خليلو يتفاوض بالسر مع مدرب الفيل في الحديقة

[التركي]

يزين جلست الصبح في العمل خاصة قبل تسعة، نعم قبل موعد الساندويتشات، تلقى عبود وخليلو وسَعُّود يشوفون بعض كل واحد عيونه كأنها عيون حرامي؛ عشان المعدة شغالة في أعلى طاقتها، كأنها قومة سيارة المهم عبود وخليلو يا حليلهم مواليد القطاوة: عبود 23 سنة وخليو 27 سنة، وأنا الهامور العود فيهم خبرة، سوالف خاثرة بس بدون فلفل صلوا على النبي! بصراحة معاناة! بقولكم القصة، بس لحظة، الساندويتشات توها واصلة حارة، أكلت واحد قلت: حق عبود ترى الساندويتشات تعور الويه (يعني حلوة جدا جداجدا) قالي: يعني أربط ويهي، قلتله نعم يا عيوني بصراحة الساندويتشات تعور الويه، المهم واحنا ناكل، مرة علينا زلوخ أختنا الموظفة من كثرة الطيب والبخور الي حاطته، تقول: تحتاج مطافي بقولكم قصة أختنا الموظفة من وين جات، أبوها الله يهديه! كله يقول لما يوصلها الدوام: الله الله في أختكم زلوخ، المهم القصة: عبود وخليلو طايحين في نفس المشكلة، هم عاقدين خبركم أيام التملك كل واحد فيهم مقطع اليابس والأخضر بالتليفونات، والزيارات والساندويتشات وبعدها بعد شهرين تبدأ المشاكل، المهم عبود يقول: زوجته الي عاقد عليها تقوله: أبي ألبس جينز، وهو يقولها لأ، وأبي مرتين في الأسبوع نطلع نأكل في مطعم، وفي عيد زواجنا نسافر. وفي عيد الحب أبي وردة حمرة بالشيكولاتة ومخلية عيونه حمر، وزوجة خليلو طلعت مو بسهلة، تبى تدخل الكوشة من على فيل، والثور خليلو رايح الحديقة يبي يتفاوض -بالسر- مع صاحب الفيل، عشان ينزلها قدام الناس من الفيل في ليلة العرس، وأنا خايف تطيح وتتعور، بعدها بصراحة تذكرت أم خماس الله يذكر أيامنا بالخير، بس ما شفتها إلا يوم العقد، وعلوي أخوها قاعد فاتن علي؛ حتى من كثرة الخوف ما شفتها عدل، وبعدين شفتها يوم الدخلة، والحمد لله ما عشنا هذه المشاكل

[روح-قطر]

ههههههههههههههههههههههههههههههههههههههه ما فهمت شي مادري تسولف عن ايام العزوبيه ومنها لسوالف البنات الحين من طيب وغيره وغير طلبات البنات اللي مالها داعي وقت العرس بصراحه هاي تحليلي اتمنى صح

بس صج صج راعيه الفيل مالها حل يعني حركه قبل لا يتفاوض مع مدرب الفيل خله يتفاوض مع القاعه خخخخخخخخخخخخخخخخخخخخخخخخخخخخ..

يسلموووووووووووووووووووووووووو

[التركي]

روح قطر كلك ذوق...

لك تحية من القلب .

[رهج السنابك]

انت تهلوس ؟؟
ولا شارب لبن منتهي صلاحيته ؟
ولا تكتب وانت تحلم وفاتح نص عين ؟

[marri]

والله مدري وش سللف على عمو شكرااااك

[التركي]

الاخت الفاضلة الاستقراطية ,
قالت: العرب الصراخ على قدر الالم , اظن فيك شبه من زوجة خليلو او زلوخ..

شكرا على المشاركة الراقية .

[عاشقة الطاووس]

اللي مات ولا اللي توفى :rolleyes2:


شسالفه !!

اسمحلي اخوي بس والله ما فهمت شي :secret:

[المتضرعه لله]

للاسف البنات اللي يتزوجون كل وحده تبي تطلع للكوشه بشكل ماحد سبقها في الطلعه فلا نستغرب ان تطلع لكوشتها على فيل الله يعينه

[..er..]

