اسير الاوهام
02-12-2009, 07:17 PM
http://i262.photobucket.com/albums/ii103/aseer320/iolw07.gif
أحداث القصة صارت في أحد المجالس
الأبطال
بوسعد
بوخالد
بومحمد
بوفيصل
بوجاسم
والبطل الهندي : كومار
بدأت القصة مساءً في حوالي الساعة التاسعة
يدخل كومار المجلس ويقوم بترتيبه وتجهيزة وكذلك تنظيف طفايات الزقاير
وبعدها يدخل صاحب المجلس بوسعد
بوسعد: ها كومار .. سويت الشاي والقهوة
كومار : نعم بابا كلش في جاهز
بوسعد : إنزين عطني ريموت الرسيفر فوق التلفزيون
وبينما بوسعد يتفرج على التلفزيون ويقلب في المحطات
يدخل عليه بوفيصل
بوفيصل : السلام عليكم
بوسعد : وعليكم السلام .. غريبة ياي من وهل اليوم .. ماهي من عادتك
بوفيصل : تبيني أروح ؟؟ باروح !!
بوسعد : بل شفيك شبيت علي .. مهب قصدي والله
بوفيصل : شدراني عنك
بوسعد : ماشاء الله عليك .. صاير حار الليلة .. عسى ماشر ؟
بوفيصل : ماشر .. بس متهاوش مع أم العيال
بوسعد : أفا .. خير إن شاء الله ؟
بوفيصل : ياخي صايره نشبة .. وصارت عله على قلبي
بوسعد : هدي هدي .. هاي ونت توك متزوج من سنتين ..
بوفيصل : خلها على الله .. ياخوي دايما تسألني ( إلا وين رايح ، إلا من وين ياي ، ليش راقد لهالحزة
ليش كله برا ، وليش .. وليش .. ) أنفخت راسي
ماخلت عيبه ماطلعتها فيني .. جان أتهاوش وياها وأطلع
بوسعد : الله يعينك .. عيل شاقول أنا .. اللي صار لي 8 سنوات وصابر
وفجأة يدخل عليهم بوخالد وهو يتحدث في الجوال .. وحاط لزقة جرح على جبهته
فوق الحاجب اليسار
بوخالد : السلام عليكم
ويذهب بوخالد إلى آخر زاويه من المجلس ويكمل حديثه على الجوال
من يكلم الله العالم
وبعد قليل يدخل المجلس بومحمد
بومحمد : مساكم الله بالخير .. شحالكم يالربع ؟؟
بوسعد : هلا بومحمد مساك الله بالنور
بومحمد : يه .. وين بوجاسم ؟؟ ماجا ؟؟
بوسعد : لا والله .. للحين ماجا
بومحمد : شدعوه ؟ توني مكلمه من شوي وقالي إنه عند المجلس !!
بوسعد : ياخوي يمكن في .. ها ! هذا الرجال وصل .. الطيب عند ذكره
بوجاسم : السلام عليكم
بومحمد : وعليكم السلام .. وينك إنت ؟؟ ما تقول إنك عند المجلس ؟
بوجاسم : رحت الدكان أشتري زقاير .. خير في شي ؟
قوة بوخالد .. بوخالد !! شفيه مايرد ؟؟
بوسعد : الرجال من دخل وهو يهذر في الجوال .. مادري من يكلم
بوفيصل : أكيد يكلم مرته .. لأن الحبيب يخاف منها وايد
بوجاسم : يمكن الرجال طايح على جو جديد
بومحمد : خلو الرجال في حاله .. يمكن عنده ظروف
يا كومار هات الشيشه وحط ثلج في الماي
وأنفخ في الراس عدل مهب تجيبه لي ثقيل مثل كل مره
بوجاسم : ها .. طاحت ؟
بومحمد : يلا .. نبي نلعب هند
بوجاسم : لا ياخوي .. كل يوم هند .. لا هالمرة بنلعب بيلوت
بومحمد : لا ياخوي .. بيلوت لا .. أنا مهب ذاك الزود فيها
بوسعد : لا لا .. ذاك اليوم لعبنا بيلوت وخسرنا بومحمد
بوجاسم : خلاص هند هند ..
بوسعد : يلا كل واحد يسحب كرت
بوجاسم : إن شاء الله حظي زين هالمرة .. أفا 2 !!
بومحمد : ها ها يلا أخبص ..
وبينما هم يلعبون .. ويتطنزون عل بوجاسم لأنه يخبص .. إذ يرن الجوال الثاني لبوخالد ..
الحبيب عنده جوالين ..
بوخالد : حبيبتي عن إذنك شوي .. لا لا مافي شي .. بس وأنتي بكرامة بروح الحمام
ويرد بوخالد على الجوال الثاني وإذ هي زوجته ..
أها الحين عرفنا من يكلم .. والظاهر إن زوجته ماتدري عن جواله الثاني .. ويمكن خاش الجوال تحت كرسي السيارة
ولا في شنطة السيارة عند لسبير
( ديرو بالكم يالحريم )
بوخالد : هلا عمري ..
زوجته : وين أنت ؟؟
بوخالد : في المجلس طال عمرك
زوجته : ليش مارديت على الجوال بسرعة ؟
بوخالد : ماعليه حبيبتي .. كان بعيد عني شوي
زوجته : شقاعد تسوي ؟
بوخالد : ألعب ورقة .. وبعدين حبيبتي قصري حسك شوي علشان خاطري
زوجته : ماعلينا .. ليجيت هات معاك حليب وحفاضات حق نوروه
بوخالد : على أمرك حبيبتي .. وبعد ؟
زوجته : وهاتت بيض وجبن .. وخبز إيراني
بوخالد : سمي طال عمرك .. تبين شي بعد ؟
زوجته : لا .. بس لا تتأخر .. ولا عاد تجيني مفلوع مثل كل ليله
بوخالد : إن شاء الله حبيبتي
ويسكر بوخالد الجوال وهو يقول كلام غير مفهوم
مادري يسب .. مادري يلعن
وياخذ الجوال الأولي ويتصل منه
بوخالد : هلا حبيبتي .. تأخرت عليك ؟
لا ولا شي .. بس الشباب مايعرفون يشغلون السوني 3 ، ورحت أشغلها لهم
تدرين فيني .. خبير في هالسوالف
عذر بايخ .. نرجع للشباب اللي يلعبون هند
بوجاسم: هند جوكر
بوفيصل : غشاش .. شفتنا كلنا تسمرت عيونا على المسلسل التركي ( دقات قلب ) يوم طلعت
الممثله ( لميا ) .. قمت وحطيت لك الجواكر
أيش اللي صار عقب ؟؟ بنعرفه في الجزء الثاني
وينتهي الجزء الأول من قصة ( مجلس بوسعد ) ولنا لقاء ثاني مع الجزء الثاني
في حال شفت تشجيع منك
والسلام عليكم ورحمة الله وبركاته
:nice::nice::nice::nice:
أحداث القصة صارت في أحد المجالس
الأبطال
بوسعد
بوخالد
بومحمد
بوفيصل
بوجاسم
والبطل الهندي : كومار
بدأت القصة مساءً في حوالي الساعة التاسعة
يدخل كومار المجلس ويقوم بترتيبه وتجهيزة وكذلك تنظيف طفايات الزقاير
وبعدها يدخل صاحب المجلس بوسعد
بوسعد: ها كومار .. سويت الشاي والقهوة
كومار : نعم بابا كلش في جاهز
بوسعد : إنزين عطني ريموت الرسيفر فوق التلفزيون
وبينما بوسعد يتفرج على التلفزيون ويقلب في المحطات
يدخل عليه بوفيصل
بوفيصل : السلام عليكم
بوسعد : وعليكم السلام .. غريبة ياي من وهل اليوم .. ماهي من عادتك
بوفيصل : تبيني أروح ؟؟ باروح !!
بوسعد : بل شفيك شبيت علي .. مهب قصدي والله
بوفيصل : شدراني عنك
بوسعد : ماشاء الله عليك .. صاير حار الليلة .. عسى ماشر ؟
بوفيصل : ماشر .. بس متهاوش مع أم العيال
بوسعد : أفا .. خير إن شاء الله ؟
بوفيصل : ياخي صايره نشبة .. وصارت عله على قلبي
بوسعد : هدي هدي .. هاي ونت توك متزوج من سنتين ..
بوفيصل : خلها على الله .. ياخوي دايما تسألني ( إلا وين رايح ، إلا من وين ياي ، ليش راقد لهالحزة
ليش كله برا ، وليش .. وليش .. ) أنفخت راسي
ماخلت عيبه ماطلعتها فيني .. جان أتهاوش وياها وأطلع
بوسعد : الله يعينك .. عيل شاقول أنا .. اللي صار لي 8 سنوات وصابر
وفجأة يدخل عليهم بوخالد وهو يتحدث في الجوال .. وحاط لزقة جرح على جبهته
فوق الحاجب اليسار
بوخالد : السلام عليكم
ويذهب بوخالد إلى آخر زاويه من المجلس ويكمل حديثه على الجوال
من يكلم الله العالم
وبعد قليل يدخل المجلس بومحمد
بومحمد : مساكم الله بالخير .. شحالكم يالربع ؟؟
بوسعد : هلا بومحمد مساك الله بالنور
بومحمد : يه .. وين بوجاسم ؟؟ ماجا ؟؟
بوسعد : لا والله .. للحين ماجا
بومحمد : شدعوه ؟ توني مكلمه من شوي وقالي إنه عند المجلس !!
بوسعد : ياخوي يمكن في .. ها ! هذا الرجال وصل .. الطيب عند ذكره
بوجاسم : السلام عليكم
بومحمد : وعليكم السلام .. وينك إنت ؟؟ ما تقول إنك عند المجلس ؟
بوجاسم : رحت الدكان أشتري زقاير .. خير في شي ؟
قوة بوخالد .. بوخالد !! شفيه مايرد ؟؟
بوسعد : الرجال من دخل وهو يهذر في الجوال .. مادري من يكلم
بوفيصل : أكيد يكلم مرته .. لأن الحبيب يخاف منها وايد
بوجاسم : يمكن الرجال طايح على جو جديد
بومحمد : خلو الرجال في حاله .. يمكن عنده ظروف
يا كومار هات الشيشه وحط ثلج في الماي
وأنفخ في الراس عدل مهب تجيبه لي ثقيل مثل كل مره
بوجاسم : ها .. طاحت ؟
بومحمد : يلا .. نبي نلعب هند
بوجاسم : لا ياخوي .. كل يوم هند .. لا هالمرة بنلعب بيلوت
بومحمد : لا ياخوي .. بيلوت لا .. أنا مهب ذاك الزود فيها
بوسعد : لا لا .. ذاك اليوم لعبنا بيلوت وخسرنا بومحمد
بوجاسم : خلاص هند هند ..
بوسعد : يلا كل واحد يسحب كرت
بوجاسم : إن شاء الله حظي زين هالمرة .. أفا 2 !!
بومحمد : ها ها يلا أخبص ..
وبينما هم يلعبون .. ويتطنزون عل بوجاسم لأنه يخبص .. إذ يرن الجوال الثاني لبوخالد ..
الحبيب عنده جوالين ..
بوخالد : حبيبتي عن إذنك شوي .. لا لا مافي شي .. بس وأنتي بكرامة بروح الحمام
ويرد بوخالد على الجوال الثاني وإذ هي زوجته ..
أها الحين عرفنا من يكلم .. والظاهر إن زوجته ماتدري عن جواله الثاني .. ويمكن خاش الجوال تحت كرسي السيارة
ولا في شنطة السيارة عند لسبير
( ديرو بالكم يالحريم )
بوخالد : هلا عمري ..
زوجته : وين أنت ؟؟
بوخالد : في المجلس طال عمرك
زوجته : ليش مارديت على الجوال بسرعة ؟
بوخالد : ماعليه حبيبتي .. كان بعيد عني شوي
زوجته : شقاعد تسوي ؟
بوخالد : ألعب ورقة .. وبعدين حبيبتي قصري حسك شوي علشان خاطري
زوجته : ماعلينا .. ليجيت هات معاك حليب وحفاضات حق نوروه
بوخالد : على أمرك حبيبتي .. وبعد ؟
زوجته : وهاتت بيض وجبن .. وخبز إيراني
بوخالد : سمي طال عمرك .. تبين شي بعد ؟
زوجته : لا .. بس لا تتأخر .. ولا عاد تجيني مفلوع مثل كل ليله
بوخالد : إن شاء الله حبيبتي
ويسكر بوخالد الجوال وهو يقول كلام غير مفهوم
مادري يسب .. مادري يلعن
وياخذ الجوال الأولي ويتصل منه
بوخالد : هلا حبيبتي .. تأخرت عليك ؟
لا ولا شي .. بس الشباب مايعرفون يشغلون السوني 3 ، ورحت أشغلها لهم
تدرين فيني .. خبير في هالسوالف
عذر بايخ .. نرجع للشباب اللي يلعبون هند
بوجاسم: هند جوكر
بوفيصل : غشاش .. شفتنا كلنا تسمرت عيونا على المسلسل التركي ( دقات قلب ) يوم طلعت
الممثله ( لميا ) .. قمت وحطيت لك الجواكر
أيش اللي صار عقب ؟؟ بنعرفه في الجزء الثاني
وينتهي الجزء الأول من قصة ( مجلس بوسعد ) ولنا لقاء ثاني مع الجزء الثاني
في حال شفت تشجيع منك
والسلام عليكم ورحمة الله وبركاته
:nice::nice::nice::nice: