عندي امتحان ايلز :(

[هدوء العاصفة]

اخواني واخواتي اللي اخذ امتحان الايلتز ياليت يقول لنا عن تجربته وشلون استعد له وشنو اهم الامور اللي بيسالونه وبتجيه في الامتحان جزاكم الله خيييير ياااارب ......

[ذكي جدااا]

اربع اختبارات بالنسبه لاختبار التحدث والاستمااع ما يبي له تحضير انا شخصيا حضرت مواضيع كثيره للتحدث لكن للاسف سأني سؤال ايش رايك بالتجارة العالميه ؟؟؟؟ هذا اشلون اجاوبه ؟؟؟؟؟ على العموم باقي اختبار الكتاااااااابه هو اللي راح يرفع درجاتك لانك لازم تكتب حسب منهجيه وطريقه صحيحه والاختبار الاخير القراءة يبي لك سرعه بالعربي الفصيح لازم تتدرب على القراءه والكتاابه ممكن تسجل بالمجلس البريطااني دوره واذا ما تبي دوره بالعاااده يسوون وورك شوب يوم الخميس يعلمونك كل شي ب 300 ريااال بالتوفيييق انشاااء

[khaleeji]

صحيح وانا اخذته مرتين جبت6
بالنسبة للريدنج الوقت مايكفي لقراءة القطعه كامله لازم تتدرب على البحث عن الاجابه وهي عادة ماتكون نفس الكلمه بل تكون كلمه مرادفه.ويجب قراءة تعليمات السؤال بدقه.

السبكنج جاوب على السؤال بالتحديد مع اعطاء تفاصيل زايده ولاتجاوب وتسكت لان القصد منه يشوفون مدى قدرتك على المحادثه.واذا ما عنك شي تقوله اخترع قصه من عندك .

الرايتنج عندك تاسك ون وتاسك تو .الاولى تحليل اما رسم بياني او جدول او عملية على الاقل 150 كلمه وشرحك لازم يكون بدون طرح وجهة نظرك بس يكون facts.الجزء الثاني على الاقل 250 كلمه واحس طريقه تحط اربع نقاط رئيسية وتتكلم عنها بعض هذه النقاط مؤيده وبعضها ضد . ويكون فيه مقدمه وخاتمه للموضوع

اللسننج عاد مايشغلونه الا مره وحده وركز لا يفوتك شي واذا فاتك انسى والحق على الباقي وبالنسبه لي كان اسهل جزء جبت فيه 7.5 فيه جزء منه قطعه وفراغات المهم تراهم مايقرون القطعه بالضبط بيقرا زياده وشوي بيذكر شي في الفراغ يعني لازم تقرا الكلام اللي قبل الفراغ وتركز على اللي يقوله وتصيد الكلمه عاد ان شاء الله يكون شرحي واضح

وهذا الموقع بيفيدك ان شاء الله وبالتوفيق للجميع www.ielts-exam.net

[الحره]

روحي ادرسي شمقعدج فالمنتدى

[alrheeb2020]

جزاكم الله خير اخوي ذكي جدا و الخليجي على المساعده ..

والله يوفقج فالامتحان اختي

[khalid-qtr]

امتحان مش صعب لكن مشكلتة الوقت لازم تكونين سريعة وتركز خاصة بالسمع والريدنج اقري زبدة السؤال ودوري الاجابة من زبدة السؤال ونقطة مهمة اذا ماعرفتي اجابة سؤال روحي حق الي بعدة وعلى فكرة الاجابت دوم تكون متتالية يعني مستحيل تحصلين اجابة السوال الثاني قبل الاول

الله يوفقك :victory:

[بندرصالحي]

بالتوفيق ان شاء الله

[هدوء العاصفة]

جزاكم الله خير جميعا

[Gh2o]

الله يوفقج اختي امس نزلت بس شار المنتدى ونسيت اكتبه من جديد
بخصوص الامتحان كلام الاخ خليجي صح ميه بالميه والموضوع تكنيك ولازم تاخذين الحذر باللسننغ واذا طافج سؤال خليه وتابعي مع الشريط وان شاء الله يكون سهل
انا الحمد لله من اول امتحان يبت ٦.٥

[ورقــة أمــل]

الله يوفقج في الامتحان يارررب