القبض على مجموعه مخيمين فى سيلين

[مافيا قطر]

القبض على مجموعه مخيمين فى سيلين بتهمه تعاطى المخدرات وقد تسببوا بازعاج

للعائلات وتم الابلاغ عنهم

بدل عنه للوناسه وسعه الخاطر اقلوبها وكر للمخدرات

الله يعلم بعض العنن اقلوبها ايش بس الله يهديهم

الحين سين وجيم حتى اللى جاءهم بدون ما يدرى انهم يتعاطون ايش ذنبه



المصدر جريده الشرق

[السد]

والله المفروض انهم يقومون بحملات مداهمة فجائية للعنن في سيلين

[بومحمد911]

وما خفي اعظم

نطالب بوزارة الداخلية ان يكون لهم دور في العديد

[وطن]

في فئة من زمان مخربينها في العنن
ومسويين بلاوي

زين اللي مسكوهم
وان شاء الله يدققون ع الباقي اللي عندهم خرابيط ثانيه

[عضو قديم]

شفتهم شوف العين وهم يطاردون واحد منهم جدامي جنه فلم اكشن عنده جي اكس اسود2008 بس والله كسرو موتره من قلب
بس كفوا والله

[ولد النواخذه]

وليه فوق الحوادث وهالمشاكل هالمره مخدرات بعد هالمكان أصبح غير آمن بصراحه اطلاقا..

[اسير الاوهام]

لاحول ولا قوة إلا بالله
الله يهديهم إن شاء الله

[theeb_qatar]

انا ابي اعرف شلون دخلو المخدرات لقـطر .. !! بلد الامن والامان ...

[غير البشر]

الحمدلله عقبال الاعدام يارب :)

[qtr1]

ممكن سؤال وش كبره هل يوجد في منطقة سيلين او العديد بالقرب من المخيمات نقطه ثابته للامن نفس بعض الدول انا ما اقصد دوريه اقصد مركز موقت لموسم التخييم لحفظ الامن في نفس المنطقه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المها قطر]

لا حول ولا قوة الا بالله ...المكان اصبح غير امن بالمرة للعائلات
طلب من الامن الوقائي :ان يكون هناك لهم تمركز على الاقل ايام التخييم يعني الى شهر 4
ودوريات بصفة يومية للعضيد والفزعة يا الله يقدرون على خاينين امن البلد
الله يستر من اللي جاي

[هذلان]

كل سنه يا جماعه تكون فيه كبسات و مخدرات و مداهمات في سيلين بس هالسنه انهم كتبو عنهم .

الموضوع يحتاج رقابه اكثر

[الجوكر90]

السلام عليكم
يالربع مخدرات راح يلحقونهم اما خمر وبنات وهالخرابيط مافي امل يسوون شي
ولاتسالون ليش:secret:

[وطن]

السلام عليكم
يالربع مخدرات راح يلحقونهم اما خمر وبنات وهالخرابيط مافي امل يسوون شي
ولاتسالون ليش:secret:

:secret:

[doha1]

بل بل بل بل شالخبر الصاعق

الله يستر ع الاوادم هناك

[امل الحب]

المكان يحتاج تدقيق امني اكثر ..

[فيصـــل]

كفو والله

ولازم يضعون حد لهالفئه اللي مشوهه السمعه

وهالمداهمات هذي كل سنه نسمع عنها .. وماخفي كان اعظم

[الصاعق الحارق]

الخيام محتاجه مراقبه شديده
والمداهمات مطلوبه فورا فورا وبلحال
بس مو شرط حق المخدارات
بعد حق المسكرات والعاهرات
اللهم احفظ قطر من ابنائها المفسدين

[مافيا قطر]

والله صج شى مستغرب ليش ماتكون هناك كابينه ثاتبه لفزغه ولخويا وعلى الاقل سيارتين او ثلاث سيارات

ثابتين طول فتر ه التخييم ويدورون بين فتره وثانيه على المخيمات اما سالفه كيف تدخل المخدرات البلد

امريكا اللى عندهها شرطه قويه فيها مخدرات واساليب تهريب المخدرات وايد بس غريبه

ادراه مكافحه المخدرات ما كانت على درايه بهم من زمان شى غريب والله ولا لازم تجيهم اخباريه بهاى الشى


اما بنات وشراب عادى فى المخيمات من يدرى عنهم

[عاشقة الطاووس]

والله المفروض انهم يقومون بحملات مداهمة فجائية للعنن في سيلين



حسبي الله ونعم الوكيل

انا رايي من راي اخوي السد ،، و عسى الله يحفظ رجال الامن من هالمجرمين ،،

مشكور اخوي على الخبر اللي يصدم بصراحه :weeping:

[hamoor4ever]

شباب ليش التعميم بخصوص الخمور ، ترى الفنادق متروسه خمور واي اجنبي يقدر يطلع له ترخيص يشتري خمر فشي عادي دخوله البلاد بسهوله او في العنن او حتى البيوت

كثير ناس محترمين وماعندهم خرابيط ولا خمور ولا سهرات على قولتكم يقعدون ومايزعجون حد واذا فيه واحد ولا اثنين عندهم خربطه مش معنى ان العنن كلها فيها خربطه فرجاء لاتشووهون سمعه اصحاب العنن وكأن الكل مسويين عنن حق الخربطه اللي بيسوي شي بيسوويه في بيته او في العنه ماله خص ، واللي يخاف على روحه ولا ماعنده عنه خل يرتاح بالبيت وماعليه من غيره والامن انا اشوفهم متواجدين هناك بس ياليت التكثيف منهم وجزاهم الله خير اللي صادو هالشله الفاسده

[روح-قطر]

الله يستر علينا يارب

[الرويـس]

السلام عليكم
يالربع مخدرات راح يلحقونهم اما خمر وبنات وهالخرابيط مافي امل يسوون شي
ولاتسالون ليش:secret:


:secret:

ليش مخيطين براطمكم :telephone:

[المتضرعه لله]

خرب البر والبحر والسماء

الله يحفظك ياقطر من هذا البلاء

وليه الجهه المسؤوله تعطي الشباب عنن لابد ان تحصرفي العوائل فقط واللي يبي ياخذ مع عائلته مب كل من هب ودب عطوه عنه

وللاسف مثل ما سووا المستشفى وكر لتسليم الخدرات راح يسوون العنن وغيرها اوكار لمثل هذه البلاوي


الله يحمينا يارب

[ANONYMOUS]

قواهم الله

[بوهلال]

مب شي جديد

الاغلبيه للاسف يستغلون موسم التخييم للاشياء الثانيه الغير مفيده

[فارس قطر333]

لا حول ولا قوة الا بالله

[hamoor4ever]

خرب البر والبحر والسماء

الله يحفظك ياقطر من هذا البلاء

وليه الجهه المسؤوله تعطي الشباب عنن لابد ان تحصرفي العوائل فقط واللي يبي ياخذ مع عائلته مب كل من هب ودب عطوه عنه

وللاسف مثل ما سووا المستشفى وكر لتسليم الخدرات راح يسوون العنن وغيرها اوكار لمثل هذه البلاوي


الله يحمينا يارب

بصراحه من رايج وبيكون افضل من التفتيش الفجائي لان فيه تعرض لخصوصييه الافراد ، ان اي شخص يبغي ترخيص للعنه يكون متزوج واعتقد حتى الترتيب بيكون احسن واغلب الاشخاص بيكونون ناس بأعمار تتراوح فوق ال 25 فبيكون معظمهم خلصو من مرحله الطيش والتحفيص وغيره وغيره

[هداف]

التعاطي بيكون في اي مكان وليس بالضروره في عنه او عزبه ممكن في الشارع في السياره في اي مكان !!
الاهم هو القضاء على تهريب المخدرات لانها تخالط العقل وتذهب الصحه وتفسد النشأ وتدمر الشباب وهي ممنوعه دوليا ومكافحه دوليا ولكن ولكن ولكن !!!!!!!!!!

والله العظيم ان مصائب الخمر والسكر مثل المخدرات ان لم تكن اخبث منها !! هل نسينا قصة من خيروه بين ان يزني او يقتل او يشرب الخمر فأختار الخمر لانه في ظنه اقل الخبائث معصية لم يكن يعرف ان الخمر هو ام الخبائث وعندما شرب وسكر قتل وزنا والعياذ بالله !!!!!!!!!!!!!! وللعلم يوجد الكثير والكثير من العنن اهلها هل عربده وشرب وين الشرطه عنهم ان كنتوا صادقين !!

من زمان كان كاااااااااااااااان فيه اداره في الداخليه اسمها (( ادارة مكافحة المخدرات والمسكرات )) اما الان شطبوا كلمة (( المسكرات ))


الخمررررررررررررررررررررررر اشد بلا ووباء على المجتمع هي والمخدرات في نفس الخانه لا نريد الكيل بمكيالين

[هذلان]

اما صحيح فيه ناس تنرفز

الحين عشان الخمر انفرض علينا فرض في بلادنا ،، صرنا نتعامل معاه عادي و امره هين .

ياحبايبي الخمر ابو الخبائث

غسيل مخ حسبي الله ونعم الوكيل

[سوق واقف]

ليش ما يسورون المنطقة ويسوون بوابة للدخول الى العنن ويكون شرطي عند الباب وتفتيش

[OREO]

كل سنه يا جماعه تكون فيه كبسات و مخدرات و مداهمات في سيلين بس هالسنه انهم كتبو عنهم .

الموضوع يحتاج رقابه اكثر


فعلاً كلامك صحيح اخوي هذلان .. و الاشكال هذه موجوده في كل مكان و مهب بس في سيلين و الله يهديهم ان شاءالله ..

لكن السؤال اللي يطرح نفسه ,.. ليش بالذات السنه هذه قاموا يكتبون عن سلبيات شباب و بنات سيلين ؟؟

هل لان ما اعطوا تصاريح للزلمات .. اسف اقصد للاجانب ؟؟

سبحان الله .. بأي طريقة يبون يشوهوون سمعة الاقطري رغم ان الفئة هذه تنعد ع الاصابع الله يهديهم بهدايته .. لكن يقولك الشر يعم و الخير يخص و اذا جينا ع الاجانب ..

( يقولك بليز بليز لا تجمع .. _ اخاف ابليس مو ابليز ) ..

[دكتورة روح]

لاحول وقوة الا بالله
كليوم نسمع خبر يصعق اكثر من الي قبله
يالله ارحمنا برحمتك

[hamoor4ever]

اما صحيح فيه ناس تنرفز

الحين عشان الخمر انفرض علينا فرض في بلادنا ،، صرنا نتعامل معاه عادي و امره هين .

ياحبايبي الخمر ابو الخبائث

غسيل مخ حسبي الله ونعم الوكيل


ردج غريب اختي يعني انتي شفتي حد من ردود الاخوان يؤيد الخمور ، انا بصراحه اسمع عن قصص الخمور وغيره بالعنن لكن الحمدلله ربعي كل واحد عنده عنه ومثل ماقلت قاعدين بأحترامهم وماشفت حد من اللي حواليهم طالع لنا سكران او شي ونقول لو فيه بيكون عدد محدود والمشكله مش بالعنن المشكله في الاستخدام الخاطئ للشي فأحنا مانبي نحرم الناس اللي تقعد بأحترامها علشان كم واحد ضايع . نقول خل يزيدون الرقابه او مثلا يخلون العنن محصوره للي عندهم عوائل وبعد هالشي ماراح يمنع المشاكل 100% لكن راح تقل بأذن الله
وترى الخمور والموبقات موجوده بكل مكان حتى في اطهر الاماكن ومهما الدوله ابذلت من جهد كل اللي راح يقدرون عليه انهم يقللون هالشي بس احنا مانقول عادي نقول مايصير تشووهون سمعه اصحاب العنن او تمنعونهم من التخييم بسبب كم شخص مستهتر بل يجب اصدار قوانين شديده في هالخصوص كالسجن وغيره واعتقد ان هالشي راح يكون له مفعول قوي كمن يثبت انه ادخل فتيات من غير المقربين له او مثلا جلب مشروب او غيره يحاكم بالسجن لكي يكون عبره لغيره

[الـبـحـري]

يعطيك العافيه

[Chambray]

ليش ما يسورون المنطقة ويسوون بوابة للدخول الى العنن ويكون شرطي عند الباب وتفتيش

يسورون كم كيلو !:eek5:
كلها كم شهر !
شدعوه وين عايشين !

[الأغر]

مخدرات مره وحده لا حول ولا قوة الا بالله وين اهلهم عنهم الحمدلله اللي القوا القبض على هالاشكال اللي تخرب البلد ياريت نشوف الإعدام في ساحة من ساحات الدوحه حتى يعتبر من لا يعتبر

[وطن]

ليش ما يسورون المنطقة ويسوون بوابة للدخول الى العنن ويكون شرطي عند الباب وتفتيش

ليش داخلين مدرسة ؟
حتى المدارس ما يسوونها !!

[dammaj77]

ليش ما يسورون المنطقة ويسوون بوابة للدخول الى العنن ويكون شرطي عند الباب وتفتيش

======================================
هي ناقصه تسوير وحواجز الله يرضى عليك مابغى شي بالدوحه الا تسور خلي شوي حق ها الناس المساكين تتنفس شوي علشان واحد او اثنين شاذين عن القاعده بتعممون على الناس جميعا

الله المستعان

[دلوليانوز]

الخراب من داخل ومن بره

كافي نعيش المثاليات وهي مب موجوده

الدولة مب فيها... شرطة ومكافحة ومخابرات..و تأمد الكل شايف


ما نبي كل اشوي واحد يطلع ويقول..الاجانب..ولا غيره...
" كل نفس بما كسبت رهينة" صدق الله العظيم

اللي في راسه شي..بيسويه
دام مافي دين..واسلام

[Just a Gurl]

قطريين؟؟؟؟:omg:
حسسسسسسسسبي الله عليهم....:omg:

[السامـي]

الله يهداكم بس،لا يكون فاكرين إن المجتمع القطري أبو "المثالية".
مجتمع مثل المجتمعات الثانية،فيه الزين وفيه الشين.
وأصابع الأيدين موب سوا.

[كازانوفا]

لا حولة ولا قوة الا بالله

[GAS]

اجهزة الامن في الدولة

الاكيد انها عارفه العنن المشبوهه من اصحابها والمترددين عليها

والصراحه هذه السنه فعلا هناك اهتمام جيد من اجهزة الدولة كافه

كلن في اختصاصه بسلين والعديد

والف شكر لكل اجهزة الدولة المعنية بالتغطية الامنية والخدمية في سلين

[ودي أكون]

حسبي الله ونعم الوكيل

[um 3azee]

::
التعاطي بيكون في اي مكان وليس بالضروره في عنه او عزبه ممكن في الشارع في السياره في اي مكان !!
الاهم هو القضاء على تهريب المخدرات لانها تخالط العقل وتذهب الصحه وتفسد النشأ وتدمر الشباب وهي ممنوعه دوليا ومكافحه دوليا ولكن ولكن ولكن !!!!!!!!!!

والله العظيم ان مصائب الخمر والسكر مثل المخدرات ان لم تكن اخبث منها !! هل نسينا قصة من خيروه بين ان يزني او يقتل او يشرب الخمر فأختار الخمر لانه في ظنه اقل الخبائث معصية لم يكن يعرف ان الخمر هو ام الخبائث وعندما شرب وسكر قتل وزنا والعياذ بالله !!!!!!!!!!!!!! وللعلم يوجد الكثير والكثير من العنن اهلها هل عربده وشرب وين الشرطه عنهم ان كنتوا صادقين !!

من زمان كان كاااااااااااااااان فيه اداره في الداخليه اسمها (( ادارة مكافحة المخدرات والمسكرات )) اما الان شطبوا كلمة (( المسكرات ))


الخمررررررررررررررررررررررر اشد بلا ووباء على المجتمع هي والمخدرات في نفس الخانه لا نريد الكيل بمكيالين
:victory: والمشكله لم يكتفوا بالخمر الموجود بالفنادق تم السماح به بمطاعم the pearl

[restricted_1]

اذا تعرف حد بلغ عنه اخوي ، اما القول انهم يدرون ومايسون شي اسمح لي اخوي هاذه مب كلام لان بالعقل هم ماراح يدشون كل عنه علشان يشيكون على الناس ترى الناس لهم خصوصيتهم ولو انت واحد وقفك وقال بفتشك منيه والطريج ماراح ترضى لان الدخول على الناس مايكون بعشوائيه اكيد عندهم معلومات فسوو خير وبلغ عن اللي تعرفهم واعتقد ان العضيد حق الشغلات هاذي ماراح يقصرون هاذي دعاره وخمر ومخدرات مااعتقد الشغلات هاذي فيها تساهل ولا كان اختربت البلاد بكبرها


هامور على طـــــــــول..



خل الحكومه على جنب.. وانشد اي واحد عنده عنه من سنيين في سيليين وقوله

وين اماكن العربده؟ وبيقولك هني وهناك وورى ذاك الطعس

يعني بالعربي المواطن العادي الي حاط له عنه يستانس فيها

يشوف الي صاير في المنطقه ويعرف الاماكن المشبوهه فما بالك بذوي الأختصاص!!!

[" روح قطر "]

الله يستر علينا وعلى عيالنا وشباب المسلمين

ويحفظ بلادنا من كل مكروة

خبر يعور القلب .....لاحول ولاقوة الا بالله العلى العظيم

[عزووز قطر]

أول شي نتمنى من الداخلية انزال اشد عقوبة على المروجين للمخدرات

والشي الثاني الكثير من العنن (( مو الكل )) فيها عربدة + شراب + بنات
وين جهاز أمن الدولة عنهم ؟ وين الفزعة ؟ وين لخويا ؟ وين وزارة الداخلية ؟
من اسم وزارة الداخلية انها تختص في الامور الامنية داخل البلاد .. يعني ليش الشرب والبنات والعربدة مب داخله في الحسبة !؟؟؟

وانا مع العضو اللي قال اذا المواطن العادي يعرف وين العنن اللي فيها عربدة .. شلون الافراد اللي في جهاز أمن الدولة أو الافراد اللي في وزارة الداخلية ؟؟

الصراحة سكوتهم يعتبر نقطة ضعف ونقطة سلبية في حقهم .. ومثل مايشددون في المخالفات والتفتيشات وحجز السيارات .. المفروض يشددون في الامور اللي فيها دمار للأخلاق والأمن

الواحد مايعرف ايش يقول وايش يخلي وايد اشياء غلط × غلط في العنن

[وليف قطر]

الواحد كان يسمع عن المخدرات والمدمنين في الافلام و المسلسلات

واليوم صار الشي قريب وبينا .!!

لا حول ولا قوة إلا بالله


بس دواهم شي واحد ..

إعدام اثنين ولا ثلاثه علني .. وشوفوا عقبها .!!!

[هذلان]

ردج غريب اختي يعني انتي شفتي حد من ردود الاخوان يؤيد الخمور ، انا بصراحه اسمع عن قصص الخمور وغيره بالعنن لكن الحمدلله ربعي كل واحد عنده عنه ومثل ماقلت قاعدين بأحترامهم وماشفت حد من اللي حواليهم طالع لنا سكران او شي ونقول لو فيه بيكون عدد محدود والمشكله مش بالعنن المشكله في الاستخدام الخاطئ للشي فأحنا مانبي نحرم الناس اللي تقعد بأحترامها علشان كم واحد ضايع . نقول خل يزيدون الرقابه او مثلا يخلون العنن محصوره للي عندهم عوائل وبعد هالشي ماراح يمنع المشاكل 100% لكن راح تقل بأذن الله
وترى الخمور والموبقات موجوده بكل مكان حتى في اطهر الاماكن ومهما الدوله ابذلت من جهد كل اللي راح يقدرون عليه انهم يقللون هالشي بس احنا مانقول عادي نقول مايصير تشووهون سمعه اصحاب العنن او تمنعونهم من التخييم بسبب كم شخص مستهتر بل يجب اصدار قوانين شديده في هالخصوص كالسجن وغيره واعتقد ان هالشي راح يكون له مفعول قوي كمن يثبت انه ادخل فتيات من غير المقربين له او مثلا جلب مشروب او غيره يحاكم بالسجن لكي يكون عبره لغيره

ماغريب الا الشيطان ياخوي في البدايه من قالك اني بنت . انا واحد و عندي عنه في سيلين لوتبيني اسير عليك بجيك بـرينو شال على تايرين بعد :nice:

بخصوص الخمور الله يبعدني وياك عنها ياخوي محد بيأيد الخمور حتى الي يشرب مخر مايأيده ،، الي اقصد ان الناس استسهلو طاري الخمر يعني تقرى في بعض الردود عبارات مثل (الخمر يهون ، ماجات على الخمر ، وترى الخمور والموبقات موجوده بكل مكان ، و عبارات مثل هذي )


وترى الخمور والموبقات موجوده بكل مكان حتى في اطهر الاماكن ومهما الدوله ابذلت من جهد كل اللي راح يقدرون عليه انهم يقللون هالشي
ياخوي شبلاك الخمر موجود برضى الحكومه . و هل العنن هم نفسهم الي موجودين في الشوارع و في المجمعات و ويانا في اشغالنا محد بيشوه سمعه حد .

انا اطالب بالرقابه على العنن في امور كثيره منها التاكد من هويه الشخص الموجود في العنه هل هو فعلا صاحب التصريح او ان العنه باسم قطري و الي يستفيد منها غيره

[MeMe MoOoON]

يستاهلوووووووووووون اكثر بعد

[hamoor4ever]

ماغريب الا الشيطان ياخوي في البدايه من قالك اني بنت . انا واحد و عندي عنه في سيلين لوتبيني اسير عليك بجيك بـرينو شال على تايرين بعد :nice:

بخصوص الخمور الله يبعدني وياك عنها ياخوي محد بيأيد الخمور حتى الي يشرب مخر مايأيده ،، الي اقصد ان الناس استسهلو طاري الخمر يعني تقرى في بعض الردود عبارات مثل (الخمر يهون ، ماجات على الخمر ، وترى الخمور والموبقات موجوده بكل مكان ، و عبارات مثل هذي )


ياخوي شبلاك الخمر موجود برضى الحكومه . و هل العنن هم نفسهم الي موجودين في الشوارع و في المجمعات و ويانا في اشغالنا محد بيشوه سمعه حد .

انا اطالب بالرقابه على العنن في امور كثيره منها التاكد من هويه الشخص الموجود في العنه هل هو فعلا صاحب التصريح او ان العنه باسم قطري و الي يستفيد منها غيره

جزاك الله خير
وانا معاك بضروره وجود رقابه شديده وعقاب اشد وكذلك وجود خدمه هاتفيه مستمره لمده 24 ساعه يوميا لمن يشك بوجود حركه غير عاديه في العنن

وشكرا اخي الكريم

[بوخالد911]

شفتهم شوف العين وهم يطاردون واحد منهم جدامي جنه فلم اكشن عنده جي اكس اسود2008 بس والله كسرو موتره من قلب
بس كفوا والله



هلا بك

ممكن تذكر تفاصيل اكثر

ووين بالضبط؟

وهل خاول يشررد؟

وكييف مسكووه؟

لا هنت

[PARIS]

اعوذ بالله .... الله يستر .... هاالمكان صار يخرع.

[جرير]

يا جماعه الخير انا من فتره سامع ان مدير البيئه او الشخص المسؤل عن العنن

طلع في التلفزيون ونبه عن الاشياء المخله اللي تصير في سيلين وحتى الناس

اللي تأجر العنن وقال ان فيه تنسيق مع امن الجنوب على مدار 24 ساعه حق اي شي

و اعتقد انهم حطو تلفون للاتصالات

[ولد قحطان]

ماخفي كان اعظم

[قناص الخليج]

لاحول ولا قوة الا بالله

[حقيقه]

يعني نقدر نأجر ؟؟؟

[أم سلووومي]

الله يحفظنا ويحفظ بلادنا يارب

[السندان]

الله يفضحهم ويكشفهم للخلق وينظف مجتمعنا من هالاشكال