هل تتزوجين اجنبي ... لو أن !!!!!!!!11

[هند88]

مرحبا يابنات المنتدى ....
اليوم موضوعي عن زواج القطريه بأجنبي.. هل ترضين تتزوجين اجنبي (عربي) لو ان بيعاملونة معاملة القطري وياخذ الجنسية بحكم ان زوجته قطرية وعيالج ياخذون الجنسية .... حاله حال القطري اللي يتزوج اجنبية ...(وخلونا نحط رأي الاهل على جنب لانه اكيد بيتغير بنسبة 50% في حال عطوه الجنسية )
انا ابي رأي البنت في هالفكرة...
انتظر ردودكم......

[رنج سبورت]

مع ان الموضوع مايخصني

لكن اقول حلاة الثوب ...... وعليج التكمله

[هند88]

معاك حق حلات الثوب منه وفيه بس طرحت الموضوع لان دايما ينطرح الموضوع حق الشباب بحكم البنت ماتتزوج اجنبي لان وضعها وضع عيالها مابيكون زين....
انا بغيت اعرف راي البنات في الزواج من غير القطري...لو ان الحال تساوى

[رنج سبورت]

معاك حق حلات الثوب منه وفيه بس طرحت الموضوع لان دايما ينطرح الموضوع حق الشباب بحكم البنت ماتتزوج اجنبي لان وضعها وضع عيالها مابيكون زين....
انا بغيت اعرف راي البنات في الزواج من غير القطري...لو ان الحال تساوى


حلاة الثوب رقعته منه وفيه :)

[هند88]

ههههههه اي صح العتب على اول يوم دوام عقب الاجازة

[qatarshare]

حلاة الثوب رقعته منه وفيه

[نسناسة]

الناس كلها سواسية الإ بالتقوى والعمل الصالح
واذا البنت بدهااا تتزوج أجنبي ليش لا بس لازم تراعي من هو يعني مش راعي الدكان وتقول الناس سواسية
دايما على الأصل دور<<<<فديتها روتانا
ودام الولد طيب الأصل والقبيلة وحسن السير والسلوك الله يجيب الي فيه الخيرررر

بس جد حلاة الثوب رقعة منه وفيه

[هند88]

وينكم يااااابنااات ابي رأيكم

[بنت ذياب]

:( لا

ماقدر اتقبل هالشي:(

[حقيقه]

لا طبعاً

[حراير قطر]

والله يا اخت هند

حلاة الثوب رقعته منه وفيه

وهالموضوع اشكثر تناقشوا فيه

[دلوليانوز]

انتي قصدج الماديات..قويه يعني يقدر يعيشها في مستوى بمثل مستواها واحسن يعني..صح

والله..العرب كلهم مسلمين..وبالنهاية مثل ما انتي لك حق الاختيار للاهل حق القبول او الرفض..ويعتمد على نوع الاهل..وكيف بيشوفونه..هل هو من عايله معروفه بين هله مثلا..هل له وضعه ومكانه اجتماعيه مميزة..؟

في المجتمع القطري..او الخليجي ..مب غريب زواج القطريه ب خليجي...لتشابه العادات والتقاليد..بنسبه كبيره..ولكن في بعد هناك من العرب من خارج الخليج...من عاش وتتطبع بالعادات الخليجية نظراً للمكان..ف لا بد البيئة تأخذ عامل مميز في التغيير...لربما البنات يشوفون السالفه من منظور عاطفي ..ولكن حتى لو قالت ايه..يتم القرار الاخير..للحكومة العليا..وهي البيت والاهل..ورايهم هو اللي يمشي..

[black@white]

مستحيييييييييييل

[همس]

والله لو انه ملياردير ماقبلته مب بس بيعاملونه معاملة القطري
قطــــــــــــــــــــري وبس ولا اي جنسيه ثانيه حتى لو خليجي

[العلم الوكاد]

والله لو انه ملياردير ماقبلته مب بس بيعاملونه معاملة القطري
قطــــــــــــــــــــري وبس ولا اي جنسيه ثانيه حتى لو خليجي

:ok::ok::ok:

[Don't Try]

No Way

[غزلان]

الأجنبي يتزوج اجنبيه :)

[findi]

لا طبعا مستحيل بل ومن سابع المستحيلات

المسأله مش مسألة حقوق وجنسيه فقط

- بالنسبه لي - هناك مسألة أهم وهي العادات والتقاليد و( السنع )

صح في النهايه كلنا سواسيه ولافرق بين عربي وأعجمي الا بالتقوى بس بعد

(( حلاة الثوب رقعته منه وفيه ))

[لاجئ عاطفي]

بصراحه سؤالج غير مفهوم ؟؟؟ اتقولين اشرايج اتزوجين من عربي مع انه راح يحصل على جنسية قطرية وعياله راح يحصلون عالجنسيه القطريه ؟؟ عيل وين المشكله؟ معناتها قطريه راح اتزوج قطري فوين المشكله؟؟؟؟

[وارث العز]

ما أنصح

لان الاجنبي مردة بيرجع بلادة فا ايش راح يكون مصير الزوجة أو الاولاد ؟؟؟

[حـــنـــان]

نفسيا صعبببببببببببببببببببببببببببببببببة ...حتى لو كان ذو اخلاق ودين ...صعبببببببببببببببببببببببببببببببببة

[بدور]

اذا سعد الحريري :cool::rolleyes: سعودي ومال وجمال:whistling:بوافق :rolleyes2:

[hamoor4ever]

بصراحه سؤالج غير مفهوم ؟؟؟ اتقولين اشرايج اتزوجين من عربي مع انه راح يحصل على جنسية قطرية وعياله راح يحصلون عالجنسيه القطريه ؟؟ عيل وين المشكله؟ معناتها قطريه راح اتزوج قطري فوين المشكله؟؟؟؟

مابي اكون محامي عن الاخت ، بس اعتقد اخوي ان الاخت تقصد انه يكون من اصول عربيه قبل الزواج فيها ، وراح يحصل على الجنسيه بعد الزواج فيها يعني بعد مرور فتره من الزمن هاذه اذا طلع قانون بخصوص هاذه الشي . فممكن يكون شخص ماله الا شهرين بالبلاد

واعتقد شتان او فرق كبير بين القطري المجنس ككونه من اي اصول خليجيه او عربيه اخرى في الغالب ويكون عاشر اهل البلد فتره طويله وتطبع باهلها فهاذه اعتقد مافيه فرق بينه وبين القطري الا البعض القليل منهم

[درب السعادة]

أنا مع بدور .... أذا سعد الحريري موافقه ............
رغم ان الموضوع خيالي ... لكن ما دام بيحصل على الجنسية واولادي بيحصلون الجنسية أوافق وخصوصا ان كثير من اخوانا العرب فيهم صفات وطبائع تختلف قليلا .... منها ان التسلط الذكوري في مجتمعاتنا الخليجية اشد منه في المجتمعات العربية الاخرى ......

العربي او حتى اوروبي ومسلم واخلاق ودين وجمال ومال ...... عز الطلب .......

أوافق ........

[رايق و فايق]

لو ان بيعاملونة معاملة القطري وياخذ الجنسية بحكم ان زوجته قطرية

اول مره ادري لو اجنبي تزوج قطرية ياخذ جواز قطري
انا اخبر العكس ..

[لاجئ عاطفي]

مابي اكون محامي عن الاخت ، بس اعتقد اخوي ان الاخت تقصد انه يكون من اصول عربيه قبل الزواج فيها ، وراح يحصل على الجنسيه بعد الزواج فيها يعني بعد مرور فتره من الزمن هاذه اذا طلع قانون بخصوص هاذه الشي . فممكن يكون شخص ماله الا شهرين بالبلاد

واعتقد شتان او فرق كبير بين القطري المجنس ككونه من اي اصول خليجيه او عربيه اخرى في الغالب ويكون عاشر اهل البلد فتره طويله وتطبع باهلها فهاذه اعتقد مافيه فرق بينه وبين القطري الا البعض القليل منهم


معنى كلامك انها تزوجته ومن ثم حصل على الجنسيه ؟؟ طيب دام تزوجته فوين المشكله؟؟ لان اهني الزواج تم سواء حصل على الجنسية ام لم يحصل عليها وبالتالي المفروض يكون السؤال هل تقبلين الزواج من اجنبي ؟؟؟ اعتقد السؤال المفروض بهالطريقه

[لاجئ عاطفي]

اول مره ادري لو اجنبي تزوج قطرية ياخذ جواز قطري
انا اخبر العكس ..


لايمنح الجنسية الا بشروط ومنها يكون من مواليد قطر ووقتها يكون له اولوية في الجنسية فقط ولا يتم تجنيسه على طول

[الجووري]

No Way

[hamoor4ever]

معنى كلامك انها تزوجته ومن ثم حصل على الجنسيه ؟؟ طيب دام تزوجته فوين المشكله؟؟ لان اهني الزواج تم سواء حصل على الجنسية ام لم يحصل عليها وبالتالي المفروض يكون السؤال هل تقبلين الزواج من اجنبي ؟؟؟ اعتقد السؤال المفروض بهالطريقه

اخوي

الاخت اتقول لو فرضنا ان الدوله فرضت قانون بأن زوج القطريه الاجنبي سيحصل عن الجنسيه القطريه بعد زواجه بها وبيستقر هو وعياله وبيحصل على كافه مميزات القطري هل ممكن انها توافق عليه او لا ؟

اذن اخوي السؤال مبني على فرضيات فقط اتمنى ان الفكره اوصلت :)

[لاجئ عاطفي]

اخوي

الاخت اتقول لو فرضنا ان الدوله فرضت قانون بأن زوج القطريه الاجنبي سيحصل عن الجنسيه القطريه بعد زواجه بها وبيستقر هو وعياله وبيحصل على كافه مميزات القطري هل ممكن انها توافق عليه او لا ؟

اذن اخوي السؤال مبني على فرضيات فقط اتمنى ان الفكره اوصلت :)


اذا كنا بنتكلم عن فرضيات
افرض
وافرض
وافرض
وافرض
وافرض
اذا وين النقطه الي بنتناقش فيها دام كلامنا مبني على فرضيات؟؟؟ لا تعليق

[رفيق الغيم]

لو عملنا بكلام الرسول صلى الله عليه وسلم كان ما فى عنوسه كان كل البنات متزوجات لكن نضرتنا اصبحت ماديه وشكليه

[hamoor4ever]

اذا كنا بنتكلم عن فرضيات
افرض
وافرض
وافرض
وافرض
وافرض
اذا وين النقطه الي بنتناقش فيها دام كلامنا مبني على فرضيات؟؟؟ لا تعليق


اخوي

كثير من نظريات العلم الحديث مبنيه على فرضيات

فما في داعي تستغرب من السؤال انه مبني على توقعات وفرضيات والسؤال اتوقع موجه للفتيات واختلاف وجهات النظر من مؤيد او رافض للفكره شي طبيعي اخوي بس اللي باين ان الاغلب رافض الفكره ويفضلون القطري :victory:

[رفيق الغيم]

مرحبا يابنات المنتدى ....
اليوم موضوعي عن زواج القطريه بأجنبي.. هل ترضين تتزوجين اجنبي (عربي) لو ان بيعاملونة معاملة القطري وياخذ الجنسية بحكم ان زوجته قطرية وعيالج ياخذون الجنسية .... حاله حال القطري اللي يتزوج اجنبية ...(وخلونا نحط رأي الاهل على جنب لانه اكيد بيتغير بنسبة 50% في حال عطوه الجنسية )
انا ابي رأي البنت في هالفكرة...
انتظر ردودكم......

الحل الوحيد يالغاليه تطبيق سنه نبينا محمد عليه افضل الصلاة والسلام

[اهل قطر]

السلام عليكم ورحمة الله
ما ادري صعبه شوي
ابغيه من هلي ومن جماعتي ، يفهمني وافهمه لين قال ابوي قلت وانا ابوي فلان واحنا عيال قريه وكلن يعرف خيه
انا عاشقه لبلادي لا ارى شيء يضاهيها بكل الي فيها ,
لابد يكون من فريجنا , لما اتكلم عن ذيك الحصاه بعد هو يعرفها وذاك العاير بعد يعرفه
عن ذيك السالفه بعد هو يذكرها

[شجرة الدر]

مستحيل ،،

[~~ الدانـه ~~]

لا



غير القطري مستحيل

[بوخالد911]

البنات قالوا : لا


ولكن القهر بعض الشباب يصر اصراراً كبيراً على الزواج بعربيات أو أجنبيات


:(
:(
:(

[نسناسة]

البنات قالوا : لا


ولكن القهر بعض الشباب يصر اصراراً كبيراً على الزواج بعربيات أو أجنبيات


:(
:(
:(









اكيد طبعا من الفضائيات الي مطلعينهن اجمل مايكون
واحنا ياحسرة علينا :wizard::wizard:

[سكرمر]

نسيتوا العادات والتقاليد اللى اهي بالاصل لها تاثير كبير على استمرار الحياه الزوجيه

[حدالكلمه]

اذا يقرب لها من صوب الام واي نوت

[بوخالد911]

اكيد طبعا من الفضائيات الي مطلعينهن اجمل مايكون
واحنا ياحسرة علينا :wizard::wizard:



شغل الميك اب


يا حسرة عليكم

:eek5::weeping::eek5:

[روح الشمال]

والله لو انه ملياردير ماقبلته مب بس بيعاملونه معاملة القطري
قطــــــــــــــــــــري وبس ولا اي جنسيه ثانيه حتى لو خليجي




:app2: :app2: :app2: :app2: :app2: :app2:


كفو واللة بنت ابوها

[الاماني]

اعرف وحدة متزوجة واحد من مواليد قطر عيشين هو واهلة هنيه ويوم بلغت اخوانها طلقوها منه وقطعوا علاقتهم بها لاخلوها مع زوجها ولاقعدوا معها . مع العلم كانت سعيدة معه ومومخلي عليها قصور
الله يسامحهم

[فتى الدوحة]

لا تعليق في هذا الموضوع لأنه حساس وخطير للي يفهم ..
وأتمنى من الذين يطبلون لهذا الموضوع أنه إذا كان عندك أخت أو بنت بتزوجها لغير القطري أو الخليجي بتوافق ؟؟

[مسكين]

اعرف وحدة متزوجة واحد من مواليد قطر عيشين هو واهلة هنيه ويوم بلغت اخوانها طلقوها منه وقطعوا علاقتهم بها لاخلوها مع زوجها ولاقعدوا معها . مع العلم كانت سعيدة معه ومومخلي عليها قصور
الله يسامحهم

شلون يوم بلغت اخوانها يعني تزوجت وهم مايدرون !

[hamoor4ever]

اعرف وحدة متزوجة واحد من مواليد قطر عيشين هو واهلة هنيه ويوم بلغت اخوانها طلقوها منه وقطعوا علاقتهم بها لاخلوها مع زوجها ولاقعدوا معها . مع العلم كانت سعيدة معه ومومخلي عليها قصور
الله يسامحهم

بصراحه حاولت اركب السالفه مب قادر اضبطها ، شلون متزوجه من غير رضا اخوانها وعايشه معاه سعيده وين اخوانها من قبل ، بصراحه يصلح فلم اكشن

[hamoor4ever]

البنات قالوا : لا


ولكن القهر بعض الشباب يصر اصراراً كبيراً على الزواج بعربيات أو أجنبيات


:(
:(
:(



اسمح لي اخوي اقول ذول اللي ماعندهم سالفه ، الا اذا كانت عربيه من مواليد البلاد يعني ممكن يصير فيه كلام ثاني ، اما اني شاب ومافيني شي ينعاب وعايش ببلادي بروح اخذ من قلعه وادرين علشان مهر ارخص هاذه كلام مايدش العقل .

[Ghost]

اذا سعد الحريري :cool::rolleyes: سعودي ومال وجمال:whistling:بوافق :rolleyes2:




بدور عسى ما شر

[شموخ قطريه]

لا ماراح اتقبل هالشي

[doha70999]

مافي امل!!!!!!!!!!!!!!!نوووووووووو وي!!!!!!!!!!!!!!حلاة البنت باخذها ولد بلادها ، حتى لو بيعطونه الجنسية ومادري شنو بس القطري غير..ومع ان في قطريات ماخذين اجانب عرب وعايشين حياتهم بس لا انا احس مب شي ،،يعني في شي غلط هذي وجهة نظري .

[عاشقة الطاووس]

خلينا نوافق على الخليجي بالاول عشان نوافق على الجنسيات الثانيه :whistling:

بالنسبه لي مستحيل افكر مجرد تفكير بهالشي حتى لو اقعد بيت هلي طول العمر ،،

لا خليجي ولا عربي ولا اجنبي قطري وبس :victory:

[بـن عدوان]

اختي، في بعض البنات يقولون موافقين وبعضهم لا، كله يعتمد على الظروف.


في بنات اليوم يقبلون وبكرة يرفضون، وفي بنات اليوم يرفضون بس بكرة يوافقون

[salman_qtr]

صحيح ان الناس كلها سواسيه لاكن في شي يسمونه تكافء ممكن الزواج ينجح في البدايه لاكن في نسبه كبيره انه يفشل عقب فتره الا من رحم ربي ...

[بوحارب]

الله يستر عليكم

[طلعة الروح]

حالي من حال اللي مايتقبلون الفكره.............
صراحه يا انه آخذ ولد بلادي ولا اقعد في بيتنا هههه
ماعندي حل وسط كلش لانه حقيقه اعتبره بالنسبة لي زواج فاشل من كافة النواحي مع احترامي للي يوافقون بس كل واحد وظروفه ونظرته وبيئته
شفت كمن قطريه توافق تاخذ واحد على جنسية امها سواء من الهند او من مصر او او او فالبيئة وظروف هالبنت اكيد تلعب دور كبير في موافقتها من عدمه....

[ام لولوه]

لا طبعا
لان من طلع من داره قل مقداره

[الموضوعي]

لو بياخذ الجنسية البنات بينشفحون مب ماخذين قطري بيشفون لهم شمحوط شامي اشقر احمر لسانه عسل وحارسها في البيت ومايقول إلا يا حبيبت ألبي ! ، وفيه بنات مهابيل بياخذون هنود وباكستانيين

[لمعة الماسة]

مستحيـــــل غيـــر القطـــــري ماخـــذ ,,

[sad-o-bas]

صباح الخير، ويازين هالإجازة إلي مقعدتني معاكم في هالمنتدى الطيب..

بالنسبة للموضوع أنا ماراح أرد، لأن السؤال في عنوان الموضوع موجه للجنس الناعم، بس بعلق بشكل عام عن إلي قاعد أقراه من ردودكم ومب على الموضوع..

لاحظت إن العنوسة لاعبة دور كبير في هالمواضيع، وأتمنى عدم طرحها.. والشباب إلي أفتوا فالموضوع بدون تحديد أي إسم، أعتقد إن الموضوع يخصهن أكثر من ما يخصنا.. وكان الله غفوراً رحيما..

تحياتي ولحد يتضايق ويزعل، تراني ضيف!

[Me&OnLy]

حلاة الثوب رقعته منه وفيه

[ساراام]

لااا

بس اذا فات القطار يمكن افكر :(

[المقهوره]

بالنسبه لي لا طبعا ما اخذ ومب قصور فيهم

بس افضل من الاهل

ماشي على قوله الاهل

اذا اخذتي من جماعتك

ان شاف شي شين بطبعك سترك

وان حبك اكرمك

[ولد النواخذه]

السلام عليكم ورحمة الله
ما ادري صعبه شوي
ابغيه من هلي ومن جماعتي ، يفهمني وافهمه لين قال ابوي قلت وانا ابوي فلان واحنا عيال قريه وكلن يعرف خيه
انا عاشقه لبلادي لا ارى شيء يضاهيها بكل الي فيها ,
لابد يكون من فريجنا , لما اتكلم عن ذيك الحصاه بعد هو يعرفها وذاك العاير بعد يعرفه
عن ذيك السالفه بعد هو يذكرها

الله عليج الله شرحتي صدري بهالكلام بهالدرر

[bnader]

لاطبعا أكيدولد بلادي وبس

[بوخليفة3]

الصراحه ردود البنات تبرد الخاطر

لكن لو صار ان الزوج ياخذ الجنسيه لو تزوج قطريه

بيسوون المستحيل علشان يتزوجون قطريات وبيصر الزواج كله مصلحه في مصلحه

[الدوحي7]

اذا اهي تبقيه بزوجهاا، قبل كل شي يكون مسلم ويكون عربي وفيه خير ولد عرب، لكن اذا جاتني شو مالك وشو هذا سوى فيني بقول لها خبز خبزتيه يالرفله اكليه،،يعني لازم المراه تفكر في اعيالها شلون وضعهم وهل بيعايرونهم الاطفال وهل بيعلمون اعيالهم العادات والتقاليد القطريه وهل فكرت في اخوانها من هذا الشخص كيف بيكون ،ماسهل حق المراه انها تتزوج بغير القطري لكن اذا صار مايمنع،،

[حراير قطر]

الصراحه ردود البنات تبرد الخاطر

لكن لو صار ان الزوج ياخذ الجنسيه لو تزوج قطريه

بيسوون المستحيل علشان يتزوجون قطريات وبيصر الزواج كله مصلحه في مصلحه

والله يا اخوي صاير هالشيء

بس اول ما يكوش عليها

طار على اول طياره او انشقت الارض وبلعته

بس لحد الان العدد قليل وان شاء الله ما يتنشر هالوباء

وبخصوص البنات اللي كل بين فترة وفترة نزلوا هالموضوع

اللي يبون يتزوجون حتى لو اجنبي بس انهم يتزوجون

تبون قطري لا تكسرون ظهره بطلباتكم اللي لا لها اول ولا اخر

وان ما كانت طلبات بالماديات اتكون الطلبات بشكله وشنو عنده ما عنده

والله يرزقكم بالزوج الصالح ويكون ولد بلادج :)

[براتزية برازيلية]

بالنسبة لي اوافق و ماعندي مشاكل بالجنسيات ان شالله من ابعد بلد
اهم شي الدين و مستوى الثقافة و الاحترام و التوافق النفسي بين الطرفين
و كل واحد و ظروفه

[الدوحي7]

والله يا اخوي صاير هالشيء

بس اول ما يكوش عليها

طار على اول طياره او انشقت الارض وبلعته

بس لحد الان العدد قليل وان شاء الله ما يتنشر هالوباء

وبخصوص البنات اللي كل بين فترة وفترة نزلوا هالموضوع

اللي يبون يتزوجون حتى لو اجنبي بس انهم يتزوجون

تبون قطري لا تكسرون ظهره بطلباتكم اللي لا لها اول ولا اخر

وان ما كانت طلبات بالماديات اتكون الطلبات بشكله وشنو عنده ما عنده

والله يرزقكم بالزوج الصالح ويكون ولد بلادج :)

والله صج،تكاليف العرس يمكن مصروف 15 سنه قداام،

[nouar]

مرحبا يابنات المنتدى ....
اليوم موضوعي عن زواج القطريه بأجنبي.. هل ترضين تتزوجين اجنبي (عربي) لو ان بيعاملونة معاملة القطري وياخذ الجنسية بحكم ان زوجته قطرية وعيالج ياخذون الجنسية .... حاله حال القطري اللي يتزوج اجنبية ...(وخلونا نحط رأي الاهل على جنب لانه اكيد بيتغير بنسبة 50% في حال عطوه الجنسية )
انا ابي رأي البنت في هالفكرة...
انتظر ردودكم......


سوري أنا اعرض على كلمه انه بتغير لما يأخذ الجنسيه .. لأنه بصراحه احنا ولاد نعمه بس اموالنا مب مسجله بأسمائنا .. يعني طلعوا في الشارع شوفوا من الأجانب اقصد قطريين المولد عرب الجنسيه معاهم اكشخ سيارات بس كاااااااااااش وكم شركه معاهم وبيوتهم ملك وبعضهم عنده مصانع ...

وما منتظرين الجنسيه بقولوا تحصيل حاصل الجنسيه من مهتم فيها

حتى لاحظوا في لما انسحبوا القطريين من حملات الحج بسبب انفلونزا الخنازير شوفوا من سجل في الحج لاقالوا انفلونزا ولا شي ..

جاهزين عند حد بس بتنظروا ..

