ll ++ ll هـذا القسم اسمه " سوق المنتدى " وليس " سـوق الالغاز " ll ++ ll

[محمد11]

السلام عليكم ورحمة الله وبركاته ...

صباح الخير .. وتقبل الله طاعتكم ..


انا مستغرب من بعض الاعضاء او بعض التجار الي يعرضون " بضاعتهم " او سلعهم "
من غير عرض المواصفات او خاصتا خاصتا ( السعر ..)

يقولك السعر على الخاص !!!


الموضوع صار لغز !!!

شنوالمقصد بان السعر يكون على الخاص !!!

البضاعه او السلعه عرضتها انت مب مسوي لها ( مزاد ..).

( اتمنى من التجار او الاعضاء الي يعرضون انهم يحطون خاصتا الاسعار في كل سلعهم )
(اسهل للعضو والتجار في التواصل )

وللعلم بعد ان عدد ( زوار ) الموقع اكثر من ( اعضاء الموقع )

واتمنى واتمنى ان نمسح هذه المقوله
( السعر على الخاص )

بالتوفيق للتجار والاعضاء ..

[سوق واقف]

أخوي محمد أنا ضد قراراك بارك الله فيك

السعر على الخاص أحسن

لأنه ما شاء الله التخريب واضح في سوق المنتدى

[محمد11]

أخوي محمد أنا ضد قراراك بارك الله فيك

السعر على الخاص أحسن

لأنه ما شاء الله التخريب واضح في سوق المنتدى

التخريب من اي ناحيه اخوي !!!
حدد !!

[أمير المحبه]

أخوي محمد أنا ضد قراراك بارك الله فيك

السعر على الخاص أحسن

لأنه ما شاء الله التخريب واضح في سوق المنتدى

مرحبا الغالي سوق واقف

انا معاك يالغالي بس بغيت اعرف المخربين من اي ناحيه

يريت اتوضح :telephone:

[سوق واقف]

مثلا أخوي محمد انت تعرض غرض بسعر مثلا 600 ريال

يجي واحد ويعرض نفس بضاعتك واهو ماعنده أصلا يجي ويحط 400 ريال واهو اصلا ما عنده البضاعه فقط للتخريب

[alfahad1]

اخوي سوق واقف

لكن ممكن التاجر يقول على الخاص ويعطيني سعر ويعطي غيري سعر اخر

وش رايك في هالشي ؟؟؟؟؟؟؟؟؟

[سوق واقف]

اخوي سوق واقف

لكن ممكن التاجر يقول على الخاص ويعطيني سعر ويعطي غيري سعر اخر

وش رايك في هالشي ؟؟؟؟؟؟؟؟؟

صحيح يمكن عنده واسطه :nice:

[محمد11]

مثلا أخوي محمد انت تعرض غرض بسعر مثلا 600 ريال

يجي واحد ويعرض نفس بضاعتك واهو ماعنده أصلا يجي ويحط 400 ريال واهو اصلا ما عنده البضاعه فقط للتخريب


بوسعود الصراحه ردك لك عليه شوي ..

فرضا قلنا بجيك واحد مثل ماوصفته انت .. هذا اكيد متحامل وياك !!!

قلنا سواها وياك مثلا !!

العضو الي يبي الغرض بشوف العضو المغرب ماعنده برد لك انت صح ولالا ..

[محمد11]

اخوي سوق واقف

لكن ممكن التاجر يقول على الخاص ويعطيني سعر ويعطي غيري سعر اخر

وش رايك في هالشي ؟؟؟؟؟؟؟؟؟


هذا شخص يحب يرفع موضوع بطريقه عجيبه ..
الي هي ممكن السعر على الخاص !!!

ولا استفدنا شي ..

ممكن راح يضر نفسه

لاتفكر ان الاعضاء ماعندهم اكثر من عضويه ترى !!!

[MP3]

انا ان شفت السعر على الخاص حتى لو شي ابيه

مارد على الموضوع واطلع

[doha1]

كلامك صحيح يامحمد من ناحيتي افضل اشوف السعر

صحيح لاحظت ماقاله الغالي سوق واقف بكثره بس الواحد يتقاضى اذا كان متعامل مع تاجر او تاجره

فيهم ثقه وحتى لو كان سعرهم غالي الثقه بين التاجر والزبون تفرض نفسها خاصه عن طريق النت لان

الزبون محتاج ثقه فالتاجر

وجزاك الله خير

[Candycane]

كلامك عين العقل اخوي .. انا هالمواضيع دايما تقهرني
او حتى اللي يحطون الصور عالخاص ليش عاد
يعني لازم نطلب عشان بس نشوف الصور او السعر :omg:
من حق الزبون يعرف السعر والشكل والمواصفات كلها

وعن كلام اخوي اللي قال تخريب .. هذا سوق والسوق لازم
فيه تنافس ويمكن الشخص صج عنده البضاعه
ليش هذا الظن السيء ان البضاعه مب موجوده
كلن يبي الربح يعني مب معقوله بحط موضوع بنفس بضاعتك وبنفس السعر بعد ...

[أم البنات]

فعلاً

أذا كنت ناويه أشتري أتردد أذا شفت عبارة

ع الخاص

[التجارةشطاره]

انا ان شفت السعر على الخاص حتى لو شي ابيه

مارد على الموضوع واطلع


انا بعد صراحه احيان تعجبني اشياء ولما اشوف سعرهم عالخاص خلاص اطنش واطلع من الموضوع

بصراحه السعر فالموضوع يكون وايد احسن واريح :)

[محمد11]

فعلاً

أذا كنت ناويه أشتري أتردد أذا شفت عبارة

ع الخاص



انا كنت اقول انا بس الي فييييني هالطبع
بس كلامج صحيح 100 %

[اللورد]

وضع السعر مباشرةً لاشك انه الأفضل للبائع والمشتري
وعند قبول المشتري بالسعر هنا لابد من الخاص للتواصل فيما بينهم

[@north_star@]

احسن شي وضع السعر على العام وعند القبول بين البايع والمشتري يتم التواصل على الخاص وانا بعد من الناس اذا اشوف اى موضوع مكتوب فيه السعر على الخاص اطلع مباشرة من الموضوع

[شيزكيك]

انا بعد وياكم

اذا شفت السعر او الصور على الخاص خلاص اطلع من الموضوع على طول

[رهج السنابك]

الاحظ محد من التجار اصحاب مبدأ ( السعر على الخاص ) رد على الموضوع !! لانهم عارفين انفسهم مقصودين

وفعلا حركة تنرفز ولما اشوف السعر على الخاص اغير رايي وما افكر ابدا اشتري


واعتقد ان السبب عشان لو احد مثلا حط السعر على العام مثلا قال ان الساعه الفلانية بسعر 2500 ريال

بعض الناس تكتب ردود باااااااااااال سعرك غالي
او ليه مبالغ
او ليه الجشع ترا السلعه ارخص بوايد

يعني فيه ردود تحس انها تخرب على التاجر سلعته

لذلك يفضلون يحطون السعر على الخاص عشان محد يكتب رد او تعليق على السعر

بس سالفة الصور على الخاص هذي بعد قوية واكرهها

[محمد11]

الاحظ محد من التجار اصحاب مبدأ ( السعر على الخاص ) رد على الموضوع !! لانهم عارفين انفسهم مقصودين

وفعلا حركة تنرفز ولما اشوف السعر على الخاص اغير رايي وما افكر ابدا اشتري


واعتقد ان السبب عشان لو احد مثلا حط السعر على العام مثلا قال ان الساعه الفلانية بسعر 2500 ريال

بعض الناس تكتب ردود باااااااااااال سعرك غالي
او ليه مبالغ
او ليه الجشع ترا السلعه ارخص بوايد

يعني فيه ردود تحس انها تخرب على التاجر سلعته

لذلك يفضلون يحطون السعر على الخاص عشان محد يكتب رد او تعليق على السعر

بس سالفة الصور على الخاص هذي بعد قوية واكرهها

مرحبا اختي ...
معاج حق في بعض الكلام ..
بس اختي اذا التاجر واثق من نفسه خلاص مايحتاي يرد على ( الاشكال )
وثاني شي بخصوص السعر غالي ولا رخيص ..

اي واحد فييينا راح يشتري شي من برع راح يكاسر البائع صح و لا ..

[الصاعق الحارق]

تصدق انه ذوله تجار مالهم مصداقيه
لو فيهم خير كانوا حطوا الاسعار على العام
انا يوميا ادخل واقرا وفي بضايع تعجبني
ودي اشتري بس اتحاشى اقول السعر بكم
لاني ادري حق غيري تكون الاسعارغير
ولي سعر ثاني
الله مقسم الارزاق ان كنتوا تحسبون انه في ناس بتخرب عليكم
بكيفكم بضايعكم عندكم وفلوسنا عندنا
محد خسران غيركم وخلوا الخاص ينفعكم

[ساحر برشلونة]

اتفق معك اخوي محمد 100%

السعر على العام افضل

[La Bella]

أنا مع السعر على العام وكل مواضيعي موضحة السعر على العام
وكل واحد ماراح يأخذ الا نصيبه

[q-qatar]

مااعتقد فيها شيء لو انقال السعر على العام وبشكل وواضح وصريح

[MeMe MoOoON]

اي والله اخس ماعلي يكتب التاجر السعر على الخاص انا اطلع من موضوعه على طول ياليت يوضحون الاسعار في الموضوع احسن للجميع وشكرا على هالموضوع اخوي

[توته قطرية]

اشكرك على الموضوع ..

وانا نفس رايكك:)

[سوق واقف]

خلاص ولا يهمكم راح احط السعر على العام ولا يهمكم

[نووون]

نعم .. أنا معاك
السعر وكل التفاصيل تكون عالعام لأن هذا أقل حق من حقوق المشتري
وواجب على التاجر أنه يعرض بوضوح وبكامل التفاصيل
أما تعال عالخاص والا الايميل وش له ؟؟؟؟؟؟

أي واحد يكتب عالخاص ولو بضاعته كانت شنو .. ميته عليها ما أتنزل وأطرش له
لأن يصيدني وسواس من أول الموضوع
والرزق على الله أول وآخر ..

[محمد11]

شكرا للاخوان والخوات على ردهم للموضوع وان شاء الله انشوف اقبال اكثر من هذا وان شاء الله تتغير نظرة التجار الاخرين من بعد ماشافوا رد الاعضاء مثل اخوي سوق واقف .. يعطيه العافيه

[فقط قطر]

ونعم الرأي....ونتمنى من الادارة الاخذ به...خاصة انه للمنفعة العامة....

[" روح قطر "]

وأنا معاكم في نفس الراى

وأحب أحط سعرى على العام

عجب الزبون حياه الله ...ما أعجبة لاتعبنى ولاتعبتة

والحمد لله كل بضاعتى أحب أحط أسعارها على العام

وتشهد لى مواضيعى اللى طرحتها

الف شكر لكاتب الموضوع

[tajirqatari]

بدايتي كنت اخلي الاسعار على الخاص
بس بعد فتره شفتها انها كلها عوار راس
وحبيت اريح عمري واريح الزبون معاي
فخليت الاسعار على العام

ويعطيك العافيه يابوجاسم على هالموضوع

[لوليتا قطر]

اولاا احب اشكررك على هالطررح

وثااني شي انا تلووع جبدي اذا شفت هالعبااارة على الخاااص ليش السعر على الخاااص انا من النووع لو شفت السعر على الخاااص اتردد في الشرراااء على طووول

وعلى قوولة البعض التجاار ان غيررهم يخررب عليهم بنفس السلعه بسعر ارخص

انا اشووف انة هذا سووق واكيد كل السلع لهاا اكثر من سعر وفي نااس تااخذهاا بررخيص فتبيع بررخيص عاادي

ماا فيهاا شي وبصرااحة التناافس مطلووب في السوووق واللي بيززعل على 100 ولا 200 لايدخل السووق من اصلة

ومثل ماا قاالوا التجاارة شطااارة انت وشطاارتك

هذا راايي بكل صرااحة واتمنى محد يزززعل

[محمد11]

اولاا احب اشكررك على هالطررح

وثااني شي انا تلووع جبدي اذا شفت هالعبااارة على الخاااص ليش السعر على الخاااص انا من النووع لو شفت السعر على الخاااص اتردد في الشرراااء على طووول

وعلى قوولة البعض التجاار ان غيررهم يخررب عليهم بنفس السلعه بسعر ارخص

انا اشووف انة هذا سووق واكيد كل السلع لهاا اكثر من سعر وفي نااس تااخذهاا بررخيص فتبيع بررخيص عاادي

ماا فيهاا شي وبصرااحة التناافس مطلووب في السوووق واللي بيززعل على 100 ولا 200 لايدخل السووق من اصلة

ومثل ماا قاالوا التجاارة شطااارة انت وشطاارتك

هذا راايي بكل صرااحة واتمنى محد يزززعل

كفيييتي ووفيييتي اختي وجزاك الله خير

[علووي]

والله صدقت ..

=)

[غرفاوي قطري]

أنــا أقوول ان البــ‘ـائـع لوو يحط سع‘ـرهـ ع العـــامـ احسن له هوو بع ــد موو بس الزبوون { :nice: } , لأن صراحــ‘ـه أنــا واح ــد إذا شفــت هـ العبــاره اقوول بااال الحيـــ‘ـن اطرش له برايـــفـت وانطـــ‘ـر لين مايرد ويمــ؛ـكن ينســى ومايرد وحاله عشـــان بس السع ــر { :eek5: } .. ويمكن اشتــري ويمكــن لا .. !!

اشــكـ؛ـرك اخــ‘ـوي ع الموضووع ولاهنــت .. :) ؛

[سعد آل شريم]

أخوي محمد أنا معاك في كل كلمه قبتها وأأيدك

واتمنى ان تكون الاسعار على العام علشان الكل يستفيد ومحد ينضحك عليه وتكون الاسعار موحده لان على الخاص بيكون في فرق من شخص إلى آخر ..

[الحره]

[quote=نووون;5164818]نعم .. أنا معاك
السعر وكل التفاصيل تكون عالعام لأن هذا أقل حق من حقوق المشتري
وواجب على التاجر أنه يعرض بوضوح وبكامل التفاصيل
..[/

[بو عبدالعزيز@]

اخوي صح السانك كلامكك كلة صحك

[مشتاقة لقطر]

يعطيك العافية

[ع ـبدالعزيز]

وآلله آنك صآدق !

هذآ آللي يقهرني ف آلمنتدى

!

[محمد11]

يرفع للتذكير

[بوليد]

المشكلة هالشي سلبي يعني تنطر يوم كامل بس عشن تعرف السعر
الظاهر يتبعون سياسة موقع علي بابا

[alizz]

الله يجزاك خير اخوي محمد على الموضوع الطيب
فعلا هالشي يضايق
يعني اشفيها اذا انذكر السعر
وبالنسبه للمتطفلين الي يدشون ويخربون العروض انا اقول مصيره ينكشف ويتم التبليغ عنه
انا الي اتمناه ان يكون هناك رتب للاعضاء الثقه

[ابوهزاع]

السلام عليكم

كلامك صحيح 100 %

انا كل البضائع الي عندي اعرض صورها واسعارها على العام

والي يبي يشتري الله يحييه

هذا الشي افضل لي كتاجر وافضل للمشتري

وتكون هناك مصداقية بين الطرفين

والله سبحانة وتعالى الرزاق

[fooz55]

انا بعد وياكم

اذا شفت السعر او الصور على الخاص خلاص اطلع من الموضوع على طول كلام أخووي محمد 11 كان في خاطري من زمااااااان فكرت أني بروحي الظاهر لغز خطير هههههههه على قولت محمد 11 يعطيك العافية أنك فتحت هالموضوع الخطير اللي يقهر طيب اشلون تبون تبيعون وتخشون اغراضكم لأزم انشوف الشغلة وبكم سعرها ؟؟؟؟

[lobna123]

معك 100% لازم السعر يكون على العام موب انطر يوم عشان اعرف بكم او اشوف الصور !

[محمد11]

انا بعد وياكم

اذا شفت السعر او الصور على الخاص خلاص اطلع من الموضوع على طول كلام أخووي محمد 11 كان في خاطري من زمااااااان فكرت أني بروحي الظاهر لغز خطير هههههههه على قولت محمد 11 يعطيك العافية أنك فتحت هالموضوع الخطير اللي يقهر طيب اشلون تبون تبيعون وتخشون اغراضكم لأزم انشوف الشغلة وبكم سعرها ؟؟؟؟



معك 100% لازم السعر يكون على العام موب انطر يوم عشان اعرف بكم او اشوف الصور !


شكرا على ردودكم الطيبه


نبي نشوف بعد ردود التجار :secret::secret::secret:

[ذات]

انا ان شفت السعر على الخاص حتى لو شي ابيه

مارد على الموضوع واطلع

حتى انا

نادر اني اطلب السعر اذا كان عالخاص

بس شنسوي هذي الطريقه الحين

[ذات]

انا بعد وياكم

اذا شفت السعر او الصور على الخاص خلاص اطلع من الموضوع على طول كلام أخووي محمد 11 كان في خاطري من زمااااااان فكرت أني بروحي الظاهر لغز خطير هههههههه على قولت محمد 11 يعطيك العافية أنك فتحت هالموضوع الخطير اللي يقهر طيب اشلون تبون تبيعون وتخشون اغراضكم لأزم انشوف الشغلة وبكم سعرها ؟؟؟؟


ههههههههههههههه ايه صح

تدرون شاللي صاير الحين

تخيلوا معاي

كأنك داش محل و تدخل تقول للي يبيع بكم هالشي ؟ يقوم البياع و يسوسرك في اذنك بالسعر

ويدخل غيرك يسأل و مسكين اللي يبيع يقعد يسوسر الناس واحد واحد :nice:

[سلـطان]

معاك حق اخوي محمد كلامك عين العقل

وخصوصا ان زوار المنتدى اكثثثر بواجد من الاعضاء ..
وحتى لو حاول الزائر انه يشترك بالمنتدى ..
راح يلاقي صعوبه بالتواصل على الخاص :)
لان لايسمح للعضو ان يتعامل بالرسائل الخاصه الا اذا كانت مشاركاته 50 ومافوووق ..
على العموم يعطيك العافيه :)

[محمد11]

معاك حق اخوي محمد كلامك عين العقل

وخصوصا ان زوار المنتدى اكثثثر بواجد من الاعضاء ..
وحتى لو حاول الزائر انه يشترك بالمنتدى ..
راح يلاقي صعوبه بالتواصل على الخاص :)
لان لايسمح للعضو ان يتعامل بالرسائل الخاصه الا اذا كانت مشاركاته 50 ومافوووق ..
على العموم يعطيك العافيه :)


صدقت يالغالي ..

[المضعد]

الله يوفق الجميع ويهديهم
كن واثق ان الرزق على الله

[محمد11]

الله يوفق الجميع ويهديهم
كن واثق ان الرزق على الله

والنعم بالله .. اختي ام ناصر

[ع ـبدالعزيز]

آكيد آكيد هآلشي آفضل !

آنآ طبع’ـآ آذآ بحط موآضيع .. يآ بآلمزآد آو آلسعر ع آلعآم ..

مدري شآلفآيده من آن آلسعر وآلصور ع آلخ’ـآص ..

بآلفع’ـل شي يقهر !

[Gh2o]

كلامك صحيح اخوي اتروس الخاص على الفاضي كل شي على الخاص مادري لي متى !

[alrheeb2020]

للاسف عاده سيئه من بعض اعضائنه اتمنى يتخلصون منها ..

والله يجزيك خير عالطرح الرائع

[yousef545]

ههههههههههههههه ايه صح

تدرون شاللي صاير الحين

تخيلوا معاي

كأنك داش محل و تدخل تقول للي يبيع بكم هالشي ؟ يقوم البياع و يسوسرك في اذنك بالسعر

ويدخل غيرك يسأل و مسكين اللي يبيع يقعد يسوسر الناس واحد واحد :nice:


تخيل كاتب على البضاعه الي يبي يعرف السعر يتصل حق المدير ؟؟؟


انا اتفق معاك اخوي محمد والسعر لازم يكون على العام

والسعر دووم يكون خاااص حق البضايع الي بالطلب الي يشترونها من المواقع ويبيعونها بالمنتدى وطبعا مايعرضون السعر على العام لان يدرون في ناس فاهمين يقعدون يشوفون الفرق بين سعر الموقع وسعر المنتدى

وفي ناس ياغافلين لكم الله

[airbus]

المفروض يكون من احد قوانين المنتدى ان يحدف الموضوع ادا كان بدون سعر على السلعه

[طيوب]

السلام عليكم ورحمة الله وبركاته ...

صباح الخير .. وتقبل الله طاعتكم ..


انا مستغرب من بعض الاعضاء او بعض التجار الي يعرضون " بضاعتهم " او سلعهم "
من غير عرض المواصفات او خاصتا خاصتا ( السعر ..)

يقولك السعر على الخاص !!!


الموضوع صار لغز !!!

شنوالمقصد بان السعر يكون على الخاص !!!

البضاعه او السلعه عرضتها انت مب مسوي لها ( مزاد ..).

( اتمنى من التجار او الاعضاء الي يعرضون انهم يحطون خاصتا الاسعار في كل سلعهم )
(اسهل للعضو والتجار في التواصل )

وللعلم بعد ان عدد ( زوار ) الموقع اكثر من ( اعضاء الموقع )

واتمنى واتمنى ان نمسح هذه المقوله
( السعر على الخاص )

بالتوفيق للتجار والاعضاء ..



كلامكـ صحيح يا محمد .. يا ليت إدارة السوق يدرسون هالموضوع

[هذلان]

السلام عليكم

مهما ذكرو الاعضاء من استنكار و اعتراض على موضوع الاسعار و التفاصيل على الخاص
و
مهما برر و تعذر التجار عن الاسباب الي تدفعهم لهذا التصرف .

فـ اداره المنتدى و خصوصا مشرفي سوق المنتدى هم سبب هذه الفوضى و التصرفات الغريبه من بعض الاعضاء و التجار .

ما الفائده من قوانين لا يتم تطبيقها و ما الذي تتوقعه من اعضاء يخالفون هذه القوانين دون محاسبه .

اتمنى محد يفهم من كلامي بشكل خاطء هذا الحاصل بكل امانه

[التلال]

انا في البدايه كنت احط السعر ع العام وعقب صرت احطه ع الخاص لانو في بعض التجارات وبدون ذكر اسامي يخربين ع وياليت مره علشان اقول صدفه والله كذا مره عقبها عرفت اني مقصوده وصرت احط السعر ع الخاص وهذا السبب
بس الحين عقب ماشفت اراءكم ومعظمكم أيد وضع السعر ع العام انا بحترم وجهة نظركم واحط السعر ع العام لانو بنهايه التجارما يهمه غيررضا الزبون وكسب ثقته
ومشكور اخوي محمد11ع طرح هالموضوع وربي يوفق الجميع

[firasmn]

والله المخربين كثر وخصوصا في السعر

[الهاجري87]

كلامك صح اخوي
انا افضل اني اقرا الاسعار في نفس الموضوع
من غير الخاااااااااااااااااااص ومادري شنوو

[Gh2o]

نقاطع التجار الي يرسلون الاسعار على الخاص فقط ؟

[fristauto]

وللة يا أخوان ياليت نكون واضحين ولي يبي يبيع يعرض سلعتة بشكل واضحة بدون لف ودوران خاصة المواصفات و الصور والسسسسسسسسسعر علشان مايكون فية مجال لأتلاعب يعني ابيع على فلان بسعر وعلى فلان بسعر او اشوف كم تسو و اغلا سعر ابيع هذا مب كلام يستحسن الواحد يقيم سلعتة كم تسوى وكم يبي فايدة ثم يعرض وهذا سوق إلي مايقدر علية لايدخلة

[بوحارب]

صح السانك يابوجاسم

خاطري وش اللغز في السعر على الخاص

[♣شيبةالنخرة♣]

تصدق انه ذوله تجار مالهم مصداقيه
لو فيهم خير كانوا حطوا الاسعار على العام
انا يوميا ادخل واقرا وفي بضايع تعجبني
ودي اشتري بس اتحاشى اقول السعر بكم
لاني ادري حق غيري تكون الاسعارغير
ولي سعر ثاني
الله مقسم الارزاق ان كنتوا تحسبون انه في ناس بتخرب عليكم
بكيفكم بضايعكم عندكم وفلوسنا عندنا
محد خسران غيركم وخلوا الخاص ينفعكم


:nice::nice:

[قطريه نمبر ون]

اضم صوتي لصوتك المفروض نرفع حملة" لا للخاااص"

[بنت ابوها 19]

انا الي يكتب على الخاص
ولا افكر اشتري منه

بالراحه هل الحركه يخسر بها الزباين
لكن الي يعرض اسعاره على الخاص ثلاث ترباعهم انا معاهم زبونه

وليش اتعابل مع الخاص ولا يرد علي وانطر واتعب عمري
وغيره مسهل علي وحاط لي ع العام

[ع.م]

أنا إذا شفت السعر على الخاص ماأشتري.. اشدعوه سر :))

[محمد11]

للتذكير

[Qatarianes]

حط سعرك بالعامه والي يبي الغرض بيشتريه مهما كان سعره
والي مايبيه لانه غالي بيشتريه في وقت لاحق
ومثل ماتفضلو الباقي الي داش يستعبط بلغ عليه الاداره وخله عبره للجميع
لكن تقولي في الخاص ولما اجي الخاص تقول وصل الف ريال وهو ماوصل ثمانميه اهني بطت الجبد وصارت وايد

في النهايه اتمنى تثبيت الموضوع

[*ام لجين*]

فعلا انا معاك اخي الكريم لازم السعر على العام والمواصفات وكافة تفاصيل البيع والتوصيل والدفع

ويا ليت الاداره تنظم الموضوع

في بعض المنتديات ينحذف الموضوع بنفس الساعه اذا ما في سعر وصورةمن تصوير التاجر
وعندي اقتراح بعد يسون قسم للاغراض المستعمله علشان تتنظم المواضيع وقسم لبيع الجمله

[barod]

لو ما اشوف السعر على العام انسى الموضوع

[Rashid554]

عاد واحد يجيك بموضوع شكبر عنوانه (( للـبـــــــــــــــــــــــيـــــــــــــــــــــع ))
اخر شي كلمتين في الموضوع
التفاصيل والسعر في الخاص
انزين شنو بتبيع ؟؟ ههه

ان شاء الله الاداره تطبق هالشي
وانا ما اتعامل الا للي يحط سعره بالعام اول ما اشوف كلمه راجع الخاص اكنسل الموضوع

[Bling Bling]

انا كنت حاطه موضوع في منتدى ثاني بالاسعار وكل شي ... وفي ناس ماعجبتها الاسعار أو (ماتقدر تشتري) بشكل أصح

فقامت اتخرب بالتعليقات الي مالها داعي .. و الناس الي عارفه اسعار السوق عارفه ان اسعاري ولاشي خرده .. برع الاسعار نااااااار

وكنت محتاره احط الاسعار في هالمنتدى ولا بتصير نفس السالفه .. بس إذا الزباين يبون شنسوي بعد امرنا لله وبنحط الاسعار

[بولينجر]

المفروض يكون من احد قوانين المنتدى ان يحدف الموضوع ادا كان بدون سعر على السلعه
أؤيد هذا القانون.... ولو أشوف مكتوب السعر على الخاص أعرف إن التاجر بيستغفلني وبيبيع على غير بأرخص....

[مع الناس]

اتفق معكم

[Hamad7788]

انا معاك اخوي محمد :nice:

السعر لازم ينحط عالعام مع المواصفات


وانا عن نفسي اذا شفت شي حتى لو عجبني ومب حاطين صور ولا سعر ولا مواصفات


ما أرد عالموضوع وأطلع



واللي يقهرني زود:anger1:



انك تقرا عنوان الموضوع مثلا ((( يوجد لدينا ..... للبيع ..)) و أول ماتدخل تبي تقرا الموضوع :secret:


يكون الموضوع (( التفاصيل والسعر والصور عالخاص )) :anger1:



ترى الموضوع كله أرزاق وان كان لك رزق بتاخذه


بس خلنا نشوف اشعندك عشان تقدر تترزق

[ابو جمال]

انا مع كلام الاخوان بأن يوضع سعر الشي المراد بيعه في نفس الموضوع وليس في الرسائل الخاصه ! والاخوه الذين يخشون المنافسه من الغير اود ان اقولهم بأن هذا هو السوق عرض وطلب وتنافس اسعار

بالعامية :

لا خاص ولا بطيخ

[Ginger]

اي والله الحركه مب حلوووه

شاللي يضمن لنا انه ما يقول لنا عالخاص سعر وغيرنا يقول لهم سعر ثاني !!!!!!!!!!!!

مع اني الحمدالله ماشتري من المنتديات

[محمد11]

للتذكير لتجار المنتدى

وان اغلبية الاعضاء يفضلون عرض السعر والسلعه على العام