تستاهلووووووون يالمدرسين؟

[بوحمد2]

الكادر الجديد يشمل القطريين والمقيمين بالمستقلة
كتب - محمد عبد المقصود :

أكد مصدر مطلع أن المجلس الأعلى للتعليم انتهى من إعداد لائحة الرواتب الجديدة للعاملين بالمدارس المستقلة ، وأنه جار حاليا وضع اللمسات النهائية عليها تمهيدا لاعتمادها من قبل الجهات المختصة .. مشيرا إلى أنها ستطبق على المعلمين والإداريين القطريين والمقيمين.
وأوضح أن الزيادات الجديدة تتراوح ما بين 2000و2500 ريال على الرواتب الأساسية لخريجي الثانوية العامة القطريين و3000 إلى 4000 ريال للجامعيين ، مشيرا إلى منحهم ثلاث علاوات مرتبطة بالحصول على الرخص المهنية كل منها تقدر ب 2700 ريال . وأكد أن اللائحة تتضمن زيادات كبيرة على الرواتب الأساسية والعلاوات الخاصة بالإداريين والمعلمين وفقا لضوابط تم إقرارها لمنح الاستحقاقات المالية الجديدة وفقا للخبرات والمؤهلات العلمية وعدد سنوات العمل التربوي.

منقول من الرايه

[BeN QaTaR]

إن شاءالله خير

[الاستثمار]

يستاهلون

[العلم الوكاد]

الف مبروك

والله يستاهلون

[The MooN]

وغير القطريين؟ :(

[ودي أكون]

بل 3000 الى 4000 عالاساسي .. يمال العوافي :shy:

مايشغلوني في مدرسه مستقله بس اكون مدرسة رياضه:shy::tease:

[رنج سبورت]

بل 3000 الى 4000 عالاساسي .. يمال العوافي :shy:

مايشغلوني في مدرسه مستقله بس اكون مدرسة رياضه:shy::tease:

ههههه مساكين ماتسوى عليهم هالزياده

المفروض الشجيع لهذه المهنه النبيله


كذلك يجب ان توجد حوافز مثل التامين الصحي ومدارس خاصه للابناء اذا ماعندهم

الله يرزق الجميع الخير(آمين)

[umabdulla77]

وربي تستاهلون كل خير يامعلمي واداريي المستقلة

[الفهد1]

بل 3000 الى 4000 عالاساسي .. يمال العوافي :shy:

مايشغلوني في مدرسه مستقله بس اكون مدرسة رياضه:shy::tease:

عليهم بالعافية ويستاهلون

[B7r_QTR]

يستاهلون

والله يوفقهم

[السد]

اعطوا المدرسين زيادة 2000 وطلع عليهم اغلى من بيع السوق

[ودي أكون]

ههههه مساكين ماتسوى عليهم هالزياده

المفروض الشجيع لهذه المهنه النبيله


كذلك يجب ان توجد حوافز مثل التامين الصحي ومدارس خاصه للابناء اذا ماعندهم

الله يرزق الجميع الخير(آمين)

واحنا بعد مهنا نبيله .. انتحاسب على كل نص وربع :(

لا والله يستاهلون مساكين .. لان لو انا منهم جان جاني الضغط والسكر ونهايتي بسكته قلبيه :secret:

بس التامين الصحي احنا نبي بعد سمعت :anger1:

:tease:

[رنج سبورت]

واحنا بعد مهنا نبيله .. انتحاسب على كل نص وربع :(

لا والله يستاهلون مساكين .. لان لو انا منهم جان جاني الضغط والسكر ونهايتي بسكته قلبيه :secret:

بس التامين الصحي احنا نبي بعد سمعت :anger1:

:tease:

انا قلت في نهاية الرد الله يرزق الجميع الخير :victory:

[بوعلى 1]

اي زيادة كلها كلام فاضي صار لهم سنة وهم يقولون زيادة وخرطي اذا شفتوا هذة الزيادة في رواتبكم قولوا مبرووووووووووك ام غير ذالك فهو كلام فاضى ومماطلة من زمان وهم يماطلون فلا تنتظرون شى واذا في شى فهو مربوط بحصولك على رخصة وهذا نوع من التعجيز فلا تنتظرون شى منهم ابدا

[حـــنـــان]

صج والله ..فرحتنى بشرك الله بالخير ياوجهة الخير:nice:

[بوحمد2]

الف مبرووووووك للجميع

[بوحمد2]

اي زيادة كلها كلام فاضي صار لهم سنة وهم يقولون زيادة وخرطي اذا شفتوا هذة الزيادة في رواتبكم قولوا مبرووووووووووك ام غير ذالك فهو كلام فاضى ومماطلة من زمان وهم يماطلون فلا تنتظرون شى واذا في شى فهو مربوط بحصولك على رخصة وهذا نوع من التعجيز فلا تنتظرون شى منهم ابدا

صح النووووم

[رهج السنابك]

اتوقع اعلى شي الحين هو راتب المدرس

اظن الخريج بدون خبرة يوصل راتبه اول مايتعين 23 الف

والخريجة يمكن حوالي 19 الف

[h2004]

طاااااااال الانتظار

[كينيا]

اتوقع اعلى شي الحين هو راتب المدرس

اظن الخريج بدون خبرة يوصل راتبه اول مايتعين 23 الف

والخريجة يمكن حوالي 19 الف

ههههههه ماشاء الله 19000 و20000
على بالكم الشفلح احنا محد تعدل راتبه عدل الا المدرسات اللي عندهم ال 40 % للي يخبرها اما اللي تعينوا من عقب 1997 مالهم
انا اكلمكم من واقع الحدث ركزوا 13 سنه خدمه راتبي مخصوم منه 2000 على مود ra
13600 وشي شرايكم واذا ضفتوا عليه 2000 بدل السكن بيصير كم ؟؟؟؟؟
يعني بالعربي مايوصل حتى 17000

وبالنسبة للزيادة (عشمتني بالحلق خرمت انا وداني)

[kitmat]

خرطي لا تصدقون اللي في المستقله ينطرون من 8 أشهر زيادة رواتبهم ولين الحين ما شافو شي
والمسارات الي قاعدين ياخذونها المدرسات والمدرسين يعني الدوره الي مدتها سنه كامله تخيلو اسمها ليسن مؤقتتت يعني شنهو مؤقت يلعبون علينا ويذلونا ذل انا ماصدق هل الخرابيط المجلس الاعلى يبي يذل المدرسين والمدرسات ولا رح يعطون احد الليسن يعني مافي زياده انتهينا من المضوع

[alyaf3i]

يا عالم وش سالفته ولد عبدالمقصود

كله - علمت الرايه
صرح مصدر مطلع

سنين وسنين واحنا نشوف هالصحفي قاعد يكتب ويكتب وما شفنا شي

اتذكره من ايام الوزاره

وهو يكتب

ولا شفنا شي

كل كلامه حرق اعصاب وتلاعب بالمشاعر

الناس تنتظر الاخبار المفرحه وهذا الرجل عارف وش الناس تبقي ولذلك ما يطرء على باله شي او يسمع جهه زادوها الا ويحط خبر علمت الرايه - صرح مصدر مطلع

مجرد ملاحظه

اكيد لاحظتوها مثلي

[حدالكلمه]

مايبون الزيادة لان ماوراها غير الكرف والشغل الاضافي --يبون خوف الله فيهم

[الوطن]

مساكين المدرسين بيسون لهم رخصة تدريس بس مادري
فيها (( تراي )) شارع وباركنج ولا لا هههههههههههه

هذي الزيادة بيطلعونها من عينهم لا والرخصة بتكون مؤقته بالعربي تحتاج تجديد !!
يعني بيزورون المدرس عدة مرات وبيقيمونه وعليها يكون التجديد ؟؟
بالعربي نفس نظام الوزارة السابق (( التوجيه التربوي )) بس شوي غير :)
واللي يدقق في سير وتوجه المجلس الأعلى يلاحظ أنه بدأ يرجع قليلاً لنظام الوزارة

الله يرحمج يالوزارة كنتي مثل السيارة ** المرسدس ** المغبرة تحتاجين تنظيف شوي وتصيرين عروسة

المشكلة مب في التغيير المشكلة في المنفذين لهذا التغيير والتعنت في قراراتهم والتمسك بها ولو كانت خطأ

يعطيكم العافية

[رهج السنابك]

ههههههه ماشاء الله 19000 و20000
على بالكم الشفلح احنا محد تعدل راتبه عدل الا المدرسات اللي عندهم ال 40 % للي يخبرها اما اللي تعينوا من عقب 1997 مالهم
انا اكلمكم من واقع الحدث ركزوا 13 سنه خدمه راتبي مخصوم منه 2000 على مود ra
13600 وشي شرايكم واذا ضفتوا عليه 2000 بدل السكن بيصير كم ؟؟؟؟؟
يعني بالعربي مايوصل حتى 17000

وبالنسبة للزيادة (عشمتني بالحلق خرمت انا وداني)

طيب حلو يعني كلامي صح

انا قصدت المدرسين الجدد مش القدامى

بعدين ليه التفرقه في الراتب على مدرس جديد او قديم ؟!! غريبه
كنت مفكرة ان النظام بيتطبق على الجميع اشدعوه يفرقون بينهم ؟! وبعدين المدرس القديم اكثر خبرة

يعني الحين لو انت عندك خبرة 10 سنين راتبك يعادل راتب مدرس توه خريج ؟!

[kakashi]

يستاهلون

الف مبروك

[باشا البدو]

المدرس اكثر موظف مهضوم حقه لماذا

[شبه الملاك]

يستاهلون مساكين غير الشغل ف المدرسه لا وبعد شايلين شغلهم في البيت عنبو شنو هذا احنا نرجع البيت ننسى الشغل وهم واااااعليه طول اليوم تدريس وتصحيح وتحضير

[طلعة الروح]

اتوقع اعلى شي الحين هو راتب المدرس

اظن الخريج بدون خبرة يوصل راتبه اول مايتعين 23 الف

والخريجة يمكن حوالي 19 الف

اي مدرسه هذي اللي تعطي خريجه بدون خبرة 19 الف ؟؟؟؟