[nouar]

الصراحه ردود البنات تبرد الخاطر

لكن لو صار ان الزوج ياخذ الجنسيه لو تزوج قطريه

بيسوون المستحيل علشان يتزوجون قطريات وبيصر الزواج كله مصلحه في مصلحه

كون صادق مع نفسك الزواج الناجح هو اللي بكون مصالح ..
كل طرف يحافظ على مصالح الثاني:)

اذا كان بجنسيه ولا بدون

[هند88]

مرحبااا للكـــل .... وتسلمون كلكم على ردودكم الحلوووه ... الصراحة استمتعت بقرأة ردودكم .. من المعارض والمؤيد ...
الصراحة انا طرحت هالموضوع لان دايم اشوف ينطرح موضوع
هل انت مع او ضد ان الشباب الزواج بأجنبيه ... والمقصد منه ان الاجانب احسن من القطريات...
دايما تشوفون يالشباب ان القصور فينا .... زين وانتوا؟ محد من الشباب سأل نفسه هالسؤال؟
وانا اشوف ان اكثر الردود من الشباب واغلبهم معصبين..زين ليش يعني حالنا حالكم مثل مالبعض فيكم يشوفون ان الاجنبيات احسن منا احنا بعد البعض منا يشوف ان الاجانب احسن منكم ( البعض )
والصراحة اشكر hamoor4ever لان كان محامي عني..
والاخت درب السعادة كلامج عدل وانا هذا الي قصدته بالضبط
والاخ الموضوعي كلامك فيه اعتراف ان الاجانب فيهم رومنسيه اكثر...
وكل من شارك في الموضوع شكراااااااااااااااااا له مرة ثانيه

[الشاااهين]

انا واحد ماعندي اعتراض اذا جاني بيتزوج على سنة الله ورسوله سواء بنتي او اختي بس اكون اعرف هله ومشهود له بالصلاه ومن اسره طيبه والرآي الاول والأخير حق البنيه .
قال الرسول صلى الله عليه وسلم:من اتاكم من ترضون دينه وخلقه فزوجوه.

[هند88]

انا واحد ماعندي اعتراض اذا جاني بيتزوج على سنة الله ورسوله سواء بنتي او اختي بس اكون اعرف هله ومشهود له بالصلاه ومن اسره طيبه والرآي الاول والأخير حق البنيه .
قال الرسول صلى الله عليه وسلم:من اتاكم من ترضون دينه وخلقه فزوجوه.

يعطيك العافيه وشكراا لعدم تعصبك:)

[ام سلطون]

لألألألألألألألألأ

[بدور]

بدور عسى ما شر

ظنيتك فهمت قصدي :)

لوتسمع آآهات بعض القطريات والتمني بالزواج من سعد الحريري لا تستغرب اخوي

عن نفسي اذا تبي الصدق لا ومستحيل الزواج بأي جنسيه غير قطري لاسعد ولاسلطان بروناي:)

[المتأمل خيرا]

اذا سعد الحريري :cool::rolleyes: سعودي ومال وجمال:whistling:بوافق :rolleyes2:


إبشري بالشبب.. أخت بدور (باقول لسعد :))..

(رد تلقائي.. قبل رؤية أي تعقيبات.. لاحظت وجودها قبل لحظات :))

[هند88]

الصرااااااااااااااااااحه انا بعد مع بدور لو سعد الحريري بوافق :ok2:

[بدور]

إبشري بالشبب.. أخت بدور (باقول لسعد :))..

(رد تلقائي.. قبل رؤية أي تعقيبات.. لاحظت وجودها قبل لحظات :))


هههاااااااااااااي طلع صديقك طيب قول له يا حظك البنات يتمنونك للزواج بس كشخته بالثوب

والسكسوكه مالها حل الا الاعجاب :omen2: المتأمل راحت علي الفرصه لاني :secret::secret: :shy:

[unless]

مرحبا يابنات المنتدى ....
اليوم موضوعي عن زواج القطريه بأجنبي.. هل ترضين تتزوجين اجنبي (عربي) لو ان بيعاملونة معاملة القطري وياخذ الجنسية بحكم ان زوجته قطرية وعيالج ياخذون الجنسية .... حاله حال القطري اللي يتزوج اجنبية ...(وخلونا نحط رأي الاهل على جنب لانه اكيد بيتغير بنسبة 50% في حال عطوه الجنسية )
انا ابي رأي البنت في هالفكرة...
انتظر ردودكم......

اذا سمحتي لي هند88 اضيف صيغة ثانية للسؤال على سؤالج
او تكونين زوجة ثانية واذا ماسمحتي ارجو الغاء المشاركة.

[Arab!an]

خلوهم يستانسون ..

بس نصيحه للبنات لا تستعجلون في البحث عن الزواج .. في العجلة الندامة دايما :cool:

اقعدوا انطروا بس .. وصلوا واستغفروا واطلبوا ربكم

صراحه شي مؤسف ان البنت من توصل سن 25 خلاص يأست وقامت اتحاول تتزوج بأي طريقه .. كم وحده تزوجت هندي دريول والا راعي معصرة والا ولا .. والا الاخت اللي دفعت لها مبلغ وقدره عشان تعطيه حبيب القلب اللي شل عليه ..


وهذا كله خوف من العنوسه ..


والله تعجبني اللي اذا افقدت الامل قالت "بخلص دراستي احسن" =)



تزوجوا اجانب مافيها شي ..


شكرا يا هند بس حبيت اعلق قبل يتسكر الموضوع

[بوخالد911]

لا اله الا الله

[الصريحه]

في الاحلام ..............اكيد موافقيينننننننننننننننننننننننننن
لكن جد لا................................................ قطري وبس........................................
لان الحياه الزوجيه مشاركه في كل شي وصعب اذا كان من غير بلدي او قبيلتي يفهم
ومن مصلحه الاسره الزواج من نفس الجنسيه والعادات والتقاليد لا بد تكون متساويه علشان تربيه النشء بكره
يعني قطريييييييييييييييييييييييييييييييييييييييييييي

[مطيع الله]

البنت كثرت خياراتها وعليها الاختيار، والبضاعة وافرة، وبكل صنوف الألوان والمذاقات،
ضاع عمرها في التفضيلات ولم تحسم اختيارها ولن تحسمه، حتى تقل خياراتها، وينزل سوقها،
وتنجبر تقبل سكند هاند كما يقولون.

كانت في أفضل حال، حينما كانت الأسرة تتدخل في اختياراتها، وتحسم الرأي للمصلحة العامة.

سبحانك ما أعدلك.

لحظة:
من يقول إن القطريات معجبات بالعيل مش عارف مين؟؟
كم عدد القطريات اللوتي يعرفنه أصلاً؟
كلام منتديات أخرى، أصبح قناعات، وبهارات في منتدانا.

[الفهد1]

مرحبا يابنات المنتدى ....
اليوم موضوعي عن زواج القطريه بأجنبي.. هل ترضين تتزوجين اجنبي (عربي) لو ان بيعاملونة معاملة القطري وياخذ الجنسية بحكم ان زوجته قطرية وعيالج ياخذون الجنسية .... حاله حال القطري اللي يتزوج اجنبية ...(وخلونا نحط رأي الاهل على جنب لانه اكيد بيتغير بنسبة 50% في حال عطوه الجنسية )
انا ابي رأي البنت في هالفكرة...
انتظر ردودكم......

هل تقبلين انتي تتزوجين باجنبي قبل لاتطرحين الموضوع مع ذكر السبب عفوا على المداخلة

[doha1]

حلاة الثوب رقعته منه وفيه

:victory::victory::victory::shy:

[BIG-VEGA]

مرحبا يابنات المنتدى ....
اليوم موضوعي عن زواج القطريه بأجنبي.. هل ترضين تتزوجين اجنبي (عربي) لو ان بيعاملونة معاملة القطري وياخذ الجنسية بحكم ان زوجته قطرية وعيالج ياخذون الجنسية .... حاله حال القطري اللي يتزوج اجنبية ...(وخلونا نحط رأي الاهل على جنب لانه اكيد بيتغير بنسبة 50% في حال عطوه الجنسية )
انا ابي رأي البنت في هالفكرة...
انتظر ردودكم......

مايصير نطالب برأي فرد قراره يؤثر على الجماعه بدون استشارتهم :)

الاخ مسكين.... توقيعك عجيب وفي الصميم ومثل ماقلت صج منافقين!

الاخت مشاعل... هدي اعصابك :)
فعلا انا ماعرف حد من الي ذكروهم الا يوم حطيت الاسم في قوقل
حتى زوجتي اتصلت لها وسالتها عنه ...قالت منو هاي...وعقب قالت لي شكلك متفرغ يله سكر التلفون!
.... بعدين ماشفت او استشفيت دليل على كلامك... وان العضو المذكور عميل مزدوج او (خدْمونيه) :)

تقبلو مروري...ولاحد يزعل