الراتب من يحدده في القطاع العام

[الصريحه]

السلام عليكم
شلون شهادتي جامعيه ولاساسي عندي 6000ريال بينما وحده ثانويه اساسيها 7000 ريال غير طبعا العلاوات توصل 20000ريال وانا زين اذا وصلت 11000ريال
وكلنا نشتغل في القطاع الحكومي
اللي سمعته وحدوا الرواتب
ابي حد يفهمني يعني تعب 5 سنيينفي الجامعه راح سدى وصاروا افضل منا اهل الثانوي
لاتقولون الوظيفه مهمه لا تناسب شهادتها ؟
ابي افهم ؟؟؟؟؟

[مستثمر مبتدئ]

سنوات الخبرة تلعب دور ،،،يعني مايصير جامعية توها مشتغله اساسيها نفس اللي عندها ثانوية وصار لها سنين تشتغل

[asadfg]

حرام عليك دش قطاع خاص بتحلل شهادتك ع الاقل براتب زين

[الصريحه]

سنوات الخبرة تلعب دور ،،،يعني مايصير جامعية توها مشتغله اساسيها نفس اللي عندها ثانوية وصار لها سنين تشتغل

لا توها جديده مافيه خبره ولاشهادات

[العلم الوكاد]

اختي الكريمة
انتي على اول مربوط السابعة
واذا هي ثانوي بتكون على الثامنة
بس على نهاية المربوط

بس في العلاوات اذا قطاع حكومي

مستحيل تكون علاواتها اكثر منك
الا اذا كانت سينير بتكون مثلك مب اكثر

يعني مفروض يكون راتبك في اسوء حالاته

6000 اساسي
2500 بدل سكن
2500علاوة اجتماعية
1500 بدل تنقل
12500 المجموع

وهي اذا ماكانت سينير تكون

7000+1600+1500+1000=11100

طبعا انا حددت درجتها واساسيها بناءا على الرقم اللي ذكرتية
ومعناتها لازم يكون عندها خبرة ومب شوي بعد

[الصريحه]

اختي الكريمة
انتي على اول مربوط السابعة
واذا هي ثانوي بتكون على الثامنة
بس على نهاية المربوط

بس في العلاوات اذا قطاع حكومي

مستحيل تكون علاواتها اكثر منك
الا اذا كانت سينير بتكون مثلك مب اكثر

يعني مفروض يكون راتبك في اسوء حالاته

6000 اساسي


2500 بدل سكن
2500علاوة اجتماعية
1500 بدل تنقل
12500 المجموع

وهي اذا ماكانت سينير تكون

7000+1600+1500+1000=11100

طبعا انا حددت درجتها واساسيها بناءا على الرقم اللي ذكرتية
ومعناتها لازم يكون عندها خبرة ومب شوي بعد

شكرا
لكن اللي اعرفه انها ثانويه وماعندها خبره
انا جامعيه وكلنا في القطاع الحكومي
المفروض ان الرواتب توحدت لكن لحد الحين سالفه الرواتب غامضهههههههههههه

[شبعان]

المشكله ان مجلس الوزراء اعطى الجهات الحكوميه صلاحيات التعيينات حتى من الدرجه 3 حتى 10 دون الحاجه لموافقه الامانه العامه لمجلس الوزراء..
وبناء عليه شللي يمنع ان يتم تعيين صاحب الثانويه بدرجه اعلى من الجامعي مادام مافي رقابه اداريه!!
انا اعرف واحد ماعنده لا ثانويه ولا خبره وتم تعيينه رئيس قسم!!!!!!!!

[المستقل]

الله الموفق

[qatar.1995]

الله وكبر انكشف المستور

[الـقـاسـي]

والله ظلم واضح .. انا ابي اعرف شستفدنا من دراستنا فالجامعه ..
اهما صحيح شوي عدلوا اوضاع الثانويه لكن الجامعي كلش ماهتموا فيه ..
يعني راتب الجامعي كم فرقه من الثانوي شي بسيط لايذكر انا اتكلم عن العزوبي ..
يعني لو الواحد بدال مايدرس فالجامعه اشتغل على طول بيكون احسن له ..
انا واحد من الربع بعد الثانويه اشتغل في جهة حكوميه وانا درست فالجامعه تخرجت وداومت وياه في نفس المكان هو الحين سنير ورئيس قسم بعد يعني لو مادرست فالجامعه والله ابرك لي ..

[روح-قطر]

يمكن هي جديده اهني بس كانت تشتغل بمكان ثاني وضافوا لها سنوات الخبره؟؟

[ودي أكون]

الظلم حرام .. بعد قانون الموارد البشريه .. كل الوزارات المدنيه (( الحكوميه )) (( القطاع العام )) طبقت نص القانون بالحرف الواحد ..

والبنت التي اتقولين راتبها اعلى منج .. يمكن انها متزوجه وهي تاخذ كل العلاوات عن زوجها ..

ويمكن انها جديدة عندكم بس لها خبره في مكان ثاني .. واللحين هي سنير .. لان الاساسي 7000 ريال ..

وحبيبتي بالنسبه للقطاع العام صح الموارد البشريه او قسم الشؤون الادارية والمالية .. عندهم صلاحيات بس معينه .. والرقابه عليهم كبيره .. من المالية والمحاسبه والتقاعد .. الخ

فلاتخافين يالغاليه ماظن وزارتكم بتخالف القانون عشان موظفه لان قانون االموارد صادر من جهة عليا ..:)

[بوخليفة3]

مايصير توها مشتغله واساسيها 6000

الاساسي يكون حق الثانوية 4500 بداية المربوط ع الدرجه التاسعه ومب الثامنه مثل ماذكر واحد

اما اانتي اتكونين ع الدرجه السابعه سنير واساسيج يكون 6500


وتاكدي يمكن عندها خدمه من قبل في جهة ثانيه وظافت الخدمهوارفعوا درجتها

[عزتي سمو ذاتي]

الظلم حرام قبل ماالشخص يحكم على اي شي يسأل ويستفسر عن كل حاجه

أو شي أي إدارة تتبع قانون الموارد البشرية ماتتقدر تتحكم لافي الدرجة ولافي الراتب [ الاساسي ]

ممكن يزيدون أي موظف عن طريق العلاوات بس الاساسي مستحيل يقدرون يغيرون فيه شي لأنه هذا قانون مولعبه

وهالموظفة يمكن هي جديدة عندكم في الإدارة بس أكيد لها خبرة وكانت تشتغل من قبل وبعدين حرام هذا رزق لها مولأنها ثانوية عامة احتر لأنها تأخذ اعلى مني

أنا شفت ناس كثيرة جامعين ومتخرجين بأعلى المعدلات بس في الشغل ولاشي وناس عندهم ثانوية عامة بيرفكت ويستحقون يكونون قياديين ومناصب في أشغالهم أكثر من الجامعيين


أنتي تأكدي من كل شي هي على اي درجة واي مربوط وكم سنة كانت تشتغل لأن مستحيل موظفة جديدة واساسيها 7000 لازم يكون 4500 وعلى الدرجة التاسعة