الكوفي شوب الي في حديقه اسباير اسعاره جنونيه؟؟؟

[بوحمد2]

هل يعقل شاي احمر ب9ريال؟؟؟وذره حق اليهال ب10ريال؟؟؟واي عصير ابتداء من10ريال وطالع؟؟؟ليش هالاسعار الجنونيه كم الاجار 100الف يعني ماعتقد والي قهرني خروج العديد من الاطفال من داخل الكوفي شوب دون شراء اي شي حيث ان المبلغ المتوفر لديهم لايكفي الا لشراء ماء فقط ؟؟؟اليس حرام هالاستغلال من المسؤل عن اسعار هل كوفي شوب والله اسعاره ولا شرتون يمكن انا ونت وفلان الحمد لله نقدر نشتري الي نبيه بس والله فيه كثير مايقدرون يشترون حتى شاي ب9ريال اليس حرام ؟؟؟اتمنى توصل رسالتي الى المسؤل عن هل كوفي وان شاء الله بس مايكون هو المستفيد ...

[سهم مديون]

الوووو الوووو حماية المستهلك:telephone:

[بوغانم995]

أخي مضارب صريح ( ليش هالاسعار الجنونيه كم الاجار 100الف ) أعذرني على الكافه هل صحصح أن أسعار أيجار المنازل والشقق في السعوديه بالسنه . يعني واحد مقيم معنا يقول أخوه ماخذ شقه باسبعة ألاف في السنه . ولك مني كل التقدير والأحترام

[بوخالد911]

مرووا ع اي بقالة

واشتروا

[المتضرعه لله]

سو نفسك مقيم وشيل دلتك وذرتك معك وبسط لازم تكون قطري حتى بشرب الشاي !!!

او البس هات وبنطلون وتي شرت وهز راسك تلقى الشاي بريال

[قطريه ماركه]

كلام سليم الكوفي شوب اللي هناك وااايد غالي ع الفاضي ..

بس المبنى وااايد حلووو *__^

[..الاميرة..]

حسبي الله عليهم إلي ما يخافون الله ..

ليه مفكرين ان كل الناس لها مدخول شهري يقدر بــ 50 الف !!

لا بارك الله في مال اساسه الاستغلال ..

[الرويـس]

انا ادفع بس عشان ريحة الخشب اللي بانين منه الكافتيريا
اتخيل نفسي ( بكوخ ) من طخة اكواخ افلام الكارتون
:rolleyes2:
بس بعد غالي

[حدالكلمه]

الله يستر من الكوفي الثاني الكبير واللي للحين مانفتح ؟؟

[HIGHNESS]

مادري ليش كل شي عندنا اسعاره ارتفعت و اوصلت لدرجة اسعار الفنادق بـ 7 نجوم اللي مع التاكس ... حتى لو نقدر نشتري ... ننقهر لما نقط فلوسنا على شي ندري انه مايستاهل ... يعني مثلاً :نطلب سلطه في مطعم بـ 55 ريال .. واصلا لو تحسب الطماطم والخس وغيره من مكونات السلطه ماتجي يمكن 10 ريال و يحطون فوقه فايدتهم سعر مبالغ فيه ....
هذا اسميه استغلال ... معظم هالاماكن ماعليها ضرايب و لا اجارات عاليه .. مثل هالحدائق العامة لازم تكون اسعارهم رمزية وفي متناول الجميع .. في ناس تشرد من غلاء المجمعات وتنصدم بنفس الحال في كل مكان !!... والحين بيطبقون على التجار الاجانب ضرايب وبنشوف شلون بتصير الاسعار !!!!! عسى مايلحقونهم التجار القطريين ويرفعون الاسعار عشان يسون ( توازن ) وكلهم يربحون على حسابنا

[ولد قحطان]

من زين طاولاتهم وكراسيهم

اشكال اللوان
ناخرتها الشمس

بس السوال اللي يسدح نفسه وين حمااااااااااااااااااااااااااااااااااااااااااااية المستهلك
اللي دوخونا فيهم

[دوحة الجميع]

المفروض توجيه سؤال لمدير اسباير .... لماذا هذا الغلاء الفاحش ؟... مع أن أسعار حديقة الرميلة والبدع رمزية على ماأعتقد

[بنت العلي]

كلام سليم الكوفي شوب اللي هناك وااايد غالي ع الفاضي ..

بس المبنى وااايد حلووو *__^


يطلعووووون سعر المبنى هههههههه
من الناس

[رهج السنابك]

لانه محتكــــــــــــــــــــــــر .. مافي غيره

حسبي الله عليهم كل شي احتكار في احتكار في هالبلد


شنو فيها لو فتحوا المجال للي يبيعون ذرة في أكشاك موزعه
واللي يبيعون الماي والمشروبات موزعين في كل الحديقه

الحديقة اشكبرها ومافي الا كوفي واحد .. ابو الاحتكار حسبي الله ونعم الوكيل

واشفيها الثلاجات الذاتية اللي تحط فيها الفلوس ويطلع لك كابتشينو او حلويات حلوة ومفيده

احس اللي يروحون الحديقه يهلكون مايلقون شي لازم يطخون مشوار لين الحياة بلازا عشان يشترون او يجيبون معهم من البيت

[E L L E]

يمكن لانه تابع للونتر ؟؟

[doha1]

حسبي الله عليهم إلي ما يخافون الله ..

ليه مفكرين ان كل الناس لها مدخول شهري يقدر بــ 50 الف !!

لا بارك الله في مال اساسه الاستغلال ..

:victory::victory:

والله حتى او اقدر حرام اشتري شاي ب9 ريال عسى ماشر

[دلة الرسلان]

يازينها دلة الكرك وسندويشات وكم من عصير وجبس وكلها من البيت :victory:

[العلم الوكاد]

صح اسعارهم غالية

ونوعية الاكل والخدمة بعد رديئة جدا

[زهرةالسوسن]

انا صراحه بجيب دلالي وبصب لكم شاي بلاش والله بلاااش لله جنبه على طول بس لا تشترون منه , كل ما اتذكر الدونت اللي شريته من عنده الله يعز النعمه بس حرام يعطونه تصريح هذا المفروض يجيبون شركه معرووفه وتدفع وانت مرتاح مب حيالله كلام على الاقل لين دفعت ادفع على شي يستاهل

[عزووز قطر]

وين حماية المستهلك من الاستغلال الواضح للمواطنين والمقيمين
وبعدين الحديقة فيها الكثير من اخواننا الخليجين اللي جايين للسياحة والمفروض تكون الاسعار رمزية أو معقولة اذا نبي تكون دولتنا سياحية
وياليت من المسؤولين في بلدية الريان اظهار تصاريح أكشاك لبيع الذرة والمشروبات الباردة والحارة لان اذا بنعتمد على مسؤولين اسباير ماراح ناخذ منهم شي ..
نتمنى التحرك من بلدية الريان اذا لهم صلاحية في المكان ..

[ANONYMOUS]

لا تنقهر ولا شي

مر على اي دكان في الفريج وخذ لك عصاير وتسالي قبل لاتروح سباير

وحافظ على نظافة سباير

[مستثمر 999]

فعلا غالي

واتمنى من الشباب التفاعل لا الجرايد تاخذ عينات عشوائيه من المواضيع الي فيها مشاركات من اكبر عدد ممكن

ارجو من الي عنده غيره على وطنه انه يبدي رايه ولو بكلمه وحده وان شاء الله الجرايد ما تقصر

[الجووري]

للرفع

[بوحمد2]

مرووا ع اي بقالة

واشتروا



والله ياخوي طلعت ذكي من قلب انت بعد ؟؟؟وينك من زمان ؟؟؟

[المركزي]

الله كريم

[برزان1]

هل يعقل شاي احمر ب9ريال؟؟؟وذره حق اليهال ب10ريال؟؟؟واي عصير ابتداء من10ريال وطالع؟؟؟ليش هالاسعار الجنونيه كم الاجار 100الف يعني ماعتقد والي قهرني خروج العديد من الاطفال من داخل الكوفي شوب دون شراء اي شي حيث ان المبلغ المتوفر لديهم لايكفي الا لشراء ماء فقط ؟؟؟اليس حرام هالاستغلال من المسؤل عن اسعار هل كوفي شوب والله اسعاره ولا شرتون يمكن انا ونت وفلان الحمد لله نقدر نشتري الي نبيه بس والله فيه كثير مايقدرون يشترون حتى شاي ب9ريال اليس حرام ؟؟؟اتمنى توصل رسالتي الى المسؤل عن هل كوفي وان شاء الله بس مايكون هو المستفيد ...

الأسعار عادية جداً دام أننا نعيش في دولة فيها دخل الفرد الأعلى في العالم

شنو شاي بـ 9 ريال وذرة بـ 10 ولا شي

[مافيا قطر]

يعرقون انكم اقطريين وبتدفعون فى الاخر اشتكيتوا ولا ما اشتكيتوا

[برزان1]

لا تنقهر ولا شي

مر على اي دكان في الفريج وخذ لك عصاير وتسالي قبل لاتروح سباير

وحافظ على نظافة سباير

هاي حق المساكين الفقارى من ذوي الدخل المقرود

عيب واحد راز نفسه في سيارة كشخة وتلاقيه شايل كيس عصاير وتسالي مو حلوة في حقه اشتبي تقول عنه الناس!!!!!!

[بنت العلي]

الأسعار عادية جداً دام أننا نعيش في دولة فيها دخل الفرد الأعلى في العالم

شنو شاي بـ 9 ريال وذرة بـ 10 ولا شي

في ناس اتشوفها عادية وناس اتشوفها مب عادية

ومب كل الناس دخلهم الاعلى في العالم

[برزان1]

في ناس اتشوفها عادية وناس اتشوفها مب عادية

ومب كل الناس دخلهم الاعلى في العالم

عاد والله هاي التقارير اللي قريتها بالصحف المحلية ما حددت ناس وناس

[شيزكيك]

خير ان شاء الله ورا فاتح في فندق كلها الا حديقه عامه

خلوا اكلهم وشربهم يصدي

[La Bella]

شعر البنات و بوب كورن وأذره صفره وعصائر
خذهم من المخازن الكبرى وأنت رايح أسباير

[عاشقة الطاووس]

اصلا خدمتهم رديئه جدا جدا جدا جدا

مره رحت ابي ذره ،، وكان كشك الذره في ليوان الكوخ برى بس طبعا تابع للمطعم ،، قالوا لي لازم تدفعين

اول وعقب ماتدفعين بيعطونج قلاص الكوب اللي يحطون فيه الذره وجيبيه لنا !!!!!

عاد تخيلوا شكلي وانا داشه الكوخ وادفع ويعطوني الكوب واوديه لهم برى ويترسونه لي ذره !!!!

شهالمذله !!!!!

خلوا الدفع عندكم برى ليش ندش وندفع ونجيب الكوب !!!!!!!!

عاد ياليت على شي يسوى والله ان الذره تنعلج طاقها الهوى الله اعلم متى مسوينها

[La Bella]

اصلا خدمتهم رديئه جدا جدا جدا جدا

مره رحت ابي ذره ،، وكان كشك الذره في ليوان الكوخ برى بس طبعا تابع للمطعم ،، قالوا لي لازم تدفعين

اول وعقب ماتدفعين بيعطونج قلاص الكوب اللي يحطون فيه الذره وجيبيه لنا !!!!!

عاد تخيلوا شكلي وانا داشه الكوخ وادفع ويعطوني الكوب واوديه لهم برى ويترسونه لي ذره !!!!

شهالمذله !!!!!

خلوا الدفع عندكم برى ليش ندش وندفع ونجيب الكوب !!!!!!!!

عاد ياليت على شي يسوى والله ان الذره تنعلج طاقها الهوى الله اعلم متى مسوينها


أنا ولا مره جربت أخذ شي من عندهم
بس هاي الخدمة موجودة بالخارج بكثر
:) حتى البترول تدفعين وبعدين تعبين السياره
وأتذكر الأيسكريم بفينا نفس الشي تدفعين وبعدها تاخذين الى تبينه

[عاشقة الطاووس]

أنا ولا مره جربت أخذ شي من عندهم
بس هاي الخدمة موجودة بالخارج بكثر
:) حتى البترول تدفعين وبعدين تعبين السياره
وأتذكر الأيسكريم بفينا نفس الشي تدفعين وبعدها تاخذين الى تبينه




انا مب محتجه على سالفة اني ادفع قبل ماستلم الطلب ،، حتى هنيه في بعض مطاعم الوجبات

السريعه تدفعين وعقب يعطونج الاكل ،، انا احتجاجي على اني ادفع وانا اللي اجيب لهم القلاص

خالي وهم يترسونه لي !!

حركه مب متعودينها في قطر بصراحه

[بوحمد2]

والله قهر تشوفون اليهال يطلعون من الكوفي ومب قادرين يشترون اي شي بالفلوس الي عندهم على بالهم 5ريال بتجيب لهم شي مايدرون ان الشاي حمر ب9ريال جعله يحترق بدون مايكون حد داخله؟؟؟

[msd313]

الايجار 75 الف في الشهر
ايش تتوقع منه

[بوحارب]

ذره ب 10 ريال

باااااااااااااااااااااااااااااال

انه اليوم متعشي ب 10 ريال

هذا شلون يبيع الذرى بهالسعر

ولا اليوم انه مدلع نفسي ب 10 ولا المفروض عشاي ما يكلف 6 ريال

سبحان الله

زين لحد يضحك علي انه قنوع ههههههههههههههه

[واحد 11]

مشكلتنا مانعرف نتعلم ان الشيء اللي فيه استغلال يجب ان نقاطعه .... كل واحد يشتري من السوبر ماركت او ياخذ قهواه من البيت ويريح باله

بس هذا مايلغي المطالبة بإعادة النظر في اسعار الكوفي شوب ..... يعني ليش لايكون فاتح على شارع الشانز

[فابريغاس]

من كفو يكلمهم ؟

[Realistic]

يالربع سؤال: من راعي هالكوفي شوب ؟ :secret:

[شموخ قطريه]

والله ماادري بس مريت على الكوفي شوب كذه مره مااذكر شسمه على مااعتقد له كذا فرع واسعاره نفس الشي في متناول الجميع ... والله يارت احد المسؤولين عن حديقة سباير يسون محل نفس الدكان او نفس مال الكرك الي صوب البدع او الشراتون راح يكون في متناول الجميع ماادري هل احد يايد فكرتي؟؟؟؟؟؟؟

[دلوعه امها]

مو من زين المكان وصاخه وريحه خايسه جيبو معاكم دله الشاي بتقهوي اهل سباير كلهم

[بلاهويـــــة]

حسبي الله ونعم الوكيل على الجشع والطمع

[jm01]

ليش ليكون الكوفي في قندق وانا ما ادري
ليش جي الله يهداهم
نتمنى جهه مخوله تابع ها الامر
هاذي حديقة في نهايه

[فلفل حار]

http://farm4.static.flickr.com/3426/3240084135_37f84dd15f_m.jpg




الله يرحمج ويرحم آسعارج الطيبه يالطيبه ...
:telephone:

[Arab!an]

اذا صرتوا يد وحده مره بس .. مره


بتعرفون شلون تجبرون الكل يدور رضاكم

:anger1:

[Grnas]

صراحه تفاجأت من كلامكم ... ترى كوب الشاي ب 3 ريالات بس

اما الي كان يقصده صاحب الموضوع ترى الشاي المثلج الي هو ب9

بس الشاي العادي انا شاربه ترى ب 3 لا اكثر ولا شي

خرعتونا لان قلنا خلاص الغلاء صار بكل مكان بالدوحه حتى حديقة اسباير

[E L L E]

قلت لكم ترى هو تابع حق لوووووووووووووونتر

[هاجر]

يازينها دلة الكرك وسندويشات وكم من عصير وجبس وكلها من البيت :victory:




والله صدقتي احنا لما نروح ناخذ كل شيء معانا من البيت حتى ألعاب اليهال ونبسط ونستمتع ولا أحلى من جذي
:)




وهذا الكوفي شوب لو خاست أغراضه وعفنت والناس يصير عندها شوي من الوعي وقاطعت مثل هذي الأماكن كان بنشوف شيء من الأثنين إما بيعيدون النظر في الأسعار أو بيسكرونه وبيريحون ويرتاحون
وبالرغم من إنه عندي القدرة ولله الحمد إني أشتري من عندهم لكني أرفض الإستغلال العلني وكأنهم يقولون طقوا راسكم بالطوفة وعلى خدمة أقل مايقال عنها إنها في الحضيض ماعاد إلا هاذول بعد ومحد بيموت من العطش والجوع في يوم
:nice:

[سارونه]

يا جماعة انتو مو مجبورين تشترون من هالمكان ابدا

الي يصير هذا استغلال والذكي يشغل مخه ويبتعد عن هالاماكن

:(

[QaTaR_OnE]

اذا الاجار 100 الف لاتلومهم

عيل شتقول عن سوق واقف اللي اجاراتهم رمزيه ومغلين في اسعارهم

المشكله مافي حد يراقب الاسعار كل واحد يحط سعر على كيفه

[بن علان]

صح اسعارهم غالية

ونوعية الاكل والخدمة بعد رديئة جدا

أحشفا و سوء كيلة

نطالب بتواجد الأكشاك ومكاين المشروبات الدافئة في حديقة اسباير وذلك لكبر حجم الحديقة

[مرتبش]

م ق ا ط ع ة

وخلو اكله يطيح في جبده. هي حديقة مب مطعم
اذا بغيت اكل باروح حياة بلازا وكل المطاعم متوفرة
والمخازن الكبرى ماتقصر

[حمد]

صراحه تفاجأت من كلامكم ... ترى كوب الشاي ب 3 ريالات بس

اما الي كان يقصده صاحب الموضوع ترى الشاي المثلج الي هو ب9

بس الشاي العادي انا شاربه ترى ب 3 لا اكثر ولا شي

خرعتونا لان قلنا خلاص الغلاء صار بكل مكان بالدوحه حتى حديقة اسباير

عيل طلع بثلاث ... والشباب من الصبح صراخ انه بـ 9