالله واصلني الاجر ..
اووووف صج الموضوع جى في وقته
ولا مالاحظتو ان يتواجدون قريب العيادات والصيدليات يعني يبون يجونا من ناحية العاطفة والانسانية ابلفيت

[بوخالد911]

الصراحة ذكرتوني من اسبوعين تقريبا
جاتني وحده عند صيدلية البتيل في شارع سلوى
وتقولي انا مسكينة محتاجة فلوس للتحليل حق امي وتاشر لي على المجمع الطبي
اعتقد مجمع قطر الطبي .. المهم قلت لها طيب كم تبين قالت 300 قلت لها ماعندي الا حول خمسين
بشتري دوى ولدي وبعطيج الباقي قالت اوكي مو مشكله بشوف غيرج من الطيبين ..الخ
صرفت وعطيتها الخمسين الا قلت لها امج شفيها قالت لي عندها ربو ويسوون لها تحليل وقامت تخبص شوي بالحجي دريت .. قلت لها انتي من وين ؟؟ وكلامها ولهجتها عمانية الا تقولي انا من السعودية بس مواليد الدوحة .. المهم عطيتها الخمسين ماوعيت الا رايحة مسرعه صوب كورلا يديدة واركبت وشلي عليه
قلت وووين التحليل والمجمع وامها والسيارة راحت مسرعه جنها تقولي لا تلحقيني ..
موب انقهرت حسيت نفسي مغفله وحطيت في بالي اني لي بغيت الاجر في جمعيات خيرية هي ادرى وين الفقارى وانا انشالله واصلني الاجر ..
اووووف صج الموضوع جى في وقته
ولا مالاحظتو ان يتواجدون قريب العيادات والصيدليات يعني يبون يجونا من ناحية العاطفة والانسانية ابلفيت

اخخ


يا ريت انا اطييح بهالموقف بس !!!!


يا ريت والله

:anger1::anger1::anger1::anger1::anger1:

[ولد النواخذه]

الصراحة ذكرتوني من اسبوعين تقريبا
جاتني وحده عند صيدلية البتيل في شارع سلوى
وتقولي انا مسكينة محتاجة فلوس للتحليل حق امي وتاشر لي على المجمع الطبي
اعتقد مجمع قطر الطبي .. المهم قلت لها طيب كم تبين قالت 300 قلت لها ماعندي الا حول خمسين
بشتري دوى ولدي وبعطيج الباقي قالت اوكي مو مشكله بشوف غيرج من الطيبين ..الخ
صرفت وعطيتها الخمسين الا قلت لها امج شفيها قالت لي عندها ربو ويسوون لها تحليل وقامت تخبص شوي بالحجي دريت .. قلت لها انتي من وين ؟؟ وكلامها ولهجتها عمانية الا تقولي انا من السعودية بس مواليد الدوحة .. المهم عطيتها الخمسين ماوعيت الا رايحة مسرعه صوب كورلا يديدة واركبت وشلي عليه
قلت وووين التحليل والمجمع وامها والسيارة راحت مسرعه جنها تقولي لا تلحقيني ..
موب انقهرت حسيت نفسي مغفله وحطيت في بالي اني لي بغيت الاجر في جمعيات خيرية هي ادرى وين الفقارى وانا انشالله واصلني الاجر ..
اووووف صج الموضوع جى في وقته
ولا مالاحظتو ان يتواجدون قريب العيادات والصيدليات يعني يبون يجونا من ناحية العاطفة والانسانية ابلفيت

أنتي ماجورة يا أختي وماقصرتي وأحسنتي النيه بس قصتج والي كان بيحصل لزوجتي لو دفعت 300 ريال حق الي طلبتها يأكد لي بلا شك بأن هنالك من يذهب لأماكن معينه وينتقي زبائنه لكي يحصل على رزقه اليومي بأقل التكاليف مجرد كلمتين تكسر الخاطر والواحد بيلقى نفسه تقريبا مرغم انسانيا لتقديم المساعده لأمثال هؤلاء النصابين من وجهة نظري وهنا أنا لست معمما ولكن هنالك مجموعه تستخدم هذا السبيل كمصدر للرزق ويجب ايقافهم...

[دكتورة روح]

اووووف يابوخالد
مو بموووت من القهر
انا الحين وانا اكتب وانا منقهرة حدي
خاطري اصيدها مرة ثانية سيده بكلم مكافحة المتسولين بخزن الرقم عندي
نفس وحده اعرفها عندها رقم مكافحة الققطط لي شافت قطو كلمتهم وييونها هههه يصيدونهم

[دكتورة روح]

ولد النواخذه
انشالله الاجر واصل على حرقة القلب الي صارت
وصاج والله ان في نوعية هاي رزقها ..

[بوخالد911]

اووووف يابوخالد
مو بموووت من القهر
انا الحين وانا اكتب وانا منقهرة حدي
خاطري اصيدها مرة ثانية سيده بكلم مكافحة المتسولين بخزن الرقم عندي
نفس وحده اعرفها عندها رقم مكافحة الققطط لي شافت قطو كلمتهم وييونها هههه يصيدونهم





والله توووني خزنت الرقم بجوووالي:telephone::telephone::telephone:
4714220

اما سالفة القطاوة
هههههههههههه


يسلموووو

[ولد النواخذه]

ولد النواخذه
انشالله الاجر واصل على حرقة القلب الي صارت
وصاج والله ان في نوعية هاي رزقها ..

ان شاء الله أجرج وصلج على نيتج الطيبة في مساعدة الي اطلبتج لعمل التحليل بغض النظر عن انها هربت بالمبلغ بس تأكدي في امور تكلفنا مبالغ عشان نتعلمها وترسخ في بالنا وتكون مثال حي لان في أحيان مهما نسمع ما يتكون نفس المثال الحي الي بيكون أفضل درس للانسان وتأكدي وايد منا وقع في مثل هالامور ودفعنا بحسن نية والله ولكن لازم توقف هالامور ونوقف هالاشكال عند حدها كفاية استغلال....

[بوخالد911]

ان شاء الله أجرج وصلج على نيتج الطيبة في مساعدة الي اطلبتج لعمل التحليل بغض النظر عن انها هربت بالمبلغ بس تأكدي في امور تكلفنا مبالغ عشان نتعلمها وترسخ في بالنا وتكون مثال حي لان في أحيان مهما نسمع ما يتكون نفس المثال الحي الي بيكون أفضل درس للانسان وتأكدي وايد منا وقع في مثل هالامور ودفعنا بحسن نية والله ولكن لازم توقف هالامور ونوقف هالاشكال عند حدها كفاية استغلال....

عااد انا ما تمشي علي حركاتهم


لو بغيت اتبرع ولا اتصدق
بروح للجمعيات الخيرية

او بعطي اسر وعوائل اعرف حالتهم عدل

مش كل من طلبني اعطييه

:anger1::anger1::anger1:


هااي مبدأي


والسمووحة للمداخلة:omg:



مسيوو / بوخالد911

[doha1]

كان اتصلت في الجهة المسؤوله عن المتسولين كان جوك وخذوها ع طول

مانقسي قلوبنا لكن الطراره شينه خاصه من شخص متعافي