مشكلتي مع دلاله الاسلاميه [الأرشيف] - منتديات شبكة الأسهم القطرية

مشاهدة النسخة كاملة : مشكلتي مع دلاله الاسلاميه

أبو ريان المدني

13-02-2006, 10:39 AM

السلام عليكم ورحمة الله وبركاته

تقريبا قبل التداول الالكتروني لشركة دلاله بيوم او يومين في اخر شهر واحد رحت وقدمت على دلاله الاسلاميه لاني ابي استفيد من خدمة التداول عبر الانترنت وانا ادرس برع

طبعا باقي على موعد سفري اقل من اسبوع وانا لين الحين ما استلمت الباسورد واليوزر نيم وشكلي ما راح استلمها

انا ادخل واقرى المواضيع عن المجموعه و دلاله في هالقسم وما كنت ابي اظلم دلاله من اول شي وقلت يمكن ناس وصارت لهم مشاكل او اخطاء مثل ما يقولون

بس الظاهر اني ببتدي اصدق هالكلام لانه الحين قاعده تصير معاي شخصيا لاني كلمت مره واثنين وثلاثه واكثر من واحد وقالي بشوف لك المشكله وبرد علي وبعدها عطوني طاااااف

وفي الاخير مشكوره دلاله على هالتخبطات والغربله

راعي طمووح

PoBox

13-02-2006, 10:55 AM

نصيحة مجرب اخوي
روح الشركة ..ولا تطلع الا والباسوورد في يدك .. (( بيزهقون منك وبيطبعون لك الباسوورد ))
بالزين ولا بالشين ..
لان بالتلفون كل واحد بيرميك على الثاني او بيقولك اتصل بعد شوي ..
وتنحل مشكلتك صدقني ..

sweraah

13-02-2006, 11:04 AM

تحيـة ..
ممكن حد ايوضح لي وين مكان دلالة بالضبط هل لها مقر رئيسي غير اللي داخل البورصة؟

لأنه لي نفس المشكلة معاهم لليوم صار لي ثلاث شهور .. شئ عجيب

Qtrun

14-02-2006, 06:58 AM

المفكر

14-02-2006, 07:52 AM

:nice: انا عندي حساب في دلالة واخذت رقم التداول من مكتبهم الواقع بسوق الدوحة للاوراق المالية :deal: واما التداول الالكتروني فوصلو لي البطاقة واليوزر نيم والباسورد لمكتبي بالبريد الممتاز :D

al7or

14-02-2006, 10:06 AM

تحيـة ..
ممكن حد ايوضح لي وين مكان دلالة بالضبط هل لها مقر رئيسي غير اللي داخل البورصة؟

لأنه لي نفس المشكلة معاهم لليوم صار لي ثلاث شهور .. شئ عجيب

شلون صار لك ثلاث شهور واحنا صارلنا شهرين ؟؟؟؟

على العموم طرش لي رقم المساهم وراح ارد عليك خبر بنفسي

:)

al7or

14-02-2006, 10:11 AM

انا مستغرب من دلاله مدام انهم مايبون يرسلون اي شي بالبريد ليش كانوا مسوين دعايات وزحمه مالها معنى وفي الأخير يقولون لازم نروح لهم علشان نحصل على اليوز نيم والباسووورد وين الحور نبيها ترد :)

اشلة مستغرب

الباسورد واليوزر انطبع وسلمناه للبريد عشان يوصله لكم بالبريد الممتاز

فشله تعب نفسك

ولو كان توزيع الباسورد واليوزر بفرعنا بالبورصه تتوقع شلون بيكون الوضع

وسوري على القصور

Qtrun

14-02-2006, 04:39 PM

اشلة مستغرب

الباسورد واليوزر انطبع وسلمناه للبريد عشان يوصله لكم بالبريد الممتاز

فشله تعب نفسك

ولو كان توزيع الباسورد واليوزر بفرعنا بالبورصه تتوقع شلون بيكون الوضع

وسوري على القصور

متى صار هالكلام يالحور ياليت تعطيني تواريخ محدده لأن الوضع زاد عن حده

ملاحظه: دافعين 30 ريال وبتربحون ضعف هالمبلغ واذا تبون الـ 30 ريال الي دفعتوها قوليلي وانا بعطيكم بدالها 60
بس ليش ماعندكم دقه بكلامكم لأنه المفروض هالرساله تكون واصلتني من شهر على حسب كلام الموظف الي استقبل طلبي شرايج !!!

نظم^معلومات

14-02-2006, 05:33 PM

PoBox

14-02-2006, 05:56 PM

متابعه بس ابي اسالكم انا بما اني طالبه قلت حق الوالد ابي اشتراك النت الصراحة جابوا لي الباسورد واليوزر نيم نفس اليوم بس مب شغالين :( من دلاله الاسلامية طبعاااا

ابي اعرف شلون واسال من :(

يعني هل بمجرد انه الباسورد واليوزر نيم مايتسلمون يكونون شغالين ؟؟؟

ويعطيكم العافيييية جميعا

كلامك صحيح..
لازم تغير الباسوورد قبل الدخول..

حطي الباسوورد والاسم ((لاتنسى الcapital & small))
ثم اضغطي على تغيير الباسوورد

ثم الباسوورد الجديد مع القديم والاسم ..
وكلوا تمام

نظم^معلومات

14-02-2006, 11:54 PM

تسلمممممممممممممم PoBoxing

جزاك الله خيييييير :) ماتقصرررر بجرب

ويعطيكم العافيه عالرد

نظم^معلومات

14-02-2006, 11:58 PM

:( للاسف اخوي PoBoxing مب شغال بعد ولا يتغير الباسورد

؟؟ يمكن لانه الباسورد عطوني اياه على اخر الداوم :( وللحين ماشتغل مادري :(

PoBox

15-02-2006, 12:46 AM

مادام الباسوورد عندج مع الاسم لازم يشتغل

انا جربت لمدة ربع ساعة ..
الى ان في الاخير حرف واحد كنت كاتبه سمول وهو كابيتل
بعدين قدرت اغير ..

((طبعا التغيير يكون قبل الدخول وليس كالايميل مثلا دخول ثم تغيير))

اولا الضغط على تغيير

نظم^معلومات

15-02-2006, 01:29 AM

مشكور اخوي PoBoxing عالرد والمتابعه بس مافي فايده :(

نص ساعه وانا اجرب الظاهر الله مب رايد خلاص ان شاء الله بكره نشوف شالسالفه

وجزاك الله خير وعساكم عالقوووووه

al7or

15-02-2006, 10:25 AM

متى صار هالكلام يالحور ياليت تعطيني تواريخ محدده لأن الوضع زاد عن حده

ملاحظه: دافعين 30 ريال وبتربحون ضعف هالمبلغ واذا تبون الـ 30 ريال الي دفعتوها قوليلي وانا بعطيكم بدالها 60
بس ليش ماعندكم دقه بكلامكم لأنه المفروض هالرساله تكون واصلتني من شهر على حسب كلام الموظف الي استقبل طلبي شرايج !!!

اذا كنت بدلالة الاسلامية اتصل على 4285555 وقولهم تبي الباسورد
خلهم يشيكون اذا كان عند البريد او اذا تبي ينطبع لك واحد ثاني

واذا كنت بدلالة التقليدية اتصل على 4284444 وعطنا مشكلتك
وبنشوف لك الحل

واذا حاب عندكم ايميلي طرشلي رقم المساهم وانا اشوف شالمشكلة

انتظر ردك

al7or

15-02-2006, 10:30 AM

مشكور اخوي PoBoxing عالرد والمتابعه بس مافي فايده :(

نص ساعه وانا اجرب الظاهر الله مب رايد خلاص ان شاء الله بكره نشوف شالسالفه

وجزاك الله خير وعساكم عالقوووووه

هلا نظم المعلومات

دام الباسورد واليوزر عندكم اكيد صح وشغال

بس تأكدوا من اليوزر والباسورد

وتظهر لكم بخط صغير عقب ما تحطون الباسورد ان تغيرون

شوفوا وردوا علي خبر ولا اتصلوا بالكوول سنتر ويحلون المشكلة

نظم^معلومات

15-02-2006, 10:39 AM

مايصير الحوووووووووور من الصبح وانا اجرب مافي مافايده
اليوزر من اربع حروف واولها كبتل بس

والباسورد ارقام :( بدون فايده مادري ليش من امس وانا احاول :(

شسوي ومشكوره عالرد

al7or

15-02-2006, 10:40 AM

مايصير الحوووووووووور من الصبح وانا اجرب مافي مافايده
اليوزر من اربع حروف واولها كبتل بس

والباسورد ارقام :( بدون فايده مادري ليش من امس وانا احاول :(

شسوي ومشكوره عالرد

اتصلي على الكول سنتر وطلبي المسؤول

بس بعد وقت التداول ;)

نظم^معلومات

15-02-2006, 10:52 AM

يسلمو الحوووووور ان شاء الله يتصل وعسااااااكم عالقوووووووووووووووه

الله يعطيج العافية :) ان شاء الله

al7or

15-02-2006, 12:49 PM

الله يعافيج اختي

سّهومة

16-02-2006, 01:00 AM

يا نااااااس تيك ات ايزي! اذا ما وصلكم الباسورد روحو خذوة :eek2:

آنا بعد صار لي ثلاث اسابيع و ماوصلني الباسورد، اتصلت فيهم قالو لي احنا بعثناه بس اذا تبينه بسرعه تعالي خذيه. رحت و طبعولي واحد جديد... شصااار يعني، لين الحين بكاامل صحتي الحمد الله :con2: