عيون المدينه (الرايه) وكيوتل

[م. عبدالعزيز]

السلام عليكم ورحمه الله وبركاته

تعودنا من قبل لتشتغل فودافون، اهتمام كيوتل في الرد السريع جدا على الملاحظات والاستفسارات سواء ببرنامج وطني الحبيب صباح الخير ولا في الخط الساخن او عيون المدينه بالصحف المحليه ،، ولكن اليوم وانا اقرا عيون المدينه لاحظت هالعباره وبالأخص كلمه (تكررت) ،،


- تكررت الشكاوى لـ عيون المدينة من عدم الرد على هواتف خدمة العملاء رقم (111) بكيوتل.
وأشار المشتكون إلى أنهم ينتظرون لفترة طويلة للرد دون جدوى ما يعطلهم عن الحصول على الخدمات التي يريدونها.

[بوهلال]

لازم كل مره اتصل لهم لاي استفسار

اقل مده انتظرت عليها تقريبا 2 وربع

ولما اقولهم طولتوا علي لما تردون والمكالمه مسجله

عذرهم ان الاستفسارات من قبل المشتركين كثيره

الله يكون في عونهم ويساعدهم

[اسير الاوهام]

أنا الحمد لله أتصل على 100
ويردون علي بسرعه
وتسلم أخوي على الموضوع

[السعدي999]

أنا الحمد لله أتصل على 100
ويردون علي بسرعه
وتسلم أخوي على الموضوع

غريب اتصلت عليه ويرد عليا هذا الرقم غير داخل بالخدمه

[Eyeliner]

100 اتوقع لاصحاب النخبه؟!
بخصوص 111 والخدمات ( لاتعليق)

يعطيك العافيه

[al7ob]

عدد الموظفين قليل جدا و كارفينهم .تخيلو كم شخص بس على البدالة و يجاوبون على قطر كلها ..اكيد راح يظل العميل فترة طويلة على الانتظار ..الله يكون في عون الموظفين في غوانتنامو قصدي الكول سنتر

[الرويـس]

مره نسيت وش كنت بقول من زود الانتظار :(

و لا يطول غيابك ثم اخذ عليه
لو تخليت عني عنك قلبي تخلى

[auto body]

مره نسيت وش كنت بقول من زود الانتظار :(

و لا يطول غيابك ثم اخذ عليه
لو تخليت عني عنك قلبي تخلى

اي مرة الا كل مرة انسي وش كنت متصل من كثر الانتظار

[MoTeC]

يالربع الحين انتو تدرون ان 70% من اللي يتصلون على 111 او 180 ماعندهم سالفه!!!
بتقولون ليش ولا شلون بقولكم
الحين اليوم على الـ 180 اللي بالانتظار كانو 93~88 للعلم مش اذا ردينا على 20 مكالمه ورى بعض راح ينقص لان اذا مانقص يعني في مشتركين يتصلون يعني انرد على 20 ونستقبل 20 بعدهم لكن اللي ينتضرون بالشاشه مثلا نفس الرقم لان جو غير ال20 اللي خلصنا منهم وفيه اللي انكلمهم و20 جدد ينتظرون
انا في 8 ساعات منها ساعه بريك ارد على 1100 مكالمه اذا كان ضغط مو طبيعي وهذا انا توني جديد وفيه غيري على 1200 و 1300 واذا كان ضغط عادي انا حروه 850~900 والشباب القدام 1000~1250
واغلب اللي ارد عليهم على طول يدرعمون لي تاريخ كم اليوم ؟! باجر اليوم الوطني ولا متى وليش تاريخ كذا مش تاريخ كذا!! :s
من فاز فريق 1 ولا فريق 2
الساعه كم يأذن المغرب<طبعاً هالسؤال اكثر شي نقول للمشترك يتصل 142 ويقوله التوقيت بالضبط واذا اذن اقوله اذن يقولي انزين متى اذن :s ارد اقوله قبل شوي يقولي انزين الساعه كم يعني :s
طبعاً هذي امثله بسيطه والله من اشياء وايد والصراحه الله يعينهم اللي في 111
وقبل ما انسى فيه واجد مكالمات ليش 111 مايردون ممكن تساعدني عندي مشكله في الفاتوره ولا الجوال ولا ارسل لي الجي بي ار اس واحنا عندنا سستمنا غير عن اقسام 111
ادري طولت لكن هذي نبذه بسيطه عن اللي حاصل عندنا

[امل الحب]

عدد الموظفين قليل جدا و كارفينهم .تخيلو كم شخص بس على البدالة و يجاوبون على قطر كلها ..اكيد راح يظل العميل فترة طويلة على الانتظار ..الله يكون في عون الموظفين في غوانتنامو قصدي الكول سنتر


البداله كلها 4 او 5 اشخاص شلون بيردون باقل من نص ساعه

الله يعين عمره ذيل الكلب ماينعدل

لانهم يوظفون موظفين ولكنهم مب قد الشغل .. اما حد يشتكي عليهم او مايرد على المتصل عدل .. يضطرون يفنشونهم ..

وشغلهم عذاب يعني عدد المكالمات مو بسيط واغلبها تافه والي يتصل 180 ليش تتعب نفسك ..

خدمة توني مكتشفتها في موقع كيوتل موجودة الارقام

http://www.qtel.com.qa/WhteAdvPg.do

:)

[khalid-qtr]

يليت الاخوان في كيوتل يهتمون ويشوفون لنا حل خاصة في موضوع التأخير في الرد على العملأ في خدمة 111

والله انا مرة اتصلت على 111 وتميت انتظر وانتظر وانتظر وكنت متصل من الجوال وفتحت الميكرفون وحذفت التلفون خليتة جنبي يرن ينتظر وينتظر وينتظر لنة احس راسي عورني من الموسيقى الي حاطينها من كثر ما سمعتها وحفظتها

والله يوم شفت الوقت نص ساعة وما حد رد...

[الرويـس]

يالربع الحين انتو تدرون ان 70% من اللي يتصلون على 111 او 180 ماعندهم سالفه!!!
بتقولون ليش ولا شلون بقولكم
الحين اليوم على الـ 180 اللي بالانتظار كانو 93~88 للعلم مش اذا ردينا على 20 مكالمه ورى بعض راح ينقص لان اذا مانقص يعني في مشتركين يتصلون يعني انرد على 20 ونستقبل 20 بعدهم لكن اللي ينتضرون بالشاشه مثلا نفس الرقم لان جو غير ال20 اللي خلصنا منهم وفيه اللي انكلمهم و20 جدد ينتظرون
انا في 8 ساعات منها ساعه بريك ارد على 1100 مكالمه اذا كان ضغط مو طبيعي وهذا انا توني جديد وفيه غيري على 1200 و 1300 واذا كان ضغط عادي انا حروه 850~900 والشباب القدام 1000~1250
واغلب اللي ارد عليهم على طول يدرعمون لي تاريخ كم اليوم ؟! باجر اليوم الوطني ولا متى وليش تاريخ كذا مش تاريخ كذا!! :s
من فاز فريق 1 ولا فريق 2
الساعه كم يأذن المغرب<طبعاً هالسؤال اكثر شي نقول للمشترك يتصل 142 ويقوله التوقيت بالضبط واذا اذن اقوله اذن يقولي انزين متى اذن :s ارد اقوله قبل شوي يقولي انزين الساعه كم يعني :s
طبعاً هذي امثله بسيطه والله من اشياء وايد والصراحه الله يعينهم اللي في 111
وقبل ما انسى فيه واجد مكالمات ليش 111 مايردون ممكن تساعدني عندي مشكله في الفاتوره ولا الجوال ولا ارسل لي الجي بي ار اس واحنا عندنا سستمنا غير عن اقسام 111
ادري طولت لكن هذي نبذه بسيطه عن اللي حاصل عندنا

أول شي قواكم الله :) انت والاخوان اللي معاك
ثاني شي ، تبي الصج ؟ شغله الانتظار هذي ما طلعت لنا الا في الفترة الاخيره مع ازدياد
العروض التنافسيه بين مزودي خدمة الاتصال ، اللي من المفترض يكون حجم التغيير ايضا
يشمل آلية عمل الكوارد الموجودة ، واعتقد هذا الامر لا يخفى على خبرة كيوتل أو اي منشأة

وبعدين ما اعتقد كيوتل عاجزة عن توفير سستم يخص مثل هذه الخدمات ( 180 مثلا ) فمثل مااذكرت أمل الحب ان شغلة البحث اصلا صارت متوفرة في الويب سايت وبامكان اي شخص
البحث عن الرقم المحدد من خلال الصفحة المذكورة ، وبامكانها ايضا توفير خدمة من خلال الجوال لانه هو المطلوب على الجهاز المحمول . اضافة الى عدم عجزها ايضا في توفير أو
توفير موظفين في هذاالمجال لتلافي العجز الواضح في الخدمة .

وشي ثاني أشيد به وهو نفسية عامل الكول سنتر ، فعلا لا تشعر بان الشخص هذا يستقبل هذا
الكم الهائل من الاتصالات من خلال تقديمه للخدمة والحديث معك بشكل محترم ولبق وتذييل
المكالمه ( تفضل الرقم وشكراً على اتصالك :nice: ) اعتقد ان كورسات التعامل مع
الكستمر المطروحة اتت ثمارها، في حين فشل البعض فيها :nice: .

[classic2004]

فعلا انا اعاني من سالفة الانتظار الطويل خصوصا الانترنت عادي بالساعة والساعتين اخلي الهاند فري وانساه
بس نادر ما الومهم لان بالعقل هو يقعد معاي ع لخط لين ما يشرح لي الخطوات ياخذ تقريبا من ثلث ساعة لين ساعة الا ربع فما بال باقي الناس
:)
اخر مرة قعدت ساعتين الا ربع ويوم قلت له قال السيستم جديد والموظفين لين اللحين ما تدربوا عليه

[ليــث قطر]

غير الانتظار ساعة وساعتين .. مرات يقولون نظراً للضغط اتصل مرة ثانية طووووط طوووووط !!

[شيط ويط]

المفروض كيوتل توظف 1000 موظف والا 17 الف موظف اللي هو لخدمة 111 و180 عشان تواكب العدد الكبير من العملاء اللي كل سنه يتحفونا فيه ( 2 مليون مشترك ) عدد مب بسيط .. يعني مافيها شي اذا كيوتل وظفت كذا موظف وزادت عدد الموظفين .. والحمدلله كيوتل مب قاصرها شي ارباحها في تزايد اللهم لا حسد :shy:

[الرويـس]

بالمناسبة
مره وصلني خبر عن ارباح كيوتل خلال فترة بسيطة

ذهلت
:secret:

ومن هول الرقم
فكرت في اني ادخل في تجربة استخراج تصريح مزود اتصال :shy:

من يدري، يمكن بكرة تقرون عن اتصالات رو رو(الرويس) <<< أسوة بفوفو وكوكو :shy:

[كازانوفا]

ليش ما يعينو ناااااس ترد لانه بالفعل سمعت ان من كثر ما ملو ما عااااد يردون
يا ليتني اشتغل هناااااااك بس للاسف كل شي بواسطه
لا حولة ولا قوة الا بالله

[Sharshooooor]

مره نسيت وش كنت بقول من زود الانتظار :(

و لا يطول غيابك ثم اخذ عليه
لو تخليت عني عنك قلبي تخلى

ههههههههههههههه

والله انك صاج
ذاك اليوم كنت ابي رقم مطعم ومن زود الانتظار اول ماردت علي الموظفة ضحكت :nice:
قالت ايش فيك قلت لها والله نسيت ايش بغيت بالضبط :nice:

[ودي أكون]

ههههههههههههههه

والله انك صاج
ذاك اليوم كنت ابي رقم مطعم ومن زود الانتظار اول ماردت علي الموظفة ضحكت :nice:
قالت ايش فيك قلت لها والله نسيت ايش بغيت بالضبط :nice:

هههههههههه والله ماينلامون عيل يوم مايردون عليكم :tease:

كلمت الصج بقولها انا قبل اعاني اما اللحين الحمدالله شوي والا هم رادين علي ..

خل يمشون لهم بدل حنجرة وبيردون عالعالم :tease:

[يحفظك ربي]

اي والله ابلشونا ننظر وااايد كله ولا لين قالوا لك الموظفين كلهم مشغولين ويصكرون الخط طووط طوط :secret:

[bohilal191]

أنا الحمد لله أتصل على 100
ويردون علي بسرعه
وتسلم أخوي على الموضوع

الظاهر عدوة 111 انتقلت الى 100 مايردون بسرعة مثل قبل

[MoTeC]

يالربع ترى مب بكيفه الموظف مايرد لأن النظام عندنا انا بتكلم عن نظام الـ180 السماعه على اذني وتعطيني صوت رنتين ورى بعض طووط طووط وعلى طول المشترك معاي ومب بكيفي ارد ولا مارد وطبعاً
استعلامات كيوتل فلان معاك تفضل او استعلامات كيوتل مرحبا
هذا سستم عندنا جذي طووط طووط والمشترك معاي على الخط ومع الضغط حتى ماتقدر تشرب ماي
وبخصوص النخبه ترى نفس الشي الموظفين يردون بالنسبه لـ 180 اكثر من مره يجوني المشتركين من النخبه على الاستعلامات
واخوي الله يقويك بخصوص اللي بالموقع تراه يشمل بعض الارقام مش كلها لكن انت كـ مشترك تقدر تروح لـ اقرب فرع لكيوتل ويعطونك الدليل مرفق معاه سي دي انا عندي واحد وفكرت انزل موضوع استعلامات لكن سافرت وسويت حادث ولما قمت بالسلامه السي دي ضاع وبيني وبينك متكيسل اخذ دليل ثاني p: ولا السي دي فيه ارقام اللي مسجله بالدليل كلها وطريقه البحث سهله ^_^
والحين عندنا احنا نقص في 180 لان خذو حروه 14 شخص قدامى من عندنا وهالـ14 طبعا يبيلهم تدريب على السستم الجديد لأأن الـ111 فيه تقريبا 11 برنامج يستخدمونها يعني فتره ويكونون جاهزين ان شاءالله

[ملسونه]

والله لو يوضفوون ناس ردون علينا وايد احسن

يكونون ضربو عصفورين بحجر


احسن من النطره

انا حدي 30 دقيقه وازهق واسكر

[ahmed jasim]

فى دولة خليجية
الأتصال على 181 يكلفك 2 ريال
إذا كيوتل طبقت التسعيرة إشبيكون شعوركم

[امل الحب]

فى دولة خليجية
الأتصال على 181 يكلفك 2 ريال
إذا كيوتل طبقت التسعيرة إشبيكون شعوركم

:secret:

بيتذمرون وبيقولون خذوا راحتكم ولاتردون بس الغوا التسعيرة :secret: قولوا الحمدلله عالاقل 111 مجانا :rolleyes2:واعتقد 180 بعد لانها ماتظهر لي فالفاتورة :rolleyes2:

[MoTeC]

صحيح مجانيه
لو يصير بفلوس اغلب اللي يتصلون ويسألون الساعه كم ولا من فاز ولا كم رقم ابوي ههههه ماراح يتصلون (مايبون يخسرون) p:

[شيط ويط]

فى دولة خليجية
الأتصال على 181 يكلفك 2 ريال
إذا كيوتل طبقت التسعيرة إشبيكون شعوركم

ممكن اسم الدولة لو تكرمت ؟ :)

[الهـواوي]

ياعمان او السعوديه

[ahmed jasim]

ممكن اسم الدولة لو تكرمت ؟ :)

البحرين

[العلم الوكاد]

ما اعلمه انها خدمة مجانية في جمبع دول العالم

والانتظار الان امر اصبح مستفز لكل متصل

فمابالك لو طبقوا رسوم عليه

وهو امر مستحيل

يعني لما كان كل الضغط على كيوتل كانوا يردون الان

وقد اصبح فيه منافسة شكلهم ياسوا

بصرااااحة فترة الانتظار طويلة

[م. عبدالعزيز]

ممكن اسم الدولة لو تكرمت ؟ :)
اللي اعرفه الامارات والسعوديه عندهم دليل الهاتف غير مجاني