أفضل دكتور تقويم الأسنان ,,,,,,

[commanding]

السلام عليكم ورحمة الله وبركاته ,,,

من أفضل دكتور تركيب تقويم الأسنان في قطر
بنتي عمرها ( 15 ) وبحاجه الى تركيب تقويم اسنان ,,

افادتكم لو تكرمتوا ,,,,وجزاكم الله خير ,,,

[Realistic]

اخوي انا حاليا صار لي 6 اشهر مركب تقويم عند دكتوره اسمها ياسمين في مركز الخليج للاسنان في الهلال ..

واسناني بدت تتعدل بشكل كبير

ماشالله عليها يدها خفيفه .. ووايد شاطره


التقويم عندهم يبدا من 8000 ريال .. وقد يزيد على حسب حالة الاسنان

[ودي أكون]

وانا مركبه تقويم تجميلي (( دلع )) :tease:

عند ياسمين بعيادة اسنان الخليج .. الدكتورة ممتازة وقمة فالاخلاق والتعاون واهم شي يدها خفيفه ..

انا ركبته في شهر 2 وكان عندهم عرض سبحان الله رحت مع اختي كانت تبي اتركب واعجبتني الفكرة واصريت اني احط .. وانا حطيت واختي لا :nice:.. لان كانت تحتاج جلع وسالفه .. :)

حطيته ب6500 .. وشالته لي شهر 9 .. يعني من قلب ماحتاج :shy:

انصحج فيها .. ممتازة ياسمين .. :victory:

[تحداني]

.. مركز الخليج للأسنان ..
مقابل غرفه تجاره وصناعه قطر ..ت: 4670702


عياده شغلهم جدا مميز ..
ومعاملتهم جدا رائعه ..
واسعارهم معقوله ..


البيت كله يتعالج عندهم ..
منذ 4 سنوات ..


وما شفنا منهم الا كل شئ مرضي

[Realistic]

وانا مركبه تقويم تجميلي (( دلع )) :tease:


انا ركبته في شهر 2 وكان عندهم عرض سبحان الله رحت مع اختي كانت تبي اتركب واعجبتني الفكرة واصريت اني احط .. وانا حطيت واختي لا :nice:.. لان كانت تحتاج جلع وسالفه .. :)

حطيته ب6500 .. وشالته لي شهر 9 .. يعني من قلب ماحتاج :shy:


تقويم تجميلي بـ 6500 :eek5:


شنو الجميل في التقويم؟ << واحد مركب تقويم (مب تجميلي) ومتلعوز معاه!

نصيحه للي يبي يجمل شكله وعنده 6500 :
قطها في صندوق قطر الخيريه .. و الله بيجمل ويهك ويبرزقك نور وجمال مايسويه مليون تقويم :)

[commanding]

مشكورين على تجاوبكم وما قصرتوا
ويعطيكم الصحة والعافية

[The MooN]

السلام عليكم

انا مركبة تقويم من سنتين وبصراحة بدو تعب كتير من ناحية الشد الشهري والألم والعناية والنظافة
بس النتيجة النهائية تستاهل التعب

نصيحة اخي خذ بنتك على اكتر من دكتور خاص وبالحكومة واسأل عن حالتها واحتياجها ومدة العلاج
ما الها علاقة خفة اليد بالموضوع لأنو هاد أولاَ يعتمد على حاله وعمر البنت وثانيا: مو علاج ولا فيه الم وتعب عند التركيب بل يعتمد على الخبرة والممارسه
بعدين في دكاترة شغلهم للمكسب بس وكل ما طالت الفترة ياخد منك اكثر، واللي بيرضى يحط تقويم للزينة يبين شو شغله وضميره وامانة المعهنة عنده
انا ركبته عند عيادات الرازي بالنصر والحمد لله ما شفت منهم الا الخير بس ندمانة لأني ما سألت اكثر من دكتور وتنورت قبل، فلا تعيد الكرة وأسأل السؤال ببلاش

وبالتوفيق ان شاء الله :)

[khalid-qtr]

روح حق دكتورة مها عراقية خوش بنية شاطرة انا كلة عندها بصراحة بعد ماجربت اكثر دكاترة الاسنان بقطر طحت على هاي الدكتورة شغلها نظيف وبضمير وتعاملها حلو

[Mr.Hamad]

أخوي نصيحة أخوية

وجهة نظري تقول أن أحسن وأفضل وأقدم دكتور بقطر ولديه خبرة كبيرة

هو الدكتور "مروان القلا"

وهو بيعطيك الحل سواء التقويم ينفع لك أو لا

ولاهو بيقص عليك مثل بعض الدكاترة

صحيح هو غالي وضغط عليه من كثر المواعيد

أنت جرب وشوف ومو خسران شي

هذا رقم عيادته 4429186

شفت موضوعك وحبيت أنصحك

وربي يوقفك ان شاء الله

[sapphire]

فعلا دكتور مروان القلا هو الافضل

[PLATINUM]

افضل دكتور هو الدكتور موافي في مركز المدينه اللي في اللقطه

كل الدكاتره اللي مريت عليهم قالوولي بنخلع لك اللي قال ضرسين واللي قال اربع

ورتبت اسنااني كلهم بدون خلع

وزوجتي نفس الشي ماجلع لنا ولا ضرس

وهذا كله في سنتين فقط

مع العلم ان اسنااني كاانت خراابيط

[!..فيونكه..!]

افضل دكتور هو الدكتور موافي في مركز المدينه اللي في اللقطه

كل الدكاتره اللي مريت عليهم قالوولي بنخلع لك اللي قال ضرسين واللي قال اربع

ورتبت اسنااني كلهم بدون خلع

وزوجتي نفس الشي ماجلع لنا ولا ضرس

وهذا كله في سنتين فقط

مع العلم ان اسنااني كاانت خراابيط

اخوي بكم كان سعر التركيب يعتمد على المدة ولا

[commanding]

سمعت أخيرا عن دكتور جيد في تركيب تقويم الاسنان بعيادة المستقبل بشارع الوعب مقابل فلاجيو , أسمه ( سيبام ) وكان شغال في مستشفى حمد سابقاً ....
ما ادري اتوكل ع الله ؟

[يحفظك ربي]

دكتور تميم ملص
له عياده خاصه وشغله حلو
عيادته في صفة العيادات ف شارع الوعب

[شمعة الدوحه]

الدكتور بشار في عيادة المدينه مقابل عيادة الرازي اللي بالسد
يده خفيفه وشغله عدل ونظيف
انا من سنتين سويت عنده بـ 8000 بس اتوقع اسعارهم اللحين 10

[saddawi4ever]

نصيحة اولا

لاتروح عند اي دكتور تقويم (هندي) يدهم ثقيله وماعندهم خبرة في التقويم وكثير منهم ليسو اختصاص تقويم

ثانيا لاتروح عند اي دكتور تقويم درجته اقل من استشاري ابحث عن الاستشاري وخصوصا خريجي اوروبا

ثالثا لاتروح عند اي دكتور جديد ماعنده خبرة اقل شي 5 سنوات خبرة في التقويم

رابعا لاتروح عند اي مسشتفى او مركز غير معروف او ماله اسم لانه احتمال يصكر او الدكاتره يتغيرون

خامسا لاتروح عند دكتور زائر الي يسافر ويرجع ابحث عن المقيم في قطر لانه الزائر ماله امان واحتمال مايرجع

انا اتعالج عند الدكتور موافي في مركز المدينه واجوفه جيدا جدا

وماتشوفون شر

[Msh3l]

وانا مركبه تقويم تجميلي (( دلع )) :tease:

عند ياسمين بعيادة اسنان الخليج .. الدكتورة ممتازة وقمة فالاخلاق والتعاون واهم شي يدها خفيفه ..

انا ركبته في شهر 2 وكان عندهم عرض سبحان الله رحت مع اختي كانت تبي اتركب واعجبتني الفكرة واصريت اني احط .. وانا حطيت واختي لا :nice:.. لان كانت تحتاج جلع وسالفه .. :)

حطيته ب6500 .. وشالته لي شهر 9 .. يعني من قلب ماحتاج :shy:

انصحج فيها .. ممتازة ياسمين .. :victory:


انزين انا عندي ضرس فوق وضرسين تحت .. ثنين شمال واحد جنوب .. ماتركبين لي !
:anger1: عندج حق تجميلي ماعندج حق عضو منتداج العزيز :weeping: ..

[umabdulla77]

الدكتور بشار في عيادة المدينه مقابل عيادة الرازي اللي بالسد
يده خفيفه وشغله عدل ونظيف
انا من سنتين سويت عنده بـ 8000 بس اتوقع اسعارهم اللحين 10


انصحك به العايلة كلها عنده مسوية

والحين سعره صار بعشره شاملة الجلع اذا تحتاج والاشعة اذا كان عندهم والتنظيف وكل شي

[تلتوله]

انا سويت عند دكتور عامر وايد زين في عياده الكندي ويبدا من 6000 الى 10000 على حسب الحاله

[تلتوله]

بس مستشفى حمد الحين يسوون ويعطوني مواعيد بسرعه انا عندى ثنتين من ربعي امسوين فى حمد ومضبوظ

[PLATINUM]

اخوي بكم كان سعر التركيب يعتمد على المدة ولا


السعر يتحدد بعد المعاينه بس هو يبدا من 8000 هذا الكلام قبل ثلاث سنوات اكيد الحين اكثر
وماله علاقه بالمده لان الدكتور اصلا مايعرف المده بس يقدر على حسب الحاله

يعني انا مثلااا قالي سنه ونص وخلص في سنه

وقال حق زوجتي سنتين وخلص في سنتين ونص

[nouar]

عيادة الدكتور غسان الكحلوت

عنده عملنا تقويم لأختي ..
عنده راحه في المواعيد بس اتصال وبس

[طواش]

شوف الدكتورة قراسيلا في مركز الأسنان الجميلة

[Al-Kuwari]

انا مركب صار لي سنه الحين

في المركز القطري اللبناني للأسنان

بصراحه شغلهم وايد حلو مواعيدهم جيده لكن يعيب عليهم اسعارهم شوي غاليه

انا مركب التقويم بـ 16000 " بس بصراحه حالتي كانت جدا جدا صعبه "

وبالتوفيق ان شاء الله

[سمرلاند]

سمعت أخيرا عن دكتور جيد في تركيب تقويم الاسنان بعيادة المستقبل بشارع الوعب مقابل فلاجيو , أسمه ( سيبام ) وكان شغال في مستشفى حمد سابقاً ....
ما ادري اتوكل ع الله ؟





انا مركبه عند دكتور سيفام الماليزي في مركز المستقبل الطبي

كان رئيس قسم التقويم في مستشفى حمد

ممتاااااااااااااز توكل على الله كل العايله مسوين عنده والنتائج ممتازه

[شموخ قطريه]

القطري اللبناني للاسنان شغل صح ونظيف من قلب روووووووووعه الصراحه انا اتعالج عندهم هناك

[h9466]

انا مركبه عند دكتور سيفام الماليزي في مركز المستقبل الطبي

كان رئيس قسم التقويم في مستشفى حمد

ممتاااااااااااااز توكل على الله كل العايله مسوين عنده والنتائج ممتازه

عندك فكرة عن اسعاره

[طلعة الروح]

انصحج لا تروحين عيادة الخليج للاسنان ناس مالهم خص بتجميل الاسنان كلش
وكلامي عن تجربه..

بنسبة لتقويم الاسنان ماعندي فكره بس لا تروحين الا وانتي سائله عن كل شغله وواثقه من الناس اللي رايحتلهم

[Mr.Mohammad]

انصحك اخوي بمستشفى الجيش..شغلهم ممتاز

اخذ بطاقه اي حد عندكم يشتغل فالجيش وشوف شلون شغلهم ومواعيدهم...



وعندك بعد دكتور تميم مقابل فيلاجيو بعد شغله تمام ..


الله يوفقك

[h9466]

انصحك اخوي بمستشفى الجيش..شغلهم ممتاز

اخذ بطاقه اي حد عندكم يشتغل فالجيش وشوف شلون شغلهم ومواعيدهم...



وعندك بعد دكتور تميم مقابل فيلاجيو بعد شغله تمام ..


الله يوفقك

الله يجزيك خير يا الطيب...الجيش يا طويل العمر ما اظن عندهم تقويم اسنان...انا حبيت اعرف لوحد تعامل مع الدكتور سيفام اللي بمركز المستقبل..؟كيف اسعاره؟

[Eyeliner]

انا سويت في رميله

[lobna123]

وانا سويت في الرميلة في العيادة المسائية عند دكترة سامية بعد رحت اكتر من دكتور واستقريت عندها وانصح الكل يروح لها