روضة الوجبة المستقلة...وين مكانها؟

[هتـان قطر]

بعد طووول انتظار...جانا الفرج وتحدد يوم 7 ديسمبر هو اول يوم دراسي

لروضة الوجبة المستقلة للبنات..وش عقبه الكورس الاول قرب على الانتهاء:rolleyes2:

المهم ..اللي يدل مكان المبنى يتكرم ويوصفه لي

لان الروضة للاسف ما عطوني الوصف ..واللي وصفت لي المكان وصفته بالخطأ

درت الين عجزت ما لقيته..

وش لكم بالطويلة..اللي يدل المكان جزاه الله خير يدلني عليه

وبكون شاااكرة لكم

[alrheeb2020]

ان شاء الله الاخوان مابيقصرون ..

والله يوفقج

[أم حمد ومحمد]

مرحبا هتان

الروضه ما بين الغرافه وازغوى

يعني

دوار نادي الغرافه تاخذينهم متجهه لجهة الشمال كأنج رايحه جمعية الميره اللي بازغوى

بيكون النادي وساحة الاعراس على يسارج

والبيوت على يمينج

قبل لا توصلين دوار الجمعيه آخر لفه على اليمين وهي بتكون الرابعه

خذي اللفه وامشي تقريباً 100 متر بتلقين الروضه على يدج اليمين

:)

[المتضرعه لله]

الله يعينج ياهتان على الزحمه :)

وجعلها سنة خير يارب ونجاح وفلاح لاحبتج

امين

[بوجاسم 75]

دوار نادي الغرافة جنج رايحه ازغوى قبل ماتوصلين الدوار (دوار الميرة ازغوي) اخر لفه يمين ادخليها
روحي سيدة الروضة على يمناج لونها بني وبيج على شكل فيلا ارضية بدون لوحة 0

[نجمة سهيل]

اي والله يختي ما بغو &(

وش بيعطونهم اذا داومو خاااطري اعرف !!

وان شا الله دليتي المكان اذا ما دليتيه عندي خريطه الموقع اذا تبينها انا حاضره

والله يجعلها سنه خير ووبركه على الجميع

[محـqatarـــمد]

على فكره خوااااتي ..

ترى ادارة الروضه مو مسؤوله عن التأخير اللي صار ... ولا بيدهم ...

هو مبنى الروضة كان قيد الإنشااااء وتوه خالص ...

عشان كذا تأجل ...

وبعدين في فرق بين دوام اليهال في الروضة وبين جلستهم بالبيت على ما اظن ...


بدال ما نقول جزاهم الله خيررررر ...

[هتـان قطر]

ان شاء الله الاخوان مابيقصرون ..

والله يوفقج

ادري ما بيقصرون وهذا العشم فيهم الله يجزيك ويجزيهم كل خير

[هتـان قطر]

مرحبا هتان

الروضه ما بين الغرافه وازغوى

يعني

دوار نادي الغرافه تاخذينهم متجهه لجهة الشمال كأنج رايحه جمعية الميره اللي بازغوى

بيكون النادي وساحة الاعراس على يسارج

والبيوت على يمينج

قبل لا توصلين دوار الجمعيه آخر لفه على اليمين وهي بتكون الرابعه

خذي اللفه وامشي تقريباً 100 متر بتلقين الروضه على يدج اليمين

:)

مشكورة يالغالية اتصدقين انا خذيت ثالث لفة يمين وحست ولقيت روضة جديدة

ومبناها حلو ..قلت خلاص اكيد هي ..لما قربت منها الا طلعت روضة الرفاع!!

ماقصرتي والله الوصف دقيق بارك الله فيك

[هتـان قطر]

الله يعينج ياهتان على الزحمه :)

وجعلها سنة خير يارب ونجاح وفلاح لاحبتج

امين

شنسوي تعودنا على الزحمه الله يكون في عون الجميع

مشكورة اختي المتضرعة لله جزاك الله خير

[هتـان قطر]

دوار نادي الغرافة جنج رايحه ازغوى قبل ماتوصلين الدوار (دوار الميرة ازغوي) اخر لفه يمين ادخليها
روحي سيدة الروضة على يمناج لونها بني وبيج على شكل فيلا ارضية بدون لوحة 0


بارك الله فيك مشكور اخوي بوجاسم ماقصرت

[هتـان قطر]

اي والله يختي ما بغو &(

وش بيعطونهم اذا داومو خاااطري اعرف !!

وان شا الله دليتي المكان اذا ما دليتيه عندي خريطه الموقع اذا تبينها انا حاضره

والله يجعلها سنه خير ووبركه على الجميع

مشكورة نجمة سهيل..الاخوان ام حمد ومحمد وبوجاسم ما قصروا

الله يعطيكم العافية كلكم..

[هتـان قطر]

على فكره خوااااتي ..

ترى ادارة الروضه مو مسؤوله عن التأخير اللي صار ... ولا بيدهم ...

هو مبنى الروضة كان قيد الإنشااااء وتوه خالص ...

عشان كذا تأجل ...

وبعدين في فرق بين دوام اليهال في الروضة وبين جلستهم بالبيت على ما اظن ...


بدال ما نقول جزاهم الله خيررررر ...

والله ياخوي ما فهمت قصدك..احنا ندري ان السبب كان اشغال اللي اخروا التسليم

بس ما فهمت قصدك " بدال ما نقول جزام الله خيررررر" !!!!

احنا ما ما تطرقنا للروضة وما اشرنا لهم اصابع الاتهام

كل اللي كان مضايقنا التأخير اللي صار وقعدة بناتنا في البيت وغيرهم يداومون

والكورس الاول قرب ينتهي..

[مرتبش]

بالتوفيق ان شاء الله
العام صار لي نفس الموقف ما افتحو الروضة الا بداية شهر 12

ياريت المجلس الاعلى يتفادى هالتأخيرات في مشاريعهم الجديدة .

[شيط ويط]

وحده من بناتنا هناك :shy: .. وفعلا مابغوا .. نتمنى لهم التوفيق :nice:

[هتـان قطر]

بالتوفيق ان شاء الله
العام صار لي نفس الموقف ما افتحو الروضة الا بداية شهر 12

ياريت المجلس الاعلى يتفادى هالتأخيرات في مشاريعهم الجديدة .

اللي بالروضة امرهم بسيط..الاشكالية في التمهيدي

اللي لازم يكون مستواهم يؤهلهم للصف الاول..

ونتمنى بالفعل تكون اشغال على قد المسؤولية

وتلتزم بالمواعيد..


وحده من بناتنا هناك :shy: .. وفعلا مابغوا .. نتمنى لهم التوفيق :nice:


الله يوفقهم جميعا..الصراحة سررت من المبنى ومن التجهيزات

عالية المستوى..شي يشرح الصدر ويبهج الخاطر

عوضونا عن الانتظار بهالمبنى الرائع

المدرسات مبين عليهم مؤهلات وكان اسلوبهم رائع

في احتواء البنوتات خصوصا المتخوفات منهم