المساعد الشخصي الرقمي

مشاهدة النسخة كاملة : تعشقين اللي يهينك أو يوريكي الأذيه & ومن وفالك تكرهينه باغضه صدق النوايا......


بوحارب
10-12-2009, 12:55 AM
ذوق الحقيقه وافهميني فارقي يا آدميه
خلي بوجهك حيا وارجوك حلي عن سمايا

انتهى عصر الغرام بقيس وليلى العامرية
وابتدى وقت الخيانه وانت وامثلك ضحايا

الليالي علمتني والسلوم الحمبلية
مثلك ضعيفة عقل وعقل مثلي به مزايا

ناقصة دين وفهامه ميته والناس حيه
ضايعه باول حياتك وانتهيتي بالبدايه

التكبر من صفاتك والطباع النرجسية
والسذاجه والغرور وهمك الأكبر مرايه

تعشقين اللي يهينك أو يوريكي الأذيه
ومن وفالك تكرهينه باغضه صدق النوايا

ما تعرفين المحبه خاينه مانتي وفيه
وان وفيتي كاذبه وربي اعلم بالخفايا

اعترفلك من عرفتك ما عشقتك يا غبية
كيف احبك واعشقك وانتي كذا كلك خطايا

اعرفيني قبل اعرفك شايف هالاشكال ميه
لاكني ما تأثر في حسن بعض الصبايا

اعذريني عن غرامك واتركيني يا بنية
واسمحيلي ما تشرف انك تكوني هوايا

ما اخون ان كان خنتي شامخ ونفسي زهيه
استري نفسك وروحي واكتفي هذا كفايه

اذبحيني واحرقي قلباً رفض طعنةخويه
وادفنيني بالحيا ارحم ولا يضهر ردايا

شاعراً واجهل مصيري واعرف الدنيا رديه
ذوق نصفي ذوق كلي لمي آهاتي معايا

واش تبين اخذي وردي باقي جروحي عليا
واتركيني للرحيل اجمع شتاتي مع عنايا

ذوق جرحي ذوق حزني ذوق همي والخطيه
ذوق الذنوب وذوق ابطال الروايه

ذوق دمي والطعون وذوق كبدي في اديا
ذوق موتي والحياة اللي تفنن في بكايا


جزء من قصيدة طويلة :victory:
سداوي&مدريدي
10-12-2009, 01:27 AM
:eek3:
بوحارب
10-12-2009, 05:34 PM
:eek3:

خلاص خلاص لاتصيح :weeping:
هتـان قطر
10-12-2009, 05:46 PM
يعطيك العافية يابوحارب

سمعتها من قبل ..هل هي لحامد زيد والا لمن بالضبط؟؟

ياليت تذكر لنا الشاعر يابوحارب
بوحارب
10-12-2009, 05:58 PM
يعطيك العافية يابوحارب

سمعتها من قبل ..هل هي لحامد زيد والا لمن بالضبط؟؟

ياليت تذكر لنا الشاعر يابوحارب

مرحبا اختي هتان

والله علمي علمج اختي ولو اعرف من كاتبها كان ذكرته :(..

ربي يعافيج ولاهنتي على المرور الرائع:)
المغروره
10-12-2009, 08:25 PM
محد يستاهل الحب الكل يكذب فيه محد يوفي
احب الله ورسوله ابرك لي من حب الايااام الي الله يكفينا شره
تحياتي
The MooN
10-12-2009, 08:44 PM
ذوق قلبي يابس والضلوع المنحنية
ذوق صمتي فيه صوتي ذوق شوفي مع عمايا

ذوق دربي من سريته والليالي سرمدية
ذوق ناراً تشتعل وسط جوفي بالحنايا

ذوق شعري يعترفلك بالحروف الابجدية
من مشيت العمر ادري من نهايه في نهايه

حاتميه هاليالي في عذابي حاتمية الف خنجر وسط صدري وألف رمح في قفايا

لا تغرك ضحكتي في ذمتي هم وأسيه
أضحك قبال البشر والنار تاكل في حشايا

سود الله وجه حظي بالشقى مافيه زيه
وسود الله وجهك انتي يوم زدتي في شقايا

:) يعطيك العافية يا أبضاي :)
بوعلي2
10-12-2009, 09:57 PM
ترَى بعَض الودآع أجمل ! ، من هروب آلحبيب الليْ
، ، ، { ترك لَه نآس موجوعه } ~



اهداء لك :shy:

ياحبي ومستقبل غيري :shy:

روووووح خل غير البشر ينفعك :weeping:
بوحارب
11-12-2009, 05:50 AM
محد يستاهل الحب الكل يكذب فيه محد يوفي
احب الله ورسوله ابرك لي من حب الايااام الي الله يكفينا شره
تحياتي
اتفق معاج في اللي قلتية ولكن اختلف معاج في كلمة ( الكل ):)

صحيح كثير من الشباب يعيشون دور الفتى الرومنسي او بعض البنات اللي تسوي نفسها رومنسية وهي ماتعرف شي عن الرومنسية - الله يعينهم -:)

ومافيه احلى واسمى من حب الله ورسولة ( الله يرزقنا يارب )

مشكورة على المرور يالمغرورهـ


ذوق قلبي يابس والضلوع المنحنية
ذوق صمتي فيه صوتي ذوق شوفي مع عمايا

ذوق دربي من سريته والليالي سرمدية
ذوق ناراً تشتعل وسط جوفي بالحنايا

ذوق شعري يعترفلك بالحروف الابجدية
من مشيت العمر ادري من نهايه في نهايه

حاتميه هاليالي في عذابي حاتمية الف خنجر وسط صدري وألف رمح في قفايا

لا تغرك ضحكتي في ذمتي هم وأسيه
أضحك قبال البشر والنار تاكل في حشايا

سود الله وجه حظي بالشقى مافيه زيه
وسود الله وجهك انتي يوم زدتي في شقايا

:) يعطيك العافية يا أبضاي :)
تسلمين على الأضافة الحلوة

صح بدنج اختي القمر :)


ترَى بعَض الودآع أجمل ! ، من هروب آلحبيب الليْ
، ، ، { ترك لَه نآس موجوعه } ~



اهداء لك :shy:

ياحبي ومستقبل غيري :shy:

روووووح خل غير البشر ينفعك :weeping:

لحووول ياخي كم مرة اقولك لاتسوي نفسك مغرم فيني :(

تراني من النوع اللي يتأثر بسرعة :)

اشكرك على الأهداء وعلى الأهداء اللي طرشتة على الرسائل الفورية :victory: