المساعد الشخصي الرقمي

مشاهدة النسخة كاملة : عمليات تصحيح النظر في قطر !! من يفيدني ؟؟


عاشقة الأمل
06-12-2009, 12:47 PM
بسم الله الرحمن الرحيم

يعطيكم العافية جميعا اخواني وأخواتي

حبيت اسأل إذا حد منكم جرب يسوي عمليات تصحيح النظر ( قصر النظر / بعد النظر )

داخل الدوحة



في عيادات مغربي بالمستشفى الأهلي


أو

عيادة د. يوسف بو ألفين أو غيرهم من دكاترة قطر


أتمنى تفيدوني لأن أختي ناوية تجريها بإذن الله وحابه أعرف الأفضل قدر الإمكان :omen2:


وجزاكم الله خير مقدما
عذايب قطر
06-12-2009, 12:53 PM
هلا اختي

بالنسبة لي انا عملت ليزك في عيادة العيون التخصصي
الدكتور خالد الشريف وهو دكتور مشهور في الاردن
ومدة العمليه خمس او عشر دقايق
لازم اتسوين فحص عقب يشوفون اذا تقدرين اتسوين الليزك وله لا

تحياتي لج
عذايب قطر
عاشقة الأمل
06-12-2009, 12:56 PM
جزاك الله خير اختي وسلامة عويناتك الغالية

تعرفين حد سواها عند هذيلا الاثنين ( مغربي ، بو ألفين )

واكون شاكرة لك
alkuwari55
06-12-2009, 01:05 PM
بس ليش بي 11 الف يسونها
عند دكتور خالد الشريف
شبح الصمت
06-12-2009, 01:10 PM
(يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت
بنت الرجال
06-12-2009, 02:29 PM
مـؤمـن الريفـي في البحريـــــن ... ممتــاز عـن تجربـــه ...

كـان يسويهـا بـ5000 ريـــااال ...

و ماتشـوفـوون شــر ...
عاشقة الأمل
06-12-2009, 02:48 PM
شبح الصمت .. صح الله لسانك :)

ولكل من رد جزاكم الله الجنة ما قصرتوا



بعد أسأل حد سمع عن بوألفين / أو / المغربي ؟؟
History
06-12-2009, 03:36 PM
شبح الصمت .. صح الله لسانك :)

ولكل من رد جزاكم الله الجنة ما قصرتوا



بعد أسأل حد سمع عن بوألفين / أو / المغربي ؟؟

بـوألفين أسمع ناس واجـد تمدحه,,,
لكن لتصحيح النظر ماسمعـت حد أعـرفه مسوي عنده,,,
أغلبهـم اللي يسوونها داخـل قـطر تكون عند د.خالد الشريف العيون التخصصي,,,
و اللي يسوونها برى تكون في البحرين يا عند الريفي يا عـد الدوسريه,,,
فيصـــل
06-12-2009, 03:38 PM
الشيخه اغلب اللي حوالي سوو العمليه عند الشريف

ويمدحون شغله

موفقه يارب
حياة
06-12-2009, 03:48 PM
العيون التخصصي عند خالد الشريف
Me&OnLy
06-12-2009, 03:55 PM
الله يسهل لج الامر ويكتب لكم اللي فيه الخير
صقر عربي
06-12-2009, 05:31 PM
اختي انا مسويها في المغربي في الدمام من حوالي 4 اسنين والحمدلله وتقدرين اتسويها في مغربي الدوحه عندهم كل فتره دكتور زائر كلهم استشاريين ولازم بالحجز لان عليهم زحمه

موفقه اختي
ذكي جدااا
06-12-2009, 08:40 PM
والله الشباب سوووها عند خاااااااااااالد الشررريف يقولون ممتاااااااااز وما عليكي من الفلووس اذا قالوا لك في البحرين رخيييص هذه عيونك اهم شي الدكتووور اللي سمعته زينه مو لفلوووس .
وبالاخير كله توفييق من الله سبحاانه وتعالى يعني واحد يسوي عند فلان وما تظبط وفلان يسوي عند غيره وتظبط العمليه التوفيييق من رب العالمين
العـوا
06-12-2009, 08:47 PM
الموضوع موضوع أجهزه حديثه فقط لان الدكتور ماله اي يد اللهما مشغل جهاز ودقه الجهاز يعتمد على كونه يديد او قديم هذا كل الموضوع ببساطه

قبل العمليه اسئل عن الجهاز ولا تسال عن الطبيب
روح الشمال
06-12-2009, 11:02 PM
مـؤمـن الريفـي في البحريـــــن ... ممتــاز عـن تجربـــه ...

كـان يسويهـا بـ5000 ريـــااال ...

و ماتشـوفـوون شــر ...



العين ليست بحقل للتجارب والمخاطرة

البحرين افضل بكثير

تقبل مروري
بوخالد911
06-12-2009, 11:08 PM
هلا

انا سويتها عند د خالد الشريف

ب 9000 ريال
الفحص الطبي ب 650

العملية ناجحة

ولله الحمد من قبل ومن بعد
خالد_قطر
06-12-2009, 11:14 PM
إذا بالدوحة عندك الشريف أحسن واحد

بس إذا بالبحرين عن تجربة الدكتورة فاطمة الدوسري
بو علي
07-12-2009, 02:20 AM
السلام عليكم. انا سويت العمليه من أكثر من سنه عند الدكتور ابو الفين. وسواها لي دكتور مصري يجي كل فتره اسمه أسامه ابراهيم على ما اذكر. ولله الحمد والمنه كل شي تمام. الدكتور المصري ممتاز ويسوي وايد عمليات في الأسكندريه بربع السعر. انا سويتها هني بعشر الاف.

اللي اقنعني اسوي عندهم ان جهازهم متطور وكنت قريت عنه في النت ان نتايجه ادق.

استخيري, ثم توكلي على الله. وبالتوفيق ان شا الله.
كازانوفا
07-12-2009, 09:13 AM
انا بسمع عن مغربي انه ررررائع وممتااااز
عاشقة الأمل
07-12-2009, 09:34 AM
لكل من رد الله يجزاكم الفردوس الأعلى
يارب الله يسلم عيونكم ويعطيكم الصحة والعافية ..


شكرا لكم
استشرت ، واستخرت وتوكلت على الله
اسأل الله العافية ونجاح العملية يااااااااااااارب
ذكي جدااا
07-12-2009, 02:45 PM
الله يوفقك اختي هاه وين ناويه تسوينها؟؟؟؟؟
خشوف
07-12-2009, 03:23 PM
امي ابوي فيهم السكر عادي يسونها
بوعمير
07-12-2009, 03:34 PM
اختي الكريمة عملية تصحيح النظر (الليزك) تحتاج لكشف طبي لتأكد ما إذا كانت العين قابلة للتصحيح لأن بعض العيون يكون فيها تشوة حلقي لا يمكن معه إجراء أي جراحه.

وأنا شخصياً سويتها سنه 2005 عند الدكتور العريفي في البحرين في مستشفى ابن النفيس والحمدالله رب العالمين، وربعي سووها عند الريفي والحمدالله ناجحه، والدكتور العريفي والريفي يسوون العملية من زمان وهم استشاريين ومتخصصين وأرخص من الدوحة.

خلي اختج تستخير والله يوفقها.