برنامج شراع الهوى في اذاعة البحرين

[مسباح عاج]

السلام عليكم ،

من يسمع منكم برنامج (شراع الهوى) الي يبث من اذاعة البحرين (fm (9.46
من الساعة 9 إلى الساعة 10:30 م يومياً
من تقديم المذيع عماد عبدالله والمذيعة سيما العريفي

والبرنامج بصراحة دمه خفيف ويتكلم عن سوالف البحر والحداق والمحادق وفيه فقرات فكاهية ، ويحطون مواويل ونهمه ، ولاحظت أن مجموعة كبيرة من المتصلين من قطر ويتفاعلون مع البرنامج بنشاط .

يا ريت الي يسمع البرنامج يشارك برايه عنه

[PRINCESS]

صباح الخيرات
اني من المتابعين المتعصبين لاذاعه البحرين..
مو بس هالبرنامج كل برامجهم حلوه وتميزهم خفه الدم والروح الحلوه
وفعلا اكثر المتصلين من قطر
هذاك اليوم اسمع 2 شباب من الدوحه خابروهم كالو لهم الحين احنه ع البندر...وواحد منهم كان يكول انه صاحبه يتصل من فتره مامسك معاه الخط وتكلمو ال2 وشاركو في المسابقه...
واحلى المشاركين الدائمين بو راشد
ههههههههههه

سوينه دعايه للاذاعه...
مع بحرين اف ام...انسى الهم لاتهتم:nice:

[الدستور]

وانا بعد من المستعمين لأذاعه
وبوراشد ترى كبير في السن
من شياب البحرين وتسمعه في كل البرامج

[doha1]

برامج البحرين حلوه الصباحيه والمسائيه وخاصه هالبرنامج

تسلم يامسباح وقواك الله

[روح-قطر]

والله وايد يضحكني هالبرنامج خصوصا لما يمثلون هههههههههههههههههههههههههه يونسون والله اتابعه اذا كنت بالسياره بس هم متى يحطونه وكل يوم؟؟

[Northman]

برنامج انتيكه وماله حل

[مسباح عاج]

والله وايد يضحكني هالبرنامج خصوصا لما يمثلون هههههههههههههههههههههههههه يونسون والله اتابعه اذا كنت بالسياره بس هم متى يحطونه وكل يوم؟؟

يبث يومياً من الساعة 9 إلى 10:30 م ماعدا الجمعة والسبت

[بو الجوري]

والله هي إذاعتي المفضله :.. :)

والله يخلي بو راشد :.. ما شاء الله عليه :.. مثقف :.. وعلى فكره هو أعمى :..
الله يحفظه :..

وعماد وسيما خاصه في رمضان :.. عجيبيييين :..