ممكن مساعدة ...؟؟؟ (سماعات المسرح المنزلي)

[نور الحور]

السلام عليكم ورحمة الله وبركاته ..

إخواني وأخواتي أعضاء المنتدى ..عندي استفسار وماني عارفة وين أحطه..


بغيت أشتري سماعات سبيكر كبيرة (مسرح منزلي).. ومحتارة أي نوع آخذ ..حابة إنهم يكونون أربع سماعات
وياليت تقولون لي هل عادي أشتري واير لس ولا مضر لأني أبي أوزعهم في كم غرفة بالبيت
لأني سمعت إن الواير لس خطر فيه اشعة مثل البلوتوث، لكن في تقنية جديدة نسيت اسمها واير لس بس غير مضرة ..
أنا عادي يكون له وايرات لأن الغرف قريبة من بعض، بس أفضل السهولة في الاستخدام



ياليت اللي يعرف يفيدني ..سألت كارفور قالي البايع أحسن نوع فليبس اللي سماعاته خشبية، ومدح لي ال جي وسوني ...ومحتااااااااااارة

وجزاكم الله خير

[هذلان]

السلام عليكم

المسرح المنزلي معروف (home theater)
الي يركبونه مع التلفزيون عشان تشوفين افلان .
لكن من كلامج انج بتحطين سماعات في الغرف ؟
الي انتي تبينه حق التلفزيون ولا تقصدين انج تبين سماعات في الغرف عشان تشغلين قران مثلا .

عموما هالتقنيات انتي و فلوسج
ابعدي عن LG نهائيا .
عندج ماركه BOSS هي التوب في مجال الصوتيات و مكانهم الدوار الصغير الي عند ثامكو قديما صوب شارع عبدالله بن ثاني .. عاد ترى وصفي قديم مادري للحينهم هناك ولا راحو محل ثاني . و عليج بماركه سوني البيت الحديث

[علووي]

ان شاء الله الاعضاء يساعدووونج ..

[doha70999]

سوووووني وبس

[نور الحور]

جزاكم الله خير
أخوي هذلان ... أي نعم أقصد السماعت اللي ممكن أشغلها للاستماع فقط .. وجزاك الله خير على النصيحة بس ما قلت لي الواير لس عملي وغير مضر ولا لا ؟؟؟

[هذلان]

لاتاخذين الوايرلس لانه اذا ماكان مضر و اعتقد انه مش مضر لانه الاشعه ماتخترق الجسم .
اذا هذا الي تبين الامر هين . عندج خيارين .
ياتركبين السماعات في الجبس في سقف الغرفه و تكون سماعات صغيره بيضا تشابع سماعات السياره الي في الابواب ، تكون راكبه في الجبس من فوق و تمديداتها داخل الجبس ماتبين .
او انج تستخدمين نفس نظام المساجد .. سماعات معلقه في كل غرفه و توصيلها بالواير .
انا انصحج بالطريقه الاولى لانها ماتخرب الديكور .
و اكرر نفس النصيحه دوري وين وكيل ماركه boss و اشرحيلهم الي تبين ، و طبعا بتاخذين السماعات و الجهاز الرئيسي الي هو عباره عن راديو و مشغل اقراص و مسجل . تخليه في احد الغرف (غرفه ملابس مثلا ) او في الصاله .
هو متعب شوي و شغله في توصيله بس بترتاحين

[نور الحور]

جزاك الله خير مرة ثانية على الإفادة ..
أنا كنت ناوية أركبهم في الجبس بس طلعت السالفة موهينة ففضلت أشتري النوع اللي سماعاته طوال تنحط على الأرض (نفس اللي نشوفهم في الجم مثلا) أسهل في التنقل والشيل والحط ...
boss ماركة يابانية ولا ايش؟؟
آسفة على الإزعاج بس والله محتارة ..

[هذلان]

اغلب الضن امريكيه

هذا موقعهم
http://www.bossaudio.com/main/index.php

[نور الحور]

جزاك الله خير أخوي هذلان ما قصرت

[نور الحور]

للــــــــــــــــــــــــــــــــــــرفع