اللي متزوج/متزوجه واللي يحب يبدي رايه يتفضل

[روح-قطر]

السلام عليكم ورحمه الله وبركااته

شلونكم ان شاء الله بخير...


موضوعي مادري تناقشتوو فيه من قبل او لا بس لفت انتباهي:shy:..

في المنتديات النسائيه دائما يكتبون ويتناقشون بامر واحد هو الرجل،، يعني هو يرجع من الشغل رزم تهيئين له جو علشان يرتاح حتى لوانتي تشتغلين:eek5:..

او وحده تقول زوجي عصبي يطردني او يقولي مابيج بالغرفه عندي،، يقولون لها لازم تسكتين وتكونين بارده واكشخي له طيب هي ترد مافي فايده لا مصرين لازم تضغطين على نفسج ولازم تسوين وتسوين:omen2:..

طيب وحده تقول زوجي مطنشني ومايقعد معاي وكله يقولي انتي تغيرتي ماعدتي تهتمين بشكلج وردها على زوجها ان عندي بنت8 شهور وشغل البيت علي طبعا ماعندها شغاله وحتى اذا تصيح وانا بالمطبخ ما يشيلها:anger1:..

اللي اثار استغرابي ليش يطالبون المراه دايما بالصبر وخصوصا ان ايام قبل غير قبل الريال ما يدقق نفس الحين،، قبل المراه شغلها بيتها الحين بيتها والدوام والعيال والجمعيه وبعد اسكتي ولا تطفشين وفوق هاي اكشخي والبسي واذا قالج اي شي قولي حاضر ولبيه لو اله انفجرت فيوزاتها..


وين حق المراه مع العلم اني مو من انصار المساواه بس في حق لها انها مثل ماتراكض ورا البيت والعيال انها تراكض ورا نفسها وتحصل وقت لها :)



الموضوع للنقاش الهاااااااااااااااااااااادف :) فقط لاغير خخخخخخخ:tease:

[toota]

انا معاك ولك مني التأييد وبشدة

[alrheeb2020]

لما اتزوج برجع وارد على الموضوع :nice: << انزين اشتبي داخل احين :shy:

والله يجزيج خير وان شاء الله الاعضاء بيتفاعلون

[روح-قطر]

انا معاك ولك مني التأييد وبشدة

:) يسلموووووووووووووووووووو بس صج احنا بعد نحتاج نقاهه نروح عن نفسنا شوي وضغط الحريم اكثر والله:(

[روح-قطر]

لما اتزوج برجع وارد على الموضوع :nice: << انزين اشتبي داخل احين :shy:

والله يجزيج خير وان شاء الله الاعضاء بيتفاعلون


ومخليه بالاصفر ماتبي تحرج نفسك خخخخخخخخخخخخخخخخخخخخخخخ..

طيب انت كرأي بس لازم المراه لما تتزوج يكون صب اهتمامها بس زوجها والا لازم يكون لها وقت لنفسها وانت تحس انك لو متزوج بتخليها تاخذ هالفرصه والا لا:)

[alrheeb2020]

ومخليه بالاصفر ماتبي تحرج نفسك خخخخخخخخخخخخخخخخخخخخخخخ..

طيب انت كرأي بس لازم المراه لما تتزوج يكون صب اهتمامها بس زوجها والا لازم يكون لها وقت لنفسها وانت تحس انك لو متزوج بتخليها تاخذ هالفرصه والا لا:)

هه ..

ان من رايي الشخصي .. ان المراه لازم يكون لها وقت خاص اذا سنحت الفرصه طبعا ..

ومب كل اهتمامها زوجها .. المراه بشر ومن حقها تاخذ فرصتها .. بس لازم ماتكون مقصره

في شغل البيت ويكون شغل البيت مقسم بينها وبين الشغاله .. علشان اتخلي الشغاله اتحس انه

في حد مهتم ومتابع ..

والله يجزيج خير :nice:

[روح-قطر]

هه ..

ان من رايي الشخصي .. ان المراه لازم يكون لها وقت خاص اذا سنحت الفرصه طبعا ..

ومب كل اهتمامها زوجها .. المراه بشر ومن حقها تاخذ فرصتها .. بس لازم ماتكون مقصره

في شغل البيت ويكون شغل البيت مقسم بينها وبين الشغاله .. علشان اتخلي الشغاله اتحس انه

في حد مهتم ومتابع ..

والله يجزيج خير :nice:

انزين واذا ما سنحت هالفرصه شتسوي يعني خلاص تتم تكرف لين تسنح الفرصه لو 10 سنين قدام:secret:..

بس اقدر اهتمامك انك تجيب لها شغاله لان في ازواج مايرضون وبنفس الوقت ابدعي بالبيت:)..

ادري عورت راسك بس حبيت اعرف رايك مو تمر بدون بصمه:tease:

[الشاااهين]

omenتصبر وتصبر وتشتغل وتكنس وتطبخ
وتنطر زوجها لين يوصل:omen2:
وتحط البرياني:anger1:
وتغسل الصحون:eek5:
وتغسل ثيابه وتكويهم:tomato:
وتبخرهم:omg:
وتسوي له كرك العصر:nice:
وبعد تشوف السياره اذا وصخه خذت الهوز واغسلتهاcrazy
وحوش البيت تخمه:stop:
واذا فيه زباله طلعتهاوووووووووووبس عادي:secret::secret:

[استغفرالله]

في رياييل صابرين على نسوانهم وفي نسوان صابرين على رياييلهم

في مجتمعنا الرجل دايما يقط المسؤوليه على المره

[Mozanee]

الله عز وجل يقول (أومن ينشئ في الحلية وهو في الخصام غير مبين )

هذي صفتين للمرأة انها تحب تتتزين وتلبس ’’ والصفة الثانية اذا خاصمت وناقشت نقاشها

غير مبين ’’

فهي اذا تزينت حق زوجها هذا ما تتكلف فيه لأنها جبلت عليه وفطرة فيها مب معقولة تكون على

سنجة عشرة في كل المناسبات وعند زوجها بخلاقينها هو أولى بها من الغير ’’

وتبين الصج بالنسبة للعمل اذا بيعطلني عن بيتي وعيالي بيتي اولى وهذي عن تجربة ’’بالنسبة

لي انا ما قدرت اوفق بين الأثنين ففضلت أقعد في البيت ’’

اما اللي تقولج ابغي اثبت ذاتي ومن هالكلام تأكدي انه هامله بيته وهذا يصير جدام عيونا

وكلن في مكانه ووضع الشئ في غير موضعه ظلم ’’

وتسلمين على الموضوع أختي ’’

[Mozanee]

omenتصبر وتصبر وتشتغل وتكنس وتطبخ
وتنطر زوجها لين يوصل:omen2:
وتحط البرياني:anger1:
وتغسل الصحون:eek5:
وتغسل ثيابه وتكويهم:tomato:
وتبخرهم:omg:
وتسوي له كرك العصر:nice:
وبعد تشوف السياره اذا وصخه خذت الهوز واغسلتهاcrazy
وحوش البيت تخمه:stop:
واذا فيه زباله طلعتهاوووووووووووبس عادي:secret::secret:


اذا جذي السالفة بغسلها وبحكها بسيم المواعين ’’بتنظف عدل

[الخارجية]

في حريم عن 100 رجال وفي حريم الله يعزكم مابغي اقول اللي في خاطري
في رجاجيل و النعم فيهم وفي رجاجيل استغفر الله مابغي اقول ايش اللي في خاطري
تعجبني المرأة التى تهتم في بيتها و زوجها و اولادها وتحفظ مال زوجها
ويعجبني الرجال الذي يقوم بكل واجبات البيت ويهتم في زوجتة واولاده

[حـــنـــان]

حتى لو سويتى كل شي وصرتي سوبر وومن بعد بيقولج انتى مقصرة وتغيرتى...صدقينى النقص في بعض الرجال ..على شان يبرر لنفسة شيا في خاطرة؟؟؟ لا والحين بعضهم كلة قاعدين مجابلين الكمبوتر .. او في حضنة الابلوب (لاب توب)اكيد بيسويلج سالفة حق يطفشتك ويتفرغ حق خرابيطة...لاعزاء للمتزوجات..


:nice:

[نحول]

بالنسبة للريال الحين يدقق اكثر من قبل

لانه يشوف اشياء قبل ماكان يشوفها

اقصد كمظهر وشكل للبنات

ويحب يشوفها فمرته

لانه بيلاحظ الفرق اذا ماهاتمت بنفسها

ولج مني جزيل الشكر

[بوحارب]

اللي تتكلم عن حياته الزوجية في المنتديات فاضية وماعندها سالفة

وأستغرب من بعض الحريم شلون يسردون لنا قصص حياتهم مع ازوجهم في النت

عبالهم فله

ويا زين المرأة اللي قاعده في بيتها ومجابله زوجها وعيالها


وصباح الخير روح قطر

[غير البشر]

يعطيج العافيه اختي روح قطر على الموضوع الحلوو والمفيد

بالنسبه لي اشوف ان المرأه سواء تشتغل او لا المفروض يكون لها وقت لنفسها

والواجب على الزوج اذا شاف زوجته مظغوطه بعمل البيت ومع اليهال

يهئ الجو لها عشان ترتاح ومنها مثلا ياخذ الاطفال معاه ويتمشى معاهم

او العكس ياخذ اليهال وينزلهم مع اطفال من قرائبهم يلعبون مع بعض

وتكون طلعه زوجيه بحته خاليه من الاطفال :tease:

وهنا تكون الزوجه ريفريش في ابيت بعد العوده والراحه

والنتيجه تعود للزوج وللزوجه وولاطفال

[بن داوود]

اللي تتكلم عن حياته الزوجية في المنتديات فاضية وماعندها سالفة

وأستغرب من بعض الحريم شلون يسردون لنا قصص حياتهم مع ازوجهم في النت

عبالهم فله

ويا زين المرأة اللي قاعده في بيتها ومجابله زوجها وعيالها


وصباح الخير روح قطر

صحيح انت :nice:

[رفيق الغيم]

omenتصبر وتصبر وتشتغل وتكنس وتطبخ
وتنطر زوجها لين يوصل:omen2:
وتحط البرياني:anger1:
وتغسل الصحون:eek5:
وتغسل ثيابه وتكويهم:tomato:
وتبخرهم:omg:
وتسوي له كرك العصر:nice:
وبعد تشوف السياره اذا وصخه خذت الهوز واغسلتهاcrazy
وحوش البيت تخمه:stop:
واذا فيه زباله طلعتهاوووووووووووبس عادي:secret::secret:
صعب اخوى تلاقى الحين زوجه بهذه المواصفات كانت هاى المواصفات زمان اول

[فارس الكلمة]

زيدني شكر .. أزيدك حلاوة .. :)

الطائر .. يطير بجناحين .. و ليس بجناح واحد .. و كذلك بيت الزوجية ..

[كشف حساب]

السلام عليكم ورحمه الله وبركااته

شلونكم ان شاء الله بخير...


موضوعي مادري تناقشتوو فيه من قبل او لا بس لفت انتباهي:shy:..

في المنتديات النسائيه دائما يكتبون ويتناقشون بامر واحد هو الرجل،، يعني هو يرجع من الشغل رزم تهيئين له جو علشان يرتاح حتى لوانتي تشتغلين:eek5:..

او وحده تقول زوجي عصبي يطردني او يقولي مابيج بالغرفه عندي،، يقولون لها لازم تسكتين وتكونين بارده واكشخي له طيب هي ترد مافي فايده لا مصرين لازم تضغطين على نفسج ولازم تسوين وتسوين:omen2:..

طيب وحده تقول زوجي مطنشني ومايقعد معاي وكله يقولي انتي تغيرتي ماعدتي تهتمين بشكلج وردها على زوجها ان عندي بنت8 شهور وشغل البيت علي طبعا ماعندها شغاله وحتى اذا تصيح وانا بالمطبخ ما يشيلها:anger1:..

اللي اثار استغرابي ليش يطالبون المراه دايما بالصبر وخصوصا ان ايام قبل غير قبل الريال ما يدقق نفس الحين،، قبل المراه شغلها بيتها الحين بيتها والدوام والعيال والجمعيه وبعد اسكتي ولا تطفشين وفوق هاي اكشخي والبسي واذا قالج اي شي قولي حاضر ولبيه لو اله انفجرت فيوزاتها..


وين حق المراه مع العلم اني مو من انصار المساواه بس في حق لها انها مثل ماتراكض ورا البيت والعيال انها تراكض ورا نفسها وتحصل وقت لها :)



الموضوع للنقاش الهاااااااااااااااااااااادف :) فقط لاغير خخخخخخخ:tease:



عمل المرأة الأساسي هو تدبير المنزل و يدخل تحت هذا الاهتمام بالزوج و حسن التبعل له و تربية الجيل القادم ...

فلو أن المرأة - بدلا من هذه الوظيفة اللتي تقتلها فلا تصل إلى البيت إلا منهكة و تريد الراحة ( مثلها مثل الرجل) - في الصباح تجهز الإفطار لعائلتها ( الزوج و الأولاد ) و بعد ذهاب أفراد العائلة تفرغت للبيت ثم أخذت غفوة و قامت قبل الظهر بفترة كافية لتجهز الغداء و تنتهي منه قبل قدوم زوجها لكي تتجهز له، و بعد الغداء يأخذون غفوة و في المساء تعد العشاء. لكفى وقتها و زاد و لأظهرت لنا جيلا صالحا بإذن الله...

و لكن المرأة الآن تريد أن تقوم بما يقوم به الرجل و ما تقوم به المرأة كذلك و هي أصلا أضعف حالاً و قوةً من الرجل، فأنى لها هذا؟

فأصبح الخدم هم من يربوا الأطفال، فكيف يبري المربي إذا كان المربى أقوى منه ( ولد الكفيل ) فلا يستطيع أن يزجره إذا أخطأ أو ما أشبه ذلك، فخرج جيل طويل اللسان و اليد، لا يحترم كبار السن ولا مدرسيه و بإمكانكم أن تسألوا المدرسين و المدرسات عن أحوال الطلاب و الطالبات، و الله المستعان ...

[آفنان]

omenتصبر وتصبر وتشتغل وتكنس وتطبخ
وتنطر زوجها لين يوصل:omen2:
وتحط البرياني:anger1:
وتغسل الصحون:eek5:
وتغسل ثيابه وتكويهم:tomato:
وتبخرهم:omg:
وتسوي له كرك العصر:nice:
وبعد تشوف السياره اذا وصخه خذت الهوز واغسلتهاcrazy
وحوش البيت تخمه:stop:
واذا فيه زباله طلعتهاوووووووووووبس عادي:secret::secret:


:omg:
هههههههههههه في هالزمن مآعتقد !

[آفنان]

وسوري روح اني تدخلت في موضوعج :weeping:

[حقيقه]

انا اتنرفز من هالمواضيع
لأني اكره الرجل إللي مايستاهل انه يكون أب و أخ و زوج

[alrheeb2020]

انزين واذا ما سنحت هالفرصه شتسوي يعني خلاص تتم تكرف لين تسنح الفرصه لو 10 سنين قدام:secret:..

بس اقدر اهتمامك انك تجيب لها شغاله لان في ازواج مايرضون وبنفس الوقت ابدعي بالبيت:)..

ادري عورت راسك بس حبيت اعرف رايك مو تمر بدون بصمه:tease:


يعني اشلون اختي عندها شغل فالبيت مثلا تدريس الاولاد تتركهم وتطلع ؟ ؟ :secret:

ونعم الزوجه عيل :nice:

:tease:

[بنت^البحرين1]

والله السائد في المجتمعات الخليجية هالطريقة .. انتي تسوين تطبخين ترقدين تغسلين تدلعين تسطرين كل شي انتي بس ممنوع تشكين الحال لان ذي شغلج مب شغل احد ثاني وان بطلتي حلجج طلعتي مب قد المسؤلية ومتعودة على الدلع وريلج ماينلام فيج واهلج ماعرفوا يسنعونج وغشوا الريال اللي خذج

ذي الاسطوانة .. احسن حل تروضين الريال من اول ماياخذج عشان يكون حسب ماتبين وعقب ماتتلعوزين معاه وبس

[الصريحه]

omenتصبر وتصبر وتشتغل وتكنس وتطبخ
وتنطر زوجها لين يوصل:omen2:
وتحط البرياني:anger1:
وتغسل الصحون:eek5:
وتغسل ثيابه وتكويهم:tomato:
وتبخرهم:omg:
وتسوي له كرك العصر:nice:
وبعد تشوف السياره اذا وصخه خذت الهوز واغسلتهاcrazy
وحوش البيت تخمه:stop:
واذا فيه زباله طلعتهاوووووووووووبس عادي:secret::secret:

صح ولا حمدا ولاشكورا

[نظرة شجاع]

والله السائد في المجتمعات الخليجية هالطريقة .. انتي تسوين تطبخين ترقدين تغسلين تدلعين تسطرين كل شي انتي بس ممنوع تشكين الحال لان ذي شغلج مب شغل احد ثاني وان بطلتي حلجج طلعتي مب قد المسؤلية ومتعودة على الدلع وريلج ماينلام فيج واهلج ماعرفوا يسنعونج وغشوا الريال اللي خذج

ذي الاسطوانة .. احسن حل تروضين الريال من اول ماياخذج عشان يكون حسب ماتبين وعقب ماتتلعوزين معاه وبس


ما شاء الله بنت وتبي تروض رجال شاطرين حكي النساء ... والرجال الى يتروض من بنت مو كفو يكون زوج الا اذا عاجبك يكون زوجك شبه رجل شي ثاني

[نظرة شجاع]

حتى لو سويتى كل شي وصرتي سوبر وومن بعد بيقولج انتى مقصرة وتغيرتى...صدقينى النقص في بعض الرجال ..على شان يبرر لنفسة شيا في خاطرة؟؟؟ لا والحين بعضهم كلة قاعدين مجابلين الكمبوتر .. او في حضنة الابلوب (لاب توب)اكيد بيسويلج سالفة حق يطفشتك ويتفرغ حق خرابيطة...لاعزاء للمتزوجات..


:nice:



يعني انتو الى قاعدين مقابلين سجادة الصلاة .. في كل مكان نشوفكم في الوظايف في المنتديات في كرك النعيمي :) في درج السيارة .... وصارت لكم حقوق ماتحلمون فيها ومع ذلك تبون تصيرو اكفاء في الحياه الزوجيه ... يبئا أبلني

[بنت ذياب]

ما شاء الله بنت وتبي تروض رجال شاطرين حكي النساء ... والرجال الى يتروض من بنت مو كفو يكون زوج الا اذا عاجبك يكون زوجك شبه رجل شي ثاني

مب قصدها تروضه ..!!! بمعنى الكلمة ..!!

قصدهاا تسايسه وتعلمه على اطباعها .. !!

شدخل شبه رجل بالموضوع الحين !!!

يعني لازم يطلع عضلاته عليها !! عشان يكون ريال !!

مشكلتكم تفسرون الكلام على كيفكم :) ..


يعني انتو الى قاعدين مقابلين سجادة الصلاة .. في كل مكان نشوفكم في الوظايف في المنتديات في كرك النعيمي :) في درج السيارة .... وصارت لكم حقوق ماتحلمون فيها ومع ذلك تبون تصيرو اكفاء في الحياه الزوجيه ... يبئا أبلني

شدخل الصلاه بالللاب توب ..

اكيد بتشوفنا اخوي بالوظايف ؟؟؟

الحريم ليش يشتغلون ؟؟ مب عشان يساعدون رياييلهم بالمصاريف ..!!!

وتحصلهم بالمنتديات ؟؟ ليش؟؟ .. او خل نقول الاغلب شيسوون بالمنتديات ؟؟

تلقاهم ف المنتديات الزوجيه .. يدورون اي طريقه عشان يرضون فيها ارياييلهم ..

والحقوق اللي مانحلم فيها على قولتك .. هاذي حقوقنا اساسا ..

ولا ماتبينا نسوي شي ..

ونكرس حياتنا ف الكرف والطبخ وتربية لعياال ومانلقى غير الجحود !!!


تدروون شالمشكلة !!؟؟؟

ان المرأه دائما تسعى لأرضاء الزوج ..

بينما الرجل يسعى لإرضاء نفسه ..

:sneaky:

[رهج السنابك]

شرعاً المرأة غير ملزومة بخدمة الزوج :)

الرجل يتزوج المرأة شريكة له في الحياة وليست منفذه لأعمال منزلية شاقة

بل حتى في الشرع ان طلبت خادم الزوج لابد له ان يحضر لها الخادم على حسب استطاعته المادية

[روح-قطر]

omenتصبر وتصبر وتشتغل وتكنس وتطبخ
وتنطر زوجها لين يوصل:omen2:
وتحط البرياني:anger1:
وتغسل الصحون:eek5:
وتغسل ثيابه وتكويهم:tomato:
وتبخرهم:omg:
وتسوي له كرك العصر:nice:
وبعد تشوف السياره اذا وصخه خذت الهوز واغسلتهاcrazy
وحوش البيت تخمه:stop:
واذا فيه زباله طلعتهاوووووووووووبس عادي:secret::secret:



طيب وتسبحك وتلبسك وتاكلك وتنومك :tease: لاتزعل اتغشمر اخوي والله اخوي انا اكلمك اللي تضغط على نفسها وتشتغل مو علشان الشغل علشان راتب زوجها مايكفي وتربي العيال وتدرس يعني بالذمه وين احترام المراه وين وقت لخصوصياتها:(

[روح-قطر]

في رياييل صابرين على نسوانهم وفي نسوان صابرين على رياييلهم

في مجتمعنا الرجل دايما يقط المسؤوليه على المره

لو يتقاسمون المسؤوليه لو يكون الريال نفس ماله وقت يعطي المراه وقت بتمشي الامور بس دايما المسؤوليه على المراه:(

[pure]

يعني انتو الى قاعدين مقابلين سجادة الصلاة .. في كل مكان نشوفكم في الوظايف في المنتديات في كرك النعيمي :) في درج السيارة .... وصارت لكم حقوق ماتحلمون فيها ومع ذلك تبون تصيرو اكفاء في الحياه الزوجيه ... يبئا أبلني

خيي نظرة شجاع , اقول شرايك ننتحر عشان تفضى لك الدنيا ؟

وتصير بس لك دامنا مشاركينك بكل شي :con2:

[روح-قطر]

الله عز وجل يقول (أومن ينشئ في الحلية وهو في الخصام غير مبين )

هذي صفتين للمرأة انها تحب تتتزين وتلبس ’’ والصفة الثانية اذا خاصمت وناقشت نقاشها

غير مبين ’’

فهي اذا تزينت حق زوجها هذا ما تتكلف فيه لأنها جبلت عليه وفطرة فيها مب معقولة تكون على

سنجة عشرة في كل المناسبات وعند زوجها بخلاقينها هو أولى بها من الغير ’’


بالعكس انا اتكلم عن الحريم اللي صار همهم كيف ارضي زوجي وزوجها ذالها وهي تقول اكشخ واسوي:)،، ليش ما يكون الشي من زوجها خذي لج فتره ترتاحين فيها ما قلنا سنه لو كل شهر بس للاسف يبونها اله لا تتعب ولا تمل


وتبين الصج بالنسبة للعمل اذا بيعطلني عن بيتي وعيالي بيتي اولى وهذي عن تجربة ’’بالنسبة

لي انا ما قدرت اوفق بين الأثنين ففضلت أقعد في البيت ’’

كلنا نبي نقعد بالبيت بس اذا يد وحده ما تصفق في حريم ما يقدرون يقعدون بالبيت لانه عليهم التزامات

اما اللي تقولج ابغي اثبت ذاتي ومن هالكلام تأكدي انه هامله بيته وهذا يصير جدام عيونا

وكلن في مكانه ووضع الشئ في غير موضعه ظلم ’’


وتسلمين على الموضوع أختي ’’


الله يسلمج قلبوووووووووووو نورتي

[روح-قطر]

في حريم عن 100 رجال وفي حريم الله يعزكم مابغي اقول اللي في خاطري
في رجاجيل و النعم فيهم وفي رجاجيل استغفر الله مابغي اقول ايش اللي في خاطري
تعجبني المرأة التى تهتم في بيتها و زوجها و اولادها وتحفظ مال زوجها
ويعجبني الرجال الذي يقوم بكل واجبات البيت ويهتم في زوجتة واولاده

انته:victory::victory::victory: بس مين اللي بيطبق يسلموووووووووو خيووووووو

[روح-قطر]

حتى لو سويتى كل شي وصرتي سوبر وومن بعد بيقولج انتى مقصرة وتغيرتى...صدقينى النقص في بعض الرجال ..على شان يبرر لنفسة شيا في خاطرة؟؟؟ لا والحين بعضهم كلة قاعدين مجابلين الكمبوتر .. او في حضنة الابلوب (لاب توب)اكيد بيسويلج سالفة حق يطفشتك ويتفرغ حق خرابيطة...لاعزاء للمتزوجات..


:nice:


والا كله بروح لربعي والا تعبااااااااااااااااااااااااان مع انه دوامه ثابت يعني الاثنين نفس الدوام وكله ماله خلق البيت ما خلص كانه هو يدفخ بروحه والا هو اول واحد بيبني :tease:بصراحه الريايل اوفر

ونفس ما قلتي لا عزاء:victory:

[روح-قطر]

بالنسبة للريال الحين يدقق اكثر من قبل

لانه يشوف اشياء قبل ماكان يشوفها

اقصد كمظهر وشكل للبنات

ويحب يشوفها فمرته

لانه بيلاحظ الفرق اذا ماهاتمت بنفسها

ولج مني جزيل الشكر

ماقلنا شي اجل خله يجيب لها طباخ ومربيتين وشغاله للبيت ويبشر :tease:..

اللي يشوفهم ما وراهم شغل:anger1:

يسلمووووووووووووووووووووووووووو

[روح-قطر]

اللي تتكلم عن حياته الزوجية في المنتديات فاضية وماعندها سالفة

:victory::victory: اول مره اوافق الراي :tease:

وأستغرب من بعض الحريم شلون يسردون لنا قصص حياتهم مع ازوجهم في النت

عبالهم فله

يفضفضون علشان محد يعرفهم:anger1:

ويا زين المرأة اللي قاعده في بيتها ومجابله زوجها وعيالها

قاعده بس ما تشتغل ويزيد الضغط عليها:)

وصباح الخير روح قطر

مساء النور بابا كرك

[روح-قطر]

يعطيج العافيه اختي روح قطر على الموضوع الحلوو والمفيد

بالنسبه لي اشوف ان المرأه سواء تشتغل او لا المفروض يكون لها وقت لنفسها

والواجب على الزوج اذا شاف زوجته مظغوطه بعمل البيت ومع اليهال

يهئ الجو لها عشان ترتاح ومنها مثلا ياخذ الاطفال معاه ويتمشى معاهم

او العكس ياخذ اليهال وينزلهم مع اطفال من قرائبهم يلعبون مع بعض

وتكون طلعه زوجيه بحته خاليه من الاطفال :tease:

وهنا تكون الزوجه ريفريش في ابيت بعد العوده والراحه

والنتيجه تعود للزوج وللزوجه وولاطفال


هاي اللي اقصده انها لو ترتاح ساعتين والله انا عن نفسي لما اتعب بعلي العزيز ياخذهم عني يا يطلع فيهم يا يوديهم لاهله ماخذ ساعه الا واحشتني حشرتهم خخخخخخخخ بس المهم ارتحت شوي لو غسلت ويهي بماي بارد:tease:.

يعجبني تفكيرك عاد ان كان صج خخخخخخخخخخخخ:tease:

[العصامي]

التوازن مطلوب في الحياة الزوجيه وهناك اساسيات ومتطلبات
للزوجه على الزوج والعكس صحيح
شكرا على الموضوع.

[روح-قطر]

صعب اخوى تلاقى الحين زوجه بهذه المواصفات كانت هاى المواصفات زمان اول


وزمان الاول زوجته ماليه عينه كانت تسوي شي يقول لها يعطيج العافيه الحين شنو هذا واجب تسوينه وبعد مقصره:weeping::weeping:

[روح-قطر]

زيدني شكر .. أزيدك حلاوة .. :)

الطائر .. يطير بجناحين .. و ليس بجناح واحد .. و كذلك بيت الزوجية ..

جبت التايهه بصراحه اللحين لا حمدا ولاشكورا:nice:

[(الفيصل)]

المعادلة بسيطة ...منذ بدء الخليقه
المرأة تريد ارضاء الرجل
الرجل يريد أرضاء المرأة
والمحصله
أما أيجاب أو رفض
أما سلم أو حرب
بالنهاية
أما
سعادة أو تعاسه
لكليهما أو لطرف منهما

[روح-قطر]

عمل المرأة الأساسي هو تدبير المنزل و يدخل تحت هذا الاهتمام بالزوج و حسن التبعل له و تربية الجيل القادم ...

فلو أن المرأة - بدلا من هذه الوظيفة اللتي تقتلها فلا تصل إلى البيت إلا منهكة و تريد الراحة ( مثلها مثل الرجل) - في الصباح تجهز الإفطار لعائلتها ( الزوج و الأولاد ) و بعد ذهاب أفراد العائلة تفرغت للبيت ثم أخذت غفوة و قامت قبل الظهر بفترة كافية لتجهز الغداء و تنتهي منه قبل قدوم زوجها لكي تتجهز له، و بعد الغداء يأخذون غفوة و في المساء تعد العشاء. لكفى وقتها و زاد و لأظهرت لنا جيلا صالحا بإذن الله...

و لكن المرأة الآن تريد أن تقوم بما يقوم به الرجل و ما تقوم به المرأة كذلك و هي أصلا أضعف حالاً و قوةً من الرجل، فأنى لها هذا؟

فأصبح الخدم هم من يربوا الأطفال، فكيف يبري المربي إذا كان المربى أقوى منه ( ولد الكفيل ) فلا يستطيع أن يزجره إذا أخطأ أو ما أشبه ذلك، فخرج جيل طويل اللسان و اليد، لا يحترم كبار السن ولا مدرسيه و بإمكانكم أن تسألوا المدرسين و المدرسات عن أحوال الطلاب و الطالبات، و الله المستعان ...



انا اتكلم عن المضطرين للشغل اولا الشي الثاني احسبها ترجع من الشغل 2خلنا نقول دوامها لين وحده ونص اوكي نفس ما قلت ترجع ثنتين لين تبدل واذا ما صلت تصلي وعقبها تشوف البيت وتنجب الغدا تاكل اليهال اذا صغار وعقب ما اتاكلهم ترقدهم وعقب يجي الزوج تنجب مره ثانيه وياكل قد اذن العصر صلت قاموا اليهال قعدت معاهم اللي تدرسه وانت على بالك اليهال نفس قبل يما باخذ راحه وعقب اقعد الحقه لين يجي مره ثانيه وبعضهم تشتغل النحاسه في التفكير خلصنا الا يما يبون المدرسه مادري شن الا لوحه الا بحث الا مادري المهم تقوم الاله تجيب الاغراض وترتب وتعشيهم وتسبحهم وتنيمهم،، للحين ما خلصت الا شوي تساله حبيبي تبي عشا قال لا قالت خلاص بفضى لنفسي يوصل البيت الا انا يووووعاااااااااااااااان يلعن ابو التفهي اوكي طبعا تروح تسوي عشا ويتعشون وتغسل المواعين لانه الشغاله نامت،، خلصت لا طبعا جهزي اغراضي وتجهز يادوب تبي تنام الا يقول لها سهري معاي يابوالشباب انت قيلت انا لا،، اهني انتي ما تهتمين طبعا الاله تسكت وتقعد لين الاخ يقند راسه بالسهر وياريت معاها لا هي موجوده تمثال بس السهر مع ام بي سي اكشن والا الرياضيه والا اللاب توب،، عقب يقولها يلا توها بتصلي الشفع والوتر مع اول سجده الا نايمه عالسياده:secret:..

والله ما ابالغ هاي حال اللي اعرفهم لي متى يعني لا تحكمون على اللي تشوفونهم ترى للحين حريمنا فيهم سنه

[روح-قطر]

وسوري روح اني تدخلت في موضوعج :weeping:


ههههههههههههههههههههههههههههه ولو الموضوع موضوعج بس ليش بهالزمن لا والله في حريم نفس الاول واعرفهم عدل

[روح-قطر]

انا اتنرفز من هالمواضيع
لأني اكره الرجل إللي مايستاهل انه يكون أب و أخ و زوج

نفس الشعور والله مايهمهم الا نفسهم وراحتهم بس والمراه حالها حال الطوفه:rolleyes2:

[روح-قطر]

يعني اشلون اختي عندها شغل فالبيت مثلا تدريس الاولاد تتركهم وتطلع ؟ ؟ :secret:

ونعم الزوجه عيل :nice:

:tease:

حتى الويكند درسهم بالاجازات درسهم يااااااااااااااااا شسالفه لالالالالا انت مش كده:omen2:

خلصت مسؤولياتها اقصد بعد مالها مجال:weeping:

[روح-قطر]

والله السائد في المجتمعات الخليجية هالطريقة .. انتي تسوين تطبخين ترقدين تغسلين تدلعين تسطرين كل شي انتي بس ممنوع تشكين الحال لان ذي شغلج مب شغل احد ثاني وان بطلتي حلجج طلعتي مب قد المسؤلية ومتعودة على الدلع وريلج ماينلام فيج واهلج ماعرفوا يسنعونج وغشوا الريال اللي خذج

ذي الاسطوانة .. احسن حل تروضين الريال من اول ماياخذج عشان يكون حسب ماتبين وعقب ماتتلعوزين معاه وبس


هههههههههههههههههههه اي والله صادقه وكله انتوا مدلعين وماتعرفون تسوون شي اجل من يمشي البيت..

لا وتقهرني حركه مثلا الوحده تقول لزوجها ولدك مايدرس يقول لها درسيه تقوله مادري اشفيه باله مو معاي او يطلع ويخليني ما يسمع كلامي انزين انزين نجي للشهادات راسب مايهاوش ولده لا يزف زوجته يالله اكره هالحركه ودي اكفخ الريال اللي شذي خخخخخخخخخخخخخ..

[ريومه]

المفروض الشغل يكون مقسم بينهم اثنينهم يعني الحين مافيه وحده الا البعض اللي تشتغل فالبيت الحمدالله بدل الخادمه ثنتين بس لاااااااااااازم يكون تحت اشرافها مو اهي خبر خير ماتدري عن البيت والاطفال هاي اختصاص الام ماأأيد الخادمه هي اللي اتقوم بكل شي لهم الا اذا كانت الام عندها ظروف وطبعا لازم تكشخ لزوجها لو مو كل يوم فالمناسبات بس باقي الايام لازم يكون شكلها مرتب وحلو وميك اب خفيف انجي للمسيو وواجباته المفروض اهوا اللي يروح الجمعيه واليهال اذا امرضوا يركب مع المدام ويوديهم العياده مو يقولها جايب الدريول ليش انت اخترت اتكون اب وتحمل المسؤليه يعني داخل البيت اختصاص الام وبرا البيت الاب وبعدين خل واحد او وحده يشتكي من زوجته او اهي تشتكي منه ,,

ثاني شي اثنينهم لازم يكون لهم وقت لنفسهم اهوا يطلع مع ربعه ويغير جو واهي تطلع مع صديقاتها او خواتها وتغير جو عشان اثنينهم يكون لهم نفس لبعض ولا بتحصلين كل واحد منهم نفسه بخشمه ومب طايق عمره ,,
اما اللي يكتبونه فالمنتديات ولازم اهي اتسويه يادهينه لاتنكتين هاي اكبر غلط لان لكل انسان حد لتحمله واخرتها بتنفجر بوجهه وبتخليله البيت والعيال وتحمل ياسي السيد ,,

تحياتي لكمـ ,,

[درب السعادة]

شرعاً المرأة غير ملزومة بخدمة الزوج :)

الرجل يتزوج المرأة شريكة له في الحياة وليست منفذه لأعمال منزلية شاقة
بل حتى في الشرع ان طلبت خادم الزوج لابد له ان يحضر لها الخادم على حسب استطاعته المادية

السلام عليكم ....

مو ملاحظه أختي ان مافي حد علق على تعليقك ...!!! ما كتبتيه هو الواقع .... المرأة ليست منفذة اعمال منزليه شاقه ..... وياليتهم يفهمون ..........

[المتضرعه لله]

والله بعض الرجال الحياه معه مستحيله وشكله متعود على التغيير كل يوم مع وحده قبل الزواج
لذا يتملل وينكد عليها حتى يطفشها وهذه مرحله عمريه ثم ينخ ويرد لبيته ويدري ماله الا زوجته وبيته لان مابني على ضلال يكون زائل
وهي تصبر حتى ما تجعل ابنائها يربيهم الشارع اما ان لم يكن لديها اولاد نصيحه لاتصبر وتطلع منه قبل مايكبلها بالاولاد ويعاملها مثل ماشفتوا بردود بعض الاعضاء الذكور للاسف بعضهم حتى قال تغسل سيارته يرضى زوجته تغسل سيارته وهو يتعطرويتنعم وكانها هي الاقوى وهو الرقيق الاضعف ترحل منه وتتركه افضل من تستعبد اما ان كان فيه عيال انصحها بان تربيهم فهم غدا سوف يكبرون ويردون لها الجميل وهو له الله فوقه

[وليف قطر]

ان اكشخت وتزينت .. فهي كفففت زوجها عن غيرها سواء بالحلال او الحرام

وان قصرت .. فالنتيجه سلبيه عليها

والحياه بين الزوجين لازم يكون فيها تنازل من الطرفين .. عشان تمشي المركب

هو يصبر .. وهي تصبر بعد

ومافيه انسان يخلي من العيوب

[بنت ذياب]

خيي نظرة شجاع , اقول شرايك ننتحر عشان تفضى لك الدنيا ؟

وتصير بس لك دامنا مشاركينك بكل شي :con2:

لا لا بيور , لا تتهورين ..

اذا انتحرتي .. بنتحر وراااج

:eek3: :eek3:

[biz-qtr]

امممممممممممممممم ... مجتمعنا ياروح قطر مب من انصار المراءه .. للاسف

وفيه رجاجيل ينحطون ع الجرح .. وفيه رجاجيل اللهم ياكافي..

عموما افضل طريقه التفاهم.. ولو بيقعد يتفلسف وايد عيل خل يتحمل مسوولياته ولا يقطها ع المراه ويطالبها بالصبر فوق طاقتها ...

بعدين المراءه مب بس عشان زوجها لازم تتزين له وتتعدل له لنفسها بعد .. مب حلو شكلها حالتها حاله فالبيت ... ع الاقل تكون ف وضع مقبول ... يسر الناظرين :)

بخصووووووصي ... يعطيج الف عافيه

[نظرة شجاع]

شرعاً المرأة غير ملزومة بخدمة الزوج :)

الرجل يتزوج المرأة شريكة له في الحياة وليست منفذه لأعمال منزلية شاقة

بل حتى في الشرع ان طلبت خادم الزوج لابد له ان يحضر لها الخادم على حسب استطاعته المادية


ما شاء الله باين عليك تعرفين الشرع واجد


طيب الان الأدلة من كلام الله عز وجل والاحاديث النبوية واتمنا ان تنور بصيرتك وتزيل جهلك



قول الله سبحانه وتعالى: فإن أطعنكم فلا تبغوا عليهن سبيلا.)سورة النساء 34 فهنا امر بوجوب طاعة الزوج من الله عز وجل

عن عبد الله بن أبي أوفى قال : لما قدم معاذ من الشام سجد للنبي صلى الله عليه وسلم قال ما هذا يا معاذ قال أتيت الشام فوافقتهم يسجدون لأساقفتهم وبطارقتهم فوددت في نفسي أن نفعل ذلك بك فقال رسول الله صلى الله عليه وسلم فلا تفعلوا فإني لو كنت آمرا أحدا أن يسجد لغير الله لأمرت المرأة أن تسجد لزوجها والذي نفس محمد بيده لا تؤدي المرأة حق ربها حتى تؤدي حق زوجها ولو سألها نفسها وهي على قتب لم تمنعه "


وفي حديث اخر " إذا صلت المرأة خمسها وصامت شهرها وحصنت فرجها وأطاعت زوجها قيل لها : ادخلي الجنة من أي أبواب الجنة شئت



وروى النسائي أيضاً من حديث أبي عتبة عن عائشة قالت: "سألت النبي صلى الله عليه وسلم أي الناس أعظم حقاً على المرأة؟ قال. زوجها، قلت: فأي الناس أعظم حقاً على الرجل؟ قال أمه".



وحديث اخر رواه النسائي من حديث حفص بن أخي عن أنس، رفعه: "لا يصلح لبشر أن يسجد لبشر، ولو صلح لبشر أن يسجد لبشر لأمرت المرأة أن تسجد لزوجها من عظم حقه عليها"، ورواه أحمد. وفيه زيادة: "والذي نفسي بيده. لو كان من قدمه إلى مفرق رأسه قرحة تنجبس بالقيح والصديد.
ثم استقبلته تلحسه "ما أدت حقه

[نظرة شجاع]

السلام عليكم ....

مو ملاحظه أختي ان مافي حد علق على تعليقك ...!!! ما كتبتيه هو الواقع .... المرأة ليست منفذة اعمال منزليه شاقه ..... وياليتهم يفهمون ..........



الحمد لله علقنا على تعليقها الي فيه من الجهل الكثير ولكن تدرين ماهو قمة الجهل الى يمشي ورا الجهل وصفق وراه ويعتقد انه على حق ... وهو في درب الجهل



سلااااااااام

[درب السعادة]

:nice:
ما شاء الله باين عليك تعرفين الشرع واجد


طيب الان الأدلة من كلام الله عز وجل والاحاديث النبوية واتمنا ان تنور بصيرتك وتزيل جهلك



قول الله سبحانه وتعالى: فإن أطعنكم فلا تبغوا عليهن سبيلا.)سورة النساء 34 فهنا امر بوجوب طاعة الزوج من الله عز وجل

عن عبد الله بن أبي أوفى قال : لما قدم معاذ من الشام سجد للنبي صلى الله عليه وسلم قال ما هذا يا معاذ قال أتيت الشام فوافقتهم يسجدون لأساقفتهم وبطارقتهم فوددت في نفسي أن نفعل ذلك بك فقال رسول الله صلى الله عليه وسلم فلا تفعلوا فإني لو كنت آمرا أحدا أن يسجد لغير الله لأمرت المرأة أن تسجد لزوجها والذي نفس محمد بيده لا تؤدي المرأة حق ربها حتى تؤدي حق زوجها ولو سألها نفسها وهي على قتب لم تمنعه "


وفي حديث اخر " إذا صلت المرأة خمسها وصامت شهرها وحصنت فرجها وأطاعت زوجها قيل لها : ادخلي الجنة من أي أبواب الجنة شئت



وروى النسائي أيضاً من حديث أبي عتبة عن عائشة قالت: "سألت النبي صلى الله عليه وسلم أي الناس أعظم حقاً على المرأة؟ قال. زوجها، قلت: فأي الناس أعظم حقاً على الرجل؟ قال أمه".



وحديث اخر رواه النسائي من حديث حفص بن أخي عن أنس، رفعه: "لا يصلح لبشر أن يسجد لبشر، ولو صلح لبشر أن يسجد لبشر لأمرت المرأة أن تسجد لزوجها من عظم حقه عليها"، ورواه أحمد. وفيه زيادة: "والذي نفسي بيده. لو كان من قدمه إلى مفرق رأسه قرحة تنجبس بالقيح والصديد.
ثم استقبلته تلحسه "ما أدت حقه

السلام عليكم ...

أخي الشجاع صاحب نظرة الشجاع ............ :rolleyes2:

الشجاعة أخي الكريم بدون حكمة ومنطق هي ضرب من الجنون ... لكن ما علينا

أرد على ما اوردته من ادلة شرعيه بالقول التالي :nice:

أولا : الادلة الشرعية التي استخدمتها اوردها الكثير من العلماء في مواضع غير المواضع التي اردت ان تؤكد عليها ، وقد استخدمت من قبل كثير من الرجال على فهم خاطيئ للتفسير وهذا يحدث مع كثير من الادلة الشرعيه التي يتخذها بعض الرجال كوسيلة لامتهان كرامة المراة واذلالها ...... وما جاء ديننا الاسلامي الا ليكرم المرأة لا ليهينها بارك الله فيك ..

ثانيا : الادلة التي اوردتها صحيحة تماما ولكن ما يقصد بها من طاعة المرأة ، هي طاعة الزوج في ما فيه صون لكرامتها وحفظ لحقوقها وصحتها ، فلو جادلت المرأة زوجها في كل شي ولم تبدي طاعته ، فان القلوب تتنافر لذلك الزمها الاسلام والشرع بالطاعة في ما تحتمل وتطيق لا في ما لا تطيقه ....... والزوجة هي سكن الزوج أي انسه وراحته وليست خادمته ...... وحين تخدم المرأة زوجها فأنها تفعل ذلك من باب المودة والرحمه وليس من باب الذل والخضوع والطاعة .....

كفل الاسلام للمرأة حقوقها رغم انف زوجها .. والزمه بالصرف والنفقة عليها وجعل له القوامة أي القائم على شؤونها وليس المتصرف في حياتها وشؤونها ومالها ......

راجع نفسك يا شجاع ......

[الشاااهين]

طيب وتسبحك وتلبسك وتاكلك وتنومك :tease: لاتزعل اتغشمر اخوي والله اخوي انا اكلمك اللي تضغط على نفسها وتشتغل مو علشان الشغل علشان راتب زوجها مايكفي وتربي العيال وتدرس يعني بالذمه وين احترام المراه وين وقت لخصوصياتها:(

والله هذي بعد مشكله اذا الزوج مب متعاون.
لازم يكون فيه تعاون واحترام متبادل لاجل التخفيف من الوزر واحساس من الطرفين نحو الآخر.
بس حلوه تسبحه وتلبسه وتنومه:tooth:

[نااااني]

انا عن نفسي احب اكشخ انا وبناتي حتى لو كنا قاعدين في البيت والحمد الله دام فيه وحده شاله الشغل عني ليش ما تعدل حق نفسي اولا وتالي حق زوجي....

[هبوب الشمال]

الموضوع نسبه وتناسب

الطرفين عليهم بمراعاه الطرف الاخر

ومثل مالريال محتاج للراحه مرته بعد محتاجه للراحه

ومافيها شي لو هو قام ببعض اعمالها وهي قامت ببعض اعماله

ياحلو العصير والبيض والطاط من يده

وياحلوها وهي ترتب اوراقه وترتب اغراضه للدوام ثاني يوم

وببببببببس