المساعد الشخصي الرقمي

مشاهدة النسخة كاملة : طلب عجيب من مدرسة الخور المستقلة بنين ((الروضة ))....


سوق واقف
08-12-2009, 12:52 PM
السلام عليكم ورحمة الله وبركاته

أخواني أخواتي أريد تعليقكم على الطلب الغريب والعجيب ....

أتصلوا علي مدرسة ولدي قالوا بكره تعال أخذ ولدك الساعه 11 سألتهم ليش أنا دوامي في الدوحه ...


قالوا اي بكره الباصات مشغوله .... قلت لها شدعوه كل هذي الباصات الي عندكم الباصات مشغوله ...

قلت لها بكره مب جايب ولدي عيل .... قالت ليش خله يجي بس تعال أخذه ....


شيء غريب وعجيب ....إلى متى الإهمال ... هل يعقل أن تطلب المدرسة مثل هذا الطلب ...

هل المجلس الأعلى يعرفون هذي الشيء .... قالت كل الطلاب ...؟؟؟؟
الرويـس
08-12-2009, 12:59 PM
ماعندهم عقود مع الباصات ؟
ودي أكون
08-12-2009, 01:07 PM
عطه اجازة من عندي .. :shy::tease:

اسمعني اخوي .. كم طفل عندنا فالدوحه !! وكم تلميذ فالمدرسه !! وكم طالب فالجامعه !!

يعني المجلس الاعلى بيلحق على شو والا شو .. احنا كآباء لازم نتعاون مع المجلس الاعلى ..

مو على ادنات الدون سويناها سالفه .. !!

انت كأب احيانا اكيد اتعصب واتقول انا شو ببديله .. ببدي حق البيت والا المرة والاعيال والشغل والا والا ...

نفس الشي المدرسه ونفس الشي المدرسين ونفس الشي المجلس الاعلى ..

العيب ان يهدون اعيالكم وبدون ماتدرون وعقب يتصلون فيكم تعالوا ترا مافي باصات .. لكنهم اتصلوا لكم يابوفلان تعال خذ العيال بسبب اي ظرف عندهم .. يخي قول ان شاءالله وخلاص :anger1:


اشوه اني لا مدرسه ولا لي خص فالمجلس الاعلى جان بستغيل من شكاويكم :tease:

اعيالك ابرك والله .. على ايامنا انتنقع وعقب يطلعون لنا حل :(

وبصراحه انا منك بستانس .. ع طووول بدش عالمدير بقول باجر بستئذان ماتصدقني كلم المدرسه .. فرصه :shy::tease:
ولد الشحانية
08-12-2009, 01:08 PM
لاتخليه يروح للمدرسه
مجرد انسان
08-12-2009, 01:19 PM
اخي الكريم

هل سألت عن سبب عدم وجود الباصات ؟؟؟

لأني فهمت ان الباصات ستوصل الاولاد صباحا ولكنها ستنشغل عند نهاية الدوام

قد يكون لهذا علاقة باستعدادات المدارس لاحتفالات اليوم الوطني !!

وعلى كل حال ... لا اجد فيما ذكرت أي امر يستدعي النظر ... او الشكوى

فالقوم اعتذروا ,,, وقبل بيوم ,,,

أرجوك اخي تسال عن السبب ,,وإن كان كما توقعت ,,, فاعتبر توصيلة بكرة واجبا وطنيا ,,,

تحياتي
Riku3
08-12-2009, 01:21 PM
اخوي حلك بسيط ان شاء الله .. خله في البيت نقاهه بكره يشم هوا .


العيب ان يهدون اعيالكم وبدون ماتدرون وعقب يتصلون فيكم تعالوا ترا مافي باصات .. لكنهم اتصلوا لكم يابوفلان تعال خذ العيال بسبب اي ظرف عندهم .. يخي قول ان شاءالله وخلاص
هذي خدمة تقدمها الدولة وتكفلها للكل .. فمن حق الاب ان يسأل وينتقد خصوصاً ان التبليغ كان متأخر ومب كل واحد يقدر يترك شغله ويسأذن بسهولة علشان خاطر طلبات المدرسة المتأخرة .. ودام المجلس ماسك التعليم فمن حق اي ولي امر ان يستفسر :) .
Me&OnLy
08-12-2009, 01:22 PM
فعلا امر غريب شلون الباصات مشغوله وهي ملزومه بالطلاب وش راح تنشغل فيه اذا هي شغلتها نقل الطالب من والى المنزل هذي تخبطات المدرسه
هبوب الشمال
08-12-2009, 01:23 PM
احمد ربي الف مره اني طلعت عيالي منها

ولله الحمد
المتضرعه لله
08-12-2009, 01:48 PM
ضايعه الامور لو كان على العهد القديم كان كل شئ تمام لكن الحين الاهمال في اقصى ثورانه

والله يعينك وواجب تشتكي عند من يهمه الامر
بوعمير
08-12-2009, 03:53 PM
عطه إجازة من عندك .. يمكن باصات المجلس الاعلى للتعليم عندهم بروفه حق اليوم الوطني وقاعدين يستعدون علشان يظهرون بالمظهر اللائق !!
بنت الرجال
08-12-2009, 04:26 PM
أظـن أزمـة الباصـااات في مـدرسـة الخـــوور مـن بداايـة السنــه ...؟؟

لأنـي بعـد رمضـااان تقريبـآ كلمـة مديرتهـم لأسبـاب ثاانيـه ...

قالـت لـي عندنـا أزمـه في الباصـااات و أوول أسبـوع تعـاالـي أخذي ولـدج ...

مـع العلـم ولـدي ماكـان في البـااص ...

و بعديين رجعتـه مدرستـه الأجنبيـه و لا أدري حلـوا مشكلتهـم أو لأ ...

و شكلهـا ما انحلــت مـن ذاااك الوقـــت ...!!

الله يعينـكــــم ...
العلم الوكاد
08-12-2009, 04:32 PM
اخوي اعتقد يوم واحد

مب مشكلة مشوار واحد

وبعدين حلو تواصلهم معاك

اكيد الباصات بيودونها مكان

خاصة الان اعتقد فيه مشاركات رياضية

او اليوم المدرسي

يعني اكيد ملتزمين

انت وسع خاطرك بس

وتكون فرصة يحس الولد انك جيت تاخذه