هذا البلاء بعينه وعلمه (للنقاش الجاد فقط)

[المتضرعه لله]

البلاك بيري

بي بي

البلاء كما يسميه الاباء والامهات

ماهو؟

مافائدته ؟

هل ادى الى زيادة انتاج او عطاء او توفير او ثمره ترجى بالخير؟

النسوان نسوا مهماتهم

الرجال صار اللهم اللهم لك الحمد يمشي وبيده اثنين بتقولون اثنين بلاك بيري كيف تصير؟

طبعا للزوجه واحد ولخاصيته واحد والاليه طلع اثنين لان فيه اكثر من رقم ولك رقم يبي بلاء!!

ياحي ياحي الرجال والشباب بلاهم اقل على الاقل ماهم قايلين غترتي حمراء الكفر احمر غترتي زرقاء الكفر ازرق

شوفوا البنات الشنطه زرقاء الكفر ازرق والمناكير الله لا ينكرنا ولا ينكر منا زرق وتطريز العباه ازرق بلفيت مودرن وعلى الموضه الله يعوض على اهلها

البلاك بيري الخاص بهم يملاء فصوص والوان وخرز عكس الرجال والشباب

اثار اجتماعيه واقتصاديه مدمره

اللي اشوفه حتى المتدينين صاروا بالبلاك بيري يمكن اجرهم يكبر يدزون ادعيه ومواضيع لها هدف لكن اكيد مؤثر على الاقتصاد لهم او انهم يبون يعرفون الاحداث اول باول حتى لو هي اشاعه

وش اللي صار المرأه صارت تدز عيالها على الشغاله وتترك الزوج حتى تعيش مع القروب
البنت صارت تروح للجامعه او للسوق وراسها مكدس واكيد بعد كم سنه تصلب بعضلات الرقبه وحدبه بالظهر

الشاب يمشي وهو لا بالارض ولا بالسماء لول* الرجل لما تمشي المراه من امامه يوقف لحد ماتمر الحين يخبط بقاريها او يدوسها وهو رايح حتى اسف مايقولها

والله إنا ببلاء ماجابه الا بالبلا ك بي ري

الاجانب المقيمين هل هم ببلاء او بنعمه ؟

لين الحين ماشفت مقيم عنده بلاك بيري

هل نسميه الطاعون التكنولوجي ؟

وسؤال الخير بعد هل من الان منهم استخدموا البلاك بيري يقدرون يستغنون عنه وللابد ؟

مدري انتوا مثلي حاسين مثلي او انا اتوهم واهذر على الفاضي :(

جعله يسقى ايام ماقبل البلاك بيري

* لول كلمه عاميه تعني الزمان الماضي

[qtr1]

هههههههههههههههه الا جعل يسقى ماقبل الجوووال ايااااام تلفون ابو شنطه للسياره طووووووووووووط طوووووووط طيييط:victory: وشكرا متضرعه على الموضوع والله يهدي شباب وبنات المسلمين

[طلعة الروح]

انا ماعندي البلاك بري عشان احكم عليه بكونه نعمه او نقمه..........
واكيد بكون ضد انه يستعمل بصورة مسيئة ولها اضرارها سواءا
على الشخص نفسه او المجتمع من حوله وياريت يقتصر استخدامه على الناس اللي بالفعل لها حاجه فيه بس احنا بمجتمعنا يحتاجونه عشان الحش والسوالف وتناقل الاخبار وقام يستعمل رقم جهاز البلاك بري كطريقة للترقيم عند بعض الشباب للأسف بعد ماكانوا يرقمون بالرقم العادي والايميل......

اشكرج عزيزتي المتضرعه لله وانشالله موضوعج يلقي الضوء على مخاطر سوء استخدام البلاك بري...

[سكرمر]

مامنه فايده

مضيعه وقت

واشاعاات

واكل فى اعراض الناس

ولا منه فايده

[هذلان]

السلام عليكم ورحمه الله

انا من اشد المعارضين للبلاك بيري ولكن تغيرت النظره .

سبب رفضي وعدم تقبلي فكره البلاك بيري لسببين :
١- شفت كذا شخص اعرفهم و كانو مثال سيء
٢- اشوف الناس عيونهم في البلاك بيري ولا يدري بالي حوله .

ليش تغيرت النظره :
لاني بعد المامي الصحيح بالتقنيه اكتشفت انه سهل جدا تسيطر على الموضوع و بكل بساطه لاتظيف حد مزعج او راعي سوالف،،، مجرد ان الموضوع يقتصر على الربع الي دوم بيني و بينهم مسجات و عندهم بلاك بيري (عددهم ١٢ شخص)
و الميزه الثانيه انه احيانا حد من ربعك ماتدري وينه هل هو نايم او هل هو مع هله و تبي تتصله بدال ماتسويله رنه ولا تزعجله مجرد اطرش له مسج بلاك بيري و اذا فاضي بيكلمني .
بدون مبالغه اتوقع ٤٠٪ من فاتوره تلفوني في السابق كانت عباره عن مسجات و حاليا مع البلاك بيري اطرش الي ابيه حق الربع شبه بلاش .

من المواقف الي انذكرت وتعتبر ابتلاء اللهم عافنا هي ان واحد من ربعي قبل العيد كان في احد المجمعات شوي ولا بنت طالعه من محل و تكتب في البلاك بيري و مسترسله على الاخر و خدامتها ماسكه يدها توجها يمين ويسار :rolleyes2:

[استغفرالله]

عندي بلاك بري

مفيد جدا خصوصا في مجال عملي

اشوف الايميلات من اي مكان

[بوعلي 78]

مفيد جدا وانا استخدمه للشغل
ومااضيف غير ربعي يعني ماعندي ناس مزعجين وان واحد من ربعي مللني على طول دليييييييت

[المتضرعه لله]

هههههههههههههههه الا جعل يسقى ماقبل الجوووال ايااااام تلفون ابو شنطه للسياره طووووووووووووط طوووووووط طيييط:victory: وشكرا متضرعه على الموضوع والله يهدي شباب وبنات المسلمين

الشكر لله والله يهدي الجميع

ويسقى ايام التلفون ابو شنطه ويسقى ايام اهله

مسمينه ابو البشاير لان ماحد يستخدمه الا بالشديد القوي

سررت بتواجدك

شكرا لك

[المتضرعه لله]

انا ماعندي البلاك بري عشان احكم عليه بكونه نعمه او نقمه..........
واكيد بكون ضد انه يستعمل بصورة مسيئة ولها اضرارها سواءا
على الشخص نفسه او المجتمع من حوله وياريت يقتصر استخدامه على الناس اللي بالفعل لها حاجه فيه بس احنا بمجتمعنا يحتاجونه عشان الحش والسوالف وتناقل الاخبار وقام يستعمل رقم جهاز البلاك بري كطريقة للترقيم عند بعض الشباب للأسف بعد ماكانوا يرقمون بالرقم العادي والايميل......

اشكرج عزيزتي المتضرعه لله وانشالله موضوعج يلقي الضوء على مخاطر سوء استخدام البلاك بري...

فعلا البعض يستخدمه الاستخدام الخاطئ وللاسف صارالشباب يخمنون ارقام ويضيفون الغير وللاسف صارت مشاكل منه

لكن بعد فيه ناس استفادوا منه رغم انني اشوف من هم في حولي ماخذينه لماذكرت واسوأ من ذلك


وانا شاكره لج مرورج العطر

[تغلبية]

نعيب بي بي والعيب فينا ...... وما لـ بي بي عيب سوانا :nice:

الـ بي بي مثله مثل أي وسيلة اتصال حديثة لناس المفترض انهم رجال الأعمال لمتابعة أعمالهم
لكن الحاصل إن الناس خذوه زبو ومظاهر كذابة ...
وهذيلا اللي ايطقمون البيبي بالعباة والمناكير والشنطة .. تراهم من زود ماهم فاضين قاعدين ايطقمون !
ماينلامون .. عقب ما يأسوا من جامعة قهرصاروا فاضين لا دراسة وجامعة تاخذ وقتهم ولا شغل يملون به فراغهم

المراد .... المشكلة في الناس اللي عندها البيبي .. موب في البيبي نفسه
اقدر اقول ان البيبي نعمة الله جابها لنا لأن ممكن يساعدني بشغلي ويتحسن مستواي :)

[المتضرعه لله]

مامنه فايده

مضيعه وقت

واشاعاات

واكل فى اعراض الناس

ولا منه فايده

سكر مر شكرا للمرور والاضافه

فيه اثنين راحوا السينما وطلعوا من الفلم وكانهم ماشافوه رغم انهم متشوقين لشوفة الفلم ليه؟

البركه بالبلاك

تقديري لج

[..الاميرة..]

واش فيه النوكيا .. يازين النوكيا واهله .. :p

[Arab!an]

البلاكبيري تلفون يتميز عن التلفونات الاخرى ببعض الميزات الجميله =) مثل البي بي مسنجر

..

طبعا فيه ميزات اخرى .. ولكن نادرا مايستخدمها الشباب علاوة على انهم يشترونه لآعمالهم .. رجال اعمال يتابعون اعمالهم المكتبية ما شاء الله


نرجع للميزة اللي تكاد تكون الوحيدة في البيري وهي البي بي مسنجر


اول شي .. طرش واستقبل ابلاش

ثاني شي .. الكل اونلاين =) ماتلاقي حد اوفلاين


يعني بأي وقت اتحصلهم


ثالث شي مورد مهم للأخبار والاشاعات والنكت وغيرها


وبعدين تحول الازعاج بالكلام الى ازعاج بالكتابه < تخفيف

[بوخالد911]

لو بتذمووون كل جهاز جديد جان ما خلصنا

العيب في الاستخدام موو في الجهاز

وخير الكلام ما قل ودل

[HIGHNESS]

انا اشوووف الغالبية العظمى عندهم هالتلفون اللي طبعا سعره مو شوي .. سواء قطري او مقيم ..!!! البنات والشباب والاطفال و كل الاعمار تقريباً!!!! !!!
اللي يشتكي من الحاله الصعبة والديون والفواتير و وووووو ... القى عيالهم عندهم احدث الاشياء .. من موبايلات / لاب توب .. الخ من وسائل الترفيه ..
ليش هذا الاستغلال السيء للتكنلوجيا ... اللي استغرب منه مو الرجال او النساء .. استغرب من المراهقين والأطفااال !!!
ماشوف اي فايده غير الدلع والرفاهيه وعدم الاحساس بالمسؤولية او قيمة الشي اللي ياخذونه ... لانهم يحصلونه بكل راحة !!

[حقيقه]

العيب مب بالجهاز العيب في إللي يستخدمونه بطريقه خاطئه

وإللي سامحين لعيالهم المراهقين بنات كانو او شباب انهم ياخذون هالجهاز لا يقعدون يتذمرون والبلاك بيري بلا وحركات خلاص دام خذته لولدك تحمل
وبعدين اذا االابناء تربيتهم صحيحه لا خوف عليهم

لانه البلاك بيري مثله مثل اي وسيلة اتصال ثانيه جوال عادي او تلفون ثابت او الانترنت او او .... الخ

وانا مرتاحه عليه ضايفه ربعي بالدوام وبعض الربع برى الدوام ومستانسين

وااااجد اعرفهم انتقدو هالشيء وعقب خذوه
وووااااجد اللي يحبون بس ينتقدون العالم

والقهر في اللي ماخذه وينتقد العالم

المشكله انه العيب عند اهل العيب ماهو بعيب

[بوخالد911]

العيب مب بالجهاز العيب في إللي يستخدمونه بطريقه خاطئه

وإللي سامحين لعيالهم المراهقين بنات كانو او شباب انهم ياخذون هالجهاز لا يقعدون يتذمرون والبلاك بيري بلا وحركات خلاص دام خذته لولدك تحمل
وبعدين اذا االابناء تربيتهم صحيحه لا خوف عليهم

لانه البلاك بيري مثله مثل اي وسيلة اتصال ثانيه جوال عادي او تلفون ثابت او الانترنت او او .... الخ

وانا مرتاحه عليه ضايفه ربعي بالدوام وبعض الربع برى الدوام ومستانسين

وااااجد اعرفهم انتقدو هالشيء وعقب خذوه
وووااااجد اللي يحبون بس ينتقدون العالم

والقهر في اللي ماخذه وينتقد العالم

المشكله انه العيب عند اهل العيب ماهو بعيب
:nice::nice::nice::nice::nice::nice::nice::nice::n ice:

[امل الحب]

انا اشوووف الغالبية العظمى عندهم هالتلفون اللي طبعا سعره مو شوي .. سواء قطري او مقيم ..!!! البنات والشباب والاطفال و كل الاعمار تقريباً!!!! !!!
اللي يشتكي من الحاله الصعبة والديون والفواتير و وووووو ... القى عيالهم عندهم احدث الاشياء .. من موبايلات / لاب توب .. الخ من وسائل الترفيه ..
ليش هذا الاستغلال السيء للتكنلوجيا ... اللي استغرب منه مو الرجال او النساء .. استغرب من المراهقين والأطفااال !!!
ماشوف اي فايده غير الدلع والرفاهيه وعدم الاحساس بالمسؤولية او قيمة الشي اللي ياخذونه ... لانهم يحصلونه بكل راحة !!

:nice::nice:

ماعدت اشوف ياهل الا وماسك لي هالجهاز .. وين الفايدة ماتدري؟!!!

[doha1]

مامنه فايده

مضيعه وقت

واشاعاات

واكل فى اعراض الناس

ولا منه فايده

اي والله كل شي في صوب وسالفة اعراض الناس واكل لحوم بعض في صوب

واختي المتضرعه في اجانب وايد عندهم البي بي

بس مايستخدمونه مثل مانستخدمه بجنون بصراحه

الله يرحم بس

[روح-قطر]

والله انا ودي اخذه ومتردده تصدقين كل جمعه اطرش مسجات تعرفين شيردون علي الناس تطوروا عندهم بي بي وانتي للحين:( عاد هم مايدرون شنو الجوال اللي اطرش منه بعد مال العروس خخخخخخخخخخخ قولي الو وسكري:)،، اقول لهم ميلادي قريب الله لا يهينكم خخخخخخخخخخخخخ..

بس افكر فيه علشان فواتير كيوتل بس لاني وايد استخدم المسجات عن الاتصالات..

لكن اللي متخرعين هاي حاله ثانيه وبصراحه مافي تقنيه نزلت الا لوعوا جبدنا فيها من خرابيطهم

[العلم الوكاد]

هي تقنية كغيرها

مثل كل التقنيات الاخرى

من كمبيوترات وتلفزيونات ودشات وغيرها

والتقنية تعتمد على المستخدم

ونوعية الاستخدام

ودايما الانسان لو يحط نصب عينه حديث

المصطفى صلى الله عليه وسلم

(الاثم ما حاك في صدرك وخفت ان يطلع علية الناس)

بيعرف نوعية استخدامه هل هي سيئة ام حسنة

[المتضرعه لله]

من المواقف الي انذكرت وتعتبر ابتلاء اللهم عافنا هي ان واحد من ربعي قبل العيد كان في احد المجمعات شوي ولا بنت طالعه من محل و تكتب في البلاك بيري و مسترسله على الاخر و خدامتها ماسكه يدها توجها يمين ويسار :rolleyes2:

:) هذا البلاء والله صارت تنقاد وهي السيده

هذلان سعدت ايما سعاده باضافتك العطره ت

فشكرا لك

[المتضرعه لله]

عندي بلاك بري

مفيد جدا خصوصا في مجال عملي

اشوف الايميلات من اي مكان

جميل ان يستخدم في محله وان تجني ثمرة التكنولوجيا كيف ماهي بدون ان تقلبها نقمه

جميل ان نرى البدايه في ايدي العقلاء وليس المراهقين والمراهقات والذين قد يسيئون له ويطمسون فوائده

استغفر الله سعدت برايك وردك

كن بخير

[المتضرعه لله]

مفيد جدا وانا استخدمه للشغل
ومااضيف غير ربعي يعني ماعندي ناس مزعجين وان واحد من ربعي مللني على طول دليييييييت

استعمال في محله

يعطيك خيره يكفيك شره

سعدت بتواجدك

فشكرا لك

[المتضرعه لله]

نعيب بي بي والعيب فينا ...... وما لـ بي بي عيب سوانا :nice:

الـ بي بي مثله مثل أي وسيلة اتصال حديثة لناس المفترض انهم رجال الأعمال لمتابعة أعمالهم
لكن الحاصل إن الناس خذوه زبو ومظاهر كذابة ...
وهذيلا اللي ايطقمون البيبي بالعباة والمناكير والشنطة .. تراهم من زود ماهم فاضين قاعدين ايطقمون !
ماينلامون .. عقب ما يأسوا من جامعة قهرصاروا فاضين لا دراسة وجامعة تاخذ وقتهم ولا شغل يملون به فراغهم

المراد .... المشكلة في الناس اللي عندها البيبي .. موب في البيبي نفسه
اقدر اقول ان البيبي نعمة الله جابها لنا لأن ممكن يساعدني بشغلي ويتحسن مستواي :)

وجهة نظر في محلها واضافه مفصله مختصره واضحه للسلبيات والايجابيات

تغلبيه

لك كل الود

[المتضرعه لله]

واش فيه النوكيا .. يازين النوكيا واهله .. :p

اي والله صدقتي :):)

مرور غاية الروعه

[المتضرعه لله]

البلاكبيري تلفون يتميز عن التلفونات الاخرى ببعض الميزات الجميله =) مثل البي بي مسنجر

..

طبعا فيه ميزات اخرى .. ولكن نادرا مايستخدمها الشباب علاوة على انهم يشترونه لآعمالهم .. رجال اعمال يتابعون اعمالهم المكتبية ما شاء الله


نرجع للميزة اللي تكاد تكون الوحيدة في البيري وهي البي بي مسنجر


اول شي .. طرش واستقبل ابلاش

ثاني شي .. الكل اونلاين =) ماتلاقي حد اوفلاين


يعني بأي وقت اتحصلهم


ثالث شي مورد مهم للأخبار والاشاعات والنكت وغيرها


وبعدين تحول الازعاج بالكلام الى ازعاج بالكتابه < تخفيف

والفاتوره كيف ؟


تواجد مميز

فشكرالك

[المتضرعه لله]

لو بتذمووون كل جهاز جديد جان ما خلصنا

العيب في الاستخدام موو في الجهاز

وخير الكلام ما قل ودل





وخير الكلام ماقل ودل:)

نعم


بارك الله فيج ولج كل الود

[المتضرعه لله]

انا اشوووف الغالبية العظمى عندهم هالتلفون اللي طبعا سعره مو شوي .. سواء قطري او مقيم ..!!! البنات والشباب والاطفال و كل الاعمار تقريباً!!!! !!!
اللي يشتكي من الحاله الصعبة والديون والفواتير و وووووو ... القى عيالهم عندهم احدث الاشياء .. من موبايلات / لاب توب .. الخ من وسائل الترفيه ..
ليش هذا الاستغلال السيء للتكنلوجيا ... اللي استغرب منه مو الرجال او النساء .. استغرب من المراهقين والأطفااال !!!
ماشوف اي فايده غير الدلع والرفاهيه وعدم الاحساس بالمسؤولية او قيمة الشي اللي ياخذونه ... لانهم يحصلونه بكل راحة !!

والله انك صدقت وهذا الحاصل للاسف

مروك واضافتك لها اثرها بالموضوع

فشكرا لك

[المتضرعه لله]

العيب مب بالجهاز العيب في إللي يستخدمونه بطريقه خاطئه

وإللي سامحين لعيالهم المراهقين بنات كانو او شباب انهم ياخذون هالجهاز لا يقعدون يتذمرون والبلاك بيري بلا وحركات خلاص دام خذته لولدك تحمل
وبعدين اذا االابناء تربيتهم صحيحه لا خوف عليهم

لانه البلاك بيري مثله مثل اي وسيلة اتصال ثانيه جوال عادي او تلفون ثابت او الانترنت او او .... الخ

وانا مرتاحه عليه ضايفه ربعي بالدوام وبعض الربع برى الدوام ومستانسين

وااااجد اعرفهم انتقدو هالشيء وعقب خذوه
وووااااجد اللي يحبون بس ينتقدون العالم

والقهر في اللي ماخذه وينتقد العالم

المشكله انه العيب عند اهل العيب ماهو بعيب

وجهة نظر مقنعه

وتواجد سرني

لكن ايش رايك بالبنات اللاتي حولنه الى عرض ازياء ؟

وللاسف تعدن مرحلة المراهقه كما نشهد ترويج لاكسسوارات البلاك بيري حتى انهم ادخلوا الدانتيل الملون في تزيينه :)

الحين تشتري لها كم متر ولجوالها ربع متر


الله يكون بالعون


سررت بردك وتواجدك

لك كل الود

[المتضرعه لله]

:nice::nice:

ماعدت اشوف ياهل الا وماسك لي هالجهاز .. وين الفايدة ماتدري؟!!!

الله يعين مدري كيف بتجي نتائج الامتحانات لهذا الجيل

شكرا لتواجدك امل الحب

كل الود

[المتضرعه لله]

اي والله كل شي في صوب وسالفة اعراض الناس واكل لحوم بعض في صوب

واختي المتضرعه في اجانب وايد عندهم البي بي

بس مايستخدمونه مثل مانستخدمه بجنون بصراحه

الله يرحم بس


مشكله والله

تدري انا ليه قلت هل فيه مقيمين عندهم بي بي ؟
لاني مالاحظت اعراض بي بي عندهم ولا يبين عليهم انهم مصابين مره !

دوحه1

شكرا للتواجد والاضافه

[المتضرعه لله]

والله انا ودي اخذه ومتردده تصدقين كل جمعه اطرش مسجات تعرفين شيردون علي الناس تطوروا عندهم بي بي وانتي للحين:( عاد هم مايدرون شنو الجوال اللي اطرش منه بعد مال العروس خخخخخخخخخخخ قولي الو وسكري:)،، اقول لهم ميلادي قريب الله لا يهينكم خخخخخخخخخخخخخ..

بس افكر فيه علشان فواتير كيوتل بس لاني وايد استخدم المسجات عن الاتصالات..

لكن اللي متخرعين هاي حاله ثانيه وبصراحه مافي تقنيه نزلت الا لوعوا جبدنا فيها من خرابيطهم

:)

صح تطورا بس الى وين ؟

هنا مربط الفرس

حد استخدمه الاستخدام الامثل والاخر اساء له

الله يكون بالعون

وك عام وانتي بالف خير وان شاء الله يفاجئونك بهديه بي بي وتسخدمينه استخدام يفيدك

لك كل الود

[المتضرعه لله]

هي تقنية كغيرها

مثل كل التقنيات الاخرى

من كمبيوترات وتلفزيونات ودشات وغيرها

والتقنية تعتمد على المستخدم

ونوعية الاستخدام

ودايما الانسان لو يحط نصب عينه حديث

المصطفى صلى الله عليه وسلم

(الاثم ما حاك في صدرك وخفت ان يطلع علية الناس)

بيعرف نوعية استخدامه هل هي سيئة ام حسنة

ماشاء الله

رد طيب وفي محله للعلم الوكاد

سررت بتواجدك


كن بخير

[hamoor4ever]

الله يهديج اختي وايد متحامله علي مستخدمي البلاك البيري

تراه تقنيه حاله حال النت ناس تستخدمه استخدام خاطئ وناس استخدام صحيح

لاتشوفين الجانب السلبي شوفي الجانب الايجابي وانتي احكمي

جهاز يبقيج على تواصل مع الايميلات طوال 24 ساعه وكذلك مع الاصدقاء على مدار 24 ساعه عن طريق المسجات يسهل الوصول خاصه في مجال العمل او كتسليه احيانا ، للاسف البعض يستخدمه استخدام خاطئ
لكن هناك العديد من مدراء الشركات او المسؤولين بحاجه للبقاء على اتصال مع الرؤساء او الموظفين على مدار اليوم وحتى في ايام الاجازات وفي اي مكان سواء داخل او خارج حدود البلد او المنطقه وهاذه لايوفره الا جهاز البلاك بيري

شكرا

[مافيا قطر]

العيب فى الاستخدام مو البلاك بيرى

[hamoor4ever]

مشكله والله

تدري انا ليه قلت هل فيه مقيمين عندهم بي بي ؟
لاني مالاحظت اعراض بي بي عندهم ولا يبين عليهم انهم مصابين مره !

دوحه1

شكرا للتواجد والاضافه

انا شفته عند العديد من المقيمين وهوس البلاك بيري مش بس في قطر شوفي الامارات والبحرين والسعوديه وانتشر ايضا الى دول الغرب والكثير من الناس ، وهو حاله مثل اي تقنيه اختي تعتمد على الشخص المستخدم يقدر يستعمله صح او غلط والعيب صدقيني مش في البلاك بيري ، العيب فينا وللعلم الكثير من الشركات حاليا تصرفه لموظفينها للبقاء على تواصل معهم خاصه المدراء والمسؤولين في بعض الشركات الكبيره والمرموقه بالدوله فلايكون نظرتج سيئه دائما بحامل البلاك بيري الا البعض منهم وللاسف هم الغالبيه منهم

شكرا

[unless]

سلاح ذو حدين

[قناص الخليج]

الحمدالله للحين ماتطورت واخذت بلاك بيري

[!الشايمه!]

اختي المتضرعة لله......انا ما افهم ليش هذي النظرة برعب لكل اختراع جديد

اصبحت نظرية مستهلكة والواقع يقول...ان كل شئ عند العرب يبدأ بضجة... وبعدها
يصبح شئ يومي الكل يستعمله....

لو بننشغل بطريقة الناس في استعمال الشئ.....سئ اوجيد
لعشنا بعيد عن الحضارة بسبب هذه النظرة القديمة.....

........

شئ يجب الانتباه له.....التكنولوجيا دخلت في مجال التسلية بشكل كبير...ولا يجب ان ننكر
اهمية هذا الشئ لانه مجال ربحي واقتصادي رهيب....

خدمات قليله = مقابل تسليه كثيرة << هذا توجه التكنولوجي المعاش اليوم


وانا استعمله.....للتسلية...وللتواصل السريع...ولسماع آخر الاخبار...
مسألة التبرير وادعاء ان البي بي لايميلات الشغل......احسه تبرير فضفاض وخوافي....!
لا لي في ايميلات الشغل ولا غيره << فاضيه لهم :d

..........

آخر اخبار البي بي:

تم توقيف وسحب الجريدة البريطانية صنداي تايمز من مراكز البيع في الدولة(الامارات)
بسبب كاريكاتير يمس صاحب السمو..محمد بن راشد..



وتحية

[موضي قطر]

والله لليوم مامسكت ( البلاء ) اللي ذكرتوه حتى يوم زميلاتي

في الشغل روسهم مدفونه فيه ماانتبهت ان الجوال شكله غير

فكرت نوكيا منزله شكل جديد هههههههههههه بس وجهة نظري

مايصلح للنساء من دون زعل لأنها وجهة نظر خاصة فيني

[المتضرعه لله]

الله يهديج اختي وايد متحامله علي مستخدمي البلاك البيري

تراه تقنيه حاله حال النت ناس تستخدمه استخدام خاطئ وناس استخدام صحيح

لاتشوفين الجانب السلبي شوفي الجانب الايجابي وانتي احكمي

جهاز يبقيج على تواصل مع الايميلات طوال 24 ساعه وكذلك مع الاصدقاء على مدار 24 ساعه عن طريق المسجات يسهل الوصول خاصه في مجال العمل او كتسليه احيانا ، للاسف البعض يستخدمه استخدام خاطئ
لكن هناك العديد من مدراء الشركات او المسؤولين بحاجه للبقاء على اتصال مع الرؤساء او الموظفين على مدار اليوم وحتى في ايام الاجازات وفي اي مكان سواء داخل او خارج حدود البلد او المنطقه وهاذه لايوفره الا جهاز البلاك بيري

شكرا

الــــ24؟؟

هل خلقنا فقط لذلك انشغال لـــ24 ساعه الله يشفيهم يارب

ووجهة نظرك احترمها لكن ووووايد وووووايد دمار :)

سعدت بتواجدك

[المتضرعه لله]

العيب فى الاستخدام مو البلاك بيرى

فعلا يستخدم بشكل مايليق باي حال من الاحوال اذا كان على ماهو عليه الان خاصه بايدي المراهقين والمراهقات والفاضين والفاضيات


مافيا قطر

سررت بتواجدك

[المتضرعه لله]

انا شفته عند العديد من المقيمين وهوس البلاك بيري مش بس في قطر شوفي الامارات والبحرين والسعوديه وانتشر ايضا الى دول الغرب والكثير من الناس ، وهو حاله مثل اي تقنيه اختي تعتمد على الشخص المستخدم يقدر يستعمله صح او غلط والعيب صدقيني مش في البلاك بيري ، العيب فينا وللعلم الكثير من الشركات حاليا تصرفه لموظفينها للبقاء على تواصل معهم خاصه المدراء والمسؤولين في بعض الشركات الكبيره والمرموقه بالدوله فلايكون نظرتج سيئه دائما بحامل البلاك بيري الا البعض منهم وللاسف هم الغالبيه منهم

شكرا

صدقت اخوي المشكله فينا دائما لحال المباهاه والرفاهيه ولا نستبعدنشوفه بايدي الخادمات والسائقين ...لزوم التواصل :)

سررت بردك وتواجدك واضافتك

[المتضرعه لله]

سلاح ذو حدين

ماجربته لكن شفت حالهم واحزنت

اللهم لا تبلانا

سررت بتواجدك وردك

كن بخير

[المتضرعه لله]

الحمدالله للحين ماتطورت واخذت بلاك بيري

سيم سيم:)

الله يعطيك العافيه وان كان حالك بيصير مثلهم لا بالله خلك كذا ياقناص الخليج


شكرا لتواجدك

[بوخالد911]

ماجربته لكن شفت حالهم واحزنت

اللهم لا تبلانا

سررت بتواجدك وردك

كن بخير

بليييز



عيل هل تقدرين ما تستخدمين النت ؟؟؟!؟؟؟

لأن غيرج أساء استخدامه !!!!
:secret::secret::secret:

ولا تشوفين الدش
لأن غيرج يشوف قنوات اباحية:eek5::eek5::eek5:

ولا تدخلين السكين بيتكم !!!!



لأن غيرج قتل فيه ناس !!!
:omg::omg::omg:


هااا


هل هذا منطلق الحييين؟؟؟!؟؟؟



يعني لأن غيري اساء استخدام البي بي ؛ لازم ما استخدمه !!!!


لا يعقل بتاتاً

بأي منطق تتحدثوون ؟؟!؟؟




مسيوو / بوخالد911

[المتضرعه لله]

اختي المتضرعة لله......انا ما افهم ليش هذي النظرة برعب لكل اختراع جديد

اصبحت نظرية مستهلكة والواقع يقول...ان كل شئ عند العرب يبدأ بضجة... وبعدها
يصبح شئ يومي الكل يستعمله....

لو بننشغل بطريقة الناس في استعمال الشئ.....سئ اوجيد
لعشنا بعيد عن الحضارة بسبب هذه النظرة القديمة.....

........

شئ يجب الانتباه له.....التكنولوجيا دخلت في مجال التسلية بشكل كبير...ولا يجب ان ننكر
اهمية هذا الشئ لانه مجال ربحي واقتصادي رهيب....

خدمات قليله = مقابل تسليه كثيرة << هذا توجه التكنولوجي المعاش اليوم


وانا استعمله.....للتسلية...وللتواصل السريع...ولسماع آخر الاخبار...
مسألة التبرير وادعاء ان البي بي لايميلات الشغل......احسه تبرير فضفاض وخوافي....!
لا لي في ايميلات الشغل ولا غيره << فاضيه لهم :d

..........

آخر اخبار البي بي:

تم توقيف وسحب الجريدة البريطانية صنداي تايمز من مراكز البيع في الدولة(الامارات)
بسبب كاريكاتير يمس صاحب السمو..محمد بن راشد..



وتحية


انا مش مرعوبه حبوبه وللعلم تم اهدائي واحد ومازال ينظر لي وانظر له وموضوعي هذا حبوبه من اجل النقاش لحاله جعلت الناس بحالة ذل له وخضوع
نعم راس مطئطئ وخضوع وانشغال حتى مايعرف حامله مايدورحوله
احترم وجهة نظرك وانتي تحترمي نظرة وجهي ونتائج البي بي السلبيه اكثر من الايجابيه بكثير وهذا الواقع :)

سررت بتواجدك وردك

كوني طيبه

[المتضرعه لله]

بليييز



عيل هل تقدرين ما تستخدمين النت ؟؟؟!؟؟؟

لأن غيرج أساء استخدامه !!!!
:secret::secret::secret:

ولا تشوفين الدش
لأن غيرج يشوف قنوات اباحية:eek5::eek5::eek5:

ولا تدخلين السكين بيتكم !!!!



لأن غيرج قتل فيه ناس !!!
:omg::omg::omg:


هااا


هل هذا منطلق الحييين؟؟؟!؟؟؟



يعني لأن غيري اساء استخدام البي بي ؛ لازم ما استخدمه !!!!


لا يعقل بتاتاً

بأي منطق تتحدثوون ؟؟!؟؟




مسيوو / بوخالد911

بغض النظر عن النت وعن السكين والسور والحارس

الحال اللي يشهده الشارع مع البي بي مايسر وراح تشوف

وللاسف النساء اكثر اساءه لهذه التكنولوجيا

يكفي ان نص مالهم بيروح للكفرات والخرز والفصوص ولتنسيق الشنط وغيرها
يكفي انها راح تهمل بكل واجباتها اكيد لما راح تكون شابكه 24 ساعه
الانتاجيه راح تكون اقل كيف ماترد على الشله

اما الرجال الله يستر بس من الحوادث اللي راح تصير بسبب بي بي

والمراهقين والمراهقات راح يكونوا حالهم حال خاصه ان مابه رقيب عليهم ولا فيه سوريردعهم

المجتمع راح يشهد كثير من الطلاقات والمشاكل اللي تتولد من البي البي


هذا اثره جماعي عكس ما ذكرتي اعلاه فردي


سررت كثير بردك واحترم كثير وجهة نظرك وربما انت صح وانا غلط :)


كن طيب

[المتضرعه لله]

اتاسف للاخ ابو خالد 911

من كثر مااكتب رد على بنات المنتدى خاطبته بصيغة المؤنث بدون انتباه مني للنك نيم

اتمنى يقبل عذري واسفي

[مناحي السادس عشر]

هي طفره وبمرور فتره بسيطه راح تصير عاديه
بس لانها للحين تعتبر شي جديد عالساحه ماخذه حيز اكبر منها
صدقيني يا متضرعه الامور اسهل مما تتخيلين
تذكرين ايام مانزل الجوال الطابوقه كان شي فوق مستوى الاستيعاب
البليب واللاب توب والنفيقيتر في السياره والتلفزيون والفيديو ووووووو
كل هالاشياء بدايتها كانت شي مستنكر (اغلبها مش كلها )
بس مع الزمن صار عادي
نفس الوضعيه مع البلاك بيري
وانا بس اجمع قيمته تراني بشتري :)

[تحداني]

... كثر الحديث عن هذا الإختراع ..

الذي للأسف لم يتم إستخدامه ..
بالشكل الصحيح من قبل الكثير ..
من الأطفال .. ومن ثم الكبار ..



ولم تم عمل إحصائيه ..
لوجدتي نسبه الكبار حاملي هذا الجهاز .. تساوا مع نسبه ..
حمل الجهاز لدى الأطفال ..



مشكله الكثير من العرب ..
التقنيه .. تجعلهم مضحكين في الإستخدام ..
بل تافهين في تبادل حتى .. ما يدعونه إنه مهم ..


يتراود أحيانا في ذهني ..
معقوله .. كل من لا يحمل هذا الإختراع ..
قد يؤثر سلبا على إيميلات عمله ..
وتتوقف كل الأمور .. لمجرد عدم فتح الايميل ..




أنا عن نفسي أمور عملي 100%
إيميلاتي أفتحها حتى في الكورنيش ..
وأحيانا انا في السياره ..



بإختصار
تلفون السوالف ..
وحجي العجايز ..
ونكت وتكركر على الفاضي ..


أشكال من يحملون هذا الإختراع يكفينا..
للضحك ساعات وساعات ..



الله يصلح كل من أخذ من هذا الجهاز تسليه ..
واللعب في أعراض الناس ..
وتدمير عقول الأطفال ..

[بن بحر]

والله أنا من رأيي إنه مفيد ..

لكن ما جربته إلى الآن ..

[hamoor4ever]

الــــ24؟؟

هل خلقنا فقط لذلك انشغال لـــ24 ساعه الله يشفيهم يارب

ووجهة نظرك احترمها لكن ووووايد وووووايد دمار :)

سعدت بتواجدك
اختي انا ماقول ان الكل اللي عنده بلاك بيري مظطر لاستخدامه قد يكون اللي حامل الجهاز شخص عادي او طفل لا يتعدى عمره ال 5 سنوات

بس فيه ناس فعلا شغلها على مدار 24 ساعه ، على سبيل المثال الدكاتره مسؤولين الشركات الكبيره لازم يكونون على اتصال في كافه الاوقات بالايملات والرد على الاستفسارات في اي وقت وبكل مكان هو جهاز استخدامه لتسهيل الامور للبعض وليس للكل اصبحت بعض الشركات بدل توفير هاتف للموظف توفر له البلاك بيري ، وفيه ناس اختي طبيعه عملهم تحتم عليهم التواجد على مدار الساعه ولا من اللي يوفر لج الكهرباء او العلاج او الامن في منتصف الليل ؟!! ومب شرط ان المستخدم يكون منشغل فيه على قولتج 24 ساعه بس طبيعه عمله تحتم عليه الرد باي وقت على الايميلات او الاتصالات

لاتشغلين بالج فييييه حاله حال اي تقنيه جديده واتوقع لها انها تكتسح الفكره لهواتف اخرى

شكرا

[شيط ويط]

انا عندي واحد .. وبالعكس الجهاز مثل الكوب ممكن نشرب فيه (ماي) وممكن نشرب فيه وانتوا بكرامه (خمره) :secret:

وصراحه الجهاز وفر علي اشياء كثيره .. يعني اقدر اتواصل مع الربع عن طريقه بدون مكالمات جوال وبدون مسجات (حق الخساير) .. وبنفس الوقت استفيد منه في تبادل المعلومات .. والمواضيع .. لكن لا يمنع ايضا ان استخدم الجهاز (للمتعة) و (الفرفشه) :shy:

الجهاز له استخدامات متعددة ..

[شموخ وبس]

موضوع وايد حلو يعطيج العافيه

[بندرصالحي]

اتوهم واهذر على الفاضي

[ام سلطون]

رفيجتي قالت لزوجها
يا انــــــــــــــــــــــــــــــــــــــــــــا يا البي بي:anger1::anger1::anger1:
بعد اهماله لها ولولدها
قال لها
البي بي طبعاً:(

[بوخالد911]

رفيجتي قالت لزوجها
يا انــــــــــــــــــــــــــــــــــــــــــــا يا البي بي:anger1::anger1::anger1:
بعد اهماله لها ولولدها
قال لها
البي بي طبعاً:(

معقوووولة؟؟؟!؟؟؟


:eek2::eek2::con2::nea::nea:

[سهم متردد]

للاسف ماداني هل الجهاز ابدأأأ
وللاسف صار خلاف مع واحد من الربع بسبه هل الجهاز
كل ماطلعنا نتمشى ولا نسولف ماسك الجهااااز ومركز في الشاشه ومطنش للي حوله كلهم
وبغي يدهورنا في حادث سيارة بسبه هل البلاك

ماننكر أهميه الجهاز بالنسبه لقطاع الاعمال
ولكن ربعنا الله يسامحهم دوووووووم يحولون النعمة نقمه

[مسلمة]

من وجهة نظري مضاره أكثر من محاسنه خاصة في مجتمعاتنا التي لا تحترم الوقت

[المتضرعه لله]

والله لليوم مامسكت ( البلاء ) اللي ذكرتوه حتى يوم زميلاتي

في الشغل روسهم مدفونه فيه ماانتبهت ان الجوال شكله غير

فكرت نوكيا منزله شكل جديد هههههههههههه بس وجهة نظري

مايصلح للنساء من دون زعل لأنها وجهة نظر خاصة فيني

اتفق معك عندنا بالشغل صاروا الاخوات يحولون شغلهم لرفيجاتهن وصارت اخبارهن كثيره وضحكهن اكثر وحشهم للاسف اكثر وهواشهم اكثر

تسلمي على الرد والاضافه واتفق معك 100% انه مايصلح للنساء :)

[المتضرعه لله]

هي طفره وبمرور فتره بسيطه راح تصير عاديه
بس لانها للحين تعتبر شي جديد عالساحه ماخذه حيز اكبر منها
صدقيني يا متضرعه الامور اسهل مما تتخيلين
تذكرين ايام مانزل الجوال الطابوقه كان شي فوق مستوى الاستيعاب
البليب واللاب توب والنفيقيتر في السياره والتلفزيون والفيديو ووووووو
كل هالاشياء بدايتها كانت شي مستنكر (اغلبها مش كلها )
بس مع الزمن صار عادي
نفس الوضعيه مع البلاك بيري
وانا بس اجمع قيمته تراني بشتري :)


ان شاء الله يهدأ حاله ويركد ويصبح مثل ماوصفته بردك اعلاه

والله يعطيك خيره ويكفيك شره ويجعله نعمه لا نقمه

وسرني ردك وتواجدك مناحي السادس عشر

[المتضرعه لله]

... كثر الحديث عن هذا الإختراع ..

الذي للأسف لم يتم إستخدامه ..
بالشكل الصحيح من قبل الكثير ..
من الأطفال .. ومن ثم الكبار ..



ولم تم عمل إحصائيه ..
لوجدتي نسبه الكبار حاملي هذا الجهاز .. تساوا مع نسبه ..
حمل الجهاز لدى الأطفال ..



مشكله الكثير من العرب ..
التقنيه .. تجعلهم مضحكين في الإستخدام ..
بل تافهين في تبادل حتى .. ما يدعونه إنه مهم ..


يتراود أحيانا في ذهني ..
معقوله .. كل من لا يحمل هذا الإختراع ..
قد يؤثر سلبا على إيميلات عمله ..
وتتوقف كل الأمور .. لمجرد عدم فتح الايميل ..




أنا عن نفسي أمور عملي 100%
إيميلاتي أفتحها حتى في الكورنيش ..
وأحيانا انا في السياره ..



بإختصار
تلفون السوالف ..
وحجي العجايز ..
ونكت وتكركر على الفاضي ..


أشكال من يحملون هذا الإختراع يكفينا..
للضحك ساعات وساعات ..



الله يصلح كل من أخذ من هذا الجهاز تسليه ..
واللعب في أعراض الناس ..
وتدمير عقول الأطفال ..


تبارك الرحمن

ردك ولا عن الف وصف ومعنى لهذا البلاك بيري

سعدت بالاضافه كماسعدت بتواجدك تحداني الزمن


كن بخير

[المتضرعه لله]

والله أنا من رأيي إنه مفيد ..

لكن ما جربته إلى الآن ..

بن بحر

اسال الله خيره لك وان يبعد شره عنك

ومساؤك خير

[biz-qtr]

ليش البي بي صار حديث المنتدي ...

كل واحد يستخدمه بكيفه ما دام انه ما ضر احد سواء راسه بالجهاز او عيونه وين المشكله ...

كل واحد يسي استخدام البي بي اهو يتحمل النتيجه مب احنا .......

بالعكس انا اشوفها وسيله اتصال حلوه وسريعه وخففت علي الرسايل ... خاصه ان عندي ناس ما احب اتصل لهم وايد لان يسالفون وايد وانا غرضي سوال محدد ... مسج واحد ع البي بي واعرف اللي ابيه...

واعتقد مافيها شي لو الوحده طقمت مع لبسها عادي مب عيب ولا حرام .... بعد هاي صار شي ينتقد ... @@

بس ابي اعرف شلون ما يصلح للنساء بعد صارت فيه اجهزه تصلح للنساء واجهزه للرجال ..؟؟

كل شي يساء استخدامه يصير نقمه عموما سواء بي بي او مرسيدس او لاب توب او نوكيا ....

[المتضرعه لله]

اختي انا ماقول ان الكل اللي عنده بلاك بيري مظطر لاستخدامه قد يكون اللي حامل الجهاز شخص عادي او طفل لا يتعدى عمره ال 5 سنوات

بس فيه ناس فعلا شغلها على مدار 24 ساعه ، على سبيل المثال الدكاتره مسؤولين الشركات الكبيره لازم يكونون على اتصال في كافه الاوقات بالايملات والرد على الاستفسارات في اي وقت وبكل مكان هو جهاز استخدامه لتسهيل الامور للبعض وليس للكل اصبحت بعض الشركات بدل توفير هاتف للموظف توفر له البلاك بيري ، وفيه ناس اختي طبيعه عملهم تحتم عليهم التواجد على مدار الساعه ولا من اللي يوفر لج الكهرباء او العلاج او الامن في منتصف الليل ؟!! ومب شرط ان المستخدم يكون منشغل فيه على قولتج 24 ساعه بس طبيعه عمله تحتم عليه الرد باي وقت على الايميلات او الاتصالات

لاتشغلين بالج فييييه حاله حال اي تقنيه جديده واتوقع لها انها تكتسح الفكره لهواتف اخرى

شكرا


هامور فور افر

الجميل في الموضوع انه استحوذ على المناقشات الجاده والردود المتزنه وتواجدك هنا واضافتك اعطت للمووضع اثراء وايضاحات غنيه قد بينت وجهت نظرك واحترمت وجهة نظر الغير والموضوع ساحه للنقاش الراقي مثل ما لمست في ردودك

هنا من هو مقتنع به وهنا من هو يرفضه وهنا من يترقب بحظر وهنا من يبدا الشروع بالشراء وهنا من مازال يتعرف عليه ويلاطفه


هامور فور افر كن بخير وشكرا لك

[المتضرعه لله]

انا عندي واحد .. وبالعكس الجهاز مثل الكوب ممكن نشرب فيه (ماي) وممكن نشرب فيه وانتوا بكرامه (خمره) :secret:

وصراحه الجهاز وفر علي اشياء كثيره .. يعني اقدر اتواصل مع الربع عن طريقه بدون مكالمات جوال وبدون مسجات (حق الخساير) .. وبنفس الوقت استفيد منه في تبادل المعلومات .. والمواضيع .. لكن لا يمنع ايضا ان استخدم الجهاز (للمتعة) و (الفرفشه) :shy:

الجهاز له استخدامات متعددة ..

والظاهر حاليا ان سكرته ومتعته وفرفشته اكثر من غيرها

وجهة نظر احترمها واسال الله خيرها لك وان يجعله نعمه لا نقمه وان يكفيك شره


كن بخيرشيط ويط

[المتضرعه لله]

موضوع وايد حلو يعطيج العافيه

متابعتك وتواجدك هي الاحلى شموخ وبس

كوني بالجوار

[المتضرعه لله]

اتوهم واهذر على الفاضي

وهذا بلاء ابوك ياعقاب

توهم وهذره والنتيجه؟

بندر صالحي

كن بخير

[المتضرعه لله]

رفيجتي قالت لزوجها
يا انــــــــــــــــــــــــــــــــــــــــــــا يا البي بي:anger1::anger1::anger1:
بعد اهماله لها ولولدها
قال لها
البي بي طبعاً:(

وراح تشهد ساحة المحاكم الكثير الكثير من الطلاقات بسببه اما الزوج او الزوجه

والايام راح تشهد تشتت اسر وعضال بالمجتمع

ام سلطون نسال الله السلامه وان يكون لنا نعمه لا نقمه


يالله السلامه


كوني بخير

[المتضرعه لله]

معقوووولة؟؟؟!؟؟؟


:eek2::eek2::con2::nea::nea:

ليه مب معقوله اخوي بو خالد الا تصير لما يدمن البي بي ويشبك 24 ساعه ويهمل بالمسكينه وولدها كيف بتكون حياتها ؟

الطلاق راح ينتشر بالمجتمع من هالسوسه البي بي

[المتضرعه لله]

للاسف ماداني هل الجهاز ابدأأأ
وللاسف صار خلاف مع واحد من الربع بسبه هل الجهاز
كل ماطلعنا نتمشى ولا نسولف ماسك الجهااااز ومركز في الشاشه ومطنش للي حوله كلهم
وبغي يدهورنا في حادث سيارة بسبه هل البلاك

ماننكر أهميه الجهاز بالنسبه لقطاع الاعمال
ولكن ربعنا الله يسامحهم دوووووووم يحولون النعمة نقمه


هذا الرد بروحه موضوع لحاله

لاحول ولا قوة الابالله

سهم متردد سررت بالاضافه الغنيه

كن بخير

[المتضرعه لله]

من وجهة نظري مضاره أكثر من محاسنه خاصة في مجتمعاتنا التي لا تحترم الوقت

اتفق معك ميه في الميه

الظاهر الان ان مضاره اكثر محاسنه وان الاغلبيه يستعملونه معول هدم لا بناء

نسال الله السلامه

مسلمه كوني بخير

[المتضرعه لله]

ليش البي بي صار حديث المنتدي ...

كل واحد يستخدمه بكيفه ما دام انه ما ضر احد سواء راسه بالجهاز او عيونه وين المشكله ...

كل واحد يسي استخدام البي بي اهو يتحمل النتيجه مب احنا .......

بالعكس انا اشوفها وسيله اتصال حلوه وسريعه وخففت علي الرسايل ... خاصه ان عندي ناس ما احب اتصل لهم وايد لان يسالفون وايد وانا غرضي سوال محدد ... مسج واحد ع البي بي واعرف اللي ابيه...

واعتقد مافيها شي لو الوحده طقمت مع لبسها عادي مب عيب ولا حرام .... بعد هاي صار شي ينتقد ... @@

بس ابي اعرف شلون ما يصلح للنساء بعد صارت فيه اجهزه تصلح للنساء واجهزه للرجال ..؟؟

كل شي يساء استخدامه يصير نقمه عموما سواء بي بي او مرسيدس او لاب توب او نوكيا ....


هدوء

هدوء

انتي مرتاحه مع البي بي ؟

ليه معصبه

ليه دخلتي الموضوع ؟

طقمي مع البي بي وريحي راسك من موضوعي مادامك مرتاحه احنا نرتاح لراحتك والله يعطيك خيره ويفيك شره

لكن هو لحد الان بلوى وابتلاء مادام انه يستخدم في غير محله

حتى بالتلفون العادي دزي مسج وياتيك الجواب

لكن اطقم من اجل اببي بي هذا والله بلاء ونقص وقلة عقل

كوني طيبه وبخير

[biz-qtr]

هدوء

هدوء

انتي مرتاحه مع البي بي ؟

ليه معصبه

ليه دخلتي الموضوع ؟

طقمي مع البي بي وريحي راسك من موضوعي مادامك مرتاحه احنا نرتاح لراحتك والله يعطيك خيره ويفيك شره

لكن هو لحد الان بلوى وابتلاء مادام انه يستخدم في غير محله

حتى بالتلفون العادي دزي مسج وياتيك الجواب

لكن اطقم من اجل اببي بي هذا والله بلاء ونقص وقلة عقل

كوني طيبه وبخير



انا دخلت الموضوع ع بالي شي يستاهل ما دريت انه ع البي بي خليتو كل البلاوي اللي اعبر وركزتو ع هاي ...

وبعدين ترا حاله حال اي جهاز ثاني ... ناس تروح قدام واحنا ندق رويس ...

اقولج فكنا من المسجات والخساير ...

انا ما جبرت احد يكون ف صفي لكن خلج واقعه اختي ... انتقادج للتطقم حريه شخصيه مثل اللي يلبسون نقاب حريه شخصيه واللي تلبس عبايه كتف وعبايه ع الراس بعد حريه شخصيه ما دام انها ما تسي لغيرها او للمجتمع ... هاي شي

والشي الثاني .. انتي الحين تولدين فكره جديده للرجال ان البلاك بيري ما يصلح للنساء وبتصير حالات طلاق تراج قاعده تسسيئن استخدام اناملك حبوبه وتزرعين افكار شيطانيه مالها اي اساس من الصحه .. وتولدين مشكله جديده من لا مشكله ..

الانشغال باي حال من الاحوال يسبب مشكله فالبيت وخاصه المتزوجات .. حتي انشغالج بالمنتدي ممكن يسبب لك مشكله لو انتي متزوجه وحتي لو مب متزوجه بتهملين هلج وخواتج من القعده ع سبه الانشغال بالمنتدي او الانترنت او حتي الادمان ع التلفزيون مب بس بي بي السالفه ......... خلنا واقعين ولاتزعلين من كلامي

اللي تسي استخدام الجهاز بكل سهوله نقدر نقول لها خففي الاستخدام وبس ماله داعي للتفرع لهدررررررررجه ....

طلعو مب اللي يطلعون بلاك بيري ناس فراغنه الا هالمنتدي فرغااااان ماعنده موضوع الا البلاك بيري

واعتقد الموضوع مكتوب للنقاش ... اوافقج او اختلف معاج ... " رايي الشخصي "

وعساج ع القوه

[!الشايمه!]

طيب هدو هدو شبابات وبناتين << شومبيه :rolleyes2:

في حكمة تقول :

الشعب القديم...يحب القديم ويتردد امام كل جهاز حديث
الشعب الحالي...متفتح لكل جديد...ويعمل كنترول للامور
الشعب الجديد وايد....مهووس بكل جديد...يحب يفنتك ويدلع نفسه...

في الاخير حرية شخصية...


بس اهم شئ لحد يحط حياته وزواجه بكفه...والبي بي بكفه :nice:


المتضرعة لازم نضمج لحزب البي بي <<< غصب طيب :tease:



تحية

[biz-qtr]

طيب هدو هدو شبابات وبناتين << شومبيه :rolleyes2:

في حكمة تقول :

الشعب القديم...يحب القديم ويتردد امام كل جهاز حديث
الشعب الحالي...متفتح لكل جديد...ويعمل كنترول للامور
الشعب الجديد وايد....مهووس بكل جديد...يحب يفنتك ويدلع نفسه...

في الاخير حرية شخصية...


بس اهم شئ لحد يحط حياته وزواجه بكفه...والبي بي بكفه :nice:


المتضرعة لازم نضمج لحزب البي بي <<< غصب طيب :tease:



تحية


هذا عين العقل .... اشكررررررج من جد اشكرررررررررج

[المتضرعه لله]

طيب هدو هدو شبابات وبناتين << شومبيه :rolleyes2:

في حكمة تقول :

الشعب القديم...يحب القديم ويتردد امام كل جهاز حديث
الشعب الحالي...متفتح لكل جديد...ويعمل كنترول للامور
الشعب الجديد وايد....مهووس بكل جديد...يحب يفنتك ويدلع نفسه...

في الاخير حرية شخصية...


بس اهم شئ لحد يحط حياته وزواجه بكفه...والبي بي بكفه :nice:


المتضرعة لازم نضمج لحزب البي بي <<< غصب طيب :tease:



تحية


يه يه يه الشايمه شرفتي عيني

للعلم الجهاز عندي مهدينيه زوجي ولكن مركون لوقت لم يحدد بعد يمكن لين يعتق ويصبح دقه قديمه ههههه

تضموني غصب علين ههههه طيب :)

كوني بخير

[المتضرعه لله]

هذا عين العقل .... اشكررررررج من جد اشكرررررررررج


:)

طيب

فقط كوني بخير

[المتضرعه لله]

على فكره اخر اخبار البي بي

متزوج عنده البي البي وهذا جد طهق الزوجه اليديده بالبي البي ملت زهقت وين مايروحون البي بي معه ومطنش لها اخر شئ شراء لها البوووووبي بي واندمجوا بالمسجااااات :)
وشر البليه مايضحك

[الوطن]

والله كل شيئ هو سلاح ذو حدين
المشكلة أن الغالبية العظمى من الشباب والشابات يستخدمونه استخدام خاطئ
يعني في غيرمحله هوأصلاً صنع وخصيصاً لمتابعة الإيميلات بالعربي للتجار والمدراء وو ... الخ
واللي أشوفه الشباب والشابات طايحين مسجات حق بعض ودفع فواتير على الفاضي !!!
والحين الدنيا مظاهر (( وعلى الخيل ياشقرا))

يعطيكم العافية

[بــو فهــد]

بالعكس اختي المتضرعه .. بالنسبه لي مب بلاء .. الا فايدني وايد بحكم غربتي .. كني قاعد مع الشباب في الميلس سوالف ولا كني بعيد .. ونفس الشي مع العايله .. على الاقل تهون علي الغربه :)

[حنان الدنيا]

يمكن للبلاك بيري مميزات حلوة بس الاستخدام سيئ من بعض الناس

انا من المعارضين لهذا الجهاز للاستخدام السيئ له وكرهته كره وخاصه لما اروح لمه او جمعات بنات

او حفله يقعدون على البي بي ... طيب دام انتي طول هالقعده او الحفله على البي بي ليه جيتي

يمكن يكون توفير للبعض لانه البي بي ماسنجر ببلاش بس انه يكون بهذا الهوس بصراحه شئ مب طبيعي

وفي ناس بتقول عشان الايميل والاشياء الثانيه مع انها بفلوس الا اذا واير لس واقدر اقول في اجهزة ثانيه

توفر هالشئ مثل IPhone او سامسونج او السوني

على العموم وجهات نظر واشكرج يالغاليه

[بوخالد911]

تعجبني الردود الهادئة
الطيبة


حتى لو اني مختلف معاهم

بس اسلوبهم فرض علي احترامهم

[بوخالد911]

اتاسف للاخ ابو خالد 911

من كثر مااكتب رد على بنات المنتدى خاطبته بصيغة المؤنث بدون انتباه مني للنك نيم

اتمنى يقبل عذري واسفي




اتس اوووك

ولوووووووو


:nice::victory::victory::victory::nice:

[المتضرعه لله]

انا دخلت الموضوع ع بالي شي يستاهل ما دريت انه ع البي بي خليتو كل البلاوي اللي اعبر وركزتو ع هاي ...

وبعدين ترا حاله حال اي جهاز ثاني ... ناس تروح قدام واحنا ندق رويس ...

اقولج فكنا من المسجات والخساير ...

انا ما جبرت احد يكون ف صفي لكن خلج واقعه اختي ... انتقادج للتطقم حريه شخصيه مثل اللي يلبسون نقاب حريه شخصيه واللي تلبس عبايه كتف وعبايه ع الراس بعد حريه شخصيه ما دام انها ما تسي لغيرها او للمجتمع ... هاي شي

والشي الثاني .. انتي الحين تولدين فكره جديده للرجال ان البلاك بيري ما يصلح للنساء وبتصير حالات طلاق تراج قاعده تسسيئن استخدام اناملك حبوبه وتزرعين افكار شيطانيه مالها اي اساس من الصحه .. وتولدين مشكله جديده من لا مشكله ..

الانشغال باي حال من الاحوال يسبب مشكله فالبيت وخاصه المتزوجات .. حتي انشغالج بالمنتدي ممكن يسبب لك مشكله لو انتي متزوجه وحتي لو مب متزوجه بتهملين هلج وخواتج من القعده ع سبه الانشغال بالمنتدي او الانترنت او حتي الادمان ع التلفزيون مب بس بي بي السالفه ......... خلنا واقعين ولاتزعلين من كلامي

اللي تسي استخدام الجهاز بكل سهوله نقدر نقول لها خففي الاستخدام وبس ماله داعي للتفرع لهدررررررررجه ....

طلعو مب اللي يطلعون بلاك بيري ناس فراغنه الا هالمنتدي فرغااااان ماعنده موضوع الا البلاك بيري

واعتقد الموضوع مكتوب للنقاش ... اوافقج او اختلف معاج ... " رايي الشخصي "

وعساج ع القوه


عزيزتي

موضوعي من البدايه قايله للنقاش الجاد

وصدقيني انا مب ازرع افكار شيطانيه بعقول الرجال لان الرجال حاسين بالامر وكل شايف زوجته او بنته وعارف انشغالها مب انا حارس على احد انا ذكرت عدة نقاط بالموضوع للاسف كل اللي دخلوا ركزوا على مضاره ومساؤه ماتطرقوا للنقاط الاخرى

اما المنتدى وانشغالي به للعلم انا فقط حتى الان عضوه بمنتدى واحد فقط هو الاسهم القطريه وكتاباتي ليست شعر ولا غزل ولا نكت ولا هبال ولك انك تتبعي مواضيعي وتشوفيها

وجهازي اللاب توب على طاوله صغيره طايح بالصاله امام عيالي وزوجي والكل يتفرج على مواضيعي وكتاباتي ومشترياتي من سوق المنتدى

يعني التواجد بالمنتدى مب عيب حبوبه بالعكس مافيه حش ولا اشاعه ولا سب ولا نقل ولا هواش ولا ولا ولا مما قد يثيره البي بي

ووجهة نظرك قلت لك احترمها وهذا الموضوع ماوضع الا للنقاش والنقاش الجاد


كوني بخير

[المتضرعه لله]

والله كل شيئ هو سلاح ذو حدين
المشكلة أن الغالبية العظمى من الشباب والشابات يستخدمونه استخدام خاطئ
يعني في غيرمحله هوأصلاً صنع وخصيصاً لمتابعة الإيميلات بالعربي للتجار والمدراء وو ... الخ
واللي أشوفه الشباب والشابات طايحين مسجات حق بعض ودفع فواتير على الفاضي !!!
والحين الدنيا مظاهر (( وعلى الخيل ياشقرا))

يعطيكم العافية


اضافه طيبه من الوطن

شكرا لك والله يهدي شبابنا وشاباتنا ورجالنا ونسائنا وشيبانا وعواجيزنا


كن بخير

[المتضرعه لله]

بالعكس اختي المتضرعه .. بالنسبه لي مب بلاء .. الا فايدني وايد بحكم غربتي .. كني قاعد مع الشباب في الميلس سوالف ولا كني بعيد .. ونفس الشي مع العايله .. على الاقل تهون علي الغربه :)



انت اخي معذور واستخدمت بحكم غربتك والله لا يطيل لك غربه وترد سالم غانم ويعطيك الله خيره ويكفيك شره

كن بخير دائما

[المتضرعه لله]

تعجبني الردود الهادئة
الطيبة


حتى لو اني مختلف معاهم

بس اسلوبهم فرض علي احترامهم



اتمنى ان هدوء الردود يبقى مثل ماوصفت

وشكرالك

[المتضرعه لله]

يمكن للبلاك بيري مميزات حلوة بس الاستخدام سيئ من بعض الناس

انا من المعارضين لهذا الجهاز للاستخدام السيئ له وكرهته كره وخاصه لما اروح لمه او جمعات بنات

او حفله يقعدون على البي بي ... طيب دام انتي طول هالقعده او الحفله على البي بي ليه جيتي

يمكن يكون توفير للبعض لانه البي بي ماسنجر ببلاش بس انه يكون بهذا الهوس بصراحه شئ مب طبيعي

وفي ناس بتقول عشان الايميل والاشياء الثانيه مع انها بفلوس الا اذا واير لس واقدر اقول في اجهزة ثانيه

توفر هالشئ مثل iphone او سامسونج او السوني

على العموم وجهات نظر واشكرج يالغاليه


اي والله اختي صدقتي والمشكله ان بعض اللجلسات فيها كبار سن وهن الله يهديهن او هم مايحترمون تواجدهم ولا حتى يردون عليهم ان هم كلموهم من شدة انشغالهم بالماسنجر بي بي

للاسف تكنولجيا استغلت بشكل خاطئ عند فئات تجهل الاستخدام الامثل لتلك التقنيه


ربما الغد يشهد تطور افضل ونسال الله ان لا يكون اسوأ


حنان الدنيا شكرا لج وكوني بالجوار للمتابعه


دمتي بود

[biz-qtr]

عزيزتي

موضوعي من البدايه قايله للنقاش الجاد

وصدقيني انا مب ازرع افكار شيطانيه بعقول الرجال لان الرجال حاسين بالامر وكل شايف زوجته او بنته وعارف انشغالها مب انا حارس على احد انا ذكرت عدة نقاط بالموضوع للاسف كل اللي دخلوا ركزوا على مضاره ومساؤه ماتطرقوا للنقاط الاخرى

اما المنتدى وانشغالي به للعلم انا فقط حتى الان عضوه بمنتدى واحد فقط هو الاسهم القطريه وكتاباتي ليست شعر ولا غزل ولا نكت ولا هبال ولك انك تتبعي مواضيعي وتشوفيها

وجهازي اللاب توب على طاوله صغيره طايح بالصاله امام عيالي وزوجي والكل يتفرج على مواضيعي وكتاباتي ومشترياتي من سوق المنتدى

يعني التواجد بالمنتدى مب عيب حبوبه بالعكس مافيه حش ولا اشاعه ولا سب ولا نقل ولا هواش ولا ولا ولا مما قد يثيره البي بي

ووجهة نظرك قلت لك احترمها وهذا الموضوع ماوضع الا للنقاش والنقاش الجاد


كوني بخير


يعطيج العافيه اختي

بس القصد من كلامي حتي لو حاسين او شايفين ... مش بس انتي من كذا موضوع انطرح للبلاك بيري صار عندنا شريحه يرفضون بناتهم يطلعون بلاك بيري ما سالنا نفسنا ليش؟!

بسبه هالمواضيع اللي كل يوم تطلع ... اللي بيحش واللي بينقل اشاعه واللي بيتهاوش ترا حتي من تلفون البيت يقدر يسوي كل هاي ...

لا التواجد فالمنتدي عيب ولا استخدام البلاك بيري عيب ولا تطقيمه مع الملابس عيب ولا هم يحزنون .. ولكن المبالغه الزايده ف استخدام كل ما هو مفيد له اضرار وهنا مربط الفرس وهذي وجهه نظري من البدايه :)


ومواضيعج ع راسي حتي لو كان موضوع تافهه انا مش جايه اقيم المواضيع

انا ابدي وجهه نظر شخصيه لا اكثر ولا اقل :) ممكن تستفيدين منها وممكن تتجاهلينها ولج الحريه حبيبتي ....

[المتضرعه لله]

يعطيج العافيه اختي

بس القصد من كلامي حتي لو حاسين او شايفين ... مش بس انتي من كذا موضوع انطرح للبلاك بيري صار عندنا شريحه يرفضون بناتهم يطلعون بلاك بيري ما سالنا نفسنا ليش؟!

بسبه هالمواضيع اللي كل يوم تطلع ... اللي بيحش واللي بينقل اشاعه واللي بيتهاوش ترا حتي من تلفون البيت يقدر يسوي كل هاي ...

لا التواجد فالمنتدي عيب ولا استخدام البلاك بيري عيب ولا تطقيمه مع الملابس عيب ولا هم يحزنون .. ولكن المبالغه الزايده ف استخدام كل ما هو مفيد له اضرار وهنا مربط الفرس وهذي وجهه نظري من البدايه :)


ومواضيعج ع راسي حتي لو كان موضوع تافهه انا مش جايه اقيم المواضيع

انا ابدي وجهه نظر شخصيه لا اكثر ولا اقل :) ممكن تستفيدين منها وممكن تتجاهلينها ولج الحريه حبيبتي ....


وجهة نظرك الغاليه احترمها وعلى راسي :)

[biz-qtr]

وجهة نظرك الغاليه احترمها وعلى راسي :)


تسلمين والله وتشكرين ع الرد :)

وعساج ع القوه