البيض المقلي والسيارة

[العقل الحر]

موضوع خفيف وواقعي






في يوم من الايام كانت الزوجة تعمل بيض مقلي لزوجها

فجأة دخل زوجها المطبخ



انتبهي .... انتبهي .. حطي زيادة شوية زبدة.. يا ربي

انت تقلين اكثر من وحدة في نفس الوقت... هذا كثير ... اقلبيهم

اقلبيهم الحين

نحتاج زبدة اكثر ... يا ربي

من وين راح نجيب زبدة زيادة؟؟

صار البيض يابس .. انتبهي

انتبهي ... قلت انتبهي

انت دائما ما تسمعين كلامي لما تطبخين

ابداً ... اقلبيهم بسرعة... يالله بسرعة... ماتشوفين؟؟

صاير لعقلك شي؟؟ لا تنسين تحطين ملح

انت تدرين انك دائما تنسين تحطين ملح... استخدمي الملح ... ياربي

استخدمي الملح... الملح




الزوجة بكل دهشة واستغراب واستعجاب واستفهام تنظر لتصرف زوجها

قالت له: خير ان شاء الله صاير لك شي؟؟ وش عندك؟؟

تراه بيض مقلي قالوا لك ما اعرف اسويهـ؟؟؟

.









.











.







رد عليها الزوج بكل هدوء

كنت ابغاك تعرفين وش شعوري وانا اسوق السيارة

وانتي تبربرين على راسي


هل هذا واقع وحاصل فعلا بين الزوجين ؟

[be.happy]

ههههههههههههههههههههههههه

الله لايهينك على الموضوع والسرد المميز

تحياتي لك

[حراير قطر]

هههههههههاي

انا ما احن خيرشر

بس وقت ما يسرع اقوله خفف خفف

والا انتبه وشوف لا ...

هاي امي جذيه

ويعطيك العافيه

[نسناسة]

ههههههههههههه
معو حق تستاهل
النساء = ثرثرة دائمة

[حمد بن خالد]

هههههههههه

انا زوجتي خلاص تعودت لكن الوالدة لي الحين

هههههههههه

مع اني ما اسرع

هههه

[اسير الاوهام]

جزاك الله خير ...

حلوه والله هههههههههههههههه

[براتزية برازيلية]

هههههههه

[بوخالد911]

ههههههههه

هذه بتلك

[يحفظك ربي]

هههههههههههه

اي والله انك صادق

انا الوالده الله يحفظها دووم جذي وياي خخخخ

[هبوب الشمال]

تقريبا

تقريبا

اسويها

من خوفي عليه والله وعلى اليهال لا اكثر

[ولدالمنتدي]

ههههههههههههههههههههههههه

[المستقل]

عسى توصل الرساله بس

[Mozanee]

شي يوتر وجود الرجل في المطبخ ’’’ وحنة المرة في السيارة ’’

انا ما اتكلم في السيارة بصراحة احب اسمع قرآن وأقرى معاه ’’’’

وتبي تعرف الشخص جوف سواقته وطريقة تعامله مع الناس وطريقتة مع اهله ’’

فالللي يعصب واللي يلف على غيرة والي ’’ يبصق وتيي البصقة على راس اللي يمه

الشخصيات والامزجة تطلع في السواقة ’’

وشكرا على الموضوع ’’

[روح الشمال]

ههههههههههههههههههههههههههههههه

شالسالفة ؟!!!!!!!!

مع الخيل ياشقراء

[.Qa6ar]

هههههههههههههههه

بعضهم يستاهلون حنة الراس على الطريق

مثلآ انا كنت مسافر وفجاه مر علي واحد معه درزن نفرااات هههه اقصد مع عايله مكونه يمكن من 6 اشخاص كلهم حريم واطفال ومشالله عليه سرعته تعدت 170 ولا افتكر بالارواح اللي معه الله يستر عليهم ويستر على الجميع انشالله

ودمت بود

[العقل الحر]

يعطيكم العافيه على المرور

[الجوكر90]

السلام عليكم
هههههههههههههههههه
اول يوم كان عمري 17 امي كانت تقولي ودني المكان الفلاني عاد انا شكنت اسوي احط لها عبدالحليم واخليها تسمع وماتحن ولاتفتكر فالشارع
بس الحين سواقتي اوكي ومافيها شي بس ماعرف امشي 80 وانا اسوق بي ام وماحس فالريس كلش فالسرعه تكون 100 لين 120 وهي طول الوقت تسفل فيني انت وانت وانت وانت وانت
واذا واحد جدامي وانا اديم له تقولي خف خف راح تدعمه وهو بعيد عني ب300 او400 متر
ولاتشوف يوم ترجع البيت هاي مايعرف يسوق وهاي سووا كذا وكذا
بس ماقدر اقولها شي امي ولازم استحملها

[BIG-VEGA]

ذكرتي بوحده من الاهل
تعطيني نصايح وارشادات لين اقول لها اسكتي ولا بننقلب!!

واذا اقرب من الدوار مثلا او اخفف ...
حد جرب يشيل قطو ويحطه في حوض ماي....تلاقونه يبطل يده وريوله واظافره تطلع ويقعد يحافص يبي يشبص في اي شي :eek5:

هي اتسوي جذيه مع كل بريك :shy:

[دكتورة روح]

انا جي والله
مادري ليش اخاف ..
بس معاي حق .. الروح مابعدها روح خخ

[ابو عادل]

انا امي جذي هههههههههههههههههه

لما نوصل البيت تقول وللل ما ينركب معاك تخضخضت مصاريني :rolleyes2:

[ام علي1981]

انا عن نفسي لما زوجي يكون سايق احس نفسي انا اللي ادوس ع البريك
ومشكور اخوي ع الطرح الجميل لانك جبتها

[بدون]

زيييييين ما سوى :victory:
يمكن يحسون شوي

[العقل الحر]

يعطيكم العافيه على المرور