مبروك للكل : غرف مجانية للكل !!

[السد]

للاسف
من الدوحة
شركات وهمية توهم للناس بانهم فازوا باقة مجانية في احد الفنادق في مصر
هم يشوفون اي شخص طالع او خارج من البنوك او من مراكز كيوتل
ويحددون له الموعد بشركتهم ومقر الشركة
شارع السد فوق عمارة الشال للاقمشة الرجالية - بناية الكواري
واول ما تدخل لهم
يقولون لك عندك مقابلة
واتقول لهم عن ماهية المقابلة والجائزة التي سوف تحصل عليها
يقولون لك يجب ان تستمع الى البرنامج السياحي والذي يستغرق منك الساعتين
ثم بعد الساعتين يعطونك كوبون اقامة مجانية في احد فنادق مصر السياحية
ولكن
بعد ما تدفع لهم رسم معين ولين ما تطلع لك الاقامة اغلى من بيع السوق
فحذاري يا اخوان والله يحفظكم ويرعاكم

[شبح الصمت]

Qatar Land

[الصريحه]

ما ادري نفس الشيء صار لي في صلاله ورفض زوجي ان احما نروح وندخل الكوبونات ونستلم الجوائز
الظاهر كان معاه حق

[دلوليانوز]

قطر لاند...واهم شي اللي تتصلك بنت..صوتها يقولك انه حليمه بولند معاك ع الخط...

واهم شي القاعه اللي يقنعونك فيها..فيها من الازعاج ما يدوش بلاد...


طلع نوبكم على شونه

[القرنفل]

جزاك الله خير على التنبيه والتحذير على فكرة هذا الموضوع قديم صار معانا في دبي واحنه طالعين من المطار سنة 1999فارجو من الكل الحذر من هؤلاء النصابين

[Me&OnLy]

فعلا هي قطر لاند شركة تخصص في الاستقلال

[Ghost]

نصابيييييييييييييييييييييييييييييييييييييييييييييي ن

[المنسى]

طيب ليه الدوله ماتتخذ الاجرائات الازمه

[Riku3]

خاطري اعرف شنو مكتوب في سجلهم التجاري .. شركة تخصص نصب واحتيال ؟ .

وصل كلامك اخوي يعطيك العافية :) .

[فرحة الكواري]

الحمدالله اول ماكلموني عرفتهم من فترة سنة

وقصيت عليهم بدال مايقصون علي ههههههههههههههههههه وسكتهم اني بحضر وبحضر لين تمللوا

[alfahad1]

صارت معاي قبل سنه

في العماره اللي بالهوم سنتر عند اشارات كيوتل بعد جسر الجيده
بعد المقابله كانوا يبوني ادفعلهم كاش قلتلهم عطوني مهله افكر
سحبت عليهم يتصلولي اقولهم للحين قاعد افكر عطوني مهله
لين ماملو مني خخخخخ نصابين ومره تكلموا عنهم بالجرايد
ولكن للحين يمارسوا هذه العاده القذره وين عنهم المسؤولين

[روح الشمال]

جزاك الله خير على تنوير الناس

بس انا ابي عرف وين الجهات الامنية عنهم

[المها قطر]

انتوا للحين ما اتعظتوا ؟
ما تعظتوا من الشركات الوهمية ومن يديرها من جماعة (اهلين حبيب ابي لك تؤبورني)
او جماعة (اهلا يا فندم شرفت حضرتك) كلهم حرامية
من يوم ما جاأوا لنا اللفو من العصابة الشامية واللبنانية والمصاروة وغيرهم من الاسيوين والفلبنس والبلاد مهب بخير ...
لا حد يعيش بالاوهام لا تصدقون احد كلهم مافيا منظمة في قطر
الدولة لا تحمي الا الاجانب لا حد يتورط ياهل قطر

[السد]

الحمدالله اول ماكلموني عرفتهم من فترة سنة

وقصيت عليهم بدال مايقصون علي ههههههههههههههههههه وسكتهم اني بحضر وبحضر لين تمللوا

انا الحمد لله حضرت
وقبل كلموني وما كنت اهتم بهم
ولكن هذه المرة بعد اخذ المشورة من صاحبي والمسكين ابوه انصبوا عليه 10000 الآف ريال لكي يلغي العقد معاهم

ولكن هذه المرة رحت لهم وقلت بعون الله ساكون فائز
والحمد لله طلعت من عندهم وانا مرفوع الرأس :victory::victory::victory:

[بوحمد1]

نصب واحتيال


بختصار

[عاشقة الطاووس]

يزاك الله خير على التنبيه

[السد]

يزاك الله خير على التنبيه

حاضريين للغاليين

[kitmat]

انا اتصلو على جوال ولدي وقالوله جوالك فايزمعانا ممكن تحضر الحفله الي احنا مسوينها وفيها توزيع جوائز
بس طبعا كانو نصابين

[فلفل حار]

ياشين ملاغتهم عند البنوك في شارع حمد الكبير ...!

من آشوفه جايني آطالعه وآضحكـ وآقولهم للحين شغالين نصب على خلق الله ...!

[BuFaisal]

والقهر ما يكلمون الا القطريين !!!
لما يقربون مني اقولهم " خاف الله ترا راتبك حرام لانكم نصابين "
اشوفه يقفي عني ولا يعلق لانه عارف ان كلامي صحيح
الله لا يهنيهم بفلوس الحرام

[السد]

والقهر ما يكلمون الا القطريين !!!
لما يقربون مني اقولهم " خاف الله ترا راتبك حرام لانكم نصابين "
اشوفه يقفي عني ولا يعلق لانه عارف ان كلامي صحيح
الله لا يهنيهم بفلوس الحرام

احلى شي يوم وقفني احدهم وكنت فاضي ذاك اليوم
المهم قال لي كم راتبك
قلت له 50000 الف
استثماراتك قلتها تقريبا 125 مليون سنويا
رقمك قلت له عندي فاكس
قال يبغي رقمي قلت له ما اتذكر رقم الفاكس
بامكانك تقابلني في مكتبي
قال لي اين مكتبك
قلت له بناية الكواري- شارع السد
طلع مكتبي عنوان شركتهم :nice::nice::nice: