حد يعرف ؟؟ممكن تدخلون

[روض]

مسااااااااء الخير

حبيت اسأل اذاا حد يعرف دكتور تغذيه ممتاز يقدر يساعد اختى وزنها 45 وتبغى تزيد

حاولت كل شى ومافاد معها:weeping:

فالى يعرف دكتور بمستشفى حمد ولا فى عيااده خاصه لايبخل علينا باسمه:telephone:

وجزاكم الله خير

[الأغر]

كم عمرها وكم طولها لو سمحتي؟

[شبح الصمت]

مسااااااااء الخير

حبيت اسأل اذاا حد يعرف دكتور تغذيه ممتاز يقدر يساعد اختى وزنها 45 وتبغى تزيد

حاولت كل شى ومافاد معها:weeping:

فالى يعرف دكتور بمستشفى حمد ولا فى عيااده خاصه لايبخل علينا باسمه:telephone:

وجزاكم الله خير



تدرين في دواء يبيعونه في الصيدليه يذبح الدود لانه في بطون البشر دود وهالدود ترى موجود روحي الصيدلية واخذي منه وخليها تجربه وعقب شوفي النتيجة

[دكتورة روح]

والله ماعرف ودي اساعدج
اتمنى باقي الاعضاء يساعدونج

[روض]

كم عمرها وكم طولها لو سمحتي؟

عمرها 29 وطولها 169:secret:

[روض]

تدرين في دواء يبيعونه في الصيدليه يذبح الدود لانه في بطون البشر دود وهالدود ترى موجود روحي الصيدلية واخذي منه وخليها تجربه وعقب شوفي النتيجة

اتعرف اسمه

[روض]

والله ماعرف ودي اساعدج
اتمنى باقي الاعضاء يساعدونج

:weeping:

[شبح الصمت]

اتعرف اسمه


ما اعرف اسمه بس روحي صيدلية طيبه الي فالمرخية وقولي له عطني الدواء الي يذبح الدود فالبطن وهو بيعطيج الوصفه وانشاء الله تستفيد منها ان شاء الله

[ابو عادل]

انا اخوي عنده نفس المشكلة ضعيف مسكين وحاول بشتى الطرق والوسائل بس مافي فايده

في ناس خلاص بنيتهم الجسدية مافي امل يمتنون

بس بالنسبة للبنات معروف اذا تزوجت وجابت عيال تتنفخ وبتقول عقب وين ايام الرشاقه !

[روض]

ما اعرف اسمه بس روحي صيدلية طيبه الي فالمرخية وقولي له عطني الدواء الي يذبح الدود فالبطن وهو بيعطيج الوصفه وانشاء الله تستفيد منها ان شاء الله

مشكور يااخوى

[روض]

[quote=ابو عادل;5196793]انا اخوي عنده نفس المشكلة ضعيف مسكين وحاول بشتى الطرق والوسائل بس مافي فايده

في ناس خلاص بنيتهم الجسدية مافي امل يمتنون

بس بالنسبة للبنات معروف اذا تزوجت وجابت عيال تتنفخ وبتقول عقب وين ايام الرشاقه ![/quote

يمكن هى عندها طفل واحد يمكن مع الثانى تنتشر

[هذلان]

تدرين في دواء يبيعونه في الصيدليه يذبح الدود لانه في بطون البشر دود وهالدود ترى موجود روحي الصيدلية واخذي منه وخليها تجربه وعقب شوفي النتيجة

وين يبيعون هالدود نبي نسوي زراعه :nice:

الحمد لله على كل حال ناس تدور المتن و ناس تدور الضعف .

[اسير الاوهام]

خل تاخذ فيتامينات .. يمكن تفيدها مع الأكل

[بنت ابوها 19]

حبيبتي انا ضعيفه
ولكن حمدالله من بديت امشي على السلطه كل يوم


اكتشف انه جسمي بدا يتقبل الزياده شوي شوي

وكان من المستحيل اني ازيد

[درب السعادة]

السلام عليكم ..

اختي الكريمه .. أولا وقبل كل شيء على اختك الذهاب الى طبيب عام او باطني لاجراء فحوصات كامله ... والتأكد من عدم وجود سبب عضوي لنحافتها الزائده ...... وهل لديها نقص معادن وفيتامينات .. الكالسيوم ضروري جدا التاكد من وجوده بشكل طبيعي ..... الضغط والسكر ... وظائف الكلى ... الحديد في الدم ... الهرمونات ..... الغدد ... هاي الخطوة الاولى ...

أذا قامت بهذا الاجراء سابقا وكانت النتيجة أيجابيه ننتقل الخطوة الثانيه ...

هل تعاني اختك من قلق نفسي شديد ... وماهي كمية الاكل التي تأكلها ...؟ هل هي محبة للطعام أم تتناول وجبة واحده فقط ؟؟

اذا طلعت سليمة من كل ما سبق ..... حينها اقول مستشفى حمد فيه اخصائيين تغذيه ... لكن رجاء لا تتناول ادوية بغير وصفة طبيه او فواتح للشهية ....

أما اذا لم ينفع هذا ولا ذاك وجسمها سليم وما عندها نقص اطلاقا ... فعزيزتي اثبتت دراسات علمية ان هناك جين معين يكون موجود في خلايا بعض الاشخاص يعمل على حرق السعرات الحرارية مهما كانت وبذلك يبقى الشخص نحيف ولا أحد يستطيع تغيير الامر وعليها ان تعيش سعيده وترضى بالحال التي هي عليه ما دامت تتمتع بالصحة والعافيه ولا يوجد لديها اي نقص ......

وأخيرا في حالات كثيرة يزداد وزن الشخص اذا مارس الرياضه لانها تساعد على فتح الشهية وبذلك يزداد الوزن ....

تمنياتي للجميع بوافر الصحة والعافيه

[روض]

وين يبيعون هالدود نبي نسوي زراعه :nice:

الحمد لله على كل حال ناس تدور المتن و ناس تدور الضعف .

:victory: لاكذا مرتاحين ولا كذاا مرتاحين بس تدرين لما يكون وزنج وسط يكون احلى شى

[روض]

حبيبتي انا ضعيفه
ولكن حمدالله من بديت امشي على السلطه كل يوم


اكتشف انه جسمي بدا يتقبل الزياده شوي شوي

وكان من المستحيل اني ازيد

معلومه جديده انا الى اعرفه ان الى يبغى يسوى رجيم ياكل سلطه:eek5:

[Just a Gurl]

ويه حبيبتي اشلها في المتن... والله الضعف والرشاقه احلى...
حتى لو هي بزود ضعيفه... احسن من ما تمتن وعقب تتحسف!!!!

[روض]

السلام عليكم ..

اختي الكريمه .. أولا وقبل كل شيء على اختك الذهاب الى طبيب عام او باطني لاجراء فحوصات كامله ... والتأكد من عدم وجود سبب عضوي لنحافتها الزائده ...... وهل لديها نقص معادن وفيتامينات .. الكالسيوم ضروري جدا التاكد من وجوده بشكل طبيعي ..... الضغط والسكر ... وظائف الكلى ... الحديد في الدم ... الهرمونات ..... الغدد ... هاي الخطوة الاولى ...

أذا قامت بهذا الاجراء سابقا وكانت النتيجة أيجابيه ننتقل الخطوة الثانيه ...

هل تعاني اختك من قلق نفسي شديد ... وماهي كمية الاكل التي تأكلها ...؟ هل هي محبة للطعام أم تتناول وجبة واحده فقط ؟؟

اذا طلعت سليمة من كل ما سبق ..... حينها اقول مستشفى حمد فيه اخصائيين تغذيه ... لكن رجاء لا تتناول ادوية بغير وصفة طبيه او فواتح للشهية ....

أما اذا لم ينفع هذا ولا ذاك وجسمها سليم وما عندها نقص اطلاقا ... فعزيزتي اثبتت دراسات علمية ان هناك جين معين يكون موجود في خلايا بعض الاشخاص يعمل على حرق السعرات الحرارية مهما كانت وبذلك يبقى الشخص نحيف ولا أحد يستطيع تغيير الامر وعليها ان تعيش سعيده وترضى بالحال التي هي عليه ما دامت تتمتع بالصحة والعافيه ولا يوجد لديها اي نقص ......

وأخيرا في حالات كثيرة يزداد وزن الشخص اذا مارس الرياضه لانها تساعد على فتح الشهية وبذلك يزداد الوزن ....

تمنياتي للجميع بوافر الصحة والعافيه

واالله مادرى بس باقولها يعطيك العافيه

[شبح الصمت]

بسألج هي كم وجبه فاليوم تأكل ؟؟؟؟؟؟؟؟؟

[روض]

ويه حبيبتي اشلها في المتن... والله الضعف والرشاقه احلى...
حتى لو هي بزود ضعيفه... احسن من ما تمتن وعقب تتحسف!!!!
ههههههههههههه هى تقول خلونى اتحسف اهم شى امتن<< متعقده من قلب من يوم هى صغيره وهى ضعيفه

[شبح الصمت]

الوجبات الي تستمر عليهم
الساعة 6 ( 3 بياضات )
الساعة 10 سندويش او سلطة
الساعة 2 الغداء
الساعة 5 تونه مع سلطة مع زيت
الساعة 8 تعشى تضرب من قلب

[alrheeb2020]

مسااااااااء الخير

حبيت اسأل اذاا حد يعرف دكتور تغذيه ممتاز يقدر يساعد اختى وزنها 45 وتبغى تزيد

حاولت كل شى ومافاد معها:weeping:

فالى يعرف دكتور بمستشفى حمد ولا فى عيااده خاصه لايبخل علينا باسمه:telephone:

وجزاكم الله خير


ماعندي مانع اتبرع لها بكرشه :nice:

ان شاء الله الاخوان مابيقصرون معاج اختي

[روض]

الوجبات الي تستمر عليهم
الساعة 6 ( 3 بياضات )
الساعة 10 سندويش او سلطة
الساعة 2 الغداء
الساعة 5 تونه مع سلطة مع زيت
الساعة 8 تعشى تضرب من قلب

:victory:

[روض]

ماعندي مانع اتبرع لها بكرشه :nice:

ان شاء الله الاخوان مابيقصرون معاج اختي

لا الله يخليك ماااتبغى كرش هههههه

مشكور على المرور

[الأغر]

عمرها 29 وطولها 169:secret:

طيب اول شي معلقة عسل في كوب ماء دافيء لا بارد ولا حار على الريق ( في الصباح ) بعدها تمر وبعد التمر ان شاء الله حبة تفاح ( كفطور ) التفاح فاتح للشهيه ممتاز يعني وقت الغداء راح تلاقيها تاكل اكل على غير العاده تكثر من اكل الرز وخصوصا فترة العشاء يعني اكلها يكون دسم مثل زر ولحم او دجاج سلطة الفواكه ممتازه ، وفي طريقة سودانيه اخذ رغيف من الخبز ووضعة فى ماء حتى يذوب ثم يضرب فى الخلاط مع السكر واللبن وهو مشروب تشربية يوميا وسوف تلاحظين الفرق هذة طريقة يستخدمها السودانيين لزيادة الوزن وغير مكلفة ويمكن الاستغناء عن اللبن في حالة انها ما بتحب اللبن .

وعندك كمان اللوز و الزبيب و التمر يؤكلون مع بعض يوميا لمدة شهر مع العسل او المربى طبعا
و بعد اى مجهود لابد من شرب كوب لبن او عصير .

والأهم من كل اللي قلناه هو الأبتعاد عن التوتر والقلق والضغط النفسى

[روض]

طيب اول شي معلقة عسل في كوب ماء دافيء لا بارد ولا حار على الريق ( في الصباح ) بعدها تمر وبعد التمر ان شاء الله حبة تفاح ( كفطور ) التفاح فاتح للشهيه ممتاز يعني وقت الغداء راح تلاقيها تاكل اكل على غير العاده تكثر من اكل الرز وخصوصا فترة العشاء يعني اكلها يكون دسم مثل زر ولحم او دجاج سلطة الفواكه ممتازه ، وفي طريقة سودانيه اخذ رغيف من الخبز ووضعة فى ماء حتى يذوب ثم يضرب فى الخلاط مع السكر واللبن وهو مشروب تشربية يوميا وسوف تلاحظين الفرق هذة طريقة يستخدمها السودانيين لزيادة الوزن وغير مكلفة ويمكن الاستغناء عن اللبن في حالة انها ما بتحب اللبن .

وعندك كمان اللوز و الزبيب و التمر يؤكلون مع بعض يوميا لمدة شهر مع العسل او المربى طبعا
و بعد اى مجهود لابد من شرب كوب لبن او عصير .

والأهم من كل اللي قلناه هو الأبتعاد عن التوتر والقلق والضغط النفسى

:victory: انشالله يفيد معها

[بوحارب]

عمرها 29 وطولها 169:secret:

متزوجة ؟؟؟؟؟؟؟؟؟؟:shy:؟؟؟؟؟؟؟؟؟

[بنت ابوها 19]

متزوجة ؟؟؟؟؟؟؟؟؟؟:shy:؟؟؟؟؟؟؟؟؟

شدخـــل :sneaky:

[استغفرالله]

خل تحلل هرمون الغده الدرقيه والسكر

وخلها تشرب حلبه وتاكل مكسرات ورهش

وخلها تقسم الوجبات

وفي دكتور عادل في بيرفكت ويت في ابوهامور مجابل حدائق الفردان

جربوه ناس عندهم زياده الوزن ولقو نتيجه ممتازه

[Ghost]

غريب امر الحريم متن على طول دايت ضعف نفسي امتن لاني مليت من الضعف وهكذا تستمر الحياة بعدين ربنا يرزقها ؟؟؟؟؟؟؟؟؟؟؟؟وتستقر نفسيا راح تمتن بعد ؟؟؟؟؟؟؟؟؟؟ان شاء الله ( ترى النفسية لها عامل قوي في زيادة الوزن ) وربي يوفقها وتمتن وتصير 75كج وبعدين تنزل موضوع اخر تقول ابي اضعف

[روض]

متزوجة ؟؟؟؟؟؟؟؟؟؟:shy:؟؟؟؟؟؟؟؟؟

:rolleyes2: وشدخل<<ماافهمت استفسارك اللوجستى

[روض]

غريب امر الحريم متن على طول دايت ضعف نفسي امتن لاني مليت من الضعف وهكذا تستمر الحياة بعدين ربنا يرزقها ؟؟؟؟؟؟؟؟؟؟؟؟وتستقر نفسيا راح تمتن بعد ؟؟؟؟؟؟؟؟؟؟ان شاء الله ( ترى النفسية لها عامل قوي في زيادة الوزن ) وربي يوفقها وتمتن وتصير 75كج وبعدين تنزل موضوع اخر تقول ابي اضعف

خخخخخخخخخخخخخخ شنسوى نبغى الزين خخخخخخخخخخخخخ

انشااااااااااالله ربى يسمع منك

[روض]

خل تحلل هرمون الغده الدرقيه والسكر

وخلها تشرب حلبه وتاكل مكسرات ورهش

وخلها تقسم الوجبات

وفي دكتور عادل في بيرفكت ويت في ابوهامور مجابل حدائق الفردان

جربوه ناس عندهم زياده الوزن ولقو نتيجه ممتازه

مشكوره على مرورج

[ولد النواخذه]

أي ودوها الطبيب

[قطر دزاين]

اختي اخبر حرمة عندها خلطة تزيد الوزن ومجربه على واحد من الربع ومتن
لو تبين بسألج عنها

[رهج السنابك]

اختي انا نفس حالة اختك كنت

كان وزني وانا في الثانوية يمكن 39 !! وفي الجامعه صرت 43 ولما تخرجت صرت 57 !! والحين نزلت لـ 51

بس اكتشفت سبب نحافتي والسبب اللي خلاني اكسر حاجز الاربعين واصعد للخمسين
قبل ما كنت اكل شي اسمه فواكه او خضار او سلطة يعني الفيتامين معدوم من حياتي
وعقب قريت في النت عن حبوب فيتامين وتزيد الوزن ورحت وشريتها اسمها سيبروفيتا
ولاحظت فعلا ان شهيتي للاكل انفتحت وعقب صرت اكل فواكه وسلطات ولاحظت ان وزني بدأ يزيد تدريجي بالرغم ان اكلي نفس ماهو ماتغير يعني على الغداء يادوب صحن صغير وقطعه لحمه او دجاج نتفه
العشاء حبتين فطاير او حبتين بيتزا صغار وخلاص
لكن فقر الدم ونقص الفيتامين هي سبب النحافة بالنسبة لي ويمكن يكون عندك اختك
انا لا رحت اخصائية تغذية ولا شي اكتشفت نفسي بنفسي
رغم كان عندي محاولات فاشلة لزيادة الوزن كنت اقول عشان امتن لازم اكل حلويات وصرت اشتري شيكولاتات بالكراتين وايسكريمات وحلويات وشيبسات وبسكوتات ولا فيه فايدة ماكنت ازيد ولا نص جرام

[dewyguy]

اختي انا نفس حالة اختك كنت

كان وزني وانا في الثانوية يمكن 39 !! وفي الجامعه صرت 43 ولما تخرجت صرت 57 !! والحين نزلت لـ 51



:eek5::eek5::eek5:

انا في الثانوية كان وزني 115 :nice:

وفي ازدياد الى الان :nice:

[روض]

أي ودوها الطبيب

عشان كذا قاعده اسال فى حد يعرف دكتور تغذيه زين:telephone:

[روض]

اختي اخبر حرمة عندها خلطة تزيد الوزن ومجربه على واحد من الربع ومتن
لو تبين بسألج عنها

ياليت مسوى خير :telephone:

[روض]

اختي انا نفس حالة اختك كنت

كان وزني وانا في الثانوية يمكن 39 !! وفي الجامعه صرت 43 ولما تخرجت صرت 57 !! والحين نزلت لـ 51

بس اكتشفت سبب نحافتي والسبب اللي خلاني اكسر حاجز الاربعين واصعد للخمسين
قبل ما كنت اكل شي اسمه فواكه او خضار او سلطة يعني الفيتامين معدوم من حياتي
وعقب قريت في النت عن حبوب فيتامين وتزيد الوزن ورحت وشريتها اسمها سيبروفيتا
ولاحظت فعلا ان شهيتي للاكل انفتحت وعقب صرت اكل فواكه وسلطات ولاحظت ان وزني بدأ يزيد تدريجي بالرغم ان اكلي نفس ماهو ماتغير يعني على الغداء يادوب صحن صغير وقطعه لحمه او دجاج نتفه
العشاء حبتين فطاير او حبتين بيتزا صغار وخلاص
لكن فقر الدم ونقص الفيتامين هي سبب النحافة بالنسبة لي ويمكن يكون عندك اختك
انا لا رحت اخصائية تغذية ولا شي اكتشفت نفسي بنفسي
رغم كان عندي محاولات فاشلة لزيادة الوزن كنت اقول عشان امتن لازم اكل حلويات وصرت اشتري شيكولاتات بالكراتين وايسكريمات وحلويات وشيبسات وبسكوتات ولا فيه فايدة ماكنت ازيد ولا نص جرام

سبروفيتا اخبر هذى كلها رقاد ونفسيه خايسه وكله تخلى الواحد عصبى صح
هىى كلشى سوته ومافى فايده

[المتضرعه لله]

ما اعرف اسمه بس روحي صيدلية طيبه الي فالمرخية وقولي له عطني الدواء الي يذبح الدود فالبطن وهو بيعطيج الوصفه وانشاء الله تستفيد منها ان شاء الله

قبل اخذ العلاج اعملي تحليل يمكن ماعندك دود شيكي على الغده وجرثومه المعده

ان لم يكن اي سبب منهم بيكون عندك معدل حرق الاكل اسرع وهومايعرف بـــ" الايض"

حينها اسالي الطبيب المساعده

[رهج السنابك]

سبروفيتا اخبر هذى كلها رقاد ونفسيه خايسه وكله تخلى الواحد عصبى صح
هىى كلشى سوته ومافى فايده

لا والله بالعكس هي مجموعه فيتامينات أول يوم تسبب نعاس وبس باقي الايام عادي مالها أي اعراض بس يمكن اختج عندها فقر دم او نقص فيتامين

اهم شي تشوف اكلها هل تاكل اشياء مفيده ام خبص واكل ماله فايده

وترا اسمعيها مني نصيحة

اخصائيين التغذية ماعندهم ماعند جدتي ان كانوا في مستشفى خاص كلهم ماديين وياخذون فلوس على الفاضي وفي مستشفى حمد اخبر وحده هندية رحت لها
وما استفدت شي منها كل اللي قالته لي

اشربي ميلك شيك كل يوم واكلي موز بكثرة واكلي مكسرات :rolleyes2: بس

[روض]

قبل اخذ العلاج اعملي تحليل يمكن ماعندك دود شيكي على الغده وجرثومه المعده

ان لم يكن اي سبب منهم بيكون عندك معدل حرق الاكل اسرع وهومايعرف بـــ" الايض"

حينها اسالي الطبيب المساعده

مشكوره بقولها:victory:

[روض]

لا والله بالعكس هي مجموعه فيتامينات أول يوم تسبب نعاس وبس باقي الايام عادي مالها أي اعراض بس يمكن اختج عندها فقر دم او نقص فيتامين

اهم شي تشوف اكلها هل تاكل اشياء مفيده ام خبص واكل ماله فايده

وترا اسمعيها مني نصيحة

اخصائيين التغذية ماعندهم ماعند جدتي ان كانوا في مستشفى خاص كلهم ماديين وياخذون فلوس على الفاضي وفي مستشفى حمد اخبر وحده هندية رحت لها
وما استفدت شي منها كل اللي قالته لي

اشربي ميلك شيك كل يوم واكلي موز بكثرة واكلي مكسرات :rolleyes2: بس

تدرين شنو مشكلتها انها من النوع الملول يعنى تمل بسرعه اذا ماشافت نتيجه:anger1:

[سمرلاند]

ليتني اقدر افيدج

بس اذا تبين اخصائية تغذية

عندج مركز نيوترشن عندهم اخصائيه

وان شا الله تمتن على صحة وعافية

[روض]

ليتني اقدر افيدج

بس اذا تبين اخصائية تغذية

عندج مركز نيوترشن عندهم اخصائيه

وان شا الله تمتن على صحة وعافية

وين مكانه ؟؟:telephone:

[المقهوره]

انا اختي اول شي سوت تحاليل لفقر الدم والدود

وطلع عندها فقر دم

واخذت حبوب حديد

وتعدل دمها


وعقب

اخذت حبوب صينيه تنباع في السعوديه عند العطارين ماتنابع في الدوحه.

وهذه هي جسمها صار اووووووووووووووووكي هي كانت تبي تمتن على شان تغير شكلها بالعرس

وهذا شكل كرتونها

http://img.alibaba.com/photo/50413158/Ginseng_Kianpi_Capsules.jpg


وكل بنات جماعتنا والي اعرفهم بالدوام نفس الشي ماشين على هالحبوب وانا شاريتها لاختي من عندهم

وسمعت انها مضره وما ادري ايش بس كل الي استخدمها عادي مافيهم ولا شي وعندهم عيال وبنات ولا سببت اي مشكله لهم

بس اهم شي ان الي ياخذها سواء هي او غيرها مايكون يعاني من امراض مثل القلب ال سكر الضغط والخ


لاني الي سمعته مضر اكثر شي هي الحبوب الصينيه الي تنحف مب الي تمتن.

وفي النهايه تقدرين تاخذين حبه من الحبوب وتفحصينها عند اي مختبر للتأكد

[رجل الجزيرة]

شدخـــل :sneaky:

نعم الزواج هو إلي يزيد الوزن عن طريق الراحة النفسية فقبل الزواج كان وزني أقل شيء 38 وإن زاد بالكثير 42 كيلو فالحين بعد الزواج 54 كيلو، وأبغي أنزل ولا أقدر.

[روض]

انا اختي اول شي سوت تحاليل لفقر الدم والدود

وطلع عندها فقر دم

واخذت حبوب حديد

وتعدل دمها


وعقب

اخذت حبوب صينيه تنباع في السعوديه عند العطارين ماتنابع في الدوحه.

وهذه هي جسمها صار اووووووووووووووووكي هي كانت تبي تمتن على شان تغير شكلها بالعرس

وهذا شكل كرتونها

http://img.alibaba.com/photo/50413158/ginseng_kianpi_capsules.jpg


وكل بنات جماعتنا والي اعرفهم بالدوام نفس الشي ماشين على هالحبوب وانا شاريتها لاختي من عندهم

وسمعت انها مضره وما ادري ايش بس كل الي استخدمها عادي مافيهم ولا شي وعندهم عيال وبنات ولا سببت اي مشكله لهم

بس اهم شي ان الي ياخذها سواء هي او غيرها مايكون يعاني من امراض مثل القلب ال سكر الضغط والخ


لاني الي سمعته مضر اكثر شي هي الحبوب الصينيه الي تنحف مب الي تمتن.

وفي النهايه تقدرين تاخذين حبه من الحبوب وتفحصينها عند اي مختبر للتأكد

زين مالها اثار جانبيه؟ وكم تستمر عليها؟ وبعد ماتخليها ترجع مثل اول ولا بتم متينه؟

[روض]

نعم الزواج هو إلي يزيد الوزن عن طريق الراحة النفسية فقبل الزواج كان وزني أقل شيء 38 وإن زاد بالكثير 42 كيلو فالحين بعد الزواج 54 كيلو، وأبغي أنزل ولا أقدر.

لامب كلن يمتن على الزواج والحمل اسالنى انا:secret:

[سكرمر]

ماتشوف شر يارب

اختى خليها تفحص ضروري هالشي

وترى العسل على الريق له فايده فى فتحه الشهيه

انا الحين مداوم على هالشي ولله الحمد فيه فايده

بس يكون عسل اصلى
تحياتي لكم

[بـن عدوان]

وعقب

اخذت حبوب صينيه تنباع في السعوديه عند العطارين ماتنابع في الدوحه.

وهذه هي جسمها صار اووووووووووووووووكي هي كانت تبي تمتن على شان تغير شكلها بالعرس

وهذا شكل كرتونها

http://img.alibaba.com/photo/50413158/ginseng_kianpi_capsules.jpg


وكل بنات جماعتنا والي اعرفهم بالدوام نفس الشي ماشين على هالحبوب وانا شاريتها لاختي من عندهم



اضرارها اكبر من فوائدها

ابتعدي عن هالحبوب لانها تحبس الماي في الجسم وتوحي لج بأن الانسان متين، لكن خليه يقطع عنها وبتشوفين البلاوي

[بـن عدوان]

انا مثل اختج

حاليا اخذ حبوب فيتامينات + حبوب خميرة ...

بس لاحظت على نفسي تحسن في الأكل، بس زيادة في الوزن لين الحين، لكن بستمر عليها.


بخصوص حبوب سيبروفيتا، ممكن حد يعطينا تفاصيل اكثر لو تكرمتوا ... ؟

[سكرمر]

اختى انا مجرب هالحبوب

ولها اظرار على الجسم والمعده والكليه

انتبهي منها


انا استعملتها اسبوعين ولما انعرضت على دكتور نصحني منها فورً
ويكفي انها صينيه

تحياتي لكم

[سمرلاند]

اختي نيوتريشن في الصناعية

بعيد شوي ,, خذي رقمه من كيوتل وسئليهم وين بالضبط

وبالنسبة للحبوب الصينيه

تحملو منها

واذا ضعاف !!!!

اهم شي الصحه

[alrheeb2020]

لا الله يخليك ماااتبغى كرش هههههه

مشكور على المرور



خلاص عيل طبقه وحده :nice:

[رهج السنابك]

للي سأل عن حبوب سيبروفيتا

http://www6.0zz0.com/2009/06/12/14/645752615.jpg

هي في الاساس مش حبوب تمتين هي فقط مجموعه فيتامينات مع بعض

وانا سألت طبيب عنها وكتبت له مكوناتها كاملة مع الجرعه لكل فيتامين

وقال كلها ممتازة وما منها ضرر بس انا لاحظت ان فيتامين A مرتفع فيها عن الجرعه اللي يحتاجها الجسم .. فصرت اخذ حبة وحده فقط مع انه المفروض ثلاث حبات

هي اول يوم تسبب نعاس
وبعدين تفتح الشهيه بشكل مش طبيعي يصير ودك تاكل على طول وتحس بجوع بسرعه

اكتب في قوقل عن سيبروفيتا واقرأ مئات الصفحات وتجارب الناس عنها وخاصة البنات

انا شخصياً احتجت علبة وحده بس وبعدين تركتها وصارت شهيتي مفتوحه اكثر وحسيت اني استفدت منها

بس مثل ماقلت لك انا خفت من جرعه فيتامين ألف الموجوده فيها لاني احس انها كبيرة

والفيتامينات ومعالجة فقر الدم أهم شي لزيادة الوزن من تجربه طويلة في عالم النحافة :shy:

[روض]

اضرارها اكبر من فوائدها

ابتعدي عن هالحبوب لانها تحبس الماي في الجسم وتوحي لج بأن الانسان متين، لكن خليه يقطع عنها وبتشوفين البلاوي

:eek5: ياخوى مجربه انت

[روض]

انا مثل اختج

حاليا اخذ حبوب فيتامينات + حبوب خميرة ...

بس لاحظت على نفسي تحسن في الأكل، بس زيادة في الوزن لين الحين، لكن بستمر عليها.


بخصوص حبوب سيبروفيتا، ممكن حد يعطينا تفاصيل اكثر لو تكرمتوا ... ؟

كلت حبوب الخميره وسوت العجب مافى فايده:weeping:

[روض]

للي سأل عن حبوب سيبروفيتا

http://www6.0zz0.com/2009/06/12/14/645752615.jpg

هي في الاساس مش حبوب تمتين هي فقط مجموعه فيتامينات مع بعض

وانا سألت طبيب عنها وكتبت له مكوناتها كاملة مع الجرعه لكل فيتامين

وقال كلها ممتازة وما منها ضرر بس انا لاحظت ان فيتامين A مرتفع فيها عن الجرعه اللي يحتاجها الجسم .. فصرت اخذ حبة وحده فقط مع انه المفروض ثلاث حبات

هي اول يوم تسبب نعاس
وبعدين تفتح الشهيه بشكل مش طبيعي يصير ودك تاكل على طول وتحس بجوع بسرعه

اكتب في قوقل عن سيبروفيتا واقرأ مئات الصفحات وتجارب الناس عنها وخاصة البنات

انا شخصياً احتجت علبة وحده بس وبعدين تركتها وصارت شهيتي مفتوحه اكثر وحسيت اني استفدت منها

بس مثل ماقلت لك انا خفت من جرعه فيتامين ألف الموجوده فيها لاني احس انها كبيرة

والفيتامينات ومعالجة فقر الدم أهم شي لزيادة الوزن من تجربه طويلة في عالم النحافة :shy:

زين متوفره عندنا فى صيدليات قطر؟؟عطينى اسم صيدليه مضمونه احصل فيها:telephone: