خطر بق الفراش.. وطرق مكافحته

[أبو عبدالعزيز]

تم اكتشاف بؤرة :nice: في المنزل استوطنها "بق الفراش"
واسأل اللي عندها أي معرفة به.. ما هي الوسيلة الأنسب لمكافحته؟
وهل فيه شركة موثوقة سبق لأحد أن تعامل معها بنجاح في مكافحة بق الفراش؟
خالص تقديري

[toota]

السلام عليكم ورحمة الله وبركاته
اذا عندك دليل التيليفون دور في الصفحات الصفراء عن مكافحة الحشرات والآفات .
للأسف الأثاث والفرش المصنوعه في قطر يطلع فيها هالنوع من الحشرات . اعتقد طريقه حفظ وتخزين الاسفنج سيئه . بعدين احذروا يا جماعه اذا سافرتوا ترى حتى الفنادق فيها وممكن بس مجرد تحط ملابسك على السرير ينتقل البق وحتى حقيبة السفر ينتقل لها وتجيبه معاك بيتك . والخدم اللي يجون من بلدانهم يجيبونه في شنطهم ومع ملابسهم . حاولوا تسكنون في فنادق نظيفه حتى لو يكلف اكثر .كان لي بحث طويل في موضوع بق الفراش . وما راح تقدر تتخلص منه الا بالرش . وللوقايه دايما عرض فرشك وكراسيك وملاحفك للشمس . على فكره البق ما يعيش بس في الفرش حتى انه يتخبا في الخشب او تحت السجاد وغيره . الكلام في هالموضوع طويل . والسلام عليكم .

[هذلان]

انا الي لفت نظري انك كيف اكتشف وجود بقعه فيها بق الفراش ؟
الي اعرفه انا ماينشاف بالعين .. اعتقد تصيدك جكه اذا نمت في فراش فيه بق . صح ولا انا فاهم غلط ؟
و اعتقد انه مايروح بالمبيدات مايذبحه الا تعريض الفراش للشمس بشكل مباشر هذا والله اعلم ؟

[khaleeji]

بق الفراش حشره حمرا مسطحه وعندنا منها في الدواااااام

لادور شركه وولاتعب نفسك قط الفرش في الشمس يومين وبتروح ان شاء الله

[toota]

المشكله هي ما تعيش بس في الفراش . كل شي مصنوع من الاقمشه تعيش فيه , قطن , اسفنج وغيره .
شكثر بيقط في الشمس . هذا اذا ما كان منتشر في كل البيت . على فكره هالحشره لها رش معين يعني ما ينفع المبيدات اللي في الدكاكين .

[العقل الحر]

هل لي هذي الحشرة مضار او تضر بي المشترك معها بالمنزل ؟ من ناحيه الصحيه فقط

ام هي مجرد حشرة لاتضر ولاتنفع ؟

[المستقل]

الله يسهل

[toota]

هذه الحشره ما راح تشوفها لو في المكان نور . تطلع في الظلام . وطبعا لها مضار اقل شي انها تمص دمك .
وتتركك تحتك غير الاثار اللي تخلفها على جلدك .

[سنطره]

انا بقولك وطبق كلامي وان شاالله ماتحتاج لأحد:(الحل عندك)مب بالشركات
طلع الفراش برا في الشمس (المرتبة) لمدة يومين واذا المرتبة قديمة اشتر جديدة لان بق الفراش يعيش داخل المرتبة لانة عبارة عن اسفنج او قطن . والملحف بعد طلعة في الشمس
وبس هذا هو الحل الاكيد

[الأغر]

اول شي جيب مرش نفس اللي عند الحلاق وحط فيه ديزل ، وبعدين الله يسلمك زوايا المكيف الخشبيه والشبابيك واي صورة معلقه من فتره طويله واي فتحه موجوده بالبيت تسمي بلله وترش الديزل الله يعينك على الريحه بس ما في غير هالحل وعن تجربه وان كان الفرش على السرير لا تنسى ترش كل زاويه بالسرير والفرش خليه بره للشمس هو واللحاف ( البطانيه ) طبعا مع التهوية للغرف على طول ترى سبب البق ان ما في تهويه جيده للبيت ، حتى المسجد اللي بجانب البيت حصلت عنده بق كلمت الامام على طول قال كلمنا البلديه والله يستر ترى البق سريع الانتشار :rolleyes2: