+++ حل لأزمة ديون المواطنين +++ ((مجرد أقتراح))

[جمال اليافعي]

السلام عليكم ورحمه الله وبركاتة

تحية طيبة وبعد ...


أخواني وأخواتي الاعزاء ، لقد قمت منذ فترة بقرأة عدة مواضيع تطالب بمكرمة أميرية من سمو الامير المفدي الشيخ / حمد بن خليفة آل ثاني حفظه الله ورعاه .

وانا كلي علماً بأن سموه لن يبخل على مواطنيه وأبناء بلده من مكرمة قادمة , و أعلموا بأن في كل تأخيراً خير بأذن الله تعالى ..

في موضوعي هذا أحببت ان أشارككم بأقتراح لعل ان يفيدنا أجمعين و لعل أن يقرأه أحد المسؤولين ويقوم بتنفيذه بأمر من سمو البلاد المفدى .

اود ان اقترح بأن في حاله تنفيذ مكرمة أميرية لأسقاط الديون , ان يقوم المسؤولين بتنفيذ الأمر بوضع حظر من 5 الى 10 سنوات(من البنك المركزي) على المواطن الذي تم دفع دينه ولا يمكنة خلال هذه الفترة من أخذ قرض أخر على ان لا يتجاوز القرض الجديد مع الفوائد 25% من قيمة قرضة السابق وان لا تتجاوز قيمة الفوائد+المبلغ التراكمية 40% من قيمة القرض السابق .

وللعلم يجب ان توضع فترة زمنية محدده يتوقف عندها دفع القروض . كمثال القروض التي تم اخذها من بداية 2009 لن تدخل في المكرمة ..ألخ...

سوف يضمن هذا النظام عدم استغلال ضعاف النفوس لمكرمة أمير البلاد المفدى حفظه الله ورعاه ..

باب النقاش مفتوح لكل من يراى ان لديه حلول مناسبة تخدم هذه القضيه .

والسموحه لاي أخطاء أملائية ولا تبخلوا علينا بمشاركاتكم الطيبة وانتقاداتكم البناءة .

[doha1]

بالنسبه لي حلك سلمي

وخاصه للمقترضين في بداية 2009

اضم صوتي لاقتراحك

[Realistic]

اخوي ليش الدوله تسدد قروض المواطنين ؟

حد غصب المواطن على انه يتسلف؟
المواطن تسلف برضاه .. والمفروظ انه على درايه تامه بتبعات هالسلفيه .. فلازم هو الي يتحملها

انا بعد علي سلفيه ( وانشالله بتخلص على بداية 2011) بس ماطالبت الحكومه انها تسدد عني


يعني انا اتسلف.. والعب في الفلوس.. وتجي الحكومه تسدد ؟ تشوف ان هذا من العدل او شيء معقول؟

[جمال اليافعي]

اخوي ليش الدوله تسدد قروض المواطنين ؟

حد غصب المواطن على انه يتسلف؟
المواطن تسلف برضاه .. والمفروظ انه على درايه تامه بتبعات هالسلفيه .. فلازم هو الي يتحملها

انا بعد علي سلفيه ( وانشالله بتخلص على بداية 2011) بس ماطالبت الحكومه انها تسدد عني


يعني انا اتسلف.. والعب في الفلوس.. وتجي الحكومه تسدد ؟ تشوف ان هذا من العدل او شيء معقول؟

اخي الكريم هناك الكثير من الناس الذين تسلفوا من اجل تزويج عيالهم او بنيان بيوتهم وظروف اخرى اضطرارية قاهره , واشكرك على تعقيبك للموضوع ...

وانا ايضا احد الذين تسلفو عام 2009 ولن تشملني حل المكرمه التي اقترحتها

[جمال اليافعي]

بالنسبه لي حلك سلمي

وخاصه للمقترضين في بداية 2009

اضم صوتي لاقتراحك

اشكرك اخوي على مشاركتك

[درب السعادة]

أضم صوتي لصوتك اخي اونيشان العجيب ......... تسكت مرة وحده ولما ترجع تجيب ابداعات ......

بارك الله فيك ....... مشكور وما تقصر

[اسير الاوهام]

أقتراح وايد حلو ..
وأنا أشوف إنهم يدرسون حاله المواطن
والأسباب اللي خلته ياخذ القرض
وبعدين يقررون إن كان يستاهل التسديد ولا لا
جزاك الله خير

[جمال اليافعي]

أضم صوتي لصوتك اخي اونيشان العجيب ......... تسكت مرة وحده ولما ترجع تجيب ابداعات ......

بارك الله فيك ....... مشكور وما تقصر

اشكركج اختي درب السعادة لمشاركتج

[جمال اليافعي]

أقتراح وايد حلو ..
وأنا أشوف إنهم يدرسون حاله المواطن
والأسباب اللي خلته ياخذ القرض
وبعدين يقررون إن كان يستاهل التسديد ولا لا
جزاك الله خير

مشكور على اقتراحك وانشالله ننجز شي في هذا الاقتراح ولو تنأخذ فكرة بسيطه منه

[ودي أكون]

اخوي ليش الدوله تسدد قروض المواطنين ؟

حد غصب المواطن على انه يتسلف؟
المواطن تسلف برضاه .. والمفروظ انه على درايه تامه بتبعات هالسلفيه .. فلازم هو الي يتحملها

انا بعد علي سلفيه ( وانشالله بتخلص على بداية 2011) بس ماطالبت الحكومه انها تسدد عني


يعني انا اتسلف.. والعب في الفلوس.. وتجي الحكومه تسدد ؟ تشوف ان هذا من العدل او شيء معقول؟

قصدك انك متحسف ان ماباقي شي عن قرضك .. وان المبلغ اللي بتسدده الدوله حق اخوانك المواطنين راح يكون اكثر .. وانت سددت طول هالفتره ويوم ماباقي شي لك اطيح القروض .. قصدك جي :)

اوه قصدك عقب ماتسدد دينك ماراح تاخذ قرض طول عمرك .. لانك ماراح تحتاج مثل الناس :)

لا لا قصدك ان عندك القدرة انك تاخذ قرض لانك تقدر تدفعه .. :)

اخوي اذا انت ماتبي الدوله اتسدد عنك .. لا تخرب على غيرك واتقول ليش وليش .. غيرك عنده .. وانا اتكلم عن اخواني اللي كسرت ظهورهم القروض وفوايدها ..

خلاص يوم الدوله اتسدد قدم طلب عدم موافقه لان مايصير تلعب بالفلوس والدوله تتعب واتسددها عنك :)... لان في نظرك اغلب الناس خذتها للعب (( عيل وين اللي خذوا للعلاج وللزواج وللدراسه وللسيارة وللي عشان اهله وللي عشان البيت واللي عشان اعيالها واللي عشان اتساعد زوجها واللي عشان وعشان وعشان ... ))

مادري ليش كل اخو يخرب على اخوه :tease:

لا تزعل خيووو هالايام مادري شفيني صايره ضووو :shy:

شكلي اشتقت للدوحه :weeping:

[جمال اليافعي]

قصدك انك متحسف ان ماباقي شي عن قرضك .. وان المبلغ اللي بتسدده الدوله حق اخوانك المواطنين راح يكون اكثر .. وانت سددت طول هالفتره ويوم ماباقي شي لك اطيح القروض .. قصدك جي :)

اوه قصدك عقب ماتسدد دينك ماراح تاخذ قرض طول عمرك .. لانك ماراح تحتاج مثل الناس :)

لا لا قصدك ان عندك القدرة انك تاخذ قرض لانك تقدر تدفعه .. :)

اخوي اذا انت ماتبي الدوله اتسدد عنك .. لا تخرب على غيرك واتقول ليش وليش .. غيرك عنده .. وانا اتكلم عن اخواني اللي كسرت ظهورهم القروض وفوايدها ..

خلاص يوم الدوله اتسدد قدم طلب عدم موافقه لان مايصير تلعب بالفلوس والدوله تتعب واتسددها عنك :)... لان في نظرك اغلب الناس خذتها للعب (( عيل وين اللي خذوا للعلاج وللزواج وللدراسه وللسيارة وللي عشان اهله وللي عشان البيت واللي عشان اعيالها واللي عشان اتساعد زوجها واللي عشان وعشان وعشان ... ))

مادري ليش كل اخو يخرب على اخوه :tease:

لا تزعل خيووو هالايام مادري شفيني صايره ضووو :shy:

شكلي اشتقت للدوحه :weeping:

أشكرج اختي على المداخلة وما اعتقد اخوي رايلستك قصدها بهالشكل ممكن سوء تعبير من طرفه وكل الردود مقبولة كانت مع الاقتراح او ضده .

وانشالله ترجعين للدوحه بالسلامه يارب .

[fzaa_qatar]

والله اتسغرب من رد بعض الاعضاء بعدم موافقته لاسقاط ديون المواطنين ياخي ليش .. حب لاخيك المسلم ما تحبه لنفسك والاخ اللي قال ليش ياخذون سلفيات وبعدها يطالبون بتسديدها حط نفسك بمكانهم وخلك من دينك اللي بيخلص عام 2011 فيه ناس بتخلص 2020 و2035 و2040 و2059 تقدر الحين تقارن نفسك بهالمساكين اللي لاعبه فيهم البنوك وكل يوم ترفع الفايده ولو انت مثلهم كانت اول واحد يطالب بهالشي واانا شخصيا علي ديون ورايح فيها وصار لي 6 سنين وانا ادفع لبنك الدوحه وكلها فوايد اكثر من 500 الف ريال راحت فوايد وما تغير شي من الدين بالعكس زااااااااد وزادت فواااااايده والبنك المركزي ما تدخل مثل ما تدخل يوم ارفعت البنوك رسوم المعاملات وطالب البنوك بتخفيضها من اجل مصلحه الناس وانا رأيي الشخصي اللي ذبح الناس رفع الفوووووايد مب الرسوم والمفروض يحلون هالمسأله لانها تخطت الحدود وفاقت كل التوقعات واذا تروح للبنك تسألهم عن المديونيه يضيعونك ويخلونك تااااااايه من اصغرهم لاكبرهم لدرجه وصلني كلام ومن مصدر موثووووق انه في بنك معروووف اي موظف يسمح او يقدم شهاده مديونيه لبنك اخر يفنشونه .. ترو العالم مخنووووقه ويالله يمشون نفسهم لاخر الشهر واللي مرتاح اللي يزيده من نعيمه واللي مديون اللي يفرج دنيه واميرنا الله يحفظه لنا كريم وحاس بشعبه والله يقدم اللي فيه الخير وانا مع اسقاااااااااااااااط الديووون عن كل قطري ..

[عبدالرحمن]

انا عندي اقتراح سهل وبسيط جدا كل قطري يبلغ من العمر 18 عام نزل في حسابه نص مليون ريال قطري كاش لجميع القطريين بيسدد دينه بيلعب فيها بيحرقها كيفه هذي الي تسميه مكرمه وخل البنوك ترزق وتسلف خلق الله وتمشي الحياه بينقز لنا طفيلي وبيقول بيردون يتسلفون اي اوكي خلهم يتسلفون عادي يبه شيفها ليش الدوله عيل حطت لك البنوك تبيع خضره
ولو حسبنا عدد الي عمارهم فوق 18 بنحصلهم تحت 100 الف مواطن قطري بدال مشاريعهم الفاشله في بريطانيا واوربا عموما وامريكا ونصب عليهم من افريقيا يستثمرونها في المواطن القطري الي هو فعلا اغلى شي تملكة الدولة ويفكون عمارهم اعتقد التكلفه الاجماليه بتكون اقل من مشروع سكه الحديد الفاشله في قطر
بالعكس اذا سوو هالشي بيننشئون سكه حديد ناجحه بين الحكومه وقلوب المواطنين
هذي سمها مكرمه غيرها لاتمسيها شي وتكون حققت معادله مهمه ماظلمت حد الكل خذا الي ماخذ دين والي مب ماخذ دين وانا عن نفسي مابي نص مليوني من الدوله مشكورين وفرت عنكم نص مليون بعد شتبون يالله بلشو في المشروع الناجح هذا

[الموضوعي]

يستاهلون اهل قطر واذا يبون قروضهم تطيح بكل سهولة يوجهون دعوات إلى لاعبيين عالميين مثل كاكا ورنالدو وبيكهام وغيرهم يسون مسيره في الكورنيش لاسقاط القروض اذا ماطيحوا القروض عنهم وحطوا في حساب كل واحد مائة الف لكم اللي تبون

[صقر عربي]

ليس
كل مايمناه المرء يدركه

على العموم الله يسمع منكم ويسقطونها

[hich]

94 مليار راحت في الهوى ........... وديون المواطنين بس 50 مليار الله المستعان

المصدر

http://www.******.net/news.php?action=show&id=1319

[سياتل]

اخوي ليش الدوله تسدد قروض المواطنين ؟

حد غصب المواطن على انه يتسلف؟
المواطن تسلف برضاه .. والمفروظ انه على درايه تامه بتبعات هالسلفيه .. فلازم هو الي يتحملها

انا بعد علي سلفيه ( وانشالله بتخلص على بداية 2011) بس ماطالبت الحكومه انها تسدد عني


يعني انا اتسلف.. والعب في الفلوس.. وتجي الحكومه تسدد ؟ تشوف ان هذا من العدل او شيء معقول؟

أقص إيدي إذا عليك قرض

[HIGHNESS]

والله موضوع متشعب ... لازم يكون فيه دراسة لحالة الشخص اللي الدولة بتسدد عنه القرض ...
يعني من وجهة نظري ولحد يزعل مني ويقول لي حسد ومادري وشو ترى انا عندي قرض بعد .... مثلاً : قرض السيارة مب ضرورة ، قرض الزواج ( اذا كان للفشخرة والمبالغة ) مب ضرورة ليش ماسوى عرس على قده ؟؟... في اشياء الواحد تسلف فيها وتوهق للأسف ونسى انه يمد ريوله على قد لحافه ...
طبعاً مافي مقارنة بينهم وبين اللي تسلف عشان يدرس ولده برى او للجامعة ، او اللي تسلف عشان يبني بيت العمر ، او اللي تسلف عشان علاج ... طبعاً فرق فرق ...
والدولة بالعقل مو مجبورة تتحمل تبعات القرارات الشخصية لمواطنيها ... والحمدلله على كل حال

[Realistic]

أقص إيدي إذا عليك قرض

اوكي خلك قد كلمتك .. طرش لي رقمك عالخاص ونتواعد في مكان ونروح بنك قطر الوطني ..

واتمنى انك ترضى اني اصور عملية قطع يدك بالجوال عشان ادزها بلوتوث للربع :)

[Realistic]

قصدك انك متحسف ان ماباقي شي عن قرضك .. وان المبلغ اللي بتسدده الدوله حق اخوانك المواطنين راح يكون اكثر .. وانت سددت طول هالفتره ويوم ماباقي شي لك اطيح القروض .. قصدك جي
لا مب هاي قصدي.. قمتوا تدشون في المقاصد والنيات يا جماعه ؟:)


اوه قصدك عقب ماتسدد دينك ماراح تاخذ قرض طول عمرك .. لانك ماراح تحتاج مثل الناس
لا راح آخذ قرض لحاجه ضروريه .. مثل السياره << وماتوقع ان قرض السياره يكسر الظهر << الا لو بتاخذ لك بنتلي

اما عن البيت .. فـ الله يخلي بنك التنميه .. وماظن ان السداد له يكسر الظهر << مع اني لين الحين مابنيت


لان في نظرك اغلب الناس خذتها للعب (( عيل وين اللي خذوا للعلاج وللزواج وللدراسه وللسيارة وللي عشان اهله وللي عشان البيت واللي عشان اعيالها واللي عشان اتساعد زوجها واللي عشان وعشان وعشان ... ))

العلاج ؟ الحمدلله العلاج متوفر بالمجان لأهل قطر .. واذا العلاج مب موجود في قطر.. فالدوله تطرش الشخص للخارج
الزواج ؟ لازم الفشخره والمفوشر جدام خلق الله ؟ ياخي الله لا يبارك فيها من مرا اذا بتخليني ابدا حياتي بديون تكسر ظهري !

الدراسه ؟ اخبر القطريين لهم منح وجامعة قطر ببلاش << خل يشد حيله ومابينطرد :)

السياره ؟ ماخبر اقساط السياره تكسر الظهر الا مثل ما ذكرت انها بنتلي او سياره هاي هاي << مد ريولك على قد لحافك وخذ لك سيفك :victory:

البيت؟ قرض بنك التنميه مايكسر الظهر << على حسب علمي


مادري ليش كل اخو يخرب على اخوه
ماخرب على حد .. ومالي اي مصلحه اني اخرب على حد ..
لكن لاحظوا الي صار بعد ما قامت دولة الامارات في فتره من الفترات بشراء ديون المواطنين ..
زااد بشكل رهيب عدد المواطنين الي قاموا بالاقتراض بعد هالخطوه
لانهم ماحسوا بأنهم قاعدين يخطون لخطوه كبيره ألا وهي الاقتراض !
واذا الحكومه قامت بشراء ديون المواطنين عندنا .. نفس الشغله بتصير
الي شرت الحكومه ديونهم .. بيتسلفون مره ثانيه << هذا مش تنبئ بالغيب .. لكنه قراءه للي صار في الامارات

[HIGHNESS]

لا مب هاي قصدي.. قمتوا تدشون في المقاصد والنيات يا جماعه ؟:)


لا راح آخذ قرض لحاجه ضروريه .. مثل السياره << وماتوقع ان قرض السياره يكسر الظهر << الا لو بتاخذ لك بنتلي

اما عن البيت .. فـ الله يخلي بنك التنميه .. وماظن ان السداد له يكسر الظهر << مع اني لين الحين مابنيت



العلاج ؟ الحمدلله العلاج متوفر بالمجان لأهل قطر .. واذا العلاج مب موجود في قطر.. فالدوله تطرش الشخص للخارج
الزواج ؟ لازم الفشخره والمفوشر جدام خلق الله ؟ ياخي الله لا يبارك فيها من مرا اذا بتخليني ابدا حياتي بديون تكسر ظهري !

الدراسه ؟ اخبر القطريين لهم منح وجامعة قطر ببلاش << خل يشد حيله ومابينطرد :)

السياره ؟ ماخبر اقساط السياره تكسر الظهر الا مثل ما ذكرت انها بنتلي او سياره هاي هاي << مد ريولك على قد لحافك وخذ لك سيفك :victory:

البيت؟ قرض بنك التنميه مايكسر الظهر << على حسب علمي


ماخرب على حد .. ومالي اي مصلحه اني اخرب على حد ..
لكن لاحظوا الي صار بعد ما قامت دولة الامارات في فتره من الفترات بشراء ديون المواطنين ..
زااد بشكل رهيب عدد المواطنين الي قاموا بالاقتراض بعد هالخطوه
لانهم ماحسوا بأنهم قاعدين يخطون لخطوه كبيره ألا وهي الاقتراض !
واذا الحكومه قامت بشراء ديون المواطنين عندنا .. نفس الشغله بتصير
الي شرت الحكومه ديونهم .. بيتسلفون مره ثانيه << هذا مش تنبئ بالغيب .. لكنه قراءه للي صار في الامارات

انا اؤيد كلام اخوي Realistic ... واقعي ومنطقي ..
المسألة مو حسد .. بالعكس لو تحقق هالشي عليكم بالعافية ... بس اتمنى نتطور شوي ونطلع من دائرة الاستعطاف بطريقة يا حكومتي سددي عني وعطيني والله يطول بعمرج ساعديني ... ترى لكل مجتهد نصيب ..

[جرح الزمان]

﴿ وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنبُلاَتٍ خُضْرٍ وَأُخَرَ يَابِسَاتٍ يَا أَيُّهَا الْمَلأُ أَفْتُونِي فِي رُؤْيَايَ إِن كُنتُمْ لِلرُّؤْيَا تَعْبُرُونَ ﴾

[ريــــــــان]

انا والله مب قاهرني الا اللي يجي يقول المواطن شحقه اخذ قرض
وليش يلزم الدوله بالتسديد

:anger1:

:anger1:

:anger1:


يا اخي انت وشيخصك؟

فلوسك هي :anger1: ؟


وقبل لاتفتي وتدافع عن اموال الدوله اللي قلبك عليها
قدر اخوك المواطن ليش اخذ هالقرض :anger1:

( يا اخي لو يسكتون هالفئه واااااااااايد ابرك )
لي طلبنا اموال من خزينتكم ذيك الساعه تفلسفو :anger1:

[كاتم الاسرار]

قصدك انك متحسف ان ماباقي شي عن قرضك .. وان المبلغ اللي بتسدده الدوله حق اخوانك المواطنين راح يكون اكثر .. وانت سددت طول هالفتره ويوم ماباقي شي لك اطيح القروض .. قصدك جي :)

اوه قصدك عقب ماتسدد دينك ماراح تاخذ قرض طول عمرك .. لانك ماراح تحتاج مثل الناس :)

لا لا قصدك ان عندك القدرة انك تاخذ قرض لانك تقدر تدفعه .. :)

اخوي اذا انت ماتبي الدوله اتسدد عنك .. لا تخرب على غيرك واتقول ليش وليش .. غيرك عنده .. وانا اتكلم عن اخواني اللي كسرت ظهورهم القروض وفوايدها ..

خلاص يوم الدوله اتسدد قدم طلب عدم موافقه لان مايصير تلعب بالفلوس والدوله تتعب واتسددها عنك :)... لان في نظرك اغلب الناس خذتها للعب (( عيل وين اللي خذوا للعلاج وللزواج وللدراسه وللسيارة وللي عشان اهله وللي عشان البيت واللي عشان اعيالها واللي عشان اتساعد زوجها واللي عشان وعشان وعشان ... ))

مادري ليش كل اخو يخرب على اخوه :tease:

لا تزعل خيووو هالايام مادري شفيني صايره ضووو :shy:

شكلي اشتقت للدوحه :weeping:

جزاج الله خير على كلامج يالغاليه
الحسد موجود

ويعطيك العافيه يا راعي الموضوع الصراحه اقتراحك في محله

[المها قطر]

الله يكافينا شر الحسد والقرادة عند بعض الناس....
يا اخي الفاضل ..اختي الفاضلة ...عن الحسد ترى البلاد فيها خير والله الحمد والمنة واذا سيدي صاحب السمو اذن بتسديد القروض او فوائد البنوك عن المواطنين ترى ماراح ينقص من خزينة الدولة شي كلش...
فاياليت اللي مشتط وايد من الحسد والغيرة ان يريح نفسة شوي لان هذة الفلوس مب من عندة...
صدق لي قالوا الرزاق في السما والحساد في الارض ...والله ماحد قطع المطر الا الحسد اللي من هالنوع
ياذا الناس خلوا العالم ترتاح من هموم الديون انتوا وش حاركم ...ليش معصبين ماتبون الناس تلتفت لمصالحها وتراجع نفسها وتشوف اللي لها واللي عليها لان الدين ذل في النهار وهم بالليل
يا اخي حب لغيرك مثل ماتحب لنفسك يعني انت مرتاح والله مغنيك وما عليك دين احمد ربك واشكرة لان اكثر المقترضين اخذوة لاعباء الحياة يمكن فية ناس اخذتة لان ماتقدر تاكل ..اية نعم تصير انت وش دراك
وفية ناس اخذتة عشان تزوج عيالها
وفية ناس اخذتة عشان العلاج ...لا تقول الدولة وفرت اية نعم الدولة ماقصرت بارك الله فيهم وفروا العلاج لكن فية علاج غير متوفر في الدولة ..ونصحوهم بالعلاج بالخارج والعلاج بالخارج مكلف جدا
الله كريم

[سياتل]

هالفئه الحاسده مانشوفهم يتكلمون يوم تتبرع الدولة بمليارات الدولارات يمين ويسار

مانشوفهم حسدوا بنت جبيل ولا الجزائر ولا ولا ولا

بس هالفئه مثل ماتكلمتوا وقلتوا واللي ماقلتوه أكثر

فيه منهم في كل وزاره وفي كل هيئة وهي اللي شغاله على الناس

حسد وحقد ( لحول ولا قوة الا بالله )

الله يجيب المطر بس :)

[hich]

هالفئه الحاسده مانشوفهم يتكلمون يوم تتبرع الدولة بمليارات الدولارات يمين ويسار

مانشوفهم حسدوا بنت جبيل ولا الجزائر ولا ولا ولا

بس هالفئه مثل ماتكلمتوا وقلتوا واللي ماقلتوه أكثر

فيه منهم في كل وزاره وفي كل هيئة وهي اللي شغاله على الناس

حسد وحقد ( لحول ولا قوة الا بالله )

الله يجيب المطر بس :)


الحسد مرض خطير جدا ,,,,

الحسد حرام لقول رسول الله صلى الله عليه وسلم في الصحيحين عن أنس عن النبي صلى الله عليه وسلم أنه قال{لا تباغضوا ولا تقاطعوا ولا تحاسدوا ولا تدابروا وكونوا عباد الله إخوانا} . وعن أبي هريرة قال أن النبي صلى الله عليه وسلم قال : {لا يجتمع في جوف عبد الإيمان والحسد }وقوله صلى الله عليه وسلم: { إياكم والحسد فإن الحسد يأكل الحسنات كما تأكل النار الحطب أو قال العشب }

[eastqatar]

لا حول ولا قوة الا بالله

الحين انتوا اتكلمون كأنه الموضوع بيصير اكيد ، كله كلام في كلام من كم سنه و احنا نسمع

واذا صار ربي لك الحمد - واذا ما صار احنا عايشين كل واحد رزقه عنده

[روح qtr]

السلام عليكم ورحمه الله وبركاته

جمعه مبــــاركه علينا وعليكم ويا الله ياكريم ان ترزقنا بالمطــــــــــــــــــــر يامغيث اغثنا آمين

اخوي صاحب الموضوع جزاكـ الله خير وعسى الله يكتب اجرك ان شاء الله

كثير ناس اعرفها مديوووونه ولا يصفى من رواتبهم ريال واحد بسبب الديون والبنوك الربويه

وانا علي سلفيه ماراح تخلص الا في سنه 2034 سبحان الله والله يعلم اني مااخذتها الا بسبب ظرووووووف

خارجه عن ارادتي ولكن الحمدلله الحمدلله الحمدلله وعسى الله ان يسهل امورنا ان شاء الله

وان شاء الله ان سمو الأميـــــــــــــــــــــــــــــــر ماراح يقصر عسى الله يطول بعمره ويخليه لنا . .

لا حول ولا قوة الا با الله

[Gh2o]

انا اشوف من الافضل كلن يعيش على قد راتبه وبسكم زبو ومهايط على الفاضي والي مب قد القرض يقعد فبيته احسن له . وبس اعتقد هذا افضل حل

والي يقعد يقول حسد وما حسد والله ماعنده سالفه واساسا الاقتراح ظالم جدا يعني تاسوي الي ماعليه قرض وعايش على قد حاله بواحد ساحب له ملايين من البنك على موتر ولا حتى لو بيت يا اخي لا تبني بمبلغ ماتقدر تسدده رحم الله امرء عرف قدر نفسه !!!
انا اشوف جدام عيني شباب الي ماخذ له بي ام والي ماخذ له مرسدس كوبيه والتلفون الي مادري بكمن الف ومهياط على الفاضي وراتبه مايصفى منه الا الف ولا الفين لا وتلاقيه من يسمع سالفه اسقاط الديون يفز من مكان والي يعارضه يقول عنه حسوووووووود !!!
وحتى الي يبني يهايط بعد الا الرخام مادري من وين والفرش مادري بكم والاضاءه والحمامات يا اخي ابن على قد فلوسك وشوي شوي الله بيبارك لك
واخيرا اقول للمتسلفين من البنك الربويه والي متاكد ٩٩٪ من الي يبون يطيحون القروض يتعاملون مع هالبنوك
إن الله ( يمحق ) الربا و ( يربي ) الصدقات
*

[جمال اليافعي]

مشكورين على الردود واود ان ارى المزيد من الاقتراحات والحلول الي تشوفونها منصفه لعل وعسى احد من الديوان يشوفها ويساعدون اخوانا واخواتنا .

والرجاء الالتزام بالحلول والنقد البناء وعدم الخروج من نص الموضوع.

[fzaa_qatar]

انا اشوف من الافضل كلن يعيش على قد راتبه وبسكم زبو ومهايط على الفاضي والي مب قد القرض يقعد فبيته احسن له . وبس اعتقد هذا افضل حل

والي يقعد يقول حسد وما حسد والله ماعنده سالفه واساسا الاقتراح ظالم جدا يعني تاسوي الي ماعليه قرض وعايش على قد حاله بواحد ساحب له ملايين من البنك على موتر ولا حتى لو بيت يا اخي لا تبني بمبلغ ماتقدر تسدده رحم الله امرء عرف قدر نفسه !!!
انا اشوف جدام عيني شباب الي ماخذ له بي ام والي ماخذ له مرسدس كوبيه والتلفون الي مادري بكمن الف ومهياط على الفاضي وراتبه مايصفى منه الا الف ولا الفين لا وتلاقيه من يسمع سالفه اسقاط الديون يفز من مكان والي يعارضه يقول عنه حسوووووووود !!!
وحتى الي يبني يهايط بعد الا الرخام مادري من وين والفرش مادري بكم والاضاءه والحمامات يا اخي ابن على قد فلوسك وشوي شوي الله بيبارك لك
واخيرا اقول للمتسلفين من البنك الربويه والي متاكد ٩٩٪ من الي يبون يطيحون القروض يتعاملون مع هالبنوك
إن الله ( يمحق ) الربا و ( يربي ) الصدقات
*

سبحان ربي العظيم والله يعينك على نفسك .. لا تعليق

[hard to get]

الحسد مرض خطير جدا ,,,,

الحسد حرام لقول رسول الله صلى الله عليه وسلم في الصحيحين عن أنس عن النبي صلى الله عليه وسلم أنه قال{لا تباغضوا ولا تقاطعوا ولا تحاسدوا ولا تدابروا وكونوا عباد الله إخوانا} . وعن أبي هريرة قال أن النبي صلى الله عليه وسلم قال : {لا يجتمع في جوف عبد الإيمان والحسد }وقوله صلى الله عليه وسلم: { إياكم والحسد فإن الحسد يأكل الحسنات كما تأكل النار الحطب أو قال العشب }

قال الله سبحانه وتعالى: { أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلاَ تَعْقِلُونَ }.

من يحسد من؟!!!

هل نحسد الفلسطينين المحاصرين برا وجوا وبحرا؟
هل نحسد اهل لبنان المدمرة بيوتهم والذين تحملوا صواريخ العدو الصهيوني
هل نحسد فقراء الجزائر على النكبات والكوارث اللتي تحل بهم؟
فهل انتم تحسدون هؤلاء على ما اصابهم؟
اخي الكريم
تكلمت عن حسد القطريين للمديونين وانت تعلم علم اليقين بانه لا يوجد حسد
ولكنه المنطق الذي يفرض نفسه
اذ كيف نكافئ المسئ والذي خالف الشرع باكله الربا والمساعده على انتشاره بين المسلمين
الا تعلم بان رسول الله صلى الله عليه وسلم قال
لعن الله اكل الربا وموكله

الا ينطبق على هذه الفئة حكم الموكل للربا وبذلك حلت عليهم لعنة الله وسخطه
واللعنة هي الطرد من رحمة الله
وهذا هو لب الحكاية
فكل هذا الضيق الذي تشعرون به هو لمخالفتكم امر الله

انا اقول
هذا ما صنعته ايديكم فتحملوا ما جنيتموه على انفسكم

وافضل حل للتخلص من الديون هو العمل ثم العمل ثم العمل
وليس الجلوس بمنازلكم ومن خلف الشاشة تناشدون الحكومة بتسديد ديونكم

روحوا شوفو كيف الاجانب يشتغلون في البلد ويدخلون ذهب
والله العظيم لو ان القطريين يشتغلون بانفسهم كان اوضاعهم تغيرت

ولكن للاسف اتكالهم على الحكومة في كل امورهم افسدهم واصابهم بالكسل وبالعجز
وشيء من الغرور

مطالبكم غير مشروعة وغير مقبولة
ولابد تفرقون بين المكرمة والحق
اذا كنتم تطالبون بمكرمة اميرية لا باس ان شاء الله تنالكم
وان كنتم تعتقدون ان هذا حق
فانتم مخطئون

وتقبل تحياتي

[قطر2030]

أغلب القطريين عليهم ديون والحمدلله الدوله لديها فائض وتوزع وتتبرع للدول الثانيه انا ارى ان جحا اولى بلحم ثورة واذا فاض شيء فلاباس من مساعدة من يحتاج وحتى نقبض العصا من المنتصف اقترح تسديد نصف القروض والباقي يتحملها المقترض الامل في الله وفي اميرنا المحبوب ان يشملنا بعطفه ونجد الامنية حقيقه لاسيما وان العيد الوطني على الابواب وماذلك على الله بعزيز

[جمال اليافعي]

أغلب القطريين عليهم ديون والحمدلله الدوله لديها فائض وتوزع وتتبرع للدول الثانيه انا ارى ان جحا اولى بلحم ثورة واذا فاض شيء فلاباس من مساعدة من يحتاج وحتى نقبض العصا من المنتصف اقترح تسديد نصف القروض والباقي يتحملها المقترض الامل في الله وفي اميرنا المحبوب ان يشملنا بعطفه ونجد الامنية حقيقه لاسيما وان العيد الوطني على الابواب وماذلك على الله بعزيز

أشكرك على مشاركتك وفكرة جميله جدا

[hard to get]

أغلب القطريين عليهم ديون والحمدلله الدوله لديها فائض وتوزع وتتبرع للدول الثانيه انا ارى ان جحا اولى بلحم ثورة واذا فاض شيء فلاباس من مساعدة من يحتاج وحتى نقبض العصا من المنتصف اقترح تسديد نصف القروض والباقي يتحملها المقترض الامل في الله وفي اميرنا المحبوب ان يشملنا بعطفه ونجد الامنية حقيقه لاسيما وان العيد الوطني على الابواب وماذلك على الله بعزيز

اخوي مايجوز تشبه الوطن بالثور

وعموا هذا المنطق مرفوض بتاتا
ان تطالب وتعتقد انك تطالب بشي من حقك

عيل شرايك الحكومة توزع الفلوس كلها على القطريين ونخلى خزينة الدولة فاضيه
هههههههههههههه
تفكيرك سطحي جدا
اذا كان في مكرمة
اقرب حل للتطبيق هو تسديد الفوائد البنكية
اما القروض
من وجهة نظري لايجوز ان تسددها الحكومة

تقبل تحياتي

[قطر2030]

hard to get
اللي يده في الماي غير اللي في النار اجتهادك طيب بس لو تجرب هم الديون كان لك راي ثاني بورك فيك
i hope u get that

[قطر2030]

hard o gett
شكلك ما فهمت القصد واللغه العربية بحر لجي ولا تحرف كلامي حسب هواك ادرس البلاغه حتى تحاججني وما احد يزايد على وطنية احد روح تعلم اللغه اول وبعدين ناقشني
ممكن تستعين بمترجم بدل ما تطلق الاتهامات جزافا

[جمال اليافعي]

اخوي مايجوز تشبه الوطن بالثور

وعموا هذا المنطق مرفوض بتاتا
ان تطالب وتعتقد انك تطالب بشي من حقك

عيل شرايك الحكومة توزع الفلوس كلها على القطريين ونخلى خزينة الدولة فاضيه
هههههههههههههه
تفكيرك سطحي جدا
اذا كان في مكرمة
اقرب حل للتطبيق هو تسديد الفوائد البنكية
اما القروض
من وجهة نظري لايجوز ان تسددها الحكومة

تقبل تحياتي


اشكرك للمداخله ولكن ارجو منك قراءة الموضوع برويه اكثر وفهمه .
والاخ قطر 2030 ماقصر واجتهد ولم يقل شئ غلط وحتى المكتوب بالأحمر.

[fzaa_qatar]

[quote=قطر2030;5172247]أغلب القطريين عليهم ديون والحمدلله الدوله لديها فائض وتوزع وتتبرع للدول الثانيه انا ارى ان جحا اولى بلحم ثورة واذا فاض شيء فلاباس من مساعدة من يحتاج وحتى نقبض العصا من المنتصف اقترح تسديد نصف القروض والباقي يتحملها المقترض الامل في الله وفي اميرنا المحبوب ان يشملنا بعطفه ونجد الامنية حقيقه لاسيما وان العيد الوطني على الابواب وماذلك على الله بعزيز[/quote



نعم الرأي والله يعز مقدارك

[قطر2030]

كل يرى الناس بعين طبعه وان شاء الله نيته صافيه مع انه طالب في مكان ثاني ان تشمل المكرمه المديونين وغيرهم وانا اضم صوتي لصوته وفعلا طلع تنبؤي في محله بس يحمد ربه ما عليه دين والا كان مارد الرد السطحي اللي قاله وازيد كل اناء بما فيه ينضح

[fzaa_qatar]

لو يسقطون فواااايد القروض لانها السبب الرئيسي في خنق المواطن حتى الرمق الاخير والادله كثيره وواضحه على كثير من الناس وانتو عارفين هالشي والبلد كلها تعرف هالشي السنين تمر وتمر والفوايد للحين ما خلصت وراس المال ما تحرك لا والفايده كل فتره يرفعووونها نبي تدخل عااااااااااااجل من المركزي لحماية خلق الله مثل ما تدخل يوم ارفعت البنوك اسعار الخدمات وطالب بتخفيضها .. فاين المركزي من هذه المشكله التي تؤرق الكثير من المواطنين وانا اولهم وربعي نفس الحاااااال والله المستعان ...

[hard to get]

دام تتكلمون بهذا المنطق انسوا انكم تشوفون مكرمة

ومسالة القروض بينكم وبين البنوك
الحكومة مالها دخل

الاخ 2030

اتمنى انك ما تغير مسار الموضوع لدرس في البلاغة
احنا نتكلم عن حلول للديون

[قطر2030]

ليكن ذلك ( اسقاط الفوائد) المهم ان يستجد جديد في هذا الموضوع الذي يؤرق مضاجع الناس نحن نرجو من اعضاء مجلس الشورى طرح هذا الموضوع على طاولة البحث وفي نفس الوقت نطالب البنوك في مراجعة نسب الفوائد ونتساءل عن دور البنك المركزي مما يحدث لانريد ان ينطبق المثل الذي يقول نسمع جعجعة ولا نرى طحنا

[hard to get]

لو يسقطون فواااايد القروض لانها السبب الرئيسي في خنق المواطن حتى الرمق الاخير والادله كثيره وواضحه على كثير من الناس وانتو عارفين هالشي والبلد كلها تعرف هالشي السنين تمر وتمر والفوايد للحين ما خلصت وراس المال ما تحرك لا والفايده كل فتره يرفعووونها نبي تدخل عااااااااااااجل من المركزي لحماية خلق الله مثل ما تدخل يوم ارفعت البنوك اسعار الخدمات وطالب بتخفيضها .. فاين المركزي من هذه المشكله التي تؤرق الكثير من المواطنين وانا اولهم وربعي نفس الحاااااال والله المستعان ...

بارك الله فيك اخوي
انا اميل الى هذا الحل
واحب اضيف اليه
انه بعد ان يتم اسقاط الفوائد يتم جدولة القرض على فترة اطول وبقسط اقل ولكن بدون فائدة
حتى يصبح في راتب الموظف فائض

[قطر2030]

hard to get
بأكلمك بلهجتنا المحلية طالما ما تستطيع مقارعتي بالفصحى جاك العلم وارجو ان تكون عندك روح رياضيه ومن دق الباب جاه الجواب وانتهى حديثي معاك بارك الله فيك وهدا من روعك "ريلاكس بليز"

[hard to get]

ليكن ذلك ( اسقاط الفوائد) المهم ان يستجد جديد في هذا الموضوع الذي يؤرق مضاجع الناس نحن نرجو من اعضاء مجلس الشورى طرح هذا الموضوع على طاولة البحث وفي نفس الوقت نطالب البنوك في مراجعة نسب الفوائد ونتساءل عن دور البنك المركزي مما يحدث لانريد ان ينطبق المثل الذي يقول نسمع جعجعة ولا نرى طحنا

انت لو تجلس مع مصرفيين لعلمت بمدى قوة الازمة وعمقها
فقد تحدثت مع احد المصرفيين عن فكرة القاء الديون
فضحك من الفكرة وقال من المستحيل ان يحصل هذا الشي
واحب اعطيك معلومة ان في احتمال كبير ان يتم زيادة الفائدة على القروض مع مطلع العام القادم

ولكن احنا نتامل خير

[قطر2030]

بغيناك عون صرت فرعون فال الله ولا فالك قلت لك ريلاكس شعللتها

[hard to get]

hard to get
بأكلمك بلهجتنا المحلية طالما ما تستطيع مقارعتي بالفصحى جاك العلم وارجو ان تكون عندك روح رياضيه ومن دق الباب جاه الجواب وانتهى حديثي معاك بارك الله فيك وهدا من روعك "ريلاكس بليز"

الله يهديك
اي مقارعة اي بطيخ
انا اتناقش معاك ولست على خلاف معك ولا اقارعك ولا اصارعك
انما هو الراي والراي الاخر
ممكن تتقبل الكلام وممكن ما تتقبله
هذا شانك
بالنسبة لي انت مثل اي اخ من الاعضاء مابيني وبينك غير كل احترام
والاختلاف في الراي لا يفسد للود قضية
وتقبل تحياتي

[قطر2030]

Very hard 2 get
بعد مافهمت المقارعه (مقارعة الحجه بالحجه بورك فيك) ماشي الله يسهل عليك ان شاء الله فكرتي وصلت اذا موهوب لك للبقيه واشكر من تفاعل واوعدك ماراح اناقشك في الموضوع لان هناك
miscommunication

[سياتل]

لو سمحتوا ياجماعه


الموضوع للقطريين فقط

يعني اللي قاعد يتكلم ويعارض بس عشان المكرمه لو تطبقت ماراح تشمله

يشوف له موضوع ثاني يشارك فيه

ويقول خيراً أو يسكت

[السيف5]

طالما الدولة غنية وتوزع المكارم يمينا وشمالا أليس من باب أولى أن تكون

لأبنائها لمواطنيها الحق في مكرمة والله هم يستاهلون وهذا شي بسيط يقدم لهم
--------الله المستعان---------

[Gh2o]

يا الربع انتوا عايشين بوهم الي يقول الحكومه تسقط الديون للاسف مب فاهم شي ومستحيل الدوله تسوي هالشي سمو الامير جزاه الله خير رفع رواتب المواطنين والدوله دعمتنا بالاسهم وفتحت باب الرزق للي عنده مخ يفكر مب عنده مخ يصرف بس
واخرتها تبون الحكومه تدفع عنك اقساطك , بكل بساطه بيصير خلل في الاقتصاد وقسم بالله كل الي تطيح ديونه بيركض البنك يطلب غيرها

[إينشتاين]

يا الربع انتوا عايشين بوهم الي يقول الحكومه تسقط الديون للاسف مب فاهم شي ومستحيل الدوله تسوي هالشي سمو الامير جزاه الله خير رفع رواتب المواطنين والدوله دعمتنا بالاسهم وفتحت باب الرزق للي عنده مخ يفكر مب عنده مخ يصرف بس
واخرتها تبون الحكومه تدفع عنك اقساطك , بكل بساطه بيصير خلل في الاقتصاد وقسم بالله كل الي تطيح ديونه بيركض البنك يطلب غيرها

انا شخصياً خصم من راتبي 9000 ريال بعد قانون الموارد البشرية

[إينشتاين]

ياخوان ماتلاحظون ان الي معارضين تسديد الديون مانشوف لهم مشاركات ومعارضات في بعض المواضيع الي تطرح في المنتدى مثل: قطر تبني اعلى ناطحة سحاب في اوروبا بمبلغ 14 مليار ريال أو الجزيرة تشتري قنوات أي أر تي بمبلغ 9 مليار ريال وغيره وغيره وغيره

[Realistic]

لو سمحتوا ياجماعه


الموضوع للقطريين فقط

يعني اللي قاعد يتكلم ويعارض بس عشان المكرمه لو تطبقت ماراح تشمله

يشوف له موضوع ثاني يشارك فيه

ويقول خيراً أو يسكت


اقول.. ترى للحين ناطر رقم تليفونك عشان اوديك البنك وتشوف القرض الي علي.. والحين ناطر رقم تليفونك عشان ارويك جوازي ..

يا ان في ايادي الشكثر راح تتقطع :)

اعيد طلبي مره ثانيه .. واتمنى انك تكون فعلا رجل قد كلمتك وتقص يدك :nice:

[بوحمد1]

والله اتسغرب من رد بعض الاعضاء بعدم موافقته لاسقاط ديون المواطنين ياخي ليش .. حب لاخيك المسلم ما تحبه لنفسك والاخ اللي قال ليش ياخذون سلفيات وبعدها يطالبون بتسديدها حط نفسك بمكانهم وخلك من دينك اللي بيخلص عام 2011 فيه ناس بتخلص 2020 و2035 و2040 و2059 تقدر الحين تقارن نفسك بهالمساكين اللي لاعبه فيهم البنوك وكل يوم ترفع الفايده ولو انت مثلهم كانت اول واحد يطالب بهالشي واانا شخصيا علي ديون ورايح فيها وصار لي 6 سنين وانا ادفع لبنك الدوحه وكلها فوايد اكثر من 500 الف ريال راحت فوايد وما تغير شي من الدين بالعكس زااااااااد وزادت فواااااايده والبنك المركزي ما تدخل مثل ما تدخل يوم ارفعت البنوك رسوم المعاملات وطالب البنوك بتخفيضها من اجل مصلحه الناس وانا رأيي الشخصي اللي ذبح الناس رفع الفوووووايد مب الرسوم والمفروض يحلون هالمسأله لانها تخطت الحدود وفاقت كل التوقعات واذا تروح للبنك تسألهم عن المديونيه يضيعونك ويخلونك تااااااايه من اصغرهم لاكبرهم لدرجه وصلني كلام ومن مصدر موثووووق انه في بنك معروووف اي موظف يسمح او يقدم شهاده مديونيه لبنك اخر يفنشونه .. ترو العالم مخنووووقه ويالله يمشون نفسهم لاخر الشهر واللي مرتاح اللي يزيده من نعيمه واللي مديون اللي يفرج دنيه واميرنا الله يحفظه لنا كريم وحاس بشعبه والله يقدم اللي فيه الخير وانا مع اسقاااااااااااااااط الديووون عن كل قطري ..


اللي يعارض على تسديد الدين اعتبره حاقد وحاسد وهذا من وجهة نظري :nice:

[مافيا قطر]

اى والله استغرب من اللى يعارض ان تسقط الديون على الشعب انت طيب الله منعم عليك عندك خير

وماعليك ديون يعنى لازم اللى ماعليه دين يعطونه شى اتمنى الخير لاهل بلادك لوانت مكان هذول المدينونين


ولا تقدر تبنى بيت ولا تشترى وعندك اللى يمشيك لين اخر الشهر ما كان اعترضت على اسقاط الديون


والله ثم والله الدنيا دوراه ويما اكبار صاروا عظماء مع الايام صاروا ولاشى

يعنى انت اقطرى وذاك اقطرى قلوبنا على بعض مش احقد عليه ولا اتمنى له الخير اشان انت مرتاح وهو يتلته بالديون اللى على اظهره والحمد لله بلادنا عندها خير يغطى البعيد والقريب وان شاء الله بومشعل ماراح يقصر


وبيجى يوم الكل بيوقف امام الله ونتحاسب والله يدو عزج ياقطر

[جمال اليافعي]

يا الربع انتوا عايشين بوهم الي يقول الحكومه تسقط الديون للاسف مب فاهم شي ومستحيل الدوله تسوي هالشي سمو الامير جزاه الله خير رفع رواتب المواطنين والدوله دعمتنا بالاسهم وفتحت باب الرزق للي عنده مخ يفكر مب عنده مخ يصرف بس
واخرتها تبون الحكومه تدفع عنك اقساطك , بكل بساطه بيصير خلل في الاقتصاد وقسم بالله كل الي تطيح ديونه بيركض البنك يطلب غيرها

اخي العزيز يبدو انك لم تقرأ اقتراحي في بدايه الموضوع الذي ينظم هذه العمليه .

واشكر الجميع على المشاركات

[bluelion]

اللي تسلف يشد حيله ويسدد وما ينتظر الحكومة تسدد عنه.

لين متى بنتم مستسلمين وننتظر الحكومة تعطينا؟؟

[fzaa_qatar]

الله يعين هذا وحنا كم مية الف قطري وفيه ناس تعارض وتتفلسف .. لو كنا ملايين شلي بيصير فينا .. يا جمااااعة الخير عالاقل نبي صوووتنا يوصل للمركزي ليش ما يوقف البنوك عند حدها لانها السبب الرئيسي في معاناة الموااااطنين حاكمين علينا كنك بسجن ماراح تطلع الا الين تدفع ويشبعون منك وما ظنتي يشبعون ... يعني انا علي قرض قيمته 800 الف ريال قام البنك ورفع الفايده الى 9.75 وانا مادري الفايده حقت القرض مليون و400 الف ريال قطري وسددت لهم اكثر من 500 الف ريال وشيكت عالمديونيه ما نزلت ولا ريال واحد المبلغ ماتغير .. والله العظيم حرااااام عليهم ليوم الدين والله لا يوفقهم دنيا واخره ولا يتهنون بريال واحد وحسبي والله ونعم الوووووكيل .. ووووينك يالمركزي ؟؟؟

[سياتل]

اقول.. ترى للحين ناطر رقم تليفونك عشان اوديك البنك وتشوف القرض الي علي.. والحين ناطر رقم تليفونك عشان ارويك جوازي ..

يا ان في ايادي الشكثر راح تتقطع :)

اعيد طلبي مره ثانيه .. واتمنى انك تكون فعلا رجل قد كلمتك وتقص يدك :nice:

حركاتك قديمه هه

بيتصل لي حد من ربعك عليه قرض وبيروح يطلع شهادة قرض

أما بالنسبه للجواز فاللي على راسه بطحه يحسس عليها ( من كلمك ؟؟ ) ههههههههههههه

أما بالنسبه للرجوله فأنا أرفع نفسي عن الرد عليك :) لأن ردي بيزعلك

وانا ماحب حد يزعل مني ,,

[سياتل]

الله يعين هذا وحنا كم مية الف قطري وفيه ناس تعارض وتتفلسف .. لو كنا ملايين شلي بيصير فينا .. يا جمااااعة الخير عالاقل نبي صوووتنا يوصل للمركزي ليش ما يوقف البنوك عند حدها لانها السبب الرئيسي في معاناة الموااااطنين حاكمين علينا كنك بسجن ماراح تطلع الا الين تدفع ويشبعون منك وما ظنتي يشبعون ... يعني انا علي قرض قيمته 800 الف ريال قام البنك ورفع الفايده الى 9.75 وانا مادري الفايده حقت القرض مليون و400 الف ريال قطري وسددت لهم اكثر من 500 الف ريال وشيكت عالمديونيه ما نزلت ولا ريال واحد المبلغ ماتغير .. والله العظيم حرااااام عليهم ليوم الدين والله لا يوفقهم دنيا واخره ولا يتهنون بريال واحد وحسبي والله ونعم الوووووكيل .. ووووينك يالمركزي ؟؟؟

« دُعَاءٌ لِسَدَادِ الدَّيْنِ وَسِعَةِ الرِّزْقِ بِإِذْنِ اللهِ »

عَنْ عَائِشَةَ رَضِيَ اللهُ عَنْهَا قَالتَ : دَخَلَ عَلَىَّ أَبُو بَكْرٍ الصِّدِّيقُ رَضِيَ اللهُ عَنْهُ فَقَالَ : سَمِعْتُ مِنْ رَسُولِ اللهِ صَلَّى اللهُ عَلَيْهِ وَسَلَّمَ دُعَاءً عَلَّمَنِيهِ ، فَقُلْتُ : مَا هُوَ ؟ قَالَ : كَانَ عِيسَى بْنُ مَرْيَمَ يُعَلِّمُ أَصْحَابَهُ قَالَ : « لَوْ كَانَ عَلى أَحَدِكُمْ جَبَلُ ذَهَبٍ دَيْناً فَدَعَا اللهَ بِذَلِكَ لَقَضَاهُ اللهُ عَنْهُ » : « اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ » قَالَ أَبْو بَكْرٍ رَضِيَ اللهُ عَنْهُ : « فَكُنْتُ أَدْعُو اللهَ بِذَلِكَ ، فَأَتَاني اللهُ بِفَائِدَةٍ فَقُضِيَ عَنِّي دَيْني » .

وَقَاْلت عَائِشَةُ رَضِيَ اللهُ عَنْهَا ، فَكُنْتُ أَدْعُو بِذلِكَ الدُّعَاءِ ، فَمَا لَبِثْتُ إِلَّا يَسِيراً حَتَّى رَزَقَنِيَ اللهُ رِزْقاً مَا هُوَ بِصَدَقَةٍ تُصُدِّقَ بِهَا عَلَيَّ ، وَلا مِيرَاثٍ وَرِثْتُهُ ، فَقَضَى اللهُ عَنْي دَيْنِي ، وَقَسَّمْتُ في أَهْلِي قِسْماً حَسَناً ، وَحَلَّيْتُ ابْنَةَ عَبْدِ الرَّحْمنِ بِثَلاثِ أَوَاقٍ مِنْ وَرِقٍ وَفَضَلَ لَنَا فَضْلٌ حَسَنٌ » .

أخرجه البزار والحاكم والأصبهاني ، وقال الحاكم صحيح الإسناد

وَقَالَ النَّبِيُّ صَلَّى اللهُ عَلَيْهِ وَسَلَّمَ : « يَا مُعَاذُ أَلا أُعَلِّمُكَ دُعَاءً تَدْعُو بِهِ ، لَوْ كَانَ عَلَيْكَ مِنَ الدَّيْنِ مِثْلُ صبِيرٍ (1) أَدَّاهُ اللهُ عَنْكَ ، فَادْعُ اللهَ ، يَا مُعَاذُ « قُلِ اللَّهُمَّ مَالِكَ المُلْكِ تُؤْتِي المُلْكَ مَنْ تَشَاءُ وَتَنْزِعُ المُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلى كُلِّ شَيْءٍ قَدِيرٌ « تُولِجُ اللَّيْلَ في النَّهَارِ وَتُولِجُ النَّهَارَ في اللَّيْلِ وَتُخْرِجُ الْحَيَّ مِنَ المَيِّتِ وَتُخْرِجُ المَيِّتَ مِنَ الحَيِّ وَتَرْزِقُ مَنْ تَشَاءُ بِغَيْرِ حِسَابٍ » رَحْمنَ الدُّنْيَا وَالآخِرَةِ وَرِحِيمَهُمَا تُعْطِي مَنْ تَشَاءُ مِنْهَا وَتَمْنَعُ مَنْ تَشَاءُ ، ارْحَمْني رَحْمَةً تُغْنِيني بِهَا عَنْ رَحْمَةِ مَنْ سِوَاكَ » .

[ودي أكون]

حركاتك قديمه هه

بيتصل لي حد من ربعك عليه قرض وبيروح يطلع شهادة قرض

أما بالنسبه للجواز فاللي على راسه بطحه يحسس عليها ( من كلمك ؟؟ ) ههههههههههههه

أما بالنسبه للرجوله فأنا أرفع نفسي عن الرد عليك :) لأن ردي بيزعلك

وانا ماحب حد يزعل مني ,,

لا تزعله وعطه يقرض ظفرك :tease:

احنا اخوان ماله داعي كل واحد يقط كلام عالثاني ..

وماظنه يقصدها ويفكر يسويها لان احنا بني ادميين مو غجر ..

وانت بسك لا تتحرش فيه لان ان قص يدك ترا مابنفزع لك :tease:



اعقلوا والا:anger1:






بتضحكون الناس عليكم :shy:

[SASAS]

إذا في مكرمة أميرية فأتمنى أن تكون لجميع القطريين من عمر (20-50):
1) مبلغ مادي يحول لحساب البنك مباشرة ( من 200,000 فأعلى )
أو على الأقل
دفع فوائد البنوك كاملة لحين انتهاء القرض الأساسي ولمرة واحدة للمواطنين جميعاً
اعتقد أن هذا هو العدل
تحياتي

[مرتبش]

خلاص عن لاحد يقول حسد وحقد
كل شخص مديون يندفع له دينه لحد مليون ريال
وكل شخص ماعليه دين له مليون كاش في حسابه

للرجال فقط فوق ال 18.. حوالي 40 الف مواطن. تقدر تقول 4 شبكات من شلة ايه ار تي

[سياتل]

لو يحطون في حساب كل مواطن 500.000 ريال تسديد ديون

مثلاً :-

اللي دينه أقل من هالمبلغ بيكون له الباقي لتحسين الاوضاع

واللي دينه أكثر بيكون طاح نص دينه ونص ارباحه

واللي ماعليه دين تعتبر له تحسين اوضاع وعليه بالعافيه

لو قلنا أن عدد المواطنين الذين يعملون ومسجلين في وزارة العمل 500,000 نسمه

مع اني ماعتقد يوصل هالعدد

راح يكون مجموع المبلغ اللي بيدخل في حسابهم 250,000,000,000

ماعتقد أن هالمبلغ وايد على أهل قطر

[Realistic]

حركاتك قديمه هه

بيتصل لي حد من ربعك عليه قرض وبيروح يطلع شهادة قرض

أما بالنسبه للجواز فاللي على راسه بطحه يحسس عليها ( من كلمك ؟؟ ) ههههههههههههه

أما بالنسبه للرجوله فأنا أرفع نفسي عن الرد عليك :) لأن ردي بيزعلك

وانا ماحب حد يزعل مني ,,



جي تفكيرك ؟ ماقول غير يحليلك .. واسمحلي اني تناقشت معاك :)

[سياتل]

مسموح ياحلو :)

[ولد النواخذه]

ماشالله في أفكار جدا طموحه بس هل بنشوف ايا منها:nice:

[qatari1]

دا حلمنا طول عمرنا..دين يسدونه عننا!

يا أخوان عليكم بكثرة الاستغفار والدعاء إلى الله عز وجل، وقبل ذلك الابتعاد عن القروض والأقساط وخاصة الربوية منها.

وخلكم من الكلام اللي لا يودي ولا يجيب، وتعلموا ما تكونون عالة على الدولة في كل شيء!

[bluelion]

أحلام وردية ... أرجع وأكرر...

اللي عليه دين ما راح يسدده حد غيره، والدين ما ينزل بدفع الأقساط الشهرية... لازم تجمع مبلغ وتسدد مبالغ كبيرة.

[fzaa_qatar]

« دُعَاءٌ لِسَدَادِ الدَّيْنِ وَسِعَةِ الرِّزْقِ بِإِذْنِ اللهِ »

عَنْ عَائِشَةَ رَضِيَ اللهُ عَنْهَا قَالتَ : دَخَلَ عَلَىَّ أَبُو بَكْرٍ الصِّدِّيقُ رَضِيَ اللهُ عَنْهُ فَقَالَ : سَمِعْتُ مِنْ رَسُولِ اللهِ صَلَّى اللهُ عَلَيْهِ وَسَلَّمَ دُعَاءً عَلَّمَنِيهِ ، فَقُلْتُ : مَا هُوَ ؟ قَالَ : كَانَ عِيسَى بْنُ مَرْيَمَ يُعَلِّمُ أَصْحَابَهُ قَالَ : « لَوْ كَانَ عَلى أَحَدِكُمْ جَبَلُ ذَهَبٍ دَيْناً فَدَعَا اللهَ بِذَلِكَ لَقَضَاهُ اللهُ عَنْهُ » : « اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ » قَالَ أَبْو بَكْرٍ رَضِيَ اللهُ عَنْهُ : « فَكُنْتُ أَدْعُو اللهَ بِذَلِكَ ، فَأَتَاني اللهُ بِفَائِدَةٍ فَقُضِيَ عَنِّي دَيْني » .

وَقَاْلت عَائِشَةُ رَضِيَ اللهُ عَنْهَا ، فَكُنْتُ أَدْعُو بِذلِكَ الدُّعَاءِ ، فَمَا لَبِثْتُ إِلَّا يَسِيراً حَتَّى رَزَقَنِيَ اللهُ رِزْقاً مَا هُوَ بِصَدَقَةٍ تُصُدِّقَ بِهَا عَلَيَّ ، وَلا مِيرَاثٍ وَرِثْتُهُ ، فَقَضَى اللهُ عَنْي دَيْنِي ، وَقَسَّمْتُ في أَهْلِي قِسْماً حَسَناً ، وَحَلَّيْتُ ابْنَةَ عَبْدِ الرَّحْمنِ بِثَلاثِ أَوَاقٍ مِنْ وَرِقٍ وَفَضَلَ لَنَا فَضْلٌ حَسَنٌ » .

أخرجه البزار والحاكم والأصبهاني ، وقال الحاكم صحيح الإسناد

وَقَالَ النَّبِيُّ صَلَّى اللهُ عَلَيْهِ وَسَلَّمَ : « يَا مُعَاذُ أَلا أُعَلِّمُكَ دُعَاءً تَدْعُو بِهِ ، لَوْ كَانَ عَلَيْكَ مِنَ الدَّيْنِ مِثْلُ صبِيرٍ (1) أَدَّاهُ اللهُ عَنْكَ ، فَادْعُ اللهَ ، يَا مُعَاذُ « قُلِ اللَّهُمَّ مَالِكَ المُلْكِ تُؤْتِي المُلْكَ مَنْ تَشَاءُ وَتَنْزِعُ المُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلى كُلِّ شَيْءٍ قَدِيرٌ « تُولِجُ اللَّيْلَ في النَّهَارِ وَتُولِجُ النَّهَارَ في اللَّيْلِ وَتُخْرِجُ الْحَيَّ مِنَ المَيِّتِ وَتُخْرِجُ المَيِّتَ مِنَ الحَيِّ وَتَرْزِقُ مَنْ تَشَاءُ بِغَيْرِ حِسَابٍ » رَحْمنَ الدُّنْيَا وَالآخِرَةِ وَرِحِيمَهُمَا تُعْطِي مَنْ تَشَاءُ مِنْهَا وَتَمْنَعُ مَنْ تَشَاءُ ، ارْحَمْني رَحْمَةً تُغْنِيني بِهَا عَنْ رَحْمَةِ مَنْ سِوَاكَ » .


كثر الله من امثالك ياخوي وجزاك الله خير الجزاء وفعلا الواحد ماله غير رحمن الدنيا والاخره

[براتزية برازيلية]

الله يعين

[العلم الوكاد]

خلهم بس يسوونها

او حتى يدفعون اصل القروض ويفكون الناس من الفوائد

وكل واحد يرد المبلغ اللي اندفع عليه بس من غير فوائد

وذاك الوقت يشرطون براحتهم

[unless]

( Realistic ) الواقعية
هي ترجمة الاسم المستعار للعضو اعلاه
فلو تذكرنا ان كل اسم مستعار ذا معنى لصاحبه
فما راح نتعب في تفسير ردود العضو اعلاه على
الموضوع والتي لم تكون بعيدة عن الواقعية
مع احترامي تقديري للجميع..

[The Watcher]

اعتقد الحين كملنا 10 سنين واحنا نتكلم عن موضوع اسقاط الديون

عالعموم يعطيك العافية على الاقتراح

[Nasser2006]

اخوي ليش الدوله تسدد قروض المواطنين ؟

حد غصب المواطن على انه يتسلف؟
المواطن تسلف برضاه .. والمفروظ انه على درايه تامه بتبعات هالسلفيه .. فلازم هو الي يتحملها

انا بعد علي سلفيه ( وانشالله بتخلص على بداية 2011) بس ماطالبت الحكومه انها تسدد عني


يعني انا اتسلف.. والعب في الفلوس.. وتجي الحكومه تسدد ؟ تشوف ان هذا من العدل او شيء معقول؟


هلا أخوي كل واحد وظروفه ، فيه ناس يتسلفون علشان يشترون بيت العمر يضيف على مبلغ بنك التنمية 1200000 يضيف 900 الف ريال شوي من عنده وشوي من هله وشوي من الاسهم علشان الواحد يشتري له بيت العمر ،مب هاي فئة من الناس مظلومة؟؟؟؟؟؟

والا لا؟؟؟

[الصحراء]

هلا أخوي كل واحد وظروفه ، فيه ناس يتسلفون علشان يشترون بيت العمر يضيف على مبلغ بنك التنمية 1200000 يضيف 900 الف ريال شوي من عنده وشوي من هله وشوي من الاسهم علشان الواحد يشتري له بيت العمر ،مب هاي فئة من الناس مظلومة؟؟؟؟؟؟

والا لا؟؟؟


فعلاً حتى بنك التنمية طلع له عضلات وصار ينافس البنوك العادية في القروض والفوائد يمنح المواطن المسمى مواطن بقرض بدون ارض مبلغ 1.2 مليون وبفوائد 370.000 ريال ومايشوف المواطن نفسه الا وهو مديون لبنك التنمية بمبلغ ضخم يقارب ال 1.570.000 مليون ريال ويقعد يقسط مدى الحياة (35 سنة )

[Arab!an]

اللي يسأل ليش نطالب الحكومة بدفع الدين .. اولا لآنها تدخلت لتصحيح اوضاع بعض من تأثر بالظروف الاقتصادية .. سواء بنوك او غيرها

مع العلم ان هناك مساكين تأثروا وخسروا حلالهم ومالهم ومع ذلك "محد فزع لهم" ..

وتدخلت الدولة لتصحيح قوانين البنوك ولم تتدخل لتصحيح آثارها على المواطن ..


وانا اقول ان المواطن تجرأ على هذا الطلب عندما اصبح يرى المليارات التي له حق فيها وهي تصرف هنا وهناك ويستفيد منها البعض دون البعض .. عندما يرى المواطن ما يجري حوله يشعر بالغبن وبأنه (ولد البطة السودا)

هذي الحقيقة .. تقبلوها بشكلها الصريح


وانا اقول ان الوضع اللي نمر فيه هو وضع استثنائي نتيجة ظروف استثنائية وبحاجة الى وقفة استثنائية ..

لا نحتاج في هذا الى قانون .. ولن نقول مكرمة

ولكنه في هذا الوقت وفي هذه الظروف اصبح حق للمواطن وواجب على الحكومة .. الا ان يتغير الوضع ويصبح طبيعي .. عندها لن نطالب بهكذا طلبات

[بسبس]

مقترح من وجه نظري ++حل لأزمة ديون المواطنين :

يجب على المواطن تحمل جزء من المديونية والدولة تسدد (فوائد البنك)

لا تنسون أن الشعب القطري يعاني من مشكلة غلا المعيشة ، وظروف الفرد تختلف من فرد لي آخر.

لو تطرقنا لأسباب أخذ القروض لعجز الكل من المشاركة:weeping:

تذكيـر: عن أبي هريرة رضي الله عنه قال : قال رسول الله صلى الله عليه وسلم :

من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسّر على معسر ، يسّر الله عليه في الدنيا والآخرة ،ومن ستر مؤمنا ستره الله في الدين والآخرة ، والله في عون العبد ما كان العبد في عون أخيه ، ومن سلك طريقا يلتمس فيه علما ، سهل الله له به طريقا إلى الجنة ، وما اجتمع قوم في بيت من بيوت الله يتلون كتاب الله ويتدارسونه بينهم ، لا نزلت عليهم السكينة ، وغشيتهم الرحمة ، وحفتهم الملائكة ، وذكرهم الله فيمن عنده ، ومن بطّأ به عمله ، لم يسرع به نسبه ) رواه مسلم

وشكراً تقبل مروري.