خيال شاسع


صراحه رحمته خليلو


بس ماقلت عطوه الفيل ولا :)

[شيط ويط]

يعطيك العافيه على الطرح .. واسلوب جدا ساخر لكن الفكرة اوصلت لا تحرمنا من جديدك ومن كتاباتك :nice:

[هتـان قطر]

يعطيك العافيه على الطرح .. واسلوب جدا ساخر لكن الفكرة اوصلت لا تحرمنا من جديدك ومن كتاباتك :nice:


الله يرحم والديك توضح لنا الفكرة اللي اوصلتك :rolleyes2:

[التركي]

حبيبي شيط ويط والاخ المتضرع والاخ الثالث لكم اسمى الاحترام

يقال ان وحدة , دخلت على ناقه وطاحت منها .

ترى الفيل السفتي فيه اكثر .

وعندي وكالةافيال من الهند , اللي يعرف احد له كميشن 20%

[إعلامي قطر]

..

يالتركي مالك حل والله..

..

[التركي]

حبيبي اعلامي قطر , هذا لطف وزيادة طيب منك .
لك اسمى الاحترام

[الرويـس]

يزين جلست الصبح في العمل خاصة قبل تسعة، نعم قبل موعد الساندويتشات، تلقى عبود وخليلو وسَعُّود يشوفون بعض كل واحد عيونه كأنها عيون حرامي؛ عشان المعدة شغالة في أعلى طاقتها، كأنها قومة سيارة المهم عبود وخليلو يا حليلهم مواليد القطاوة: عبود 23 سنة وخليو 27 سنة، وأنا الهامور العود فيهم خبرة، سوالف خاثرة بس بدون فلفل صلوا على النبي! بصراحة معاناة! بقولكم القصة، بس لحظة، الساندويتشات توها واصلة حارة، أكلت واحد قلت: حق عبود ترى الساندويتشات تعور الويه (يعني حلوة جدا جداجدا) قالي: يعني أربط ويهي، قلتله نعم يا عيوني بصراحة الساندويتشات تعور الويه، المهم واحنا ناكل، مرة علينا زلوخ أختنا الموظفة من كثرة الطيب والبخور الي حاطته، تقول: تحتاج مطافي بقولكم قصة أختنا الموظفة من وين جات، أبوها الله يهديه! كله يقول لما يوصلها الدوام: الله الله في أختكم زلوخ، المهم القصة: عبود وخليلو طايحين في نفس المشكلة، هم عاقدين خبركم أيام التملك كل واحد فيهم مقطع اليابس والأخضر بالتليفونات، والزيارات والساندويتشات وبعدها بعد شهرين تبدأ المشاكل، المهم عبود يقول: زوجته الي عاقد عليها تقوله: أبي ألبس جينز، وهو يقولها لأ، وأبي مرتين في الأسبوع نطلع نأكل في مطعم، وفي عيد زواجنا نسافر. وفي عيد الحب أبي وردة حمرة بالشيكولاتة ومخلية عيونه حمر، وزوجة خليلو طلعت مو بسهلة، تبى تدخل الكوشة من على فيل، والثور خليلو رايح الحديقة يبي يتفاوض -بالسر- مع صاحب الفيل، عشان ينزلها قدام الناس من الفيل في ليلة العرس، وأنا خايف تطيح وتتعور، بعدها بصراحة تذكرت أم خماس الله يذكر أيامنا بالخير، بس ما شفتها إلا يوم العقد، وعلوي أخوها قاعد فاتن علي؛ حتى من كثرة الخوف ما شفتها عدل، وبعدين شفتها يوم الدخلة، والحمد لله ما عشنا هذه المشاكل

بحسب فهمي

اللي كتبته تناول كذا نقطة سلبية ، تمر علينا بشكل يومي
او على فترات ان صح التعبير ، وباسلوب ساخر بعيد عن المباشرة
:p
وقت الدوام
النفسيات لدى الموظفين
طقوس الدوام
بهرجة البعض من الموظفات
الديوثين
المهور
المناسبات الدخيله
كيت كيت كيت كيت كيت
...إلخ

:p
باختصار شديد (خذوا من حديثي ما يناسبكم)

[وضحى قطر]

هههههههههههههههههههههههههههه بعدكم ما شفتوا شي من حريم هالوقت خخخخخخخخخخخخخخخ يا ويلكم يا سواد ليلكم الي لحق هالنسخه القديمه فري قوود والي ما لحق بياكلها هههههههههههههههههه:tease:




:secret:

[التركي]

الاخت وضحى قطر , ودي اعيد زواجي مع ام خماس , بطريق النزول بالبرشوط , بس اخف ما تفتح البر شوط

وتروح فيها , وين القي مثل ام خماس بعدها .

[التركي]

الرويس لك اسمى الاحترام