جرير
04-12-2009, 01:08 AM
يوم النحس العالمي :weeping:
يوم الاربعاء اتجهت الى المطار:omen2: وتوقيت الرحله كان ٢ الا ربع صباحا
، ، وأول التلميحات ماطرنا الا بعد ساعه تقريبا على قوله الكابتن بسبب
خلل فني ، ، ، :eek5:وفي الطياره الواحد يحاول ينام يمين يسار ما توعى الا بمطب
جوي يخليك تفتح عيونك وتتلفت حولك كنك واحد معطينه بحطبه على راسه :court:
المهم مع بروده الاجواء داخل الطياره شي طبيعي يصيدك احتقان مب طبيعي
وارتفاع في درجه الحراره وصداع وتستقبلك مدينه برودتها ٥ درجات :rolleyes2:، ، ،
طلعنا من المطار سيده صوب مواقف السيارات بو الشباب حاجز له موقف
لأول مره لانه متعود على التكسي . . .
انطلقت بالسياره ويبتدي الصراع مع النعاس تخيل كومه او حزمه
من النعاس تغطي وجهك . . . وزحمه الطريق حدث ولا حرج.:thumbdown: . .
والضباب ذاك اليوم الله المستعان(طبعا الزحمه والضباب والنعاس اول
مره يصيدوني مادري ليش يمكن ضريبه التاخير للساعه اللي تاخرناها قبل )
وصلت الشقه طبعا انا عندي موقف خاص فيني بس على بعد 3 عمارات
من مكان شقتي والمواقف اللي حول المباني كلها تكون بفلوس
عاد تدرون بو الشباب . . . قلت بوقف على السريع وبودي الشنط
الشقه وبرد بسرعه واوقف السياره في الموقف الخاص فيني رديت
. . . واحصل الحبيب واقف عند السياره وماسك دفتر المخالفات:deal:
قلت له انا موقف دقيقه بس وانا ساكن في هالعماره . . . احاول اوجد لي
عذر المهم الحبيب قال لين الحين عندك فرصه اشتر تذكره عشان
ما تتخالف . . . رديت السياره دورت على كوينز ما حصلت قال اسمحلي:sorry:
انا لازم اخالفك قلت توكل على الله احنا ناقصين بعد . . . هات المخالفه:nice:
بعد ما استلمت المخالفه رحت وقفت السياره في الموقف الخاص .
. وصلت عند عمارتي ابي ادخلها شوي والا الاحظ باب من الابواب اللي
كانت موجوده مركبين فيه جهاز برقم سري:nono: احاول فيه يمين يسار ما فيه فايده
وطبعا الجوال كان في الشقه (طبعا في المره الاولى لما وديت الشنط فوق فيه
واحد كان ساكن في العماره وهو اللي بطل الباب لي على سبيل المساعده
وما انتبهت حق الجهاز الجديد) المهم رديت لسياره مره ثانيه وانطلق فيها escape
للمكتب اللي استاجرت من عندهم الشقه وخذت من عندهم الرقم السري . .
. ورديت البيت وكانت الساعه 12 تقريبا واشيك البريد واحصل رساله فاتوره
الكهرباء . . . ورساله تحذيريه تفيد باني مركب تلفزيون من دون ليسن
او رخصه :oops:. . .وانهم مرو علي البيت وماحصلوني . . . واعطيها
بنومه متقطعه 17 مره:yawn:
قمت اليوم الثاني مع قليل من الصداع وكثير من الاحتقان وبرد ومطر
. . . كلها عوامل تدعو الى( التفهي ) :cry2:رحت الجامعه واتفاجى با متحان
دسم في الرياضيات (طبعا بو الشباب معطهم طاف وعيد في الدوحه
والدكاتره الكرام يدورون الزلات :con2:. . . ,,, بعد يوم طويل في الجامعه
وانا رايح صوب السياره واحد من الشباب قال شكلهم معطينك مخالفه
. . . وطبعا طلع كلامه صح عطوني مخالفه ثانيه خلال اربعه وعشرين ساعه
(مسموح لك بالوقوف كحد اقصى ساعتين ) وطبعا بو الشباب موقف من
تسع الصبح لين 7 المساء بالعربي ان شلت السياره وين بحصل موقف
عشان اصف فيه ركبت السياره بعد ما وصلت واحد من الشباب
محطه القطار لانه ساكن في مدينه ثانيه ورجعت صوب البيت
طبعا الموقف الخاص فيني برقم سري . . . جيت ادخل الرقم ما فيه فايد
ما يشتغل حاولت فيه مادري شسالفه الظاهر غيرو الرقم وطبعا السياره
واقفه تحت العماره :threaten:بس هالمره دفعت لها حق ساعتين لان العداد يكون بلاش
في الليل ويشتغل الصبح من الساعه 8 وانا دافع حق ساعتين ةعندي
جامعه الساعه 10 ونص وان شالله نشوف وش سالفه ابو الموقف
. . . . .
وفي النهايه الحمد لله على كل شي :victory:
يوم الاربعاء اتجهت الى المطار:omen2: وتوقيت الرحله كان ٢ الا ربع صباحا
، ، وأول التلميحات ماطرنا الا بعد ساعه تقريبا على قوله الكابتن بسبب
خلل فني ، ، ، :eek5:وفي الطياره الواحد يحاول ينام يمين يسار ما توعى الا بمطب
جوي يخليك تفتح عيونك وتتلفت حولك كنك واحد معطينه بحطبه على راسه :court:
المهم مع بروده الاجواء داخل الطياره شي طبيعي يصيدك احتقان مب طبيعي
وارتفاع في درجه الحراره وصداع وتستقبلك مدينه برودتها ٥ درجات :rolleyes2:، ، ،
طلعنا من المطار سيده صوب مواقف السيارات بو الشباب حاجز له موقف
لأول مره لانه متعود على التكسي . . .
انطلقت بالسياره ويبتدي الصراع مع النعاس تخيل كومه او حزمه
من النعاس تغطي وجهك . . . وزحمه الطريق حدث ولا حرج.:thumbdown: . .
والضباب ذاك اليوم الله المستعان(طبعا الزحمه والضباب والنعاس اول
مره يصيدوني مادري ليش يمكن ضريبه التاخير للساعه اللي تاخرناها قبل )
وصلت الشقه طبعا انا عندي موقف خاص فيني بس على بعد 3 عمارات
من مكان شقتي والمواقف اللي حول المباني كلها تكون بفلوس
عاد تدرون بو الشباب . . . قلت بوقف على السريع وبودي الشنط
الشقه وبرد بسرعه واوقف السياره في الموقف الخاص فيني رديت
. . . واحصل الحبيب واقف عند السياره وماسك دفتر المخالفات:deal:
قلت له انا موقف دقيقه بس وانا ساكن في هالعماره . . . احاول اوجد لي
عذر المهم الحبيب قال لين الحين عندك فرصه اشتر تذكره عشان
ما تتخالف . . . رديت السياره دورت على كوينز ما حصلت قال اسمحلي:sorry:
انا لازم اخالفك قلت توكل على الله احنا ناقصين بعد . . . هات المخالفه:nice:
بعد ما استلمت المخالفه رحت وقفت السياره في الموقف الخاص .
. وصلت عند عمارتي ابي ادخلها شوي والا الاحظ باب من الابواب اللي
كانت موجوده مركبين فيه جهاز برقم سري:nono: احاول فيه يمين يسار ما فيه فايده
وطبعا الجوال كان في الشقه (طبعا في المره الاولى لما وديت الشنط فوق فيه
واحد كان ساكن في العماره وهو اللي بطل الباب لي على سبيل المساعده
وما انتبهت حق الجهاز الجديد) المهم رديت لسياره مره ثانيه وانطلق فيها escape
للمكتب اللي استاجرت من عندهم الشقه وخذت من عندهم الرقم السري . .
. ورديت البيت وكانت الساعه 12 تقريبا واشيك البريد واحصل رساله فاتوره
الكهرباء . . . ورساله تحذيريه تفيد باني مركب تلفزيون من دون ليسن
او رخصه :oops:. . .وانهم مرو علي البيت وماحصلوني . . . واعطيها
بنومه متقطعه 17 مره:yawn:
قمت اليوم الثاني مع قليل من الصداع وكثير من الاحتقان وبرد ومطر
. . . كلها عوامل تدعو الى( التفهي ) :cry2:رحت الجامعه واتفاجى با متحان
دسم في الرياضيات (طبعا بو الشباب معطهم طاف وعيد في الدوحه
والدكاتره الكرام يدورون الزلات :con2:. . . ,,, بعد يوم طويل في الجامعه
وانا رايح صوب السياره واحد من الشباب قال شكلهم معطينك مخالفه
. . . وطبعا طلع كلامه صح عطوني مخالفه ثانيه خلال اربعه وعشرين ساعه
(مسموح لك بالوقوف كحد اقصى ساعتين ) وطبعا بو الشباب موقف من
تسع الصبح لين 7 المساء بالعربي ان شلت السياره وين بحصل موقف
عشان اصف فيه ركبت السياره بعد ما وصلت واحد من الشباب
محطه القطار لانه ساكن في مدينه ثانيه ورجعت صوب البيت
طبعا الموقف الخاص فيني برقم سري . . . جيت ادخل الرقم ما فيه فايد
ما يشتغل حاولت فيه مادري شسالفه الظاهر غيرو الرقم وطبعا السياره
واقفه تحت العماره :threaten:بس هالمره دفعت لها حق ساعتين لان العداد يكون بلاش
في الليل ويشتغل الصبح من الساعه 8 وانا دافع حق ساعتين ةعندي
جامعه الساعه 10 ونص وان شالله نشوف وش سالفه ابو الموقف
. . . . .
وفي النهايه الحمد لله على كل شي :victory: