المساعد الشخصي الرقمي

مشاهدة النسخة كاملة : شارع العرب في دول غير عربية


Sharshooooor
07-12-2009, 08:30 AM
عند زيارتي لاجمل بقع العالم وهي المعروفة بجنه اسيا كما يطلق عليها الاجانب

سمعت عن شارع العرب الذي يطلق عليه في العاصمة بانكوك

قمت بزيارة المكان بعد جولتي لمنطقة بوكيت وشنقماي ولاحظت شي غريب

هالشي ماهو بجديد وفي بعض الدول الاخرى تقلى الحال على نفس الحال

لاحظت ان منطقة العرب او تجمع العرب فيه كل الرذائل والمعاصي وحدث ولا حرج

لاتكاد تحصرها من عددها

والغريب في الموضوع ان العروض فقط تكون للعرب سواء الشخص بهيئة محترمة او غيرها

يعني انا لا ادخن والا لله الحمد اشرب وكنت بكامل اناقتي ويجيني واحد يعرض علي زقاير حشيش او مخدرات او بنات ليل !!!

وبالمقارنه مع شارع اليهود قريب من منطقة العرب تلقى الحال غير الحال

الشوارع نضيفة وسوق راقي لدرجة تصلح للعوائل بدون اي مضايقات ولا حد يقرب صوبك والناس اللي فيه محترمين جدا

والادهى من ذلك لو دخلت صيدلية تقصد فيها شراء بندول تحصله يعرض عليك مقويات جنسية ووسائلها

دخلت وحده خليجية قبل لاتتكلم الشخص الموجود عربي قام وعرض عليها وسائل مساعد للنشوه الجنسية بدون ماتتكلم معاه او يعرف منها ايش تبي بالضبط

واوراق دعائية تتوزع في منطقة العرب وعندي نسخة منها تعرض الكثير من الخدمات :nice:

خذ المثال :

1- اعادة العذرية بمبلغ كذا ....
2- الاجهاض بمبلغ كذا ....

والعديد من الاشياء اللي تجنن العقل وتستغرب ليش صارت هالسوالف تعرض للعرب بشكل عام وكأنه الزبون الوحيد لها

كيف وصل الحال في مناطق العرب بهذا الحال في بعض الدول الغير عربية ومن سببها
طبعا في اشياء كثيرة ماحبيت اتكلم عنها وتارك لكم تجاربكم في زيارة هالمناطق وتعليقكم عليها

تحياتي لكم

بالنسبه لنسخة الدعاية ممكن ارفقها عند الطلب وطبعا بعد مسح ارقام التواصل وبعض العبارات الغير حيائية
Khaled Qatar
07-12-2009, 09:45 AM
عادي ياخوك

وتلاقي اخونا القطريين والخليجيين داشين حلاق رجالي يشتغلون فيه 60 الف وحده

واللي تمسد الريل واللي تحك الرقبه واللي تمسد الصدر واشياء وايد والاخ مستنانس حده ويكاسرك بعد بكل وقاحه

الله يهدي المسلمين

للاسف العرب بتصرفاتهم في الدوال الخرى خلت الاجانب يفكرون فينا هالتفكير ويعرضون هذا الشي للشاب والمرأه الخليجيه

مثلا تجيك بنت مستره في بلادها بعبايتها عالراس وفجأه سافرت وقطت العباه وطلعت الشعر واللبس الضيق!!

ويجيك شاب اول مايركب الطياره يطلبله ذاك اللي يعدل المزاج وقلاص ورا قلاص ويكاسرك بعد !!

صج قهر

احييك عالموضوع اخوي والله يهدي جميع المسلمين
ودي أكون
07-12-2009, 09:53 AM
اولا اخوي ماله داعي تعرض اي نسخ للدعايه .. لان في احدى جرايدنا (( الوسيط مالها مامقصر حق بعض الامثال اللي ذكرتها )) للاسف والله .. انا ماكنت اقرا الوسيط ومره من الملل اتصفحها وقسم بالله عيوني بغت تطلع .. شوو هاي .. يعني والله ماني عارفه شقول حتى الكلام والله استحي اقراه او اعبر فيه وهم ... استغفر الله العظيم .. يالله سترك

اذا عندنا جي فلا تستبعد مثل هالاشياء هناك ..

والمشكله لكبيره واللي مقوية هالاشكال علينا .. ان في شباب الله يهديهم يارب يرحون هناك يخربطون .. واتكلم مو عن الشباب القطري .. اتكلم عن العرب بصفه عامه ..
فخلاص شي طبيعي انهم ياخذون فكرة ان العرب جي .. للاسف ..
والمشكله ان موبس الشباب اللحين .. الشياب صاروا اخس من الشباب .. الله يرحمنا برحمته يارب ..

وعندهم جزيرة بتايا .. اللي الناس كلها اتكلم عن قذارتها ..

لبلاد وصخه .. الناس اللي اتروح للعلاج اوكيه .. بس اللي يروحها سياحه يروح له الحساا ابرك له .. انا مارحتها وكنت كله احن ابي اروحها عشان اتشرى :shy: .. ومن دريت عنها .. احمد ربي اني ماطبيتها من وصاختها ..

ولا افكر اطبها خلاص .. :)
العلم الوكاد
07-12-2009, 10:04 AM
العيب فيهم مب فينا

هاذي بضاعتهم اللي يعرضونها

ويسوون دعاياتها باغلب اللغات

ولازم يسوقونها

لو كان الغلط في وجود العربي

كنت شفت بلدان العرب اكثر مجون ودعارة من بانكوك وبتايا

صح هنالك بعض التصرفات الخاطئة من البعض ولكن التعميم على العرب

امر خاطئ

وكفاية جلدا للذات

وتايلند مقصد للسواح من شتى بقاع الارض

قبل ما يعرفونها العرب

وترى السواح العرب المعنيين ارحم من غيرهم


ومشكور على الموضوع اخي الكريم
واتمنى صدرك اتسع لكلامي
سكرمر
07-12-2009, 10:13 AM
الله يكفينا شر انفسنا

لو انهم مو محصلين احد يتجاوب معهم ولا مكان عرضوا خدماتهم الفاسده

حسبي الله ونعم الوكيل

تحياتي
asadfg
07-12-2009, 10:26 AM
العيب فيهم مب فينا

هاذي بضاعتهم اللي يعرضونها

ويسوون دعاياتها باغلب اللغات

ولازم يسوقونها

لو كان الغلط في وجود العربي

كنت شفت بلدان العرب اكثر مجون ودعارة من بانكوك وبتايا

صح هنالك بعض التصرفات الخاطئة من البعض ولكن التعميم على العرب

امر خاطئ

وكفاية جلدا للذات

وتايلند مقصد للسواح من شتى بقاع الارض

قبل ما يعرفونها العرب

وترى السواح العرب المعنيين ارحم من غيرهم


ومشكور على الموضوع اخي الكريم
واتمنى صدرك اتسع لكلامي



صادق مالهم ذنب العرب مب عشان عندهم منطقه اسمها شارع العرب صار الذنب ذنبهم
cobra
07-12-2009, 10:29 AM
اتصل حق وطني الحبيب عادي يحلون المشكله
Sharshooooor
07-12-2009, 10:35 AM
اولا اخوي ماله داعي تعرض اي نسخ للدعايه .. لان في احدى جرايدنا (( الوسيط مالها مامقصر حق بعض الامثال اللي ذكرتها )) للاسف والله .. انا ماكنت اقرا الوسيط ومره من الملل اتصفحها وقسم بالله عيوني بغت تطلع .. شوو هاي .. يعني والله ماني عارفه شقول حتى الكلام والله استحي اقراه او اعبر فيه وهم ... استغفر الله العظيم .. يالله سترك

اذا عندنا جي فلا تستبعد مثل هالاشياء هناك ..

والمشكله لكبيره واللي مقوية هالاشكال علينا .. ان في شباب الله يهديهم يارب يرحون هناك يخربطون .. واتكلم مو عن الشباب القطري .. اتكلم عن العرب بصفه عامه ..
فخلاص شي طبيعي انهم ياخذون فكرة ان العرب جي .. للاسف ..
والمشكله ان موبس الشباب اللحين .. الشياب صاروا اخس من الشباب .. الله يرحمنا برحمته يارب ..

وعندهم جزيرة بتايا .. اللي الناس كلها اتكلم عن قذارتها ..

لبلاد وصخه .. الناس اللي اتروح للعلاج اوكيه .. بس اللي يروحها سياحه يروح له الحساا ابرك له .. انا مارحتها وكنت كله احن ابي اروحها عشان اتشرى :shy: .. ومن دريت عنها .. احمد ربي اني ماطبيتها من وصاختها ..

ولا افكر اطبها خلاص .. :)

مرحبا اختي بنت المرحوم
انا اول زيارة لي لتايلاند قعدت في بانكوك يوم واحد وبعدها رحت بتايا وماقدرت اقعد فيها
لكن بوكيت تستاهل الزيارة وشوارعها نظيفة وناسها محترمين للساعة 8 :nice:
واحلى شي فيها برامجها السياحية وعامة تردين عالمغرب منهد حيلج وتنامين لبكرة عشان البرنامج الثاني
في الزين وفيه الشين في كل مكان
بس انا اقصد شارع العرب بالذات في بانكوك
في اشياء كثيرة ماذكرتها ولو ذكرتها بالتفصيل راح تجنون
وماعتقد ان اللي بالوسيط عندنا يساوي 10% من اللي عندهم
تسلمين عالمشاركة اختي والله يستر علينا وعلى جميع المسلمين



العيب فيهم مب فينا

هاذي بضاعتهم اللي يعرضونها

ويسوون دعاياتها باغلب اللغات

ولازم يسوقونها

لو كان الغلط في وجود العربي

كنت شفت بلدان العرب اكثر مجون ودعارة من بانكوك وبتايا

صح هنالك بعض التصرفات الخاطئة من البعض ولكن التعميم على العرب

امر خاطئ

وكفاية جلدا للذات

وتايلند مقصد للسواح من شتى بقاع الارض

قبل ما يعرفونها العرب

وترى السواح العرب المعنيين ارحم من غيرهم


ومشكور على الموضوع اخي الكريم
واتمنى صدرك اتسع لكلامي

اكيد تايلاند معروفة بسياحتها وانا انصح زيارتها وخصوصا بوكيت
بس انا اتكلم عن شارع العرب بالذات
زوارها كلهم عرب والعاملين اغلبهم عرب
فيجيك العربي يقولك تبي حشيش تبي مراقص تبي وتبي وتبي ......
انا استحي حد يكلمني بهالسوالف شلون هو قوي ويه يتكلم بكل ثقة
لايستحي من رجل ولا مرة عادي
ودي أكون
07-12-2009, 10:39 AM
فش (في * :tease:) اشياء كثيرة ماذكرتها ولو ذكرتها بالتفصيل راح تجنون
وماعتقد ان اللي بالوسيط عندنا يساوي 10% من اللي عندهم
تسلمين عالمشاركة اختي والله يستر علينا وعلى جميع المسلمين



لا اخوي لا تحثلها مانبي انعرف .. :anger1:

بس احسه بالعقل .. ناس عايشه هناك .. سكانها يسوون بلاوي .. معقوله امراضهم ماتنتشر .. هاي الواحد اللي ياخاف منه .. ومشكلة الامراض ماتبين عالشخص الا بعد عمر طويل ..

عني انا سويت عليها ديس ميس خلاص مافي امل اروحها :tease:
بوخالد911
07-12-2009, 10:46 AM
مشكور اخووي

شارع العرب ببانكوك هو شارع نانا

سوكمفييت 5

الله يحفظنا بس

مسيوو/ بوخالد911
Sharshooooor
07-12-2009, 10:51 AM
مشكور اخووي

شارع العرب ببانكوك هو شارع نانا

سوكمفييت 5

الله يحفظنا بس

مسيوو/ بوخالد911



ايوا هو ده
انا عرفته بنانا او شارع العرب
بس سوكمفييت :nice: لو تبيني انطقها بتضحك علي ضحك لان للحين موقادر اضبطها

سابايدي كاب
ررريو ررريو
بوخالد911
07-12-2009, 11:18 AM
تايلند جميلةة جدا


وخاصة بوكيت اللي عدد سكانها حوالي 3 مليون

اللي وودي أقعد فيها اكثر من 10 ايام

صج مكان يشرح الفؤاد:nice::nice::nice:

أهدى وأنظف من بانكوك اللي يقدر سكانها بحوالي 10 مليون

بانكوك اُشتهرت بالتجارة قديماً وما زالت

والان اُشتهرت بالعلاج:victory:


شارع نانا = سوكموفييت 5 مليء بالمطاعم الخليجية + العربية والمحلات التي يقصدها السواح الخليجيون


ولا أنسى كرك نادية اللي بمقابل مطعم ناصر المصري
اللي كنت اكررك يوميا


شفت موضوعك ؛ فحبيت أشاركك
والسموحة


مسيوو/ بوخالد911
Sharshooooor
07-12-2009, 11:28 AM
تايلند جميلةة جدا


وخاصة بوكيت اللي عدد سكانها حوالي 3 مليون

اللي وودي أقعد فيها اكثر من 10 ايام

صج مكان يشرح الفؤاد:nice::nice::nice:

أهدى وأنظف من بانكوك اللي يقدر سكانها بحوالي 10 مليون

بانكوك اُشتهرت بالتجارة قديماً وما زالت

والان اُشتهرت بالعلاج:victory:


شارع نانا = سوكموفييت 5 مليء بالمطاعم الخليجية + العربية والمحلات التي يقصدها السواح الخليجيون


ولا أنسى كرك نادية اللي بمقابل مطعم ناصر المصري
اللي كنت اكررك يوميا


شفت موضوعك ؛ فحبيت أشاركك
والسموحة


مسيوو/ بوخالد911



حياك الله اخوي الموضوع موضوعك

هاي ماعندها كرك بس , الا فواكه وسندويشات ومكتب سياحي وتبيع اطياب وعود كمبودي
ماخلت شي ماشالله عليها ماحطته في هالمحل

بس حاسبوا تعرف عربي زين مازين اعتقد زوجها اماراتي
يعني عن العقار :nice:
بوخالد911
07-12-2009, 11:34 AM
حياك الله اخوي الموضوع موضوعك

هاي ماعندها كرك بس , الا فواكه وسندويشات ومكتب سياحي وتبيع اطياب وعود كمبودي
ماخلت شي ماشالله عليها ماحطته في هالمحل

بس حاسبوا تعرف عربي زين مازين اعتقد زوجها اماراتي
يعني عن العقار :nice:


للتصحيح

زوجها عماني

مقيم من زماان ببانكووك

:d:d:d
Sharshooooor
07-12-2009, 12:43 PM
للتصحيح

زوجها عماني

مقيم من زماان ببانكووك

:d:d:d

اي انا شفته واعتقدت انه اماراتي لان ماحب اسأل عن الناس وعن التفاصيل ورمسة العمانيين مقاربه من الاماراتيين
وطبعا لبسة كان شورة وقميص ماكان واضح اي جنسية
هدهد سليمان
07-12-2009, 01:15 PM
لان جميع العالم خذ فكره خاطئة عن العرب انهم فقط يذهبون للجنس ! مع ان هذا الشيء نسبيا صحيح في بانكوك لكن حنا اللي عطيناهم فرصه .. عن نفسي ما اقرب هالاماكن وخصوصا بتايا اكثر مده جلستها ببتايا هي يوم يمكن 16 ساعه وعقب طرت مكان ثاني :) .. صراحه تفتشل في هالأماكن ان تقول عن نفسك عربي من اللي انشوفه للأسف من الأخوان العرب !

ولا تايلاند بلد جميله جدا .. بالمناسبه هالشي ما ينطبق فقط ببانكوك لكن في اغلب دول العالم حتى لو رحت المغرب وعرفوا انك عربي راح تشوف العجب !

بعد اضافه بسيطه .. شوف الأفلام الغربيه ما هو موقع الشخص العربي في الفلم !
اما ارهابي او جنسي!
Sharshooooor
07-12-2009, 01:29 PM
اما ارهابي او جنسي!

صدقت :nice:
فلفل حار
07-12-2009, 02:02 PM
ماقد سافرت تايلاند ...
:)

بس مالومهم والله ...!
ودوم نسمع سوالف شباب الخليج والعرب وسواد ويوهم هناكـ ...

ومايحتاي تروح بعيد ترى للآسف حتي بعض قذارة الشباب الصيع من جميع دول الخليج متجمعة في شارع المعارض بالبحرين وآظن الكل فاهم ...

والله يهديهم ويهدينا جميـعـاً ...
الحمدلله على السلامه الضابط شرشوور ...
alrheeb2020
07-12-2009, 02:09 PM
الله يجزيك خير على غيرتك ..

والله يهدي الجميع ان شاء الله ويوفقك شباب المسلمين
شيزكيك
07-12-2009, 04:28 PM
في بانكوك كنا نروح شارع العرب حق المطاعم العربيه والصراحه مستواها حتى اقل

من النجمه في الديكوريشن

والشارع بشكل عام مصخ مليان بالمجاري


اما شارع العرب في مالييزيا نظيف والمطاعم العربيه نظيفه تفتح النفس
العقل الحر
07-12-2009, 04:35 PM
مشكور اخووي

شارع العرب ببانكوك هو شارع نانا

سوكمفييت 5

الله يحفظنا بس

مسيوو/ بوخالد911




سكومفييت سوي ساام ( يعني 3 ) وانت الصادق

وانت ماشي تخلي قريس على يسارك وتدخل اول لفه يسار هذا بيكون شارع سكومفييت سوي سي ( يعني 4 )

والشارع الى مقابل سكومفييت سوي ساام اخر الشارع بعد التقاطع هو سكومفييت سوي هووق ( يعني شارع 6 )

وكلهم في منطقه نانا
صقر عربي
07-12-2009, 06:05 PM
الصراحه بلد في قمة النجاسه بلد يشتهر بانه بلد اكرمكم الله ( الجنس )
اكثر بلد في العالم الايدزمنتشر فيه ايش تتوقعون من الي عايشين فيه عايشين على المساج والخربطه

استغفرالله
Sharshooooor
07-12-2009, 08:49 PM
ماقد سافرت تايلاند ...
:)

بس مالومهم والله ...!

الحمدلله على السلامه الضابط شرشوور ...

الله يسلمك يالغالي


في بانكوك كنا نروح شارع العرب حق المطاعم العربيه والصراحه مستواها حتى اقل

من النجمه في الديكوريشن

والشارع بشكل عام مصخ مليان بالمجاري


اما شارع العرب في مالييزيا نظيف والمطاعم العربيه نظيفه تفتح النفس

انشالله زيارتي الثانية راح تكون في ماليزيا
وراح ارفق لكم تقرير عنها بإذن الله
Sharshooooor
07-12-2009, 08:52 PM
الصراحه بلد في قمة النجاسه بلد يشتهر بانه بلد اكرمكم الله ( الجنس )
اكثر بلد في العالم الايدزمنتشر فيه ايش تتوقعون من الي عايشين فيه عايشين على المساج والخربطه

استغفرالله

ياخوي صقر ترى كل بلاد فيها الزين وفيها الشين

انا عن نفسي اروحها دايما علاج عندي اصابه وكل مرة اروح للمستشفى الملكي هناك اكتشف براعتهم في التشخيص

وبالنسبة لبوكيت تعيش حياتك قمة في الروعة وكأنك في حلم
السليطي 1
07-12-2009, 09:25 PM
بس ما تلاحظون ان اكثر من 90% من العرب في بانكوك اماراتيين ..............؟؟؟؟؟؟؟؟؟؟؟؟
Sharshooooor
07-12-2009, 09:31 PM
بس ما تلاحظون ان اكثر من 90% من العرب في بانكوك اماراتيين ..............؟؟؟؟؟؟؟؟؟؟؟؟

ماعتقد تخمينك صحيح لان في عرب غير الخليجيين اللي يمثلون الخليجيين عندهم فقط 10% :nice:

بالنسبة لدول الخليج فمعدل الاماراتيين والعمانيين والكويتيين كبير جدا