بغيت خدمه في المرور ماعليكم امر

[بنوته]

السلام عليكم ورحمة الله وبركاته

اخواني ..عندنا سياره خالصه من الفحص الفني و عليها مخالفات 1500 وغرامة تأخير ....
بغيت اعرف من اكلم عشان نقط الغرااااامه في المرور ...ومتى نروح المرور عالساعه كم يكون المسؤول موجود عشان استأذن من الدوام واروح لهم ..ونبي هم نسوي تأمين ضد الغير هل يصير نغير الشركه او لازم نفس الشركه ومتى يفتحون مكاتب التامين اللي في المرور ...

وجزاه الله خير الجزاء اللي بيساعدني

[غير البشر]

اختي روحي مرور مدينه خليفه

في ظابط اسمه ابراهيم النصر او كذا واحد يقدر يخلص لج الموضوع

يعني مب شرط اتروحين وقت معين اي وقت في الصباح عادي :nice:

[مسكين]

غرامات التأخير يمكن يستاهلون الربع فيها ويقدرون الظرف ... لكن المخالفات الثانية ماتنقط تعتمد على حسب نوع المخالفة وأسبابها واعتقد كل الضباط هناك متعاونين ومتفهمين

[PLATINUM]

اي ضابط مناوب يقدر يشيل مخالفه التاخير
وفي الغالب يشيلها بدون حنه على طول
انا عن نفسي شالينها لي مرتيين

وبخصوص شركة التامين اذا ضد الغير لازم في نفس الشركه واذا شامل يصير اي شركه
وفي شركه وحده اللي هي شركه قطر وعمان للتامين يصير تامنين عندهم ضد الغير حتى لو ماكنتي مامنه عندهم من قبل
ومكانهم قريب السد
وين محل الماجد للمجوهرات الجديد اللي لاصق فيه محل فرساتشي نفس المبنى فوق في الطابق الرابع واذا تبين عندي رقم واحد من الموظفين هناك

[سكرمر]

نفس كلام الشباب

انتى روحي الصبح وبتحصلين هناك مخلصين سودانين


عطيهم الاوراق وخليج فى سيارتج وهم بيخلصونج من كل الاجراءات

لكن بياخذون عليج فايده والله يعينج عليهم


تحياتي وبالتوفيق

[بنوته]

السلام عليكم ورحمة الله وبركاته

اخواني ...ماقصرتو كفيتو ووفيتو

جزاكم الله خير الجزاء

[مضاد]

,

الله يذكرك بالخير يا ضيف الله العتيبي ,, اتعبت من جاء بعدك ...

والشباب الموجودين حالياً مايقصرون و فيهم الخير .

[jajassim]

,

الله يذكرك بالخير يا ضيف الله العتيبي ,, اتعبت من جاء بعدك ...

والشباب الموجودين حالياً مايقصرون و فيهم الخير .

لكل زمان رجاله :nice:

[الجوكر90]

بالتوفيق ان شاء الله

[فتى الجود]

,

الله يذكرك بالخير يا ضيف الله العتيبي ,, اتعبت من جاء بعدك ...

والشباب الموجودين حالياً مايقصرون و فيهم الخير .



والله والنعم

ولابقصور بالموجوديين

[الكواري 1972]

انا اقول اول شئ سوي التأمين بعدين فكري تروحين المرور

لان اللي في المرور كلهم فيهم الخير من اكبر راس لين اصغرهم

اذا مافي زحمه كلها دقايق يخلصونج

بالتوفيق

[alrheeb2020]

الله يوفقج اختي وان شاء الله تنقط المخالفه في اسرع وقت ..

والاخوان ماقصروا. ^^

[الشاااهين]

نصيحه اذا بتروحين حق المخلصين اللي في المرور لازم تتأكدين انه عنده بطاقة مندوب باقولج ليش
واحد صار له حادث وهو غلطان يوم راح التأمين الا طلع مزور ورقم التأمين مب في السستم واللي خلص من هذيلا اللي ماعندهم بطايق ولا يعرفه خسر حول 12000تصليح السيارتين الله يوفق الجميع.