الأتصال بالمجموعة يسحب الرصيد بدون رد !!!

[الواعد]

السلام عليكم

ماادري ايش اللي صاير بخصوص سحب رصيد الجوال

فأنا من يوم الخميس احاول ابيع اسهم بروة بس ماقدرت

والغريب الأتصال يسحب الرصيد بدون مااحد يرد علي

يعني يرن كم رنة وبعدين يتسكر ولما اشوف الرصيد

احصله ناقص 55 درهم :anger2:

كيوتل ذبحتنا بالحركة الخايسة واللي تحسب فيها الثانية كالدقيقة تماما


احد لاحظ هالشيء في الأتصال بالمجموعة ؟؟؟؟؟؟؟؟

[قلب الحدث]

انا لاحظت كلامك عدل

[السوق طالع]

ياخي احنا لاقينها من السوق التعبان
ولا من كيوتل؟
ولا من المجموعة؟
الله يعين ان شا الله

[PoBox]

والطامة لو رفعوا السماعة
يشغلونلك الاغنية الحلوة ...
وانت اددددددددددفع ...
واواقات تنظر 7- 8 دقايق وتطفش وتصكر ..
وتضطر تتصل مرة ثانية
وتعيد الكيو ..

قبل ما كانوا يرفعون السماعة الا على صوت الموظف ..
الظاهر اتفاقية بين المجموعة وكيوتل ..
كل شيء جايز ..

[الراشد101]

والله ما عرفنا من وين نحصلها

:eek3: :eek3: :eek3:

[الصقر10]

والله طفح الكيل ياخي انا صار معي نفس الشي يوم الخميس من الساعه11.25 لين ماسكر السوق وهم حاطين لي الموسيقى البايخه مالتهم وضيعوا علي بيعه بمكسب بسيط احسن من الخساره يوم الاحد
لاويوم الاحد رد علي الموظق وسألته بكم العرض حق الناقلات قال42 والطلب قال 41.9 قلت له نفذ على 41.9 حسب الطلب على شان اخلص ولكن ماجاتني منهم رساله قلت اتأكد واتصل ويرد علي الموظف الثاني قال ماتنفذ طلبك قلت له ليش وانا عرضت بسعر الطلب وكان الطلب اكثر من العرض قال يمكن السوق تغير قبل مايحط الموظف الامر مالك اش رايكم مع ان الطلب كان اكثر من العرض بكثير!!!!!!!!!!!!!!!!!!

[حسين بن عاقول007]

نا لاحظتة اليوم لما شريت لي ناقلات ذبحني
اتصل ابي اشتري ما يرد
يرن يرن واخر شي يطلع ثانيتين وينحسب دقيقة

ان شاء الله الله يفرجها عن قريب اتصلت من ساعة 9 ونص ما حصلت رد الا علي ساعة 11 وربع

وشكرا

[ابو الاسهم]

اوّل مرّة اعرف انهم ياخذون فلوس اذا اتّصلت فيهم !!!!!!!!!!!!!!!!!

[PoBox]

اوّل مرّة اعرف انهم ياخذون فلوس اذا اتّصلت فيهم !!!!!!!!!!!!!!!!!


خصوصا اذا علمنا
ان قطر كول كانت سابقا ملك المجموعة
ثم باعتها..

فعندهم خبرة في المكالمات ..
ومن المستفيد منها ليس فقط كيوتل ..