.... فيه حركة يسوونها الشبآب وآيد تقهرني .... تنبيه للشبآب رجآءاً

[رهج السنابك]

السلام عليكم ورحمة الله وبركاته


لاحظت حركة يسوونها الشباب وانا متأكده انها بدافع نية طيبة لكن هالحركة وايد تقهررر



وترفع الضغط



وتحرج البنت



وهي مثلاً لما بنت تكون ماشية في طريق فيه باب هي مثلا داخله وشاب طالع وتقابلوا عند الباب يقوم الشاب يفتح الباب واعتقاد منه بأنه راعي ذوق يقوم يوقف وماسك الباب مفتوح يعني قصده طوفي يا بنت ... هالحركة كلش ماتعجبني ووايد تسبب احراج لأني بضطر امشي وهو ماسك الباب وواقف واكيد فتحة الباب مو بذيك الوسع فبكون قريبة وايد منه :anger1:

انا افضل انه يفتح الباب ويمشي ويطوف وعقب البنت تاخذ راحتها وتطوف ولا انه يوقف ويمسك الباب غالباً اتنحى على صوب الباب وافسح المجال واتم واقفه انطر انه يمشي والاخ متسمر وواقف يبيني انا امشي وانحرج اتكلم او اقول له تفضل طوف لاني ادري بيقول لا انتي طوفي ... عاد ماتحلا العزايم الا هالوقت فاختصر الموضوع واطوف بسرعه

كلش حركه ترفع الضغط

وحركة ثانية بعد لما بالصدفة يكون بنت وشاب واقفين ينطرون الاصنصير وبعض البنات ماتحب تركب الاصنصير وما معها الا شاب ( خلوه غير شرعية ) فيقوم الاخ لما يفتح ويعزم البنت تفضلي دشي ويدش وراها :anger1: .. هالحركة بعد مو حلوة اتمنى الشاب يسكت ولا يقول لها تفضلي ان كان ناوي يدش
ونفس الشيء لما يوقف الاصنصير ويسوي فيها راعي ذوق وأدب ومايطلع من الاصنصير ويتم واقف يبي البنت تمشي قبله .. نفس الفكرة اللي ذكرتها فوق فتحة الاصنصير مو واسعه والبنت لما تمشي بتمر وايد من قربه يمكن مايبعد بينهم الا اقل من ربع متر :anger1:

يعني لو الاخ خلا الذوق لنفسه وطلع بالأول وخلا البنت تطلع براحتها وايد أفضل وأحسن اشوفها من انه ينطرها تمشي بالأول ومفكر انه بهالطريقة اتيكيت وذوق


فأتمنى من أي شاب يفكر ان هالحركة اتيكيت يبطلها لان البنت تنحرج وايد وان كنت تمر في ممر او كنت في الاصنصير اتمنى تعطي الاسبقية لنفسك ولا تعزم على أي بنت تدش الاصنصير ان كنت شايف مافي احد بيركب الا انت لانه مايجوووووز ابد يتسكر مكان بين اثنين


سوري على الموضوع ادري انه مزعج ويمكن ماله داعي بس حبيت اوضح شغلة يمكن البعض ماينتبه لها عن طيب نيه وحسن اعتقاد

[بوخالد911]

يسلموووو



1 - من حسن النية يمكن يمسك الباب



2 - من يسووي هالحركة
لو البنت تخاف فعلا جان اطلعت لما شافته هو دخل وياها


(((((( ما في بنات يسووون هالركااات ؟!؟ )))))))



3 - لا هنتي للموضوع


مسيوو / بوخالد911

[رهج السنابك]

يسلموووو



1 - من حسن النية يمكن يمسك الباب



2 - من يسووي هالحركة
لو البنت تخاف فعلا جان اطلعت لما شافته هو دخل وياها

طيب لو قال لها تفضلي ودخلت ( على بالها ماراح يدخل معها ) وفجأة لقته دخل وراها شنو تسوي ؟؟ تقوم تطلع ؟؟ يعني عادي مافيها احراج شديد له لو طلعت ؟؟ هذا اذا لحقت تطلع قبل مايسكر الاصنصير !!
(((((( ما في بنات يسووون هالركااات ؟!؟ )))))))

أي حركات ؟؟


3 - لا هنتي للموضوع


مسيوو / بوخالد911



ميغسي بوكو مسيو

[sara_qatar]

خرعتي الشباب شدعوه تبينه


بالعكس انا اشوفها الحركه عاديه


مادري ما اتصادف وايد بالحركه


بس اذكر في مستشفى حمد وايد لانه بابهم ككريه


بس

[doha1]

مشكووره ع التنبيه ومن باب الذوق والواحد ونيته بعد

لكن منطقج مقبووول بعد

اتمنى من اللي يطبق هالشي يشوف موضوع اختنا عشان مايحط نفسه في موقف لايحسد عليه

[حليتان*]

ياخوج

ladies first


بس انا لما اشوف بنت بتركب الاصنصير ماركب

اصلاَ بالعاده ما اركب الاصنصير الا ومعاي هلي


اما الباب ولا عمري فتحت الباب حق احد الا ان كان شخص كبير شايب او عيوز



وصراحه نقطه مهمه وصح في ناس يسونها من نيه طيبه وفي ناس لا



وانا بعد تقهرني البنت الي تتمشى وراه ريحت العطر والشعر من جدام برع وحاطه قوطي سفن اب في راسه

اي والكعب تيك تيك تيك يجيب لي اعصاب

ولا البنات الي يظحكون في نص المجمعات واي ونص بنات الجامعه العبايه مفتوحه وبنطلون جنز

ادري انه مهب سالفتنا بس جا هالشي على بالي وقلته

وفي اشياء وااايد بعد ماقلتها مثل بناتنا الله يهديهم الي في القهاوي وظرب شيشه

انا الي شباب في عمري ماجربت الشيشه

[رهج السنابك]

ياخوج

ladies first


بس انا لما اشوف بنت بتركب الاصنصير ماركب

اصلاَ بالعاده ما اركب الاصنصير الا ومعاي هلي


اما الباب ولا عمري فتحت الباب حق احد الا ان كان شخص كبير شايب او عيوز



وصراحه نقطه مهمه وصح في ناس يسونها من نيه طيبه وفي ناس لا



وانا بعد تقهرني البنت الي تتمشى وراه ريحت العطر والشعر من جدام برع وحاطه قوطي سفن اب في راسه

اي والكعب تيك تيك تيك يجيب لي اعصاب

ولا البنات الي يظحكون في نص المجمعات واي ونص بنات الجامعه العبايه مفتوحه وبنطلون جنز

ادري انه مهب سالفتنا بس جا هالشي على بالي وقلته

وفي اشياء وااايد بعد ماقلتها مثل بناتنا الله يهديهم الي في القهاوي وظرب شيشه

انا الي شباب في عمري ماجربت الشيشه

صادق والله بكل كلمة مو بس تقهر الا تجيب الجلطه والقهر لما يكونون بنوتات صغار فتافيت وتبي تكبر عمرها وتقلد الشابات بسرعه ويلفلفون بالمجمعات وربي اشكالهم اقل من 12 او 13 سنة خلاص ماعاد فيه براءة اعوووذ بالله ... والمدرسة وصديقات المدرسة لهم دور كبير في التربية وللأسف المدارس الحين ماعاد تربي

[رهج السنابك]

خرعتي الشباب شدعوه تبينه


بالعكس انا اشوفها الحركه عاديه


مادري ما اتصادف وايد بالحركه


بس اذكر في مستشفى حمد وايد لانه بابهم ككريه


بس

شلون عادية لما يكون مافيه مسافه الا اقل من ربع متر بينج وبين رجل غريب :eek5: شخصياً تصيدني قشعريرة لو المسافه اقل من متر ونص على الاقل:rolleyes2:

[غزلان]

احيانا تكون عفويه ومن حسن نيه البنت تقدر توقف ماتطلع وهو بيفهم اما الأصانصير ماصارت معاي لأني اخاف اركب بروحي لازم حد من هلي

تسلمين

[sara_qatar]

شلون عادية لما يكون مافيه مسافه الا اقل من ربع متر بينج وبين رجل غريب :eek5: شخصياً تصيدني قشعريرة لو المسافه اقل من متر ونص على الاقل:rolleyes2:

اصلا هو يكون ماسك الباب بطرف يده وبعيد وعلى طول من تدشين يمشي بسرعه


يمكن الموقف اللي صار مزودينها شوي

[رهج السنابك]

احيانا تكون عفويه ومن حسن نيه البنت تقدر توقف ماتطلع وهو بيفهم اما الأصانصير ماصارت معاي لأني اخاف اركب بروحي لازم حد من هلي

تسلمين

بعضهم واكثرهم مايفهمون لين يسكر الباب ومحد طلع من الاصنصير وصارت وايد:rolleyes2:
واانا ما اقصد الاصنصيرات العامة اقصد بشكل عام حتى في الشغل طبعا الاهل مو موجودين في الشغل :eek5:

[black@white]

انا مع وجهه نظرك وما احب اركب اللفت ومعي احد من الشاب او انزل
بس بعض الشباب ترى ما يقصدون شئ الاذوقا منهم واتيكيت بفتح الباب للفتاه والانتظار حتى تمر
جزاهم الله خير بس في بنات ما يحبون هالحركه
شكرا لموضوعك

[غزلان]

بعضهم واكثرهم مايفهمون لين يسكر الباب ومحد طلع من الاصنصير وصارت وايد:rolleyes2:
واانا ما اقصد الاصنصيرات العامة اقصد بشكل عام حتى في الشغل طبعا الاهل مو موجودين في الشغل :eek5:

اختي انا اخاف لأنه مره اخترب وانا في الأصانصير معاي انجليزيات فما اركب الا اذا تجمعوا نسوان او موظفات يعني انتظر وعادي عندي انتظر بفتح ويسكر لين يجون مجموعه من البنات واركب ..وبالنسبه للشغل مبنانا بنات بس واصنصيرنا منفصل خاص بالموظفات فقط :)

[شجرة الدر]

يعطيج العافيه الارستقراطيه ،،

في النقطه الاولى انا مع غزلان وناخذها من باب حسن النيه ،،

اما الحركه الثانيه الحمدلله مامرت عليي لان إذا باطلع لازم معاي حد من هلي ،،

اما في الشغل الحمدلله عندنا باب للسيدات بس تعذيب مافيه اصانصير عاادي اركب الدرج ولا انحط في نفس هالمواقف ،،

[رهج السنابك]

يعطيج العافيه الارستقراطيه ،،

في النقطه الاولى انا مع غزلان وناخذها من باب حسن النيه ،،

اما الحركه الثانيه الحمدلله مامرت عليي لان إذا باطلع لازم معاي حد من هلي ،،

اما في الشغل الحمدلله عندنا باب للسيدات بس تعذيب مافيه اصانصير عاادي اركب الدرج ولا انحط في نفس هالمواقف ،،


في اغلب الاوقات الافضل منع للاحرجات هو ركوب الدرج .. لكن بعض البنات مشكلة لو تبي دور الرابع عشر مثلا:omg:

[شجرة الدر]

اختي انا اخاف لأنه مره اخترب وانا في الأصانصير معاي انجليزيات فما اركب الا اذا تجمعوا نسوان او موظفات يعني انتظر وعادي عندي انتظر بفتح ويسكر لين يجون مجموعه من البنات واركب ..وبالنسبه للشغل مبنانا بنات بس واصنصيرنا منفصل خاص بالموظفات فقط :)



يحيكم غزلان عندكم اصانصير خاص للموظفات ،،

انا من الدرج صارت عندي لياقه ،،

[alrheeb2020]

مساكين الشباب :weeping:

كل ماسوو شي انتقدتوهم :anger1: ..

:tease:


وانا اوافقج الرأي اختي الارستقراطيه ..

والمشكله بعضهم نبيتهم صافيه وبعضهم نيتهم خبيثه .. ف ((انما الاعمال بالنيات))

وجزاج الله خير عالتنبيه .

[La Bella]

وهل يراودج نفس الشعور أذا الشخص الى فتح الباب غير قطري ؟؟ لان نسبة الأجانب أكثر بالبلد

الواحد يستخدم الدرج الكهربائي أو الدرج العادي منها رياضة ومنها يتفادى الخلوه بالفت

وأذا بالدووام أصلا الشباب يستحون ويتجنبون يركبون مع البنات بالفت وأكثر الوزارة والهيئات مخصصه لفت للبنات

[سماء الرياض]

يعطيك العافية

[زمن الغدر]

شي سهل مب قصه هي

اولا يمكن بالسنه تصادفج مره

ثانيا اذا الي فتح الباب وشفتيه قريب لا تدخلين مب جابرج وقفي عند الباب وهو بيفهم وبيحرك

اللفت عادي لا تدخلين مع اي ذكر بالفت

عادي مب جابرج تركبين اللفت

حت على الشباب والي تدخل محل نسائي يبيع ملابس ورجال الي يبيع والي تظهر مع الدرويل والي والي ذول عادي؟؟؟

[Just a Gurl]

اسمحيلي حبيبتي....
بس الحين لو الواحد مشى وانرقع الباب فويهج،،، جان قلتي ماعنده لا ذوق ولا ادب!!!
ولو مر جدامج سواء طالع من اللفت او نازل،،، بتقولين ماعنده ذوق ومايحترم وجودي ك بنت و و و .....

ف لذلك... انا افضل انه يمسك لي الباب ويخليني ادرعم قبله كوني انثى وهو تمساااح:shy:


واذا انتي تنحرجين مثل ماقلتي... ممكن توقفين مكانج لين يروح وعقب اخذي راحتج...
يعني مايحتاج تتكلمين وتبدا العزايم من كل صوب:tease:

[بوعلي 78]

والله ماعرفنا لكم؟؟؟؟؟ crazy

[روح-قطر]

حركه الاصانصير ماحبها ولما ادخل اطلع على طول واذا دخلت ودخل ومامداني بااااااااااااااااااااااال انواع الاستغفار ولازقه باخر الاصانصير لاني اصلا ماحب هالحركه كلش ملش..

اما البنات حدث ولا حرج وغير عمليات التجميل الموضه الجديده وافكر اسوي خخخخخخخخخخخخخخخ

[عاشقة الطاووس]

ارستقراطية اسمحيلي بطلع من الموضوع شوي طالما نتكلم عن الذوق ،،

فيه حركه وايد تعجبني ،، لما اكون قاطعه الشارع وانا امشي وفيه سياره جايه ويوقف راعي السياره ويسكر

ليتات السياره لين امر ،، والله هالحركه اعتبرها قمة الذوق والذرابه ،، ياليت الكل يسويها :)

اسمحيلي ارستقراطيه طلعت عن الموضوع بس طرى علي هالموقف

[ملاذ الروح]

ونص بنات الجامعه العبايه مفتوحه وبنطلون جنز

ادري انه مهب سالفتنا بس جا هالشي على بالي وقلته

وفي اشياء وااايد بعد ماقلتها مثل بناتنا الله يهديهم الي في القهاوي وظرب شيشه

انا الي شباب في عمري ماجربت الشيشه
بل أخوي ايش فيك حاط دوبك ودوب البنات ( ولا ملاحظ وقاز كل شي)من ضحك لين عطر لين كعب ...
لين لبس ....وصراحة ....والله سالفة العباية مفتوحة مع جينز ما اشوف فيها شي وهاي ستيل
حلو وااايد ، وأنا أطبقه بلبسي بس لاالبس بونفخة او أظهر جدلتي ...فعادي
ما ادري بعض الشباب ايش ايهمهم اذا البست المرأة جينز او غيره المهم لابس العباية
وساتره عمرها ...يكفي عاد خنقه

وصراحة أختي اللي يفتح الباب لمرة كله ذوق تحسينه ناطور ...خليه يكون ناطور
بس والله احسها حركه حلوة ..منهم

ولكن المصعد ..اذا مافيه الا شاب لا ما ادخله الا مع مجموعة بنات ...
والا الدري ما يقصر

[بوخالد911]

ارستقراطية اسمحيلي بطلع من الموضوع شوي طالما نتكلم عن الذوق ،،

فيه حركه وايد تعجبني ،، لما اكون قاطعه الشارع وانا امشي وفيه سياره جايه ويوقف راعي السياره ويسكر

ليتات السياره لين امر ،، والله هالحركه اعتبرها قمة الذوق والذرابه ،، ياليت الكل يسويها :)

اسمحيلي ارستقراطيه طلعت عن الموضوع بس طرى علي هالموقف


عذرا



الرجال نلاحظه يوقف للمرة عشان تقطع الشاررع

:nice:
بس العكس ما لاحظته

تمشي المرة بسيارتها ولا توووقف


سوووري لصاحبة الموضووع

:eek5:

[meme~qatar]

بالعكس اختي حركة راقية منهم
صارت معاي وغالبا في المستشفيات
وغالبا بحسن نية لانه هله معاه
مثلا يخلي هله يطوفون واذا انتي وراهم
اكيد بيتم مجود الباب لين تطوفين
ولا شرايج ينرقع الباب في ويهج؟؟؟؟؟

وجهة نظر
وخفي على الشباب شوي
ترى اهم محترمين وعندهم غيرة على بنات البلد
لاتخلينهم يدعون علينا

[طموحي عالي]

مادري انا ماجربت

بس بداومي معروف اذا البنت عند الاصانصير الرياييل يروحون على الدرج والعكس صحيح

[وليف قطر]

ردي اللي كتبته من شوي .. باااقوه :secret:

ما علينا :(


بالنسبه للموضوع وان كان هالشي يضايق او لا .. ما علي من اطلق شنب :victory:

لي قناعات ماعندي واحد اثنين فيها :shy:

ان صادني الموقف اللي ذكرتيه .. لا بالله بفتح الباب وبتم ماسكه ان شاء الله للعائله كلها :victory:

وفي السياره .. نعم بوقف وبصكر الليتات وبخليهم يطوفون :victory:

موقف ثالث ..

كم مره في الجمعيه اشوف وحده متوهقه .. تبي توصل لغرض فوق وما تطوله .. واقوم بالواجب :victory:


فعادي .. الموضوع اصلآ بكبره مب واحد ووحده
الموضوع ان الانسان يعين و يعاون
ويكون عنده ذوق في هالامور :nice:


وبث :shy:

[meme~qatar]

ردي اللي كتبته من شوي .. باااقوه :secret:

ما علينا :(


بالنسبه للموضوع وان كان هالشي يضايق او لا .. ما علي من اطلق شنب :victory:

لي قناعات ماعندي واحد اثنين فيها :shy:

ان صادني الموقف اللي ذكرتيه .. لا بالله بفتح الباب وبتم ماسكه ان شاء الله للعائله كلها :victory:

وفي السياره .. نعم بوقف وبصكر الليتات وبخليهم يطوفون :victory:

موقف ثالث ..

كم مره في الجمعيه اشوف وحده متوهقه .. تبي توصل لغرض فوق وما تطوله .. واقوم بالواجب :victory:


فعادي .. الموضوع اصلآ بكبره مب واحد ووحده
الموضوع ان الانسان يعين و يعاون
ويكون عنده ذوق في هالامور :nice:


وبث :shy:




والنعم فيك وبامثالك وهذا هو الصح
ومافيها شي
بالعكس هالشي يدل على ذوق الشخص ونبل اخلاقة
الله يكثر من امثالك:nice:

[be.happy]

انا اسوي الحركه دوووووووووووووووم بس موب من باب الذوق:tease:عشان مايصفق الباب وجه الي وراي وينكسر فيه شي :)

[pure]

ههههههههههههههه


حركة المصعد فعلا مب حلوه , اذا قالج تفضلي عطيه طاف ومشكلته بالحياه


بس حركة الباب احس اتكيت

بعدين ما اخبر يبطلون الباب ويتمون واقفين

يبطلونه مادري شلون طرف صبع يتم ماسك الباب من بعيد ههههههههه

[بوحارب]

بل أخوي ايش فيك حاط دوبك ودوب البنات ( ولا ملاحظ وقاز كل شي)من ضحك لين عطر لين كعب ...
لين لبس ....وصراحة ....والله سالفة العباية مفتوحة مع جينز ما اشوف فيها شي وهاي ستيل
حلو وااايد ، وأنا أطبقه بلبسي بس لاالبس بونفخة او أظهر جدلتي ...فعادي
ما ادري بعض الشباب ايش ايهمهم اذا البست المرأة جينز او غيره المهم لابس العباية
وساتره عمرها ...يكفي عاد خنقه

وصراحة أختي اللي يفتح الباب لمرة كله ذوق تحسينه ناطور ...خليه يكون ناطور
بس والله احسها حركه حلوة ..منهم

ولكن المصعد ..اذا مافيه الا شاب لا ما ادخله الا مع مجموعة بنات ...
والا الدري ما يقصر


:looking:;):D

[بوحارب]

بما انه احذفوا ردي الأول

انه واحد احب اساعد البنت في كل مكان :(


افتح لها الباب والأصنصير وقلبي :Dوعيني الا جيبي :looking:

[وليف قطر]

انه واحد احب اساعد البنت في كل مكان :(

افتح لها الباب والأصنصير وقلبي :Dوعيني الا جيبي :looking:

بخيل واحد :shy:

[حليتان*]

بل أخوي ايش فيك حاط دوبك ودوب البنات ( ولا ملاحظ وقاز كل شي)من ضحك لين عطر لين كعب ...
لين لبس ....وصراحة ....والله سالفة العباية مفتوحة مع جينز ما اشوف فيها شي وهاي ستيل
حلو وااايد ، وأنا أطبقه بلبسي بس لاالبس بونفخة او أظهر جدلتي ...فعادي
ما ادري بعض الشباب ايش ايهمهم اذا البست المرأة جينز او غيره المهم لابس العباية
وساتره عمرها ...يكفي عاد خنقه

وصراحة أختي اللي يفتح الباب لمرة كله ذوق تحسينه ناطور ...خليه يكون ناطور
بس والله احسها حركه حلوة ..منهم

ولكن المصعد ..اذا مافيه الا شاب لا ما ادخله الا مع مجموعة بنات ...
والا الدري ما يقصر

اماا عجبتني قاز


انا واحد نفس كل واحد كل يوم اشوف هامناظر واسمع الظحك

واشم ريحة العطررات بانواعها

انتي تنكرين انج شهدتي هالاشياء

انا اتحدى واحد يظهر ويقول انه ماشاف هالشكال وانا بقوله وين

واتحداج انتي بعد انج ماشفتي هالاشياء




وبخصوص الجامعه والله اني وديت اختي يوم واحد الجامعه

استغربت اشلون البنات ينزلون الجامعه جي العبايه مفتوحه والجنز

وان كنتي تلبسين هالاشئ على راحتج بس انا قلت شي قاهرني

وهو صج قهر ااني اشوف خواتي بنات البلاد يسون جي

الا بسالج الي يدرسون في الجامعه شنو !!!

عشان البنات يروحون الجامعه بجنز وعبايه مفتوحه

وانتي ليش زعلانه انا ما قلت الكل ولا قلت فلانه

[حليتان*]

ارستقراطية اسمحيلي بطلع من الموضوع شوي طالما نتكلم عن الذوق ،،

فيه حركه وايد تعجبني ،، لما اكون قاطعه الشارع وانا امشي وفيه سياره جايه ويوقف راعي السياره ويسكر

ليتات السياره لين امر ،، والله هالحركه اعتبرها قمة الذوق والذرابه ،، ياليت الكل يسويها :)

اسمحيلي ارستقراطيه طلعت عن الموضوع بس طرى علي هالموقف

الحمد لله فينا الخير يعني


بس الي يبط جبدي البنات الي يوقفون مكان ويسكرون الطريق

ولما تكبسين لهم ليتات يقولون ليش تتحرش

[alrheeb2020]

بما انه احذفوا ردي الأول

انه واحد احب اساعد البنت في كل مكان :(


افتح لها الباب والأصنصير وقلبي :Dوعيني الا جيبي :looking:


ههه omen


اخاف اقول اقحطه واظلم اقحطه الله يرحمه .. :strong:nono:

:tease:

[موضي قطر]

والله الموضوع يفترض فيه حسن النيه انا قبل العيد رحت زرت وحده

في المستشفى وكان واقف جنبي واحد وننطر الاصانصير وصل والشاب

طلع قبلي بس انا محلك سر قعدت انطر لين نزل الاصانصير الثاني وزرت

المره .. بس اتوقع الشباب بعد فيه اشياء هم تقهرهم من البنات صح ياشباب:victory:

[موضي قطر]

بما انه احذفوا ردي الأول

انه واحد احب اساعد البنت في كل مكان :(


افتح لها الباب والأصنصير وقلبي :Dوعيني الا جيبي :looking:


تحيه لك يابو حارب :victory::victory::victory:

[وليف قطر]

والله الموضوع يفترض فيه حسن النيه انا قبل العيد رحت زرت وحده

في المستشفى وكان واقف جنبي واحد وننطر الاصانصير وصل والشاب

طلع قبلي بس انا محلك سر قعدت انطر لين نزل الاصانصير الثاني وزرت

المره .. بس اتوقع الشباب بعد فيه اشياء هم تقهرهم من البنات صح ياشباب:victory:

http://smilles.5d5l.com/smile_albums/other/144.gif (http://smilles.5d5l.com/)

[حـــنـــان]

مافيها شي اختى هو ماسك الباب اشلون يكون قريب... مايكون قريب في مكان ان البنت تمر منة...
الا اذا كانت البنت او المرة دوووبة اي هنى بتكون قريبة منة..وبعدين فية بيبان ثقيلة حدها اقعد ابلع العافية على شان ابطلها..مساكين يجون يفتحون الباب بادب واحترام...بالنسبة للاصنصير اذا فية شاب داخل مستحيل ندخل وهم ان شافونا بعد مايدخلون...الا اذا كان من الهيلق يبي يغازل اللة يهديهم...بالنسبة لى مااشوف فيها اي شي

[الدوحي7]

مايبيله كلام القصد القز والمغازل ويمكن يقول انها بتكلمني ،، ولحد يزعل،، انا بمشي وبطير عنها بعطيهاا قصه يعني بفرق عنها وايد الا اذا قصدي مب زين، مع السلامه،

[حليتان*]

ردي اللي كتبته من شوي .. باااقوه :secret:

ما علينا :(


بالنسبه للموضوع وان كان هالشي يضايق او لا .. ما علي من اطلق شنب :victory:

لي قناعات ماعندي واحد اثنين فيها :shy:

ان صادني الموقف اللي ذكرتيه .. لا بالله بفتح الباب وبتم ماسكه ان شاء الله للعائله كلها :victory:

وفي السياره .. نعم بوقف وبصكر الليتات وبخليهم يطوفون :victory:

موقف ثالث ..

كم مره في الجمعيه اشوف وحده متوهقه .. تبي توصل لغرض فوق وما تطوله .. واقوم بالواجب :victory:


فعادي .. الموضوع اصلآ بكبره مب واحد ووحده
الموضوع ان الانسان يعين و يعاون
ويكون عنده ذوق في هالامور :nice:


وبث :shy:

وليف سوري

لما قريت هاجمله حسيت انك من الي يلبسون ازرق

في الميره الي يظهر لك الاغراض برع ويحطهم في الدبه

[ملاذ الروح]

اماا عجبتني قاز


انا واحد نفس كل واحد كل يوم اشوف هامناظر واسمع الظحك

واشم ريحة العطررات بانواعها

انتي تنكرين انج شهدتي هالاشياء

انا اتحدى واحد يظهر ويقول انه ماشاف هالشكال وانا بقوله وين

واتحداج انتي بعد انج ماشفتي هالاشياء




وبخصوص الجامعه والله اني وديت اختي يوم واحد الجامعه

استغربت اشلون البنات ينزلون الجامعه جي العبايه مفتوحه والجنز

وان كنتي تلبسين هالاشئ على راحتج بس انا قلت شي قاهرني

وهو صج قهر ااني اشوف خواتي بنات البلاد يسون جي

الا بسالج الي يدرسون في الجامعه شنو !!!

عشان البنات يروحون الجامعه بجنز وعبايه مفتوحه

وانتي ليش زعلانه انا ما قلت الكل ولا قلت فلانه

اسفه اخوي ، بس حسيت انك تبي تنتقد البنات وبس علشان عنوان الموضوع
اللي يدرسون بالجامعة اساتذة افاضل وسيدات فاضلات كبار بالسن
بالنسبة للجامعة انا تخرجت من زمان ، لكن العباية مش مفتوحة الموديل جيه
لتسهيل المشي للتوضيح بس

[ضوى]

شخصيا اشوف الحركة فيها ذوق وادب خاصة اذا البنت محترمة ومحتشمة هذا شئ ، الشئ الثاني ليش المراة تركض صوب الاصانصير اذا شافت رجال ؟؟ تخفف لين يتوكل على الله وعقب هي تروح وين المشكلة ؟؟ او اذا اضطرت تركب الاصانصير تبعد عن الريال لين يفهم بروحه انها ماتبي عزيمة من احد ، ولو دخلت الاصانصير تسكره على طول او اذا دخل هو تنزل على طول وانتهى الموضوع وين المشكلة ياما سويناها !!
بخصوص فتحة الباب عادية وتصير وايد بالمستشفيات والمحلات والدوامات يعني ذوقيا مايصير يرضخ الباب في ويهها وهو داش ، بس بعد اللي تتحسس من هالحركة بعد تخفف خطوتها ، وتتاخر ولو صار عادي تطوف من غير ماتاخذ وتعطي معاه ، ماشوف الحركة فيها قلة ادب الا بالنسة للريال اللي نيته شينة والحرمة اللي مانقول الا الله يهديها ويصلحها

[butterfly qatar]

ladies first

هههههههه يطبقون هالكلام

يمكن بحسن نيه
وذوق
واحترام

يمكن سوا ه الحركه من باب الذوق ومب قصده يوقف عشان يقز البنت :omen2:

[alrheeb2020]

وليف سوري

لما قريت هاجمله حسيت انك من الي يلبسون ازرق

في الميره الي يظهر لك الاغراض برع ويحطهم في الدبه


هههههههههههه غلط عالنفر :secret:


وشفيهم اللي يلبسون ازرق ؟؟ ترى الشغل مب عييب .. << خذ الحكمه من افواه العقلاء :tease:

واعتقد ياخوي مافيها شي اتساعد حرمه لو كنت قريب منها وتساعدها اتجيب غرض .. :nice:

تخيل انها امك او اختك وساعدها <<< حكيم :shy:

ويعطيك العافيه amaf535 :nice:

[وليف قطر]

وليف سوري

لما قريت هاجمله حسيت انك من الي يلبسون ازرق

في الميره الي يظهر لك الاغراض برع ويحطهم في الدبه


اول شي خل نترجم الكلام اللي قلته للاعضاء :shy:

هاجمله = هالجمله
الي = اللي
الدبه = اعجبتني هالكلمه حسستني اني فـ النعيريه << شدخل :secret:

بعدين يالدب .. اللي يلبسون ازرق مب بس في الجمعيه

ترى فيه مهندسين في البترول وقطر غاز يلبسوون

يعني لا تفكر هاللبس شوي ..

عيار واحد :tease:

[وليف قطر]

هههههههههههه غلط عالنفر :secret:


وشفيهم اللي يلبسون ازرق ؟؟ ترى الشغل مب عييب .. << خذ الحكمه من افواه العقلاء :tease:

واعتقد ياخوي مافيها شي اتساعد حرمه لو كنت قريب منها وتساعدها اتجيب غرض .. :nice:

تخيل انها امك او اختك وساعدها <<< حكيم :shy:

ويعطيك العافيه amaf535 :nice:

شفت يالرهيب شلون يتحرشون فيني :weeping:

ماحبهم ولا بشجعهم << شدخل :secret:

[بوحارب]

:confused::mad::p:D

[بوعلي2]

شالسالفه؟؟

[بوحارب]

شالسالفه؟؟

ولا شي

بس البنت تقول انها تنقهر لما حد يمسك لها الباب

مافيه الا تصفق الباب في وجهها وتكسر لها خشمها عشان ما تنقهر :(

فهمت يالذكي

[بوعلي2]

ولا شي

بس البنت تقول انها تنقهر لما حد يمسك لها الباب

مافيه الا تصفق الباب في وجهها وتكسر لها خشمها عشان ما تنقهر :(

فهمت يالذكي

ههههههههههههههههههههههههههههههههههه
ههههههههههههههههههههههههههههههههههه

يالدب والله انك شرير :(

اهااااااا هلوووون الموضوع :shy:

أحين = الحين فهميت :shy:

شكرا يالهمبه المفلجه :shy:

[بنت ذياب]

هههههههههههههههههههههههههههه

تذكرت موقف

مرة رحنا مستشفى حمد

وكنااا شلة بناات

يمكن فوق ال6

المهم عاد واحد مسوي فيها اتيكيت وذوق

قام ومسك لنا الباب

وحده منا مرت والثانيه وانا والثالثه .. والربعه .. والخامسه

وبعدها تعب نفسيا وانكسرت ايده هههههههههههه جان يهد الباب وينصفق بويه اللي وراي

خخخخخخخخخخخخخخخخخخخخخخخخخخخ

مشكلة والله الشباب:tease:


,,,

اما بخصوص الاصانصير هههههههههههههههههه مااااتوقع في واحد يقول لوحده ادخلي

وهو بروحه بس بالمصعد !!!!!

:omen2:

واتوقع اي وحده بتقوله لاااا اكيد

بس اللي اعرفه ان الشباب ينتظرون لين مايدخلون الحريم قبل

والله اعلم :omen2:

[Mozanee]

ههههههههههههههههههههههههههههههههههه
ههههههههههههههههههههههههههههههههههه

يالدب والله انك شرير :(

اهااااااا هلوووون الموضوع :shy:

أحين = الحين فهميت :shy:

شكرا يالهمبه المفلجه :shy:



ا
ي والله ليش ازعل خل يفتحون لي الباب ’’بصراحة عيال وشباب قطر سنعيين ,,,

بس عمري محد فتح لي الباب ’’’ اعتقد انا من اللي يرضخونها في ويهي

[وليف قطر]

ا
ي والله ليش ازعل خل يفتحون لي الباب ’’بصراحة عيال وشباب قطر سنعيين ,,,

بس عمري محد فتح لي الباب ’’’ اعتقد انا من اللي يرضخونها في ويهي


انا سويتها من كم يوم .. هاي انتي :secret:


امزح :shy:

[رهج السنابك]

انتو اشفيكم فهمتوا غلط ؟!!! ياربي شلون اوصل المعلومه لكم

اللي يقول احسن لا تمسكون الباب وخله يرضخ ويهها واللي يقول مدري شنو

انا وضحت لما يكون اثنين متقابلين يعني وحده طالعه وواحد داخل مثلا يقوم هو يفتح الباب ويتم ماسكه وواقف على جنب يعني طوفي فهمتوووو

مو هي تمشي وراه ويرضخ الباب في ويهها ! واللي تقول تباطئي في المشيه لين يطوف

هالوضع مختلف لما تكون هي وراه عادي لانه بيمشي اكيد وبيروح بس لما تكون بالصدفه معاكسة الاتجاه انا احس لو انه يفتح الباب ويمشي افضل وبعدين هي تمشي مو يفتح الباب ويتسمر !

بس حبيت اوضح هالشغله ومابي منكم تعليقات ولا تسوون فيها احترام وذوق ان شفتوا بنت قدامكم عادي كملوا طريقكم وانا عندي انه يرضخ الباب أهون بكثير منه انه يقابلها ومتسمر في مكانه على الاقل اهنيه البنت ماراح تحس بإحراج ..:tease:

[هداف]

!!!

اللي يسمعج يقول القطريه الوحيده اللي تمشي في الشارع انتي ولازم تنزلين تنبيه وملاحظات للشباب
اللي يجون في طريقج ان كذا يعجبني وكذا ما يعجبني وسوو هشكل ولا تسون هشكل !!! لا تفتحون الباب وخروا عني لا تركبون معاي في الاصنصير مافيج حيله يا اهم بنت في قطر !


مسويه لنفسج مهرجان في شارع فاضي !

[وليف قطر]

!!!

اللي يسمعج يقول القطريه الوحيده اللي تمشي في الشارع انتي ولازم تنزلين تنبيه وملاحظات للشباب
اللي يجون في طريقج ان كذا يعجبني وكذا ما يعجبني وسوو هشكل ولا تسون هشكل !!! لا تفتحون الباب وخروا عني لا تركبون معاي في الاصنصير مافيج حيله يا اهم بنت في قطر !


مسويه لنفسج مهرجان في شارع فاضي !

وسع صدرك يا غالي :nice:

هي وضحت موقف هي تتضايق منه

بس بطت جبدي يوم تحط في العنوان [ تنبيه للشباب رجاءً ]

حسستني انها كيلوبترا على غفله :secret:

بس مش حالك ياخوي .. انا من شفت ردها اللي تقول فيه [ لا تسوون فيها ذوق ومادري شنو ]

تحسفت اني رديت ع الموضوع من البدايه اصلآ :nice:


سلملم ;)

[alrheeb2020]

شفت يالرهيب شلون يتحرشون فيني :weeping:

ماحبهم ولا بشجعهم << شدخل :secret:


ماعليك منهم :nice:

عفيه عالشاطر اللي يساعد عمال الميره << بغيته عون طلع فرعون :tease:

هههه ..

ماعليك من كلام الناس احتسب الاجر من عند الله :nice:

ويعطيك العافيه :omen2:


الا كم يعطون عالمساعده :shy: <<< حس انه السالفه بتكون مشروع ناجح :tease:

[شـعـشـبـونـه]

ول ول ول :omg:

واجد شايله هم الموضوع
ههههههههههههههههههههههههههههه


اللي يفتح لي الباب ويخليني امر
عسااا ربي يفتح له ابواب الجنه


مابي اكثر كلام لان السالفه ماتسوى .. والله يعطيج على قد نيتج :rolleyes2:

[رهج السنابك]

بصراحه ضحكني اللي يقول مسويه فيها كليوبترا :dance

او اهم بنت في قطر :happy::happy:



خلاص لاتزعلون وجه نظر وقلتها لا تحطون في بالكم وايد عااادي طنش تعش منتعش:victory:

[meme~qatar]

!!!

اللي يسمعج يقول القطريه الوحيده اللي تمشي في الشارع انتي ولازم تنزلين تنبيه وملاحظات للشباب
اللي يجون في طريقج ان كذا يعجبني وكذا ما يعجبني وسوو هشكل ولا تسون هشكل !!! لا تفتحون الباب وخروا عني لا تركبون معاي في الاصنصير مافيج حيله يا اهم بنت في قطر !


مسويه لنفسج مهرجان في شارع فاضي !

ههههه
هههههههه
ههههههههههه
صح كلامك
بس خف اللهجة شوي

[Mozanee]

بصراحه ضحكني اللي يقول مسويه فيها كليوبترا :dance

او اهم بنت في قطر :happy::happy:



خلاص لاتزعلون وجه نظر وقلتها لا تحطون في بالكم وايد عااادي طنش تعش منتعش:victory:


والله انت بنت حلال وطيبة وقولي وجهة نظرج ولو الكل خالفج

[زقرتي ومزاجي]

السلام عليكم ورحمة الله وبركاته


لاحظت حركة يسوونها الشباب وانا متأكده انها بدافع نية طيبة لكن هالحركة وايد تقهررر



وترفع الضغط



وتحرج البنت



وهي مثلاً لما بنت تكون ماشية في طريق فيه باب هي مثلا داخله وشاب طالع وتقابلوا عند الباب يقوم الشاب يفتح الباب واعتقاد منه بأنه راعي ذوق يقوم يوقف وماسك الباب مفتوح يعني قصده طوفي يا بنت ... هالحركة كلش ماتعجبني ووايد تسبب احراج لأني بضطر امشي وهو ماسك الباب وواقف واكيد فتحة الباب مو بذيك الوسع فبكون قريبة وايد منه :anger1:

انا افضل انه يفتح الباب ويمشي ويطوف وعقب البنت تاخذ راحتها وتطوف ولا انه يوقف ويمسك الباب غالباً اتنحى على صوب الباب وافسح المجال واتم واقفه انطر انه يمشي والاخ متسمر وواقف يبيني انا امشي وانحرج اتكلم او اقول له تفضل طوف لاني ادري بيقول لا انتي طوفي ... عاد ماتحلا العزايم الا هالوقت فاختصر الموضوع واطوف بسرعه

كلش حركه ترفع الضغط

وحركة ثانية بعد لما بالصدفة يكون بنت وشاب واقفين ينطرون الاصنصير وبعض البنات ماتحب تركب الاصنصير وما معها الا شاب ( خلوه غير شرعية ) فيقوم الاخ لما يفتح ويعزم البنت تفضلي دشي ويدش وراها :anger1: .. هالحركة بعد مو حلوة اتمنى الشاب يسكت ولا يقول لها تفضلي ان كان ناوي يدش
ونفس الشيء لما يوقف الاصنصير ويسوي فيها راعي ذوق وأدب ومايطلع من الاصنصير ويتم واقف يبي البنت تمشي قبله .. نفس الفكرة اللي ذكرتها فوق فتحة الاصنصير مو واسعه والبنت لما تمشي بتمر وايد من قربه يمكن مايبعد بينهم الا اقل من ربع متر :anger1:

يعني لو الاخ خلا الذوق لنفسه وطلع بالأول وخلا البنت تطلع براحتها وايد أفضل وأحسن اشوفها من انه ينطرها تمشي بالأول ومفكر انه بهالطريقة اتيكيت وذوق


فأتمنى من أي شاب يفكر ان هالحركة اتيكيت يبطلها لان البنت تنحرج وايد وان كنت تمر في ممر او كنت في الاصنصير اتمنى تعطي الاسبقية لنفسك ولا تعزم على أي بنت تدش الاصنصير ان كنت شايف مافي احد بيركب الا انت لانه مايجوووووز ابد يتسكر مكان بين اثنين


سوري على الموضوع ادري انه مزعج ويمكن ماله داعي بس حبيت اوضح شغلة يمكن البعض ماينتبه لها عن طيب نيه وحسن اعتقاد




والله اشوف هالمواقف عاديه ..
وجهه نظر

[زقرتي ومزاجي]

ا
ي والله ليش ازعل خل يفتحون لي الباب ’’بصراحة عيال وشباب قطر سنعيين ,,,

بس عمري محد فتح لي الباب ’’’ اعتقد انا من اللي يرضخونها في ويهي



ههههههههههههههههههههههههههه
ههههههههههههههههههه
ههههههههههه

[alrheeb2020]

ماعليك منهم :nice:

عفيه عالشاطر اللي يساعد عمال الميره << بغيته عون طلع فرعون :tease:

هههه ..

ماعليك من كلام الناس احتسب الاجر من عند الله :nice:

ويعطيك العافيه :omen2:


الا كم يعطون عالمساعده :shy: <<< حس انه السالفه بتكون مشروع ناجح :tease:

مارديت على سؤالي وليف :shy:

[شجرة الدر]

في اغلب الاوقات الافضل منع للاحرجات هو ركوب الدرج .. لكن بعض البنات مشكلة لو تبي دور الرابع عشر مثلا:omg:



:omg:

اشدعوه الدور الرابع عشر ،، لاهاي تصرف عمرها تروح الدوام الساعه ست ونص ،،

انا اتكلم الدرج حق اللي في الدور الثاني او الثالث بس،،

انا مره رحت بالدرج لين الدور الخامس علشان عندنا اجتماع بغى يغمى عليي ،،

[حليتان*]

هههههههههههه غلط عالنفر :secret:


وشفيهم اللي يلبسون ازرق ؟؟ ترى الشغل مب عييب .. << خذ الحكمه من افواه العقلاء :tease:

واعتقد ياخوي مافيها شي اتساعد حرمه لو كنت قريب منها وتساعدها اتجيب غرض .. :nice:

تخيل انها امك او اختك وساعدها <<< حكيم :shy:

ويعطيك العافيه amaf535 :nice:



تحمل يالحكيم


انا اتغشمر مع وليف انت شدخلك<<<< طيووووو


يا داخل بين االبصله واشراتها ما يدوبك الا ريحتها

[alrheeb2020]

تحمل يالحكيم


انا اتغشمر مع وليف انت شدخلك<<<< طيووووو


يا داخل بين االبصله واشراتها ما يدوبك الا ريحتها


ونت من كلمك ؟ :omen2:

[حليتان*]

اول شي خل نترجم الكلام اللي قلته للاعضاء :shy:

هاجمله = هالجمله
الي = اللي
الدبه = اعجبتني هالكلمه حسستني اني فـ النعيريه << شدخل :secret:

بعدين يالدب .. اللي يلبسون ازرق مب بس في الجمعيه

ترى فيه مهندسين في البترول وقطر غاز يلبسوون

يعني لا تفكر هاللبس شوي ..

عيار واحد :tease:

معليه يا وليف

الحين انت بديت بتشوف كل رد تكتبه او موضوع تنزله

بدقق فيه عدل حتى لو الهمزه نا قصه بعدلها لك

:anger1: :anger1: :anger1: :anger1:

[حليتان*]

ونت من كلمك ؟ :omen2:

لا تكفى حكرت لي


:tease:

[alrheeb2020]

لا تكفى حكرت لي


:tease:


نضحك ؟ :nice:

[وليف قطر]

مارديت على سؤالي وليف :shy:

مب قايل :p

وفيه مكان يعطون بالـ 10 ريال بعد :tease:

ويطرشون الخدامه وياك :shy:

[alrheeb2020]

لا تكفى حكرت لي


:tease:


وثاني شي انت تستهزأ بشغلة العامل اللي فالجمعيه ..

والشغل مب عيب والاسلام محرم علينه الاستهزاء ..

وتذكر يمكن يجي اليوم اللي تنحط بهالمكان او حد من اعيالك او احفادك ..

احمد ربك عالنعمه واشكره اللي انت فيها بدال ماتستهزأ :nice:

[alrheeb2020]

مب قايل :p

وفيه مكان يعطون بالـ 10 ريال بعد :tease:

ويطرشون الخدامه وياك :shy:

:eek5:

:oops: ياولد

يعني انقول فاليوم اقل شي 50 زبون ..

50 ضرب 30 = 15 الف فالشهر :eek5:

ومع الخدامه :secret:

الا ماقلت لي اي جمعيه:eek5::omg: ؟؟

----

ههه بخصوص طلعنه عن ام الموضوع .. :tease:

اسمحي لنا اختنه الارستقراطيه :shy:

[هذلان]

موضوع ليدز فيرست بصراحه ( مب لنا )
عليكم باهل اليمين و بس .

صفو نيتكم شوي مع اني اعذر البنات على خوفهم و حرصهم من هالسالفه .

الي بيفتح الباب للبنت المفروض هو يكون طايف قبل ،، الذوق انك ماتبقق عيونك و تخز ومن تشوف البنت قربت من الباب هده و انت ماشي .

موضوع الاصنصير اعتقد الصح واضح و الغلط واضح .

اذكر في مستشفى حمد كنت راكب الاصنصير العادي بروحي طالع فوق (الاصنصير الي مش مخصص للنساء)
وفي احد الادوار انفتح الباب و تركب عجوز مع بناتها و سكر الباب و انا منزل راسي و عادي يعني .. شوي ولا العجوز طايحه فيني و بناتها ينغزونها و هي مافيه فايده طايحه فيني تشرشح .
طبعا ماكلمتها و لاردت عليها وكانها ماتكلمني الله يهديها .

[meme~qatar]

:eek5:

:oops: ياولد

يعني انقول فاليوم اقل شي 50 زبون ..

50 ضرب 30 = 15 الف فالشهر :eek5:

الا ماقلت لي اي جمعيه:eek5::omg: ؟؟

----

ههه بخصوص طلعنه عن ام الموضوع .. :tease:

اسمحي لنا اختنه الارستقراطيه :shy:



انت مشروعك فاشل من اوله:tease:
لانك ماتعرف تحسب عدل:rolleyes2:
50 ضرب 30=1500 الف وخمسمية:discuss:
موب 15 الف:rolleyes2:
انت وين والمشاريع ويييييييين:tease:

[مسكين]

الحركة الأولى يمكن بحسن نيه ويمكن يسويها الشاب بطريقة يكون بعيد للآخر ويشرع الباب حده


لكن الثانية مايسويها إلا قليل حيا

[بوخالد911]

ابي اعرررف

ليش رد بو حرووبي انمسح

وكان هو اول رد

[الشاااهين]

:shy:انا مره وحده بطلت لي الباب وتمت ماسكته لين مشيت بس احرااااااااااااج

[alrheeb2020]

انت مشروعك فاشل من اوله:tease:
لانك ماتعرف تحسب عدل:rolleyes2:
50 ضرب 30=1500 الف وخمسمية:discuss:
موب 15 الف:rolleyes2:
انت وين والمشاريع ويييييييين:tease:



:shy:

اصلا متعمد كنت ابي اجوف من الذكي اللي بيكتشف الخطا :tease:



هه لا الصج اني غلطت بدال ماحط 300 حطيت 30 وشكرا للتصحيح

[meme~qatar]

:shy:

اصلا متعمد كنت ابي اجوف من الذكي اللي بيكتشف الخطا :tease:



هه لا الصج اني غلطت بدال ماحط 300 حطيت 30 وشكرا للتصحيح

ليش 300 الشهر30 يوم؟؟:nice:
رقع بس رقع:tease:

[alrheeb2020]

ليش 300 الشهر30 يوم؟؟:nice:
رقع بس رقع:tease:


لا يا ام مخ .. :anger1:

كل يوم عشر يعني 30 ضرب 10 ضرب خمسين .. :tease:

فهمتي ولا اشرحلج بالصور ؟ :tease:

[meme~qatar]

لا يا ام مخ .. :anger1:

كل يوم عشر يعني 30 ضرب 10 ضرب خمسين .. :tease:

فهمتي ولا اشرحلج بالصور ؟ :tease:

اها يس:rolleyes2:
انت تقصد كروتك 10 ريال
وفي اليوم 50 زبون
10 ضرب 50=500 ريال
500ضرب 30 يوم=15000 ريال

جذي اوكي:nice:

[alrheeb2020]

اها يس:rolleyes2:
انت تقصد كروتك 10 ريال
وفي اليوم 50 زبون
10 ضرب 50=500 ريال
500ضرب 30 يوم=15000 ريال

جذي اوكي:nice:

:discuss::discuss:

[meme~qatar]

:discuss::discuss:

وين اللي بيقومها ؟؟:omen2:
شرووووووووووووود:tease:

[..الاميرة..]

بما انه احذفوا ردي الأول

انه واحد احب اساعد البنت في كل مكان :(


افتح لها الباب والأصنصير وقلبي :Dوعيني الا جيبي :looking:


هههههههههههههههههههههههههههههههههههههههههههههههههه ههههههههههههههههههههههههههههه

لا تعليق .. :secret:

[alrheeb2020]

وين اللي بيقومها ؟؟:omen2:
شرووووووووووووود:tease:


هههههه :secret:

مب فاضين مشاكل مع ....... بدون ذكر اسامي :nice:

[رهج السنابك]

يا حليلكم رحت ورجعت لقيت الموضوع انقلب سفرة عشاء .. كله سواليف ^_^


اخذوا راحتكم اخذوا راحتكم .. ترا الموضوع موضوعكم لاحد يستحي

تبوني احط لكم فستق ولوز تاكلون وتكملون سواليفكم ^_^

[بومبارك511]

على حركه الاصنصير ... لو اللي بيدش هندي ولا اجنبي ... عادي
بس لو انه قطري ... تقولون خلوه شرعيه ومادري شنوو
:.:.:.:.:.:.:.:.:.:.:.:.:.:.:.:.:.:.:

[alrheeb2020]

يا حليلكم رحت ورجعت لقيت الموضوع انقلب سفرة عشاء .. كله سواليف ^_^


اخذوا راحتكم اخذوا راحتكم .. ترا الموضوع موضوعكم لاحد يستحي

تبوني احط لكم فستق ولوز تاكلون وتكملون سواليفكم ^_^


اسفين اختي :shy: << ايوه يامثالي .. :tease:

والسموحه قلبنه الموضوع ميلس وطلعنه وهببنه فالمواضيع .. :secret:

والله يجزيج كل خير :nice:

[ساراام]

صح مرات اللي بيطوف يتم ماسك الباب ومرات لا

بس وين المشكله اللى يحس انه بعيد عن اللى ماسك يطوف واللى مايبي يقوله تفضل ومشكور :)

اما الاصنصير ماصارت معاي لاني دائما اكون مع الاهل يعني عادي لو شاب ركب دام الاهل معاي

بس اذا بروحي مستحيل اركب ويفضل اركب اصنصير بروحي بعد ماتأكد يمين يسار انه مافي حد جاي خخخ

[meme~qatar]

اسفين اختي :shy: << ايوه يامثالي .. :tease:

والسموحه قلبنه الموضوع ميلس وطلعنه وهببنه فالمواضيع .. :secret:

والله يجزيج كل خير :nice:

ياويلك من الانسة منشن
ههههههههه:tease:

[alrheeb2020]

ياويلك من الانسة منشن
ههههههههه:tease:



ههه لاتمر صوبنه بس omen

[رهج السنابك]

http://mr.abulara.googlepages.com/Minchin.gif


الرهيب و مي مي :anger1:


http://www.dicts.info/img/ud/ruler.jpg <<<<<<<< طلعت مسطرتها

[رهج السنابك]

على حركه الاصنصير ... لو اللي بيدش هندي ولا اجنبي ... عادي
بس لو انه قطري ... تقولون خلوه شرعيه ومادري شنوو
:.:.:.:.:.:.:.:.:.:.:.:.:.:.:.:.:.:.:

لا يالطيب ماتفرق قطري ولا اجنبي كلهم سيم سيم الرجل رجل

[alrheeb2020]

http://mr.abulara.googlepages.com/Minchin.gif


الرهيب و مي مي :anger1:


http://www.dicts.info/img/ud/ruler.jpg <<<<<<<< طلعت مسطرتها

اسف

:cry2::cry2::cry2::cry::cry::eek3::eek3::sorry::so rry:

[رهج السنابك]

اسف

:cry2::cry2::cry2::cry::cry::eek3::eek3::sorry::so rry:


احم اخر مره .. قول اتووووووووب:anger1:

[alrheeb2020]

احم اخر مره .. قول اتووووووووب:anger1:


:cry: اوعدج ماعيدها ماما ارستقراطيه :weeping:

[وليف قطر]

بس يا شباب .. لا تقلبون الموضوع شات

بعدين

.
.
.
.
.

http://4.bp.blogspot.com/_mDnuP6vdHRg/R5Gm461tcjI/AAAAAAAAA0E/XBYVRuyLKGs/s400/%D8%B3%D9%8A%D8%AF%D8%A9+%D9%85%D9%84%D8%B9%D9%82% D8%A9.jpg



بتزعل


:secret:


BrB

[بوحارب]

ابي اعرررف

ليش رد بو حرووبي انمسح

وكان هو اول رد



i don`t no :omen2:

[meme~qatar]

بس يا شباب .. لا تقلبون الموضوع شات

بعدين

.
.
.
.
.

http://4.bp.blogspot.com/_mDnuP6vdHRg/R5Gm461tcjI/AAAAAAAAA0E/XBYVRuyLKGs/s400/%D8%B3%D9%8A%D8%AF%D8%A9+%D9%85%D9%84%D8%B9%D9%82% D8%A9.jpg



بتزعل


:secret:


BrB


شوفي انسة منشن
وليف قطر تكلم:victory:
انا ماقلت شي:secret:


وبعدين الرهيب هو اللي كلمني اول :discuss:
خلاص ماعيدها
ولا تقولين حق ماما اني مشاغبة:secret:

[حليتان*]

وثاني شي انت تستهزأ بشغلة العامل اللي فالجمعيه ..

والشغل مب عيب والاسلام محرم علينه الاستهزاء ..

وتذكر يمكن يجي اليوم اللي تنحط بهالمكان او حد من اعيالك او احفادك ..

احمد ربك عالنعمه واشكره اللي انت فيها بدال ماتستهزأ :nice:

ياخي ندري انه مهب حرااام

وانا بس كنت امزح مع وليف


انت دخلتنى في الحلال والحرام

الله يسامحك زعلتني :weeping:


http://img248.imageshack.us/img248/4430/54127362.gif

[بوحارب]

ياخي ندري انه مهب حرااام

وانا بس كنت امزح مع وليف


انت دخلتنى في الحلال والحرام

الله يسامحك زعلتني :weeping:


http://img248.imageshack.us/img248/4430/54127362.gif


من زعل وليدي :anger1:

[alrheeb2020]

ياخي ندري انه مهب حرااام

وانا بس كنت امزح مع وليف


انت دخلتنى في الحلال والحرام

الله يسامحك زعلتني :weeping:


http://img248.imageshack.us/img248/4430/54127362.gif

حتى المزح في هالاشياء حرام :omen2: ..

وكل شي ولا زعل amaf535

قررت اهديك وردة عربون مصالحه :nice:

http://www.7mmlbs.com/img/6bs09962.png


لحد يوقف قلبه ( وليف :tease: ):tease:

[وليف قطر]

حتى المزح في هالاشياء حرام :omen2: ..

وكل شي ولا زعل amaf535

قررت اهديك وردة عربون مصالحه :nice:

http://www.7mmlbs.com/img/6bs09962.png


لحد يوقف قلبه ( وليف :tease: ):tease:

:omg:

بااق الصوره الدب :eek5:

مافيه حركه انزل فيها الصور برقم سري :weeping:

[alrheeb2020]

:omg:

بااق الصوره الدب :eek5:

مافيه حركه انزل فيها الصور برقم سري :weeping:

احمد ربك بعد ماشلت كلمة وليف قطر :anger1: << :tease:

[حليتان*]

حتى المزح في هالاشياء حرام :omen2: ..

وكل شي ولا زعل amaf535

قررت اهديك وردة عربون مصالحه :nice:

http://www.7mmlbs.com/img/6bs09962.png


لحد يوقف قلبه ( وليف :tease: ):tease:

احم احم لا خلاص يا الرهيب

لا تجي وتبوس راسي:tease:

خلاص سامحتك والله

انا والله مهب قصدي شي قصدي اني اتغشمر وبس

وانت ماشاء الله عليك اسلوبك عجيب >>>> ينرفز


اما الورده مقبوله مشكور(:tease:)

[KING OF FISH]

انا باغير اسم الموضوع وبنكتب تنبيه لكل المهندسين والمقاولين نرجوا من جميع المهندسين والمقاولين ورجال ألأعمال القادمين على أنشاء مجمعات ، عمارات ، فنادق ، ألخ عدم وضع أو ادراج بيبان أو اصنصيرات في المخطط الهندسي وفي الوقت الحالي من قام ببناء اي مجمع او مستشفى او مكان يجتمع فيه اهالينا بكسر البيبان والغاء ألأصنصيرات وألا سوف نرفع عليه دعوى قضائية كيف تبني مستشفى فيها باب يسمح للشاب بمسكه عشان يخلي اخته او امه او زوجته او ايا كان ويمكن يكون اللي بيمر كبير في السن على فكرة ساعات ادخل المستشفى أقسم بالله تكون جدامي اخت قبلي بتدخل وتمسكلي الباب وهذه الحركه ان دلت فهي تدل على التربية الحسنة وحسن ألأخلاق وكلا على نيته .