المساعد الشخصي الرقمي

مشاهدة النسخة كاملة : تشغل ملفات mp3 في السيارة


Rosy
02-12-2009, 10:13 PM
السلام عليكم

عندي مشكله..وهي أن لدي مجموعه ملفات صوتيه بالكمبيوتر صيغه ام بي 3 وتشتغل لكن لما انسخها على السي دي للسياره تنسخ من غير ماتشتغل واي صوت ؟؟!!!

واللي يحرق القلب أنها تنسخ وتكون موجوده على السي دي!! هذي اول مره تواجهني هالمشكله
كل مره انسخ واموري طيبه!

شو الحل؟ أنا استخدم برنامج نيروو.
الرحال..
02-12-2009, 10:59 PM
جرب برنامج الـ Ashampoo Burning Studio وفالك طيب ان شاء الله
SRT 8
02-12-2009, 11:28 PM
تقدر تسويه بالـWindows Media Player

بس النيرو افضل و الــAshampoo Burning Studio زين بعد
الـقـاسـي
03-12-2009, 03:10 AM
اختي المشكله مب في البرنامج ولا السي دي .. بعض انواع المسجلات وخصوصا مالت الوكالة ماتشغل mp3 انتي اذا جربتي السي دي على لاب توب ثاني واشتغل وفالسياره ما اشتغل معناته مسجل السياره مايشغل سي ديات mp3 ..
Rosy
03-12-2009, 07:41 PM
مشكورين لمروركم ومساعداتكم,

السياره عندي تشغل سي ديات ام بي 3 بس هذي المره كانت مشكلتي انه انسخ على السي دي بس ماتشتغل الاغاني اللي فيه!
عازف الاورج
03-12-2009, 07:56 PM
يعني تقصدين انه لما تحطين اغاني جداد على الاغاني القديمه ؟

اذا كان جوابج اي

مايصير لانه الحرق لازم يكون مره وحده وخاصه إذا حارقه الاغاني ببرنامج

مالج إلا تاخذين سيدي جديد وتحطين عليه,,
eXpert*
03-12-2009, 08:15 PM
هذه المشكلة تصير أحياناً اذا انت تنسخ الصوتيات بـ سرعة عالية فـ مشغل الاقراص في السيارة لا يستطيع قرائتها.

حاول تستعمل أقل سرعة ممكنه في النسخ و شوف ؟
Rosy
05-12-2009, 11:59 PM
اخوي عازف الاورج

الاغاني حولتها من ريل بلير لام بي 3 وشتغلت على الاب توب لما رحت ونسختها على سي دي ما شتغلت مع انها موجوده وحتى بالسياره ما اشتغلت :(

اخوي اكسبرت

مشكور على نصيحتك جربتها ما تغير شي تشتغل على الجهاز بس بالسي دي لا :(

مشكورين على تجاوبكم ومروركم
وليف قطر
06-12-2009, 12:57 AM
شنو البرنامج اللي تستخدمينه

ولو ممكن افتحي البرنامج وعطيني صوره منه : )