'طريقة عمل التغبيره الاماعيه (للـــعــــيــــد الــــوطـــنـــي) 18/12/2009

[الجمارك]

السلام عليكم ورحمة الله وبركاته


اليوم جايبلكم موضوع حلو وبسيط ويستاهل التجربه طبعا الموضوع منقول من احدى المنتديات :)


طبعا قرب تاريخ 18 ديسمبر الي كل الشباب ينتظرونه لتعديل سياراتهم وتزينها

طبعاء الطريقه سهله للغايه وبعض المحلات اتوقع لو بيسونها راح يطلبون اسعار خياليه مع ان السالفه

ماتكلف شي يذكر


بسم الله نبتدي




اول شي الاغراض المطلوبه


1_ لاماعي او لولوء (((بودر))) ترا فيه انواع اخذوا البودر الخفيف نفس الي في الصوره __ اماكن البيع ( المكتبات ) السعر ( 14 ريال للحبه )

هذا شكله ويجيك باكثر من لون

طبعا بما انه يوم وطني الكل راح يستخدم الابيض والعنابي

http://www.qatarspeed.com/up/out.php/i17271_017.jpg

_ النشاء الي يستخدم في مغاسل الثياب ( لاندري يعني خخخخخخخ)( للي بيرش تغبيره في البدايه وعقب يبغيها تلمع ) اماكن البيع ( اي سوبر ماركت او اقرب جمعيه ) السعر مش متاكد بس مايطوف15 ريال
http://www.qatarspeed.com/up/out.php/i17272_Untitled1103.jpg

3_ تغبيره شفافه للي يبي موتره يلامع بدون ما يحط تغبيره ملونه اماكن البيع _( محلات الزينه + كارفور ) السعر _ ما توقع غالي

http://www.qatarspeed.com/up/out.php/i17273_389.jpg

4_ واهم شي قوطي بخاخ فاضي خخخخخخ اماكن البيع ( طيره من اقرب حلاق خخخخخخخخ)

http://www.qatarspeed.com/up/out.php/i17274_imagesCAOHXR37.jpg
الحين اقولكم اشلون الطريقه



في طريقتين

الطريقه الاوله:::@@@


1_ مثال لو بترش التغبيره على ويه موترك باللون العنابي على شكل علم قطر ( اعتقد سهله مايبيلها شرح )


تقدر تحط الامعي بيدك ( تنثره على التغبيره ) وترش النشاء فوقه من بعيد راح يلصق الامعي


واذا تبي شغل دقيق ومرتب

1_ تقص قوطي النشاء وتصبه في قوطي البخاخ الفاضي وتحط بودر الامعي وتخلطه زين وعقب ترش على التغبيره (العلم الي سويته)


الطريقه الثانيه :::::@@@

اذا بس تبي موترك عليه هالامعي بدون تغبيره ملونه ( يعني موترك نفس لونه بس عليه لامعي )


تجيبلك كم قوطي من( التغبيره الشفافه ) وتبطل القوطي (قصه بمنشار او سكين بس حاسب ينفجر خخخخخ) وتصبه في قوطي البخاخ الفاضي وتحط فوقه الامعي وتخلطه زين وتم ترش على موترك كامل وتخليه ينشف

او انك تنثر الامعي على الموتر وعقب ترش التغبيره الشفافه واعتقد صعبه لان هالايام هواء يعني الامعي بيطير قبل لا ترش خخخخخخخخخخ


او احسن طريقه واسرع طريقه اقرب كراج او مغسله عندهم كمبريسر هواء والرشاش ( مدري شسمه الي يصبغون فيه ) تحط التغبيره الشفاف والامعي وترش موترك

وعدكم بعد صبغ الشعر بالوانه وسهل الازاله بالماء عاد كل واحد يتفنن بالتزيين او الرسم

طبعا الاسئله الي راح تسئلوني ايها في الردور

1_ ليش اذا تغبيره ملونه وابي اخليها تلمع استخدم النشاء ؟

لان النشاء ماده قويه وراح تلصق على التغبيره وتثبت الامعي

2_ هل صبغ الموتر بيصيده شي ؟

مراح يصيده شي لان انت راش تغبيره عاديه والكل يستخدمها وهو مسافر


انتهاء الشرح خخخخخخخ >>>>مدرس

وانشالله اكون وصلت المعلومه واتمني الي بيسويها يوم العيد الوطني يصور موتره ولا يبخل علينا بالصور ولاينسانا بالدعاء

ولكم مني اجمل تحيه

[لاموشي]

ماقصرت بس اشلون يتكون اللون العنابي؟؟؟؟؟؟

[ولد سالم]

يا شباب مانعين هالسوالف فالعيد الوطني ما يسوى علينا مخالفات فاليوم الوطني

[الجمارك]

ماقصرت بس اشلون يتكون اللون العنابي؟؟؟؟؟؟

حاضرين الشيخ
اخوي فيه الوان حق التغبيره يعني تحط التغبيره العنابيه وترش عليها الاماعي اذا تبيها تلمع او تقدر تشكل على كيفك

[الجمارك]

يا شباب مانعين هالسوالف فالعيد الوطني ما يسوى علينا مخالفات فاليوم الوطني

الى بيمصخها اكيد بيمسكونه مثل ما قلت في موضوعك ناس تحط على السياره كلها الوان وعلم من اول الموتر لين اخره ويسد النمره الجامه الخلفيه والى يرش معظم اجزاء السياره لدرجة انه يضيع لونها الاصلي

اتمنى الى بيحط شي يرتب سيارته يعني علم على البانه او على البيبان اويرش البانه فقط مع اشياء خفيفه العالم تمصخها من جذي يمنعون اهم شي انه ما يكون فيه حوادث باليوم الوطني نتمنى ذالك
وابشرك اكثر الشباب رايحيين سيلين لانه راح تقام بطولة قطر للدراغ الرملي فمعظم الشباب اهناك يعني الدوحه شبه فاضيه والله يعييينه على الحراميه
السموحه على الاطاله
والله يوفقك ويوفقنا

[انا مب انا]

اخوي صور ماتطلع

[المجروح81]

اخوووي الموووضوع مكرر

[الجمارك]

اخوي صور ماتطلع

مادري انا طالعه عندي

حط اسم المنتج بجوجل وبتطلعلك الصوور

[الجمارك]

اخوووي الموووضوع مكرر

وين مكرر اخوي

اذا مكرر حط الرابط

السموحه

[السندان]

يعطيك العافية

[الجمارك]

يعطيك العافية

الله يعافيك

[ALRAYYAN]

فش صور

[الوفـى طبعي]

الصور مب ظاهره

[THEDD]

يعطيك العافية