ضوابط تزيين السيارات في اليوم الوطني

[مسباح عاج]

السلام عليكم ورحمة الله وبركاته ،،

صرح مدير إدارة العلاقات العامة بوزارة الداخلية في رد كتابي تلي صباح يوم الثلاثاء 8/12/2009 في برنامج وطني الحبيب صباح الخير ، بشأن ضوابط وارشادات ادارة المرور حول تزيين السيارات في اليوم الوطني ، وأورد النقطتين التاليتين :

1- عدم تغطية لوحات المركبات ، أو إجراء تغيير في لونها .

2- عدم تظليل الزجاج الخلفي للمركبات .

وكان بودنا لو أسهب التصريح أكثر في شرح الضوابط والقواعد المطلوبة ، حيث أن الحديث هذه الأيام حول منع تزيين السيارات بالملصقات والأعلام والشعارات سواء على زجاج أو جسم السيارة ، نريد من الجهة المنختصة توضيحاً اكثر بشأن ذلك ، ويا حبذا لو سمح بتزيين السيارات بالملصقات والاعلام مع مراعاة قواعد السلامة المرورية المتبعة.


وكل عام وأنتم بخير

[قناص الخليج]

كل عام وقطر بالف خير

وعاد عيدج يابلادي

[نفسي عزيزه]

كل عام وقطر بألف خيرررررر

[شموع قطريه]

عاد ليش مايخلونهم يزينون سياراتهم بالعكس السيارات اشحلاتها بصور العلم القطري وبصور اميرنا بومشعل مافيها شي اذا حطوا هالصور لاهي عيب ولا حرام دام انها صور وطنيه .. ماشفتوا الامارات مسويين مسابقه لاجمل سياره لليوم الوطني مزينه واللي فاز عطوه 100 الف واختاروا عشرة فائزين كل واحد خذ له جائزه ماليه كبيره

[ممنوع اللمس]

كالعاده مسيره يوم واحد وذل والساعه 1والا 2 سكرو كل الطرق وشتتوالمسيره ما يبون حد يستانس
زينت سيارتي وطلبوها مره قالو تغير مظهر السياره خخخ 3.000 مخالفه وحجز
يالربع حاسبو تسوون شي كل واحد ياخذ له علم 4 سنتي بـ 7 سنتي ويلبس الحزام ولحد يشغل الاغاني نبي انضباط الله يخليكم... خخخخ

[اِقطري]

السلام عليكم ورحمة الله وبركاته ،،

صرح مدير إدارة العلاقات العامة بوزارة الداخلية في رد كتابي تلي صباح يوم الثلاثاء 8/12/2009 في برنامج وطني الحبيب صباح الخير ، بشأن ضوابط وارشادات ادارة المرور حول تزيين السيارات في اليوم الوطني ، وأورد النقطتين التاليتين :

1- عدم تغطية لوحات المركبات ، أو إجراء تغيير في لونها .

2- عدم تظليل الزجاج الخلفي للمركبات .

وكان بودنا لو أسهب التصريح أكثر في شرح الضوابط والقواعد المطلوبة ، حيث أن الحديث هذه الأيام حول منع تزيين السيارات بالملصقات والأعلام والشعارات سواء على زجاج أو جسم السيارة ، نريد من الجهة المنختصة توضيحاً اكثر بشأن ذلك ، ويا حبذا لو سمح بتزيين السيارات بالملصقات والاعلام مع مراعاة قواعد السلامة المرورية المتبعة.


وكل عام وأنتم بخير

يلا احنا جاهزين وناطرين اليوم وكل عام وبلادي قطر بخير يعطيك العافية

[كلاسيك قطر]

يعني يالغالي اتركب لزقات ع الموتر عادي بس لوحات و الزجاج الخلفي مخالفه صح

[كلاسيك قطر]

انزين شباب اذا هدرز فلتر مسموح

[وطن]

انزين شباب اذا هدرز فلتر مسموح

:eek5:

[كلاسيك قطر]

وطن
اشفيك مستغرب

[حليتان*]

ههه
الله يهديك


هدرز وفلتر بعد كملها كامات وخلص

[الـقـاسـي]

كالعاده لازم ينشبون ويخربون علينا الفرحه

[$$كلنا قطر$$]

الكرنيش بيتسكر على ما سمعت ومسوين درق يوم العيد الوطني في سيلين
جنهم يقولون ما نبي الشباب يحضرون

[theeb_qatar]

ألسلام عليكم

الزجاج الخلفي فقط ...

خلاص انا بحط ع الزجاج الامامي ... وبنشوف يوقفـونا ولا لاء ..


:nice:

[fa6ma]

الكرنيش بيتسكر على ما سمعت ومسوين درق يوم العيد الوطني في سيلين
جنهم يقولون ما نبي الشباب يحضرون



اي الكرنيش يتسكر الصبح ويفتحونه بالليل اظن نفس العام

وبخصوص الدراق روحوا لاااتخلون بخاطركم خل تفظا الشوارع شوي :nice:

بس ماظن بتفظا حشرت اهل قطر :victory:ولا حشرت الاجانب :rolleyes2:

[Night KNight]

الكرنيش بيتسكر على ما سمعت ومسوين درق يوم العيد الوطني في سيلين
جنهم يقولون ما نبي الشباب يحضرون

مادري ليش ناشبين لنا
والله الواحد يمشي في حاله
يطلعون فيه 100 عيب
لو اخذ موتر الوالد بعد بيطلبونه بيقولون مخالف
والله حرام عليهم

[CR9]

اليوم ماقصرو لخويا فالعزيزيه ماخلو موتر مضبط ماعفسووه بمعنه كل من ضبط موتره خلوه يشيل المخفي الي فيه صوور الاحتفال اليوم الوطني وفوق هذا مخالفه 500 ريال , ياجماعة الخير فهموني شالهدف من التحكير للشباب شالي بيضر لو خلوو الشباب يزينون مواترهم !!

زين على كلام الخرجي ان المخفي الي ورى ممنوع ماقال مخفي العبري ممنوع ! زين ليش خلوونا نشيل مخفي العبري !! وقلنا للعسكري ان الخرجي تكلم وقال كيت كيت رد علينا العسكري قال اسمع ياتشيل المخفي والزينه ومخفاله 500 ولا احجز الموتر ! هذا منطق ياجماعه ؟!

تعبت وانا اضبط موتري وفالنهايه يقولي شيل ولا احجز موترك ! بلا مسيره بلا بطيخ الي يبي يحتفل باليوم الوطني يعلق علم قطر على بيته بس حاسبو يكبسون عليكم البلديه ويغرمونكم :)

تصصصير :secret:

[RJ83]

تخلف !!!!!!!!!!

[SomeOne]

تخلف !!!!!!!!!!

ههههههههههه شكلك ضايع في الطوشة :rolleyes2:

[مستجدة]

حرام يشلونها كافيه نص شهر وكل واحد يالله مدبر من يمين ويسار حتى يفرح ويفرح الناس معه
تالي يشلونها ويغرمونهم اغلبهم شباب اصغار وفرحانين في هالمناسبه
شفنا احتفلات الامارات عاملين اشياء نحن الكبار استانسنا من شفناها
كلها الا يوم واحد لاتحكرون لشباب وتخسرونهم حرام