تسجيل الدخول

مشاهدة النسخة كاملة : :::يوميات عليان:::متسند على سور الصين:::احم


The Master
03-12-2009, 08:52 PM
احم احم ثم احم...

الااااااان وبعد طووووول انتظاااار نعوووود اليكم...(اشفيه مقدم برنامج ارحم حالك بس...احم)

ارحبوا ارحبوا...

يالله حيهم...
اليوم ان شاء الله نرجع ليوميات عليان...وهذا يعتبر الجزء السادس...
بما ان في قبله 5...نحطهم لكم للتذكير ولمن يبغي يقراهم...

"يوم النحس العالمي" (http://www.qatarshares.com/vb/showthread.php?t=284465)

http://www.qatarshares.com/vb/showthread.php?t=285775

"متفرقات ومواقف" (http://www.qatarshares.com/vb/showthread.php?t=289718&highlight=%ED%E6%E3%ED%C7%CA+%DA%E1%ED%C7%E4)

"يوم من رمضان" (http://www.qatarshares.com/vb/showthread.php?t=299042&highlight=%ED%E6%E3%ED%C7%CA+%DA%E1%ED%C7%E4)

"يوم العيد" (http://www.qatarshares.com/vb/showthread.php?t=302368&highlight=%ED%E6%E3%ED%C7%CA+%DA%E1%ED%C7%E4)




المهم...
اليوم...هي يومية من يومياتي...لكنها غير...
هالمره في الصين...(اسحببببببب)...
لا ووين...في سور الصين...وشو بعد...متسند عليه...(اوش اوش...احم)
ومدعوم بالصور...(الله يشافيه يارب...عسى ماتعور بس...احم)

نعطيكم نبذه...

http://ae7m.com/blog/wp-content/uploads/2009/12/DSC00073.JPG

سنة 2005 انا و 2 من الربع خططنا على الصين...ها يبيله...قالوا يبيله...ها رخيصه...اي رخيصه...اجل ما بدهاش...(ضروووووس)...

لا وايامها كنت عزوووبي...توني قطو مغمض...(اي هين...احم)

ماعلينا...وحنا في مدينه(تزذغثبلدمثنربز) بالصيني الله يسلمكم...(ابد مايعرف يكذب...)
كان بودي اشوف سور الصين...وكان يبعد عنا مسافة 3 ساعات بالقطار...الربع...ها يالله نحجز بكره نروح...استريح زين...ماعندك سالفه...اذا تبغي روح لحالك...طيب باخذ المترجم معاي...حلااااالك...من زينه...مايعرف الا اذا رحنا مطعم يطلب معانا ويعزم ربعه...والحساب علينا..احم

المهم رحنا انا والمترجم الصباح الباكر...للمحطه وركبنا القطار وكان جيد...
بس تاخير ما تاخير وسالفه ومادري من مسوي اضراب...(طبعا قراده)...وصلنا على العصر هناك...
طيب يالله على السور قبل الليل عشان نرجع...قال لي المترجم...اعشق الراحه...افا ليه...سور الصين اذا بتروح له لازم من الصباح الباكر...والحين مايدخلونك...افااااا....اشلووون...قال لي اي عشان التلفريك وغيره...

طيب وش الحيله الحين...(حلوه الحيله...لا وحق صيني...احم)...قال لي في كهف هنا يركبونك طراد ويمشونك فيه...وهالكهف اللي فيه اشكال ناس وحيوانات من داخل...كا مجسمات مستويه ومنحوته من الله...
وبكره نروح سور الصين...
قلت له يالله مو مشكله...

المهم...
وصلنا الكهف وهذي بوابته...

http://ae7m.com/blog/wp-content/uploads/2009/12/DSC00075.JPG

الكهف من داخل درجة حرارته تقريبا 5 ال 10 تحت الصفر...فا يلبسونك جاكيت...ويركبونك طراد...
والمتحدث كان صيني...؟؟!!! (رقع)...طيب انا وش افهم...اكلم المترجم...يسوي له بصبعه يعني ششش ماتشوف الرجال يتكلم...في قلبي مادري احذفك في ذا الماي البارد...يا بوعيون مشخطه...احم...امحق مترجم...مب لله الشباب معطيني اياك...مامنك فايده...

http://ae7m.com/blog/wp-content/uploads/2009/12/DSC00077.JPG

المهم تفضلوا وشوفوا الصور...
بس عشان ارقع حق عمري...
التصوير كله بكيمرة جوال
سوني اريكسون K750 سنة 2005 وكان 2 ميقا بيكسل...
فا على قده المسكين...احم...لكن انا اشهد انه جوال...
http://ae7m.com/blog/wp-content/uploads/2009/12/DSC00078.JPG

http://ae7m.com/blog/wp-content/uploads/2009/12/DSC00081.JPG

http://ae7m.com/blog/wp-content/uploads/2009/12/DSC00082.JPG

ها لا حظتوا المجسمات كيف صايره...(خوفي يبين شي اصلا...احم)

هنا لازم نمر من تحت...فا لازم تدنع...

http://ae7m.com/blog/wp-content/uploads/2009/12/DSC00085.JPG

المهم كانت الرحله طيبه...
ورحنا ندور فندق حق ليله لبكره...
وعينا فندق وكان المغرب...

صليت وانبطحت على السرير...والمترجم متابع التلفزيون...الصيني...

حسيت اني مب صاحي...جسمي متكسر...قلت يمكن لاني تحركت واجد اليوم...بس كنت احس بسخونه...قلت اشدخل هذا وسواس ومافيني الا العافيه...شوي والا احس اني بردان...لا اله الا الله...شسالفه...المترجم لاحظ اني متلحف وملتوي...جا وشيك على راسي طلعت مسخن...
شفته يتلفت...شوي والا يطلع بسرعه...قلت بل...ليكون شرد...اي والله...تلقاه قال توه صاحي...كيف جاته السخونه مره وحده...فا قال شكله بيموت...خلني احط رجلي...احم

شوي والا اسمع الباب يفتح...وانا منهد حيلي ماقدر اتحرك...والا اشوف المترجم...وبيده كلك ماي...قال لي انبطح على ظهرك...
والا اشوفه مغطس في الكلك ثلج ومطلع منها كماده...قلت يحليله والله...ضلمته...احم
ومسكين تم معاي حول الساعه ونص...يحط ويشيل...ويقلب وعدل...ماقصر صراحه...وكنا نسولف...ودخلت معاه في سوالف عن حرب الصين مع اليابان وغيره...(احم)...والحمدلله خفت السخونه وعطاني حبوب مضاد حيوي...ترتيب...ثاني يوم كنت طيب الحمدلله...(بس مادري وش سالفتها هالسخونه...تجيني لحد الحين...تضرب وتروح...احم)...

المهم جا باكر...وطلعنا الصبح الباكر...

وكان هذا عند المدخل
اهم شي الحمام...

http://ae7m.com/blog/wp-content/uploads/2009/12/DSC00119.JPG





وهذا دليل اني هناك...احم
http://ae7m.com/blog/wp-content/uploads/2009/12/DSC00120.jpg





وهالبيت كان موجود هناك...قصر...

http://ae7m.com/blog/wp-content/uploads/2009/12/DSC00089.JPG





وهذي بداية سور الصين من البحر...(بحر الصين)

http://ae7m.com/blog/wp-content/uploads/2009/12/DSC00091.JPG





وهذي صورته من بعيد...
http://ae7m.com/blog/wp-content/uploads/2009/12/DSC00092.JPG




وهذا دليل اني كنت هناك...احم...وهذا هو حجر الاساس للسور...،اسمه بالصيني...(لونق لونق تو)...لحد ينسى براطمه بره بس...احم

http://ae7m.com/blog/wp-content/uploads/2009/12/DSC00093.jpg





وهنا المترجم حلف علي الا يصور معاي...للذكرى...(حبني الولد...احم)

http://ae7m.com/blog/wp-content/uploads/2009/12/DSC00100.jpg




صورة ثانيه لبيت من البيوت موجوده هناك...او القصور...مب متذكر والله...من 4 سنين...(نرقع)

http://ae7m.com/blog/wp-content/uploads/2009/12/DSC00102.JPG




وعلى ما اعتقد ان هذا هو اللي طلب ببناء السور...بس ليه...ما اذكر بالضبط...لكن كان في كلام على اساس ضد الاوروبيين...الاستعمار...
طبعا مخلدين ذكراه...واتوقع انهم يعبدونه...

http://ae7m.com/blog/wp-content/uploads/2009/12/DSC00109.JPG
من وجهه يبين انه شديد ها...احم





وهذي كنها المدام...(اوش اوش)احم

http://ae7m.com/blog/wp-content/uploads/2009/12/DSC00110.JPG





احم...هالصوره انا كنت اداعب الحارس...واوريكم طوله...لانه مب هين...(ماضن انه كان صدق هذا طوله...اتوقع اقصر...لان انا طولي 190سم فا ماضن...ولا يمكن بعد ليش لا...دامهم بنوا هالسور...)

http://ae7m.com/blog/wp-content/uploads/2009/12/DSC00117.jpg






وفي هالصوره...احتر مني المترجم وقال باقط وجهي...عاد فريت الكاب اني ستايل...اخرتها كني شسمه...احم

http://ae7m.com/blog/wp-content/uploads/2009/12/DSC00118.jpg





هنا كنا مارين رايحين صوب التلفريك عشان يطلعنا قمة الجبل...لان السور كان مبني على الجبال...يعني على قمة حدود الجبال...بجد سبحان ربي...كيف بنوه...تحفه معماريه...والحجر مب صغير...

هالصوره كان فيه شوية ضباب...وعجبني المنظر ورى...بس الدعله المترجب ماصور عدل...احم

http://ae7m.com/blog/wp-content/uploads/2009/12/DSC00123.jpg






وصلنا مكان التلفريك...وكل تلفريك مايشيل الا شخصين...فا انا والمترجم...وانا من النوع اللي يخاف من الاماكن المرتفعه...شوفوا المنظر...خاصه ان القاع حق التلفريك قزاااااز...

http://ae7m.com/blog/wp-content/uploads/2009/12/DSC00124.JPG








شوفوا صور التفريك اللي راجع وين وحنا وين...هم تحت وحنا فوق...لما سألت المترجم كم ارتفاع الجبل...قال لي 800 متر..قلت له شنوووووووو...وطبعا في وقت سؤالي كنا في قمة الجبل...

http://ae7m.com/blog/wp-content/uploads/2009/12/DSC00131.JPG






طبعا انا انهد حيلي...والحمدلله وصلنا القمة...عقب ربع ساعه في التلفريك...يعني ربع ساعه رعب...

طبعا الحين تتمشى...وتنزل من القمة شوي شوي...وفي مناظر ومعابد وغيره...وطبعا السور...وغيره....



بينما كنا نتمشى شفت هالنحت...

http://ae7m.com/blog/wp-content/uploads/2009/12/DSC00127.jpg

اللي لابس نفسي ترا مب انا...احم...
ولا انه يقلد النحت...احم(مشكله الخبال)







وهنا قاعد اهمز الشايب...نفس اللي واقف...(راعي واجب)
http://ae7m.com/blog/wp-content/uploads/2009/12/DSC00130.jpg




المهم قعدنا حول ساعه ونص نحوس...وصلنا مكان التفلريك اللي يرجعك...طبعا هذا ارتفاعه اقل من اللي قبل...فا مافي مشاكل...

وصلنا المكان اللي بنركب فيه...تخيلوا وش شفت...
التلفريك يجي من بره ويلف داخل المحطه وهو طالع بره...
طيب كيف شكله التلفريك..؟؟
عاده يجيك مغطى...ومسكر وله باب..صح؟
تتوقعون هذا كيف شكله؟؟؟
شفتوا المرجيحه...ولها كرسيين...ومفتوحه من كل مكان...
اللهم كرسي لك واللي جنبك...وحاطين حق رجولك شي تحط رجلك عليه...
طيب كيف نركب الحين؟؟؟
التلفريك مايوقف....على سنته...طيب كيف اركب؟؟؟
تعطيه ظهرك...ولما يقرب تركض...واول مايجي حذاك تمسك الحديده في الجنب وتحط رجولك على مكان الرجل...وتنقز وتحط شمسه على المقعده...!!!
(طيب افرض اني زلق...طحت...انشلخت...)لا لا عادي مايصير...احم

المشكله مافي الا هالحركه عشان تنزل...
قلت يالله امرنا لله...
والله وركبنا...وطلع الكرسي يرجع على ورا لما تركب...في يعني سيفتي ...احم
بس كان منظر مب طبييييييعي...عجيييب صراحه...
تمر بين الشجر وتكون تحتك وخلالهم...والهوا من كل صوب...شي شي...ترتوب...

المهم وصلنا تحت...
فا خذت هالصور...




صوره للسور
http://ae7m.com/blog/wp-content/uploads/2009/12/DSC00132.JPG







وهذي اني كيوت...قاعد...احم...(اوب اوب)

http://ae7m.com/blog/wp-content/uploads/2009/12/DSC00136.jpg







وطبعا هذي وهي ختام اليوميه...وهي عنوان الموضوع...



اني متسند على سور الصين...

http://ae7m.com/blog/wp-content/uploads/2009/12/china.JPG


اتمنى الموضوع والقصه والالقاء اعجبكم...

وابشروا بالجديد ان شاء الله...من يوميات...

ولاهنتوا...
حليتان*
03-12-2009, 08:55 PM
عجيب الموضوع

والقاء رائع


تسلم يا عليان
alrheeb2020
03-12-2009, 09:24 PM
[quote]وفي هالصوره...احتر مني المترجم وقال باقط وجهي...عاد فريت الكاب اني ستايل...اخرتها كني شسمه...احم


http://ae7m.com/blog/wp-content/uploads/2009/12/DSC00118.jpg


هههه التعليق عجبني .. ههاااي :tease:

يعطيك العافيه عالتقرير الحلو ما شاء الله عليك خبرة كتابه ^^

واللي يعجبني في كل موضوع تكتبه كلمة احم احم :shy:
..er..
03-12-2009, 09:55 PM
لاتقول اصلع ههههه


صراحه سفره عجيبه


والله يبيلها


عليان لاهنت ع التقرير


ترى الماستر ماني معترف فيه كثر ماني معترف بـ عليان هههه
Mozanee
04-12-2009, 12:28 AM
لا لا بصراحة كلش مب شي














عيل تخليني أضحك لين اللي يمي انزعجوا ولا سالفة التلفريك اللي تركض له والله ذل ,, والصيني المترجم

طلع ولد حلال وعليه مرضك ,,, والمغارة جفت مثلها في لبنان اسمها مغارة اجعيته ,,, نفس الفكرة ,,,

وأنت حظك كل بروحك محد يحب يكتشف الا اخونا عليان ,,,, والصور حلوة وايد أما التعليق احلى واحلى

ويعطيك العافية ولا تحرمنا من مواضيعك المميزة
هدهد سليمان
04-12-2009, 12:42 AM
ما شاء الله شي طيب .. امتعتنا بالصور وان شاء الله يوفقك ربي بالدراسه
ملاذ الروح
04-12-2009, 12:46 AM
والله الماستر ، خطير بالتعبير ويندمج معاه الواحد ، بس ما ادري حسيت اني متضايقة لانك صورت
التماثيل وخاصه وانه من عادتهم عبادة بعضها ...ولا تزعل مني اخوي هاي كانت مجرد ملاحظه
doha1
04-12-2009, 01:43 AM
رووووووووووووووووووووعه اليومياااااااااااااااااااااااااااااااااااااااااااا ااات

بصراحه جوله ممتعه فالصين


شغل عدل تسلم يدك يالشيخ وعساك ع القوه
The Master
04-12-2009, 07:29 AM
عجيب الموضوع

والقاء رائع


تسلم يا عليان

هلا ومرحب amaf535
تشكر على المرور...
العجيب في تواصلك الجميل...
الحمدلله اعجبكم...ومن قال سالم...

يامرحبا بك
ولاهنت على المرور خيو
شجرة الدر
04-12-2009, 10:15 AM
ماشاء الله امتعتنا بالصور وبالتعليقات ،،

والجوله ووايد حلوه،،

يعطيك العافيه اخوي ،،
بوعلي2
04-12-2009, 10:23 AM
بصراحه ابدعت بالصور والتعليق

شموديك سور الصين سنه 2004 الظاهر شفنا بعض هناك ذيك السنيين :telephone: :shy:


مواضيعك دايما مميزه ولاتحرمنا منها ومن تعليقاتك الطيبه :victory:
شويهينــه
04-12-2009, 03:03 PM
احم احم

وصلنا الصين اوب اوب >>>> ماتقلد ابد

تشنغ هنج بونغ

عساك عالقوه
The Master
05-12-2009, 07:17 AM
[quote]وفي هالصوره...احتر مني المترجم وقال باقط وجهي...عاد فريت الكاب اني ستايل...اخرتها كني شسمه...احم


http://ae7m.com/blog/wp-content/uploads/2009/12/DSC00118.jpg


هههه التعليق عجبني .. ههاااي :tease:

يعطيك العافيه عالتقرير الحلو ما شاء الله عليك خبرة كتابه ^^

واللي يعجبني في كل موضوع تكتبه كلمة احم احم :shy:

يالله حيهم بالرياني...
اهم شي اعجبك...عارف ليه اعجبك...احم...لا وشوف الضحكه بعد...ههاااي...احم...اشكره عيني عينك...كاااش...ماعلينا شنسوي...ماعرفت الا لما شفت الصوره...قلت احم..

ويعافيك يارب...واهم شي استمتعت بالقرآئه...واستفدت شي حق سفرتك هناك...احم
واذا جات على الكتابه..ياخوي مايبغي لها تعلوم...الكل مبدع والكل عنده حس فني...لكن هداهم الله ربعنا يحبون الكلمتين وبدون نقاش...وسكر الموضوع...يعني التريييح...

اشعنددددددده اللي تعجبه كلمة احم....اخجلتني بصراحه...(اي هين..احم)

يا مرحبا بك
ولاهنت على الطله الحلوه خيووو
The Master
05-12-2009, 07:23 AM
لاتقول اصلع ههههه


صراحه سفره عجيبه


والله يبيلها


عليان لاهنت ع التقرير


ترى الماستر ماني معترف فيه كثر ماني معترف بـ عليان هههه

يالله حيهم ب ..er.. (مالقيت نك نيم اطول من هذا...احم)

تهقى اصلع...احم....استر على ما واجهت يا ولد...احم
لا....بس يابالفيت اني مخفف...خبرك كان صيف...وقلت يبيله تكون ستايل...فا هذا هو...احم

هي عجيبه عجيبه...ورخيصه...مافيها مصاريف واجد...
ونصيحه لرحت...شوف الاشيا اللي مش موجوده في الدوحه ومرها...
وشوفها واكتشفها...مب مثل ربعنا...لسافروا مكان...
يقعدون في الفندق...في القهوة...في السوق...ويرجعون...
طيب والبلاد اللي رحتوها وش شفتوا فيها؟؟؟ولا شي...

فا يبيله يبيله...وخل عندك حس المغامره...(اشفييييييه الخطير..اخرتها الخرعه ماتعوق عنده...احم)

ولا انت يالشيخ...
براحتك ياخوي...مامن فرق...كلهم وجهين لعملة واحدة(اسحببببببببب)

يا مرحبا بك
ولا هنت على المرور الطيب
The Master
05-12-2009, 08:11 AM
لا لا بصراحة كلش مب شي














عيل تخليني أضحك لين اللي يمي انزعجوا ولا سالفة التلفريك اللي تركض له والله ذل ,, والصيني المترجم

طلع ولد حلال وعليه مرضك ,,, والمغارة جفت مثلها في لبنان اسمها مغارة اجعيته ,,, نفس الفكرة ,,,

وأنت حظك كل بروحك محد يحب يكتشف الا اخونا عليان ,,,, والصور حلوة وايد أما التعليق احلى واحلى

ويعطيك العافية ولا تحرمنا من مواضيعك المميزة

هلا ومرحب اختي موزاني...
زين اللي مداك ترقعين...ولا صارت علوم...احم

عسى الضحكة دوم ماتفارق محياك...والله يسعدك دنيا واخره يارب...

ذل؟؟؟؟ الا شقى والله...ماتتخيلين الموقف...الا لما تكونين هناك...صدق رعب...الحمدلله ربي الحافظ....

والمترجم...اي كانت فيه انسانيه...احم

المغاره...قصدك الكهف...اها توني داري...ان موجوده في لبنان...شي طيب...

شنسوي...ماقد رحت مع ناس حركيين...ومعروفين هل قطر...غرامهم الترييييييح...والتفهي...احم

الحمدلله انها اعجبتك...ومن ذوقك خيتو...
ويعافيك يارب...وتشكرين على هالطله...
والتميز في تواجدكم...وحضوركم...

ويامرحبا بك
ولاهنتى على التواجد اختي
The Master
05-12-2009, 08:13 AM
ما شاء الله شي طيب .. امتعتنا بالصور وان شاء الله يوفقك ربي بالدراسه

يالله حيهم بالهداهد...
الطيب بحضورك خيو...
وياك يارب...وبيض الله وجهك على هالدعوه الطيبه...الله يسمع منك يارب...

ويامرحبا بك
ولاهنت على المرور
(ليه احسك مب على بعضك هاليومين...احم
الله يعينك في كل حال)
The Master
05-12-2009, 08:16 AM
والله الماستر ، خطير بالتعبير ويندمج معاه الواحد ، بس ما ادري حسيت اني متضايقة لانك صورت
التماثيل وخاصه وانه من عادتهم عبادة بعضها ...ولا تزعل مني اخوي هاي كانت مجرد ملاحظه

هلا ومرحب اختي ملاذ الروح...
احم...تشكرين على هالاطراء...من ذوقك خيتو...

من حقك تعتبين وتنقدين...وهذا شي طيب...
ما من زعل خيتو...عمري مازعلت من انتقاد...
وهذا حقك...
طيب بس عشان افهم قصدك صح...
ممكن اعرف وين اللبس او الخطأ في وضع الصور اللي هم يعبدونها؟؟؟

ويامرحبا بك خيتو
ولاهنتى على المرور
The Master
05-12-2009, 08:18 AM
رووووووووووووووووووووعه اليومياااااااااااااااااااااااااااااااااااااااااااا ااات

بصراحه جوله ممتعه فالصين


شغل عدل تسلم يدك يالشيخ وعساك ع القوه

يالله حيهم ب doha1
الرووووعه في تواصلك خيوووو
كلك نظر...احم
ومن قال سالم...ويقويك يارب...

يامرحبا بك
ولاهنت على التواجد خيو
الاستثمار
05-12-2009, 08:28 AM
يعطيك العافيه اخوي عليان
sad-o-bas
05-12-2009, 09:53 AM
إبداع والله والله يجزاك خير على التقرير والصور الروعة..
تحياتي
ROSE
05-12-2009, 10:50 AM
http://ae7m.com/blog/wp-content/uploads/2009/12/DSC00118.jpg


خل التمثال في صوب

اذا طولك 190 عيل الصيني المترجم اللي يمك كم طوله ؟

لاني اول مره اشوف صيني طويل :rolleyes2:


تقرير ولا اروع اخوي عليان

في انتظار جديدك
findi
05-12-2009, 12:52 PM
يعطيك العافيه اخوي الماستر على هالتقرير الحلو

أمتعتنا بالصوور والتعليقات

قوااك الله
The MooN
05-12-2009, 01:21 PM
أحلاااااااااااااااااااااااااااااااااااااا عجيبة الرحلة والله
واللي احلى من الرحلة تعليقاتك الحلوة :)
ميرسي
(بوعوف)
06-12-2009, 02:16 PM
تقرير حلو يالماستر ، وصور رااائعة ، لكن تهميزك للشياب شي والله خوووووش مدلك
يعطيك العافية ، لاهنت
The Master
06-12-2009, 07:04 PM
ماشاء الله امتعتنا بالصور وبالتعليقات ،،

والجوله ووايد حلوه،،

يعطيك العافيه اخوي ،،

هلا ومرحب اختي شجرة الدر
الحمدلله انها امتعتكم...وخذوا منها فكره...ماتدرين يمكن بكره مسافرين...فا تنفعكم...خاصه اذا بتركضون عشان تلحقون على التلفريك...احم

ويعافيك يارب...

ويامرحبا بك
ولاهنتي على المرور الجميل
The Master
06-12-2009, 07:07 PM
بصراحه ابدعت بالصور والتعليق

شموديك سور الصين سنه 2004 الظاهر شفنا بعض هناك ذيك السنيين :telephone: :shy:


مواضيعك دايما مميزه ولاتحرمنا منها ومن تعليقاتك الطيبه :victory:

يالله حيهم بوعلي2

الابداع في تواجدك خيو...شرفت

انت كنت هناك؟؟؟...تعال...ليكون انت بوعابد؟؟؟ اممم بس ذاك ماله في الحمام...الا ماله في اي شي اصلا...احم
يالله ننتظرك تحط لنا صور وانت متسند مثلي على السور...احم....قدها وقدود...وماعليك قصور اخوي...

التميز منكم خيو...وبتواجدكم...وحضوركم...

ويامرحبا بك
ولاهنت على الكلام الطيب...ماعليك زود اخوي...
The Master
06-12-2009, 07:11 PM
احم احم

وصلنا الصين اوب اوب >>>> ماتقلد ابد

تشنغ هنج بونغ

عساك عالقوه

اوش اوش...المريشه هنا...يالله حيهم...احم
افا عليك بس...مب الصين وبس...نعجبك...(اخرتها ماراح لغيرها...احم)
اي اي ابد ماتقلدين...ولا حنا نقلدك اصلا...لما نرفع المواضيع على اساس في اعضاء جدد...احم...(قويه ها...)

تشنج هنج بونغ...بونغ...احم

الله يقويك...

يامرحبا بك
ولاهنتى على هالطله خيتو...(بس ماقلتي رايك في الموضوع؟؟)

اي صح تراني ارسلت رساله حق شسمه...عشان موضوع شسمه...فا عطونا رايكم عقب...احم)
شوفي العالم الحين قاعده تفسر وتحلل...لقاااافه ياولد...
The Master
06-12-2009, 07:12 PM
يعطيك العافيه اخوي عليان

هلا ومرحب اخوي الاستثمار
ويعافيك يارب...

ويامرحبا بك
ولاهنت على المرور
The Master
06-12-2009, 07:14 PM
إبداع والله والله يجزاك خير على التقرير والصور الروعة..
تحياتي

هلا ومرحب اخوي sad-o-bas

الابداع في تواجدك اخوي...
ويجزيك كل خير...ولجميع المسلمين يارب

يا مرحبا بك
ولاهنت على الكلام الطيب
The Master
06-12-2009, 07:22 PM
http://ae7m.com/blog/wp-content/uploads/2009/12/dsc00118.jpg


خل التمثال في صوب

اذا طولك 190 عيل الصيني المترجم اللي يمك كم طوله ؟

لاني اول مره اشوف صيني طويل :rolleyes2:


تقرير ولا اروع اخوي عليان

في انتظار جديدك

هلا ومرحب اختي روز
امممممم...مادري له جايني احساس ان انتي اللي نقلتي موضوعي للسياحه والسفر....احم
محد دز لي اس ام اس...قعدت ساعه ادور على موضوعي قلت يمكن انه انحذف...احم

نرجع للموضوع...
اي الصيني...هو طويل......وطوله جيد...احم
ومن قال ان مافي صينيين طوال...فيه...بس نادر...وهذا واحد منهم...احم

الروعه في تواجدك خيتو...طيب ثبتوا الموضوع...(هذا اللي بينضرب اليوم...احم....ماينعطى وجه...)

يامرحبا بك اختي
ولاهنتي على المرور والتثبيت.. اوه قصدي النقل...اوه قصدي اللي هو...احم
" روح قطر "
06-12-2009, 07:24 PM
صج راعى واجب ..قاعد تهمز الشيبة ههههههههههههههههههههه مافيك حيلة

يعطيك العافية أمتعتنا بهالرحلة الجميلة

وبأنتظار جديدك
The Master
06-12-2009, 07:50 PM
يعطيك العافيه اخوي الماستر على هالتقرير الحلو

أمتعتنا بالصوور والتعليقات

قوااك الله

هلا ومرحب اختي findi
ويعافيك يارب...
الحمدلله اعجبتكم مع التعليقات...حبينا نغير شوي في التقرير..وانا جبتها على اساس انها يوميات...ويمكن شافوها الادراه افضل انها كا تقرير...

يقويك يارب...

ويامرحبا بك
ولاهنتي على المرور
The Master
06-12-2009, 07:54 PM
أحلاااااااااااااااااااااااااااااااااااااا عجيبة الرحلة والله
واللي احلى من الرحلة تعليقاتك الحلوة :)
ميرسي

هلا ومرحب The MooN
احم...
هي عجيبه عجيبه...مغامرات...هذا غير عن بعض المغامرات والاشيا اللي صارت خلال هالسفره...ماقدرت اقولها...عشان برستيجي...(فديتك بس...احم)...
فا ماينفع نقولها...هي صحيح تفطسني من الضحك لما اتذكرها...بس ماحس انها تنفع تنقال هنا...احم

الحمدلله شفتوا التعليقات جميله...واعجبتكم...

يامرحبا بك
ولاهنتي على المرور الجميل
The Master
06-12-2009, 07:56 PM
تقرير حلو يالماستر ، وصور رااائعة ، لكن تهميزك للشياب شي والله خوووووش مدلك
يعطيك العافية ، لاهنت

هلا ومرحب بوعوف
تشكر علي الاطراء الجميل
الله يسلمك كلك نظر...عشان تعرف بس لهمزنا همزنا...بس انت لاحظت نظرتي كيف وانا اهمز...احم...واضح شوفوني...احم

ويعافيك يارب
ولا انت
ويامرحبا بك...
شويهينــه
06-12-2009, 08:23 PM
اوش اوش...المريشه هنا...يالله حيهم...احم
افا عليك بس...مب الصين وبس...نعجبك...(اخرتها ماراح لغيرها...احم)
اي اي ابد ماتقلدين...ولا حنا نقلدك اصلا...لما نرفع المواضيع على اساس في اعضاء جدد...احم...(قويه ها...)

تشنج هنج بونغ...بونغ...احم

الله يقويك...

يامرحبا بك
ولاهنتى على هالطله خيتو...(بس ماقلتي رايك في الموضوع؟؟)

اي صح تراني ارسلت رساله حق شسمه...عشان موضوع شسمه...فا عطونا رايكم عقب...احم)
شوفي العالم الحين قاعده تفسر وتحلل...لقاااافه ياولد...

اي صح ذكرتني بالرساله:tease:

طرشها لي شسمه ومارديت عليه:secret:

بس ولا يهمك اعتبر الموضوع خالص:victory:

وبخصوص رايي في موضوعك

اممممممممم جميل جميل
salman_qtr
07-12-2009, 01:48 AM
دولة عضيمه وتقرير جميل
يعطيك العافيه
The Master
10-12-2009, 05:56 PM
صج راعى واجب ..قاعد تهمز الشيبة ههههههههههههههههههههه مافيك حيلة

يعطيك العافية أمتعتنا بهالرحلة الجميلة

وبأنتظار جديدك

هلا ومرحب اختي روح قطر

الله يسلمك...كلك نظر...احم...كسر خاطري...وهو وجبني...فا قلت ماهو سنع اخليه...فا شوفة عينك...احم

ويعافيك يارب....الحمدلله انها اعجبتكم...

افا عليك...ان شاء الله اذا الوقت سمح...قريب ان شاء الله بانزل رحلتي لليابان...

ويامرحبا بك
ولاهنتي على المرور الجميل
The Master
10-12-2009, 05:57 PM
دولة عضيمه وتقرير جميل
يعطيك العافيه

هلا ومرحب سلمان قطر

الجمال في مرورك خيو...

يامرحبا بك
ولاهنت
ريمية
21-12-2009, 09:52 AM
يعطيك الف عافية ع الطرح المميز والتصوير الرائع
والاسلوب الحلو
تحياتي لك ننتظر جديدك
تحياتي لك
خفوق
21-12-2009, 03:20 PM
كم مره قلت احم احم في الموضوع p:
حلو الموضوع واستمتعت بالصور
ان شاء الله في المستقبل بروح للياابان وبمر على الصين ^_^
The Master
27-12-2009, 03:27 AM
يعطيك الف عافية ع الطرح المميز والتصوير الرائع
والاسلوب الحلو
تحياتي لك ننتظر جديدك
تحياتي لك

هلا ومرحب اختي ريمية
ويعافيك يارب...تشكرين على المرور الطيب...
والرد الجميل خيتو...

يا مرحبا بك...
ولاهنتي على المرور
The Master
27-12-2009, 03:28 AM
كم مره قلت احم احم في الموضوع p:
حلو الموضوع واستمتعت بالصور
ان شاء الله في المستقبل بروح للياابان وبمر على الصين ^_^

هلا ومرحب خفوق...
احم احم...
تشكر على المرور...
اما اليابان مالها حل...ترتوب...
ان شاء اذا ربك سهل انزل موضوع عن سفرتي لليابان...

يامرحبا بك
ولاهنت على المرور
حراير قطر
28-12-2009, 10:39 AM
احم احم

اهم شيء الكاشخ ... ارحم حالك بس :tease:

يعطيك العافيه

اسلوب روعه ومميز كالعاده

وعساك على القوة

تقرير ممتاز ،،،

كفيت ووفيت :nice:
The Master
05-01-2010, 11:52 PM
احم احم

اهم شيء الكاشخ ... ارحم حالك بس :tease:

يعطيك العافيه

اسلوب روعه ومميز كالعاده

وعساك على القوة

تقرير ممتاز ،،،

كفيت ووفيت :nice:

هلا ومرحب اختي حراير قطر...

الكاشخ...احم...المخطط قصدك...احم...كلك نظر...كني ستاره..احم

ويعافيك يارب...
الروعه في تواجدك خيتو...واهم شي انه اعجبكم...

الله يقويك...وبارك الله فيك...

يامرحبا بك
ولاهنتي على المرور الجميل...

معليش على التاخير في الرد...احم
The Master
20-01-2010, 04:47 PM
نعم نعم...احم
عيون Qatar
21-01-2010, 07:54 PM
يعطيك العافيه اخوي


على التقرير الرائع
The Master
24-01-2010, 07:48 PM
يعطيك العافيه اخوي


على التقرير الرائع

هلا ومرحب اختي عيون الوكرة...
ويعافيك يارب...
الروعه في تواجدك خيتو...
اهم شي يعجبكم..."اشفيييه الواثق...احم"

يامرحبا بك...
ولاهنتي
سداوي&مدريدي
24-01-2010, 09:48 PM
وين صاحب الموضوع عليان :eek5:
The Master
27-01-2010, 08:06 PM
وين صاحب الموضوع عليان :eek5:

احم....يدور فقع...احم
شموخ وبس
30-01-2010, 09:02 PM
قوه 0000 احم احم
تصويرك نايس 0000 الله يحفظك عليك طول ماشالله
الله يوفقك 000 دمك وايد خفيف احم 0000 خلك جذيه"اونها تقيم"
يللا فمان الله
The Master
02-02-2010, 09:51 AM
قوه 0000 احم احم
تصويرك نايس 0000 الله يحفظك عليك طول ماشالله
الله يوفقك 000 دمك وايد خفيف احم 0000 خلك جذيه"اونها تقيم"
يللا فمان الله

هلا ومرحب اختي شموخ وبس
اهم شي احم اللي شكلنا بنروح وزارة التجاره عشان اطلع حقوق الحفظ...احم(مصدق عمره الاخ)

تشكرين على المرور الجميل اختي...والاطراء الاجمل...احم احم...(يابالفيت منحرج الاخ...احم)
اهم شي التقييم...وابشري بطيبة الخاطر...

في امان الرحمن...

يامرحبا بك
ولاهنتي على الطله الطيبه...
The Master
07-02-2010, 09:19 PM
للرفع...
بما ان في تقرير جاي قريب...احم...
انتظرونا...(مشكله الدعايه....احم)
The Master
07-02-2010, 09:21 PM
للرفع...
بما ان في تقرير جاي قريب...احم...
انتظرونا...(مشكله الدعايه....احم)
فطومه999
19-02-2010, 05:40 AM
رووووووووووووووووووووووووعه السفره
والله مااااااشي ذابحني غير الكبوس ياااااما سيده ولا على جنب ولا على الصنم واخرتها مووووت معلقه في البنطلون ههههههههههههههههههههههههههه
The Master
02-03-2010, 09:59 PM
رووووووووووووووووووووووووعه السفره
والله مااااااشي ذابحني غير الكبوس ياااااما سيده ولا على جنب ولا على الصنم واخرتها مووووت معلقه في البنطلون ههههههههههههههههههههههههههه

هلا ومرحب اختي فطومه999
الله يسلمك كلك نظر
اهم شي انه اديداس...احم
تشكرين على المرور الجميل...

ويامرحبا بك
ولاهنتي

ترقبونا خلال هاليومين تقرير عن اليابان...اوش اوش...احم
سداوي&مدريدي
02-03-2010, 11:04 PM
أووووووش أوووووش

أسسسسسسحب ياووولد

أحم أحم

ههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههه

والله يالغلي مالك حل ذبحتني من الضحك ههههههههههه
هههههههههههههههههههههههههههههه

المهم انا رديت لاكن ماعلقت على الموضوع




احم....يدور فقع...احم

هههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههه

سلم لي عليه

:nice:

بخصوص الموضوع .. ما شاء الله عليك

تصــوير + تعليق مالك حل مبدع :nice:

أبدعت يالغالي .. والله استمتعت بالرحله :victory:

تعال بقولك شي بيني وبينك بس محد يدري

Spare your self

يعني ارحم حالك هههههههههههههههههههههههههههه
ههههههههههههههههههههههههههه

خذتها من نكك في البي بي :secret:
The Master
20-03-2010, 07:40 PM
أووووووش أوووووش

أسسسسسسحب ياووولد

أحم أحم

ههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههه

والله يالغلي مالك حل ذبحتني من الضحك ههههههههههه
هههههههههههههههههههههههههههههه

المهم انا رديت لاكن ماعلقت على الموضوع



هههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههه

سلم لي عليه

:nice:

بخصوص الموضوع .. ما شاء الله عليك

تصــوير + تعليق مالك حل مبدع :nice:

أبدعت يالغالي .. والله استمتعت بالرحله :victory:

تعال بقولك شي بيني وبينك بس محد يدري

spare your self

يعني ارحم حالك هههههههههههههههههههههههههههه
ههههههههههههههههههههههههههه

خذتها من نكك في البي بي :secret:

يالله حيهم بالمدريدي...
السموحه توني شايف ردك...تفهي من قلب...احم

الله يسلمك...كلك نظر...
ها تخاويني المره الجايه؟؟...
ترا اعجبك...كل شي عليك..انا بس معاك مجرد مرشد سياحي..."صدق نصاب...احم"

تشكر على التعليق الجميل...اهم شي ارحم حالك بس...

ويامرحبا بك...
وتشكر على هالطله الجميله...والطيبه...
مبرمج
08-04-2010, 02:53 PM
يعطيك العافيه اخوي