مدري وين أروح - قطر فاونديشن لطلب وظيفه [الأرشيف]

The Unique

06-12-2009, 02:03 PM

:: يا ليت تفيدوني ::

لتقديم على وظيفه في معرض قطر المهني التابعة لمؤسسة قطر للتربية والعلوم وتنمية المجتمع اللي هو قطر فاونديشن, او في قطر فاونديشن نفسها.

- الافضل كوظيفة قطر فاونديشن نفسهااو في مشاريع مشتركه مثل فيتش قطر بلومزبيؤس مؤسسة قطر للنشر ميزة مركز قطر لتطوير المعارض والمؤتمرات.....

وين أقدر أستفسر عن ,الوظائف والتخصصات المطلوبة والشاغره حاليا, واذا الhr أو شؤؤون الموظفين هم اللي يقدرون يساعدوني

في أي مبنى ؟ مباني كثيرة في المدينة التعليمية !

والله ما ادري وين اروح

ردكم بيكون في غاية الامتنان. أشكركم مقدما لتعاونكم

asadfg

06-12-2009, 02:10 PM

ياليت الاعضاء يفيدونك لاني انا بعد ابي اعرف الاجابه

The Unique

06-12-2009, 02:42 PM

ان شاء الله اعضاء المنتدى ماراح يقصرون ويانا
وكلهم قمـة وفيهم الخير والبركة

SpeedSter

06-12-2009, 02:58 PM

السلام عليكم ورحمة الله وبركاته

مبنى الـ hr خارج المدينه التعليميه وبالتحديد بجانب مدرسة الوجبه الاعداديه للبنات (سابقآ)

وانت جاي من نفق الجوازات بأتجاه الدوار المايل .. خذ الدوار المايل سيده كنك رايح خط الاكاديميه

بيجيك دوار بعد اخذه سيده وادخل خط الاكاديميه

وعقب خط الاكاديميه بيجيك دوار (دوار الناصريه) .. خذ الدوار يسار وعقب لف يمين وامش شوي وبعدين

بعد خذ يمين (بيكون مبنى مدرسة الوجبه سابقآ على يدك اليسار) .. امش شوي عقب المدرسه بتحصل كذا

بورت كابن بعدها .. واحد منهم مبنى الـ hr واذا ماعرفت اسأل السيكيورتي الي هناك وبيدليك انشالله

اتمنى يكون وصفي واضح وبالتوفيق الشيخ

The Unique

06-12-2009, 04:29 PM

الشيخ ابوك وانت ولده
مشكور على الشرح الوافي لاهنت

The Unique

06-12-2009, 04:32 PM

The Unique

06-12-2009, 09:23 PM

اشدعــــوه ما أحد اشتغل في قطر فاونديشن او احد الشركات التابعه لها !!!

مثل فيتش قطر- بلومزبيؤس مؤسسة قطر للنشر- ميزة - مركز قطر لتطوير المعارض والمؤتمرات- أوريكس- كافاك- أكسون موبيل- شركة شل - دوحة لاند.!!

رهج السنابك

06-12-2009, 09:27 PM

فيه واشكثرهم اللي يشتغلون في قطر فاونديشن متواجدين في المنتدى .. بس كالعاده ما يحبون يفيدون بأي شي :)

وهالشي لمسته في الغالبية العظمى فيهم لما رحت قطر فاونديشن لما اسأل البنات عن اي شي كله يقولون ماندري :) سبحان الله بعضهم لها اكثر من اربع سنين وتقول ما ادري !!

كلش مو متعاونين مدري مايبون أحد يشتغل معهم

رهج السنابك

06-12-2009, 09:29 PM

الناس اللي عندهم خبره بليييز ,

الافضل أشتغل في وظيفة في قطر فاونديشن نفسه او في المشاريع مشتركه مثل فيتش قطر- بلومزبيؤس مؤسسة قطر للنشر- ميزة - مركز قطر لتطوير المعارض والمؤتمرات

وهذا بالنسبه للميزات والراحه..

تستغرب من كثرة هالاماكن في قطر ومع ذلك نشوف قطريين بدون وظايف !!

لان كل هالامكان متروسة من هالاجانب لين قالت بس .. واحلا شي ان كل أجنبي جايب قبيلته واصدقاءه كلهم معه .. خوش بلد بالنسبة لهم لو يلفون العالم مايلقون مقصه نفس هنيه

The Unique

06-12-2009, 10:00 PM

ان شاء الله بيردوون

Northman

06-12-2009, 10:06 PM

The Unique

06-12-2009, 10:14 PM

حاسب الي - ديزاينر و مبرمج

هدوء العاصفة

06-12-2009, 10:22 PM

اخوي بالنسبه للمراكز
انا انصحك بدوحه لاند
واحه قطر للعلوم والتكنولوجيا
وفي قسم جديد للطاقه الشمسيه فرش يعني
وفي كليه الدراسات الاسلاميه ارح يفتحون فيها خمس مراكز جديده
اخوي ممكن اعرف تخصصك شنو؟

خاطري اشتغل في واحة قطر للعلوم والتكنولوجيا واسوي دراسات وبحوث .. شلون نقدم عندهم او نروح عند من ؟؟؟

Northman

06-12-2009, 10:23 PM

ان شاء الله باجر بطرش لكم الايميلات
والناس المختصه

بــو فهــد

06-12-2009, 10:26 PM

اخوي روح قدم عند الهيومن ريسورس اللي في قطر فاونديشن و أظن مب متاكد انهم هم اللي يحطونك في المكان اللي محتاجين فيه تخصصك .. انا اقولك توكل على الله لانه مكان زين .. ماجربت الشغل معاهم للحين بما اني مبتعث عن طريقهم فقط لكن اكثر من شخص مدحلي الشغل هناك ..

الله يوفقك ان شالله ويسهل لك ان كان لك خير فيه =)

The Unique

06-12-2009, 10:49 PM

ان شاء الله باجر بطرش لكم الايميلات
والناس المختصه

شاكرين لك تعاونكــ والاﺳﺘﺠﺎﺑﺔ ﺍﻟﺴﺮﻳﻌﺔ

واتمنى التعاون بيننا دائماً

بدون

07-12-2009, 12:19 AM

Qatar science &Tec. Park
Tel: 4547070
Email:info@qstp.org.qa

هذا عنوان واحة العلوم و تلفونهم و ىممكن تطرش السي في و تكلمهم علشان تعرف المعلومات اللي ممكن يطلبونها . كلية الدراسات الاسلامية ممتازة،، و الشركات المتعاونة معظمها مسيطرين عليها أجانب و يخزونك بنص عين ،، انت استخير و روح لهم و الله يجدم اللي فيه الخير
بالتوفيق ان شاء الله

مالي ومال الناس

07-12-2009, 03:09 AM

بالتوفيق انشالله

دكتورة روح

07-12-2009, 08:48 AM

والله املكن وايد وتوني اعرف اساميههم
اعور القلب
اخاف اروح اقدم يطلعون لي انياابهم واقعد اصيح عند الباب اهئ اهئ

asadfg

07-12-2009, 09:17 AM

qatar science &tec. Park
tel: 4547070
email:info@qstp.org.qa

هذا عنوان واحة العلوم و تلفونهم و ىممكن تطرش السي في و تكلمهم علشان تعرف المعلومات اللي ممكن يطلبونها . كلية الدراسات الاسلامية ممتازة،، و الشركات المتعاونة معظمها مسيطرين عليها أجانب و يخزونك بنص عين ،، انت استخير و روح لهم و الله يجدم اللي فيه الخير
بالتوفيق ان شاء الله

اخوي هاي ايميل ورقم قطر فاونديشن ؟

بدون

07-12-2009, 10:32 AM

اخوي هاي ايميل ورقم قطر فاونديشن ؟

هذا الرقم لواحة العلوم و التكنولوجيا في قطر فاونديشن و الإيميل لهم
بس الأرقام الثانية مب عندي الحين ممكن أجيبها لاحقا:victory:

و دمتم سالمين

Northman

07-12-2009, 01:48 PM

السلام عليكم هاي
ايميلات التوظيف

jobs@qstp.org.qa

national@qf.org.qa
JOPS@QF.ORG.QA
وبحاول ان شاء الله اجيب لكم الباقي

هدوء العاصفة

07-12-2009, 03:08 PM

عاد في فايدة والا لا ؟

Northman

07-12-2009, 03:16 PM

اذا الله كتب بيكون لك نصيب

The Unique

07-12-2009, 03:48 PM

السلام عليكم هاي
ايميلات التوظيف

jobs@qstp.org.qa

national@qf.org.qa
JOPS@QF.ORG.QA
وبحاول ان شاء الله اجيب لكم الباقي

جزاكــ الله خير أخوي ,
بغيت أتأكد يعني أرسل السيرة الذاتية على هالايميلات
اذا ممكن تعرف رقم الhr

Northman

07-12-2009, 05:01 PM

معرض قطر المهني
manager@qatarcareerfair.com.qa

وهاي موقع دايركت تدخل عليه وتقدم على ظيفه للنسبه للصندوق القطري للبحث العلمي
http://www.qnrf.org/about_qnrf/job/

وهاي الوظايف المطلوبه حاليا بسدرة

Physician Informaticist
Senior Project Manager- IT Systems
Internet/Intranet Service Analyst
Senior Project Manager - ERP Systems
Senior Project Manager - Ancillary Systems
Database Administrator (DBA)
Clinical Planning Consultant, Pulmonary and Neuro Diagnostic Services
Senior Clinical Planning Consultant, Quality
Subject Matter Expert - Scheduling Adt & Patient Communications
Sponsorship Opportunities for Qataris who wish to pursue a career in healthcare
Opportunities for Qatari New Graduates (Jana Training Program)
Finance - Manager, Financial Planning & Analysis

موقع التقديم
jobs@sidra.org

لي عوده انشاء الله

مستقلة

07-12-2009, 09:28 PM

كلية الدراسات الاسلامية تقع تحت اي جامعة او اي مؤسسة في قطر فاونديشن؟

بويوسف

07-12-2009, 10:55 PM

شلون التقديم في كلية الدراسات الاسلامية ؟

دلوليانوز

07-12-2009, 11:01 PM

انا مقدم من شهر 10 2008..ومقابله اولى بعد شهرين في 12..وعقبها مقابله في شهر 9 2009..مضيعين الطلب..وعقب مقابله في شهر 10....ولين اليوم ننتظر..على ما يبدو في شي يا منهم...ولا من الداخليه

بويوسف

07-12-2009, 11:01 PM

نورثمان جزاك الله خير .. عندك فكرة من المسئول في التوظيف في الجهات اللي وضعتها ؟ يعني لو حد نكلمه يكون افضل من مجرد تقديم اوراق السيرة الذاتية .. ولان تجاربنا في الرد على الاوراق سيئة يعني مافي مرة ارسلت اوراقي على ايميل او فاكس وحد رد ..

Northman

07-12-2009, 11:10 PM

بخصوص كليه الدراسات الاسلاميه هي جامعه منفصله لحالها
وان شاء الله باجر باجيب لكم ايميل الموظفه

وبخصوص المسؤلين عن التوظيف
مارضوا احط ارقام تلفوناتهم
بس اخوي في الاخير اي سيفي يوصل يتطرش للدايركتر او المانيجير المختص وهو يشوف
بس ان شاء الله بحاول اساعدك اخوي

بويوسف

07-12-2009, 11:31 PM

جزاك الله خير الجزاء على مساعدتك لأخوانك وان شاءالله الله سبحانه يسخر لك اولاد الحلال ليعينوك كما اعنت الاخوة الكرام ..

biz-qtr

08-12-2009, 01:16 AM

ان شاء الله يفيدونج اختي

بس اللي اعرفه لقطر فاونديشن تقديم الطلب اون لاين من الموقع نفسه :)

والله يوفقج وخلاص لين توظفتي توسطي لي لين تخرجت